Video
Read full review
2024-05-22
3052 views
同太太路過紅磡加太賀附近，又唔係好想食日本嘢，突然記起有朋友介紹附近有間新開張幾個月嘅打邊爐，即刻去試吓店舖位置唔難搵嘅，就喺加太賀街行入去，入到店舖，見到新裝修，地方乾淨，大細枱大約有10張，枱同枱中間有屏風相隔，所以雖然唔係房間但都有一定嘅私隱度。坐低望望本Menu，設計到成本雜誌咁，食材同一般火鍋店相近，問問侍應有咩好推介？ 佢就介紹咗三樣嘢： 1）牛魔王拼盤 2）三色滑（蝦滑、墨魚滑、墨魚+蝦鴛鴦滑） 3）小食冰火脆魷魚。 好，就叫呢三樣，湯底就嚟一個鴛鴦鍋：沙嗲湯底配潮州湯底。揀潮州湯底，係因為未喺其他火鍋舖試過，就睇吓你有幾新奇。再嚟多咋陳皮檸檬汁飲吓先。首先飲品同小食魷魚先上枱有陳皮香味的檸檬汁，有開胃嘅功效冰火脆魷魚，最令我驚喜，魷魚新鮮脆口，冰在代表係冷盤，火代表醬汁有少許辣味，嗰種辣味就係我哋兒時車仔麵嗰種味道👍👍👍超正👍👍👍鴛鴦鍋湯底，同牛魔王拼盤一齊上枱沙嗲湯底，味道濃郁，入邊有芽菜同豆卜，可以吸晒沙嗲味潮州湯底，紫菜喺面蔥喺底，啲紫菜多到你唔信，味道就較清鴛鴦鍋一邊清一邊濃，是常識吧😂😂😂牛魔王拼盤：有牛柳粒，牛頸脊，牛脷，牛骨髓，牛心椗，牛柏葉同黑柏葉，全部
店舖位置唔難搵嘅，就喺加太賀街行入去，入到店舖，見到新裝修，地方乾淨，大細枱大約有10張，枱同枱中間有屏風相隔，所以雖然唔係房間但都有一定嘅私隱度。
坐低望望本Menu，設計到成本雜誌咁，食材同一般火鍋店相近，問問侍應有咩好推介？ 佢就介紹咗三樣嘢： 1）牛魔王拼盤 2）三色滑（蝦滑、墨魚滑、墨魚+蝦鴛鴦滑） 3）小食冰火脆魷魚。 好，就叫呢三樣，湯底就嚟一個鴛鴦鍋：沙嗲湯底配潮州湯底。揀潮州湯底，係因為未喺其他火鍋舖試過，就睇吓你有幾新奇。再嚟多咋陳皮檸檬汁飲吓先。
首先飲品同小食魷魚先上枱
有陳皮香味的檸檬汁，有開胃嘅功效
陳皮檸檬汁
330 views
1 likes
0 comments
冰火脆魷魚，最令我驚喜，魷魚新鮮脆口，冰在代表係冷盤，火代表醬汁有少許辣味，嗰種辣味就係我哋兒時車仔麵嗰種味道👍👍👍超正👍👍👍
冰火脆魷魚🦑（小食）
434 views
0 likes
0 comments
鴛鴦鍋湯底，同牛魔王拼盤一齊上枱
沙嗲湯底，味道濃郁，入邊有芽菜同豆卜，可以吸晒沙嗲味
潮州湯底，紫菜喺面蔥喺底，啲紫菜多到你唔信，味道就較清
鴛鴦鍋一邊清一邊濃，是常識吧😂😂😂
沙嗲湯底拼潮州湯底
429 views
2 likes
0 comments
牛魔王拼盤：有牛柳粒，牛頸脊，牛脷，牛骨髓，牛心椗，牛柏葉同黑柏葉，全部都好新鮮
牛魔王拼盤
565 views
1 likes
0 comments
最後唔可以唔講個三色滑，店家話自家制，落湯滾起，熱辣辣放落口，非常彈牙，好食到癲．大大力推介
三色滑
460 views
0 likes
0 comments
返食指數：一定返食，價錢嚟講唔算平，人頭$400左右，以食物質數嚟講，物有所值👍👍👍
臨走先知原來店內有一個小舞台，有卡拉OK， 9:30後客人可即興上台唱歌😂😂😂😂
Post
