Simplylife Bakery Cafe (Closed)

Great steak, ambience, and food presentation. Shame about the very rude and impolite service from all of the wait staff.

年初三去元朗拜年，食左2日糕同中餐，真係要享受下西餐😂😂見到呢間環境幾好，所以就去試試，雖然有十幾人等緊位，但大約15分鐘就有位唔知係咪因為新年關係，今日得Brunch Set, 但都好多選擇，每款都係百幾蚊，我地揀左1個煙肉芝士Burger 餐同1個All Day Breakfast 餐，另加一個跟餐沙律 同 2杯熱咖啡原先以為跟餐沙律冇特別，但估唔到好有驚喜，有少少柚子味，酸酸地好fresh, 之後既Burger, 除左覺得唔夠Juicy外，味道同份量都有75分，到All day都好豐富，但唔知係咪啲蛋好貴呢，真係得少少，令到成碟美感同份量因為堆蛋而下降，不過味道都係ok既到最後，好多人都飲跟餐果茶，但我地因為咁岩坐係水吧隔離，見到沖出黎既咖啡好吸睛，所以我地都加錢order， 嘩，有拉花，仲要咖啡底濃，真係好味每到成餐飯分數提升不少，而且每人百幾蚊，仲想要求咩？題外話 :呢到冇話限時，所以食得同坐得好自在

唔知係所有Simplylife都係咁定淨係元朗呢間係咁，不論經理定侍應都全程黑面，問佢地野又唔想答，舉手又扮睇唔到，成日迴避顧客嘅眼神，完全唔helpful！講真呢間Simplylife嘅位置唔錯，室外望住一大堆樹木，有輕鬆悠閒感覺，但就被員工搞到無晒心情。講返食物，呢個係午餐，包湯或沙律、主菜同飲品，湯係南瓜湯，南瓜味濃，不錯的，主菜叫了eggs royale，水波蛋好靚，一切開蛋汁流晒出嚟，伴碟的蕃茄比較燶，問侍應可唔可以換佢話全部都係咁，問可唔可以轉生嘅都唔可以，唯有只食少少啦，果茶就普通啦，都係平時咁淡淡的。其實佢地食物都ok，但服務真係有待改善！

食左幾次喇，今次係大年初四接近3點去食，叫左2個set，唔知係咪大年初四唔夠人手，點餐45分鐘先上菜。其中一個set有點湯，等左40分鐘，其中一個主菜冬蔭xx飯黎先，但個湯都未到.... 催左2次先到，隨附個包仲係凍既。另外叫左個set係omelet，因為食素關係，叫左走Ham，點餐計起45分鐘，個餐終於都到！食左3啖覺得唔對路，乜切黎切去都係蛋既？決定成份上下切開，睇下中間係咪無涵？點知真係得2粒蘑菇，同埋車打芝士，芝士份量足既，但蘑菇得2粒真係接受唔到囉...經理見狀就話omelet個餐唔收我錢，但其實唔係錢既問題...餐飲叫左杯咖啡，淡到同水無分別，飲左半杯都無就放棄喇，真係無下次....

一族人早已吃過團年飯 , 所以年三十晚 , 一家五口就可以輕輕鬆鬆找點吃 , 隨心就 OK 了 ~人在 元朗 , 我們就走去 元朗 - 形點一期 的Simplylife Bakery Cafe ~Menu ~ 不可或缺的 Bread and Butter ~ 餐湯 : 當晚的餐湯是什菌湯 , 菇菌味道香濃 , 稀杰度適中 , 調味得宜 , 算是不錯喝的 ~ 燒美國安格斯肉眼扒 (10 oz) 鼠尾草炸薯條、燒蘆筍、伯納西醬汁 $ 208 : 牛扒烤得火喉恰到好處 , 我點的熟度是 medium rare , 廚師都掌握得到了 , 牛扒的肉質香濃軟嫩 , 跟那個伯納西醬汁是很匹配的 ; 鼠尾草炸薯條、燒蘆筍 , 也不是等閑的貨色 , 整體來說算是相當不錯 ~ 來到Simplylife Bakery cafe, 當然少不了要喝一杯冰茶 , 當天的冰茶是 柚子冰茶 , 喝過之後就是透心涼 ~本篇完 ~

好難食，不會再光顧。第一次食芝士burger,已經很勉強，冰茶也很一般。第二次食果個乜鬼芝士磨菇奄列，賣相其差，也不好吃，仲差過我自己煮。老公也不喜歡果個乜乜french toast，最後我地交換吃。BTW, coffee is fine.

同朋友喺有yoho mall行完街，就喺個商場搵嘢食。行咗一個圈都冇乜心水，就求其入去呢間西餐度一試。環境都比較靜，餐廳內同外都有位置，我哋坐咗喺餐廳外面。晚餐嘅選擇比較少，我哋就揀咗一個all day breakfast 同一個牛肉碎扁粉。個all day breakfast嘅份量一般，啲煙肉煎得好硬，完全冇晒水份，乾得滯。其他都係普通野，完全冇特別。菜單上寫嘅係黑松露紅酒牛肉碎扁粉，但食落真係完全唔覺得有啲咩特別。而且個粉仲要係凍嘅，食咗兩啖已經唔想食。由於我哋坐喺餐廳出面，要叫一個侍應都要叫好耐先有人嚟，食物質素同服務都好一般，但係價錢就貴。

元旦日無聊入元朗閒逛yoho mall, 呢個商場幾舒服亦啱晒帶埋小朋友來，值得一讚既係育嬰室設備齊全空間充足，有暖奶器，熱水機，溫暖濕紙巾機，換片床等，仲要係有幾個育嬰室提供，唔駛等咁耐或者周圍搵其他育嬰室，行到累就去左Simplylife dinner, 叫左兩個set dinner一個係芝士煙肉牛肉漢堡，一個雜菌雞肉闊條麵牛肉漢堡好厚肉多汁勁juicy, 每次食都keep到水準雜菌雞肉闊麵雞肉較鞋醬汁係用雜菌打磨製成好香菇菌味但就不夠調味所以較淡

不知媽媽說了多少遍，說Simplylife的水果冰茶相當好喝，而我竟然一次都未喝過~ 這天媽媽提議到這裡吃Tea，平日下午茶劃一收費$45再加一，這價位實在吸引得很. 她還說比沙田店平多了~ 水果冰茶 內裡有半個西柚的水果冰茶，味道酸酸甜甜，真的幾好喝~ 車打芝士煙肉牛肉漢堡配香辣薯條 ($45) 麵包烘得很香脆，煙肉香脆且肥脂不多，牛肉仍有肉汁，不會太乾，加上鹹香芝士，惹味好吃. 至於香辣薯條，也是即炸的，熱辣香脆，吃過這份下午茶，晚餐吃不下飯了! Yoho Mall分店平日客人不多，坐得幾舒適，而且店員問我們想坐近電梯口還是店內，一向自閉的我當然選擇後者，哈哈! 元朗元龍街9號形點一期地下G009號舖 22523266

行完街食個飯，點知...個樣品錯，但難食！係堅難食！原來靚既外表已讀導出左唔好食食到一半忍唔住補返張相，以表本人食評真確性。煙肉全乾，但唔係薯片咁脆，係變左硬，义吉唔入，但硬到牙唔舒服。牛肉鬆散，無牛肉味。而最簡單既麵包呢？睇相都見到燒焦既邊，有苦味。餐牌寫138蚊，未計服務貴。麥既都好食過佢！服務方面沒有特別差也沒有特別好既服務，例如：侍應不會主動加水

周末晚飯本身同老婆到Yoho 諗住食Outback, 但要等太多張枱，於是搵其他，見Simply Life 即刻有位，咪諗住試試，以往都有喺其他地方食過，印象都ok，點知開展貼錢買難受既一餐飯。------------------首先帶你坐低既一位小姐已經態度好一般，歡迎都無聲，ok 無所謂，我都唔係吹毛求疵。坐低隔左好耐都無人攞水同menu 過黎，但餐廳本身有一半吉枱，人客不多，等左10分鐘決定舉手問。-----------------Order 食物後，我見半個鐘都未到，咪舉手問下會唔會漏單，完全無催既成份，有位高級dd既男士路過回應: 幫你睇睇。如是者等多10分鐘都無人答我，我又再舉手，呢個時候位男士先答我: 做緊嫁喇，等多陣啦(我感受到既態度仲衰過茶餐廳伙記)，我再問佢: 其實係咪漏左單？ 佢黑面回應: 無呀，我點咪落左單囉。為免多事，咁我就答話唔該哂。但你都識講8點已經落左，而家已經8:45，人又唔係多，我好聲好氣問，好似欠佢咁。----------------食物再隔10分鐘到，我叫左塊10oz扒，加個意粉，質素一般，但差過Outback, 不消15分鐘食完已經想盡快走，去

同事調職請食餅，可能成日比我想試新野！佢好好咁買咗呢間較貴價嘅西餐廳嘅蛋榚😍啡紙盒包裝盒好簡潔！蛋糕🍰款式好多，真係花多眼亂！有長條同三角！造型賣相靚！竹炭綠茶蛋榚：賣相好精緻，黑撞綠比較少見，加啲水珠滴滴嘅裝飾，口味應該係日式嘅！睇落似宇治抹茶紅豆加竹炭，食落就比較失望，綠茶唔突出，綠色忌廉凝固了比較膩，又無茶味嘅甘去平衡！竹炭蛋糕鬆軟，但無乜特別嘅味道！紅豆唔多味道唔突出，整體一般！因為有多，所以我試到多兩款：Chocolate orange Jaffa Tart:特濃朱古力撻，賣相貴氣，朱古力慕絲挺身，味道微甘香濃！橙味好香，有橙皮嘅甘，香味濃！撻底牛油味濃！好味Blueberry Hazelnut Napoleon:長條型，可能隔耐咗，拿破崙淋咗唔鬆脆，榛子忌廉都凝固了，藍莓唔多，味道酸甜！一般！試到新餅店好開心！

星期六 七點半 見到佢仲有好多位（食完之後終於明白點解黃金時段都有咁多吉位），食物方面與其他分店水準差不多，點了肉眼+雞肉漢堡，肉眼熟度與我們要求的一致，medium漢堡都唔錯。好喇 戲肉黎喇，首先，本人不太喜歡simply life 的面包，於是叫waiter比一片我們就得喇，唔想浪費跟住佢問我要硬定軟既包，下？有得揀咁好？我就話軟喇之後另一位waiter上面包，佢比左兩片，而唔係我要求既一片，都算喇，跟住佢用警告我既口吻同我地講：下次如果係繁忙時間就唔可以咁叫！下？咩事？我只要求比一片面包，而軟/硬係你地問我，我本身無要求姐係話繁忙時間就由啲面包浪費？我即刻同佢講，我地只係唔想浪費！之後佢話軟既面包供應比較少下？又係你地問我軟/硬既你供應少咁又唔照我要求比一片？而係比兩片？自己出錯都唔知，仲賴落客人身上！未完，食扒就梗會比支介辣，我攞支「介辣」一唧嘩！白色既？試一試，原來係cream黎！搞錯！之後叫佢換，個waiter一啲歉意都無！黑面攞走支cream光速消失！當然喇，埋單就梗係例牌一句多謝都無！呢啲咁既服務，真係浪費左塊煎得唔錯既扒！浪費廚師既努力！

After watching with family on weekend, we decided to go this restaurant having our dinner. Actually it's not the first time we having meal in this restaurant, since it is actually a nice place to chill and with good food, fair price as well. As usual we ordered few dinner set to share together. And I love the avocado burger most as the sauce made with avocado is so fresh, which I will try again next time 👍🏻👍🏻

星期日放假同男朋友一齊放假訓到中午先起身，訓醒肚餓就去左屋企附近既形點搵野食最後同男朋友決定食Simplylife，因為下午陽光照入黎好靚呀我叫左個牛扒三文治，牛扒係薄牛扒，牛味好濃，煎蛋都好香不過個沙律菜好重草腥味，我唔太鐘意男朋友叫左呢個pizza，超好食啊超多芝士，新鮮蘑菇好好食，我都忍唔住食左兩件放假唔想出遠門既話Simplylife都係一個好選擇，野食好味，仲有室外既座位，而家既天氣坐好舒服