星林居酸辣米線餐廳

Open Now

Now Closed

香港人好鐘意食米線，開到成街都係，提到米線好多人都會即刻諗起譚仔，其實早於十幾年前尖沙咀星林居已經有米線食啦！星林居響我讀書嗰陣已經食過，宜家通常叫外賣直送多，所以今次趁着中午時間順路就上去食啦！樓梯上三層樓先會到星林居，可以練下腳骨力，仲可以見到大大張「香港米線一哥」貼響門口，當年米線衝出國際應該第一人，係幾威水既。因為今日落雨，店員都會溫馨提醒將雨傘放響門口。😋佢嘅酸辣湯底一定要揀小小辣或以上，因為會有肉碎連埋一齊上😋自選菜單分類清晰，有好多款選擇，出面少有既豬軟骨佢地都有，仲係用鉛筆圈上自己揀既野食，好懷舊，而店員很快就過來落單。🍜筆者揀左小鍋米線，湯底小小辣小酸，墨魚丸，牛𦟌，唐生菜🥬，店家將菜同湯麵分開上，唔會浸淋曬d菜。湯底小辣有肉碎跟埋，唔會好辣，小小酸好開胃，湯底惹味，酸辣適中，米線偏淋身，但份量巨多！同以前食既味道都係無變。餸菜自選，每款$6-$15都有，鐘意揀咩就揀咩啦。飲品menu上的簡寫特別😂點解可口可樂會用「6」表示呢？「SOS」原來係咸檸梳打😂筆者飲「COW」，其實係凍檸水😂，砌左半個檸檬🍋落去，算係足料。🕐稍微等耐少少先有野食，可能剛巧午膳時間吧，店內愈來

我第一次嚟，發現原來呢間米線店好近地鐵站，一出地面向前望就見到此店的廣告燈牌。朋友比我叻，找到電梯上去，我傻傻哋行咗3層樓梯上去，就當運動下先食飯啦🤣 不過有樣嘢行樓梯先會知道，就係呢度嘅廚師曾經攞過明火食神爭霸戰全場總冠軍，稱之爲米線一哥！咁真係要試吓啦😮望住張點餐紙，花多眼亂，我嘅選擇困難症出現，左諗右諗咗10分鐘，終於可以點餐啦～🍜 小鍋米線配豬紅、腐皮角和豬軟骨，走辣，普通酸，芽菜，韭菜，多芫荽 (HK$63)．我覺得普通酸嘅湯底很特別，越食會越想食．米線爽滑彈牙，份量真係好多！．豬紅，大大粒，飽滿，爽滑口感．豬軟骨，大大舊，豬肉軟身入晒味，鹹鹹甜甜好惹味．腐皮角，好奇點來食，原來係多層方形腐皮夾埋一齊煎之後放湯食，厚實而重豆腐的口感，幾好味喎！😋🍜 小鍋米線配腐竹和魚皮餃，中大辣，普通酸，芽菜，韭菜，多芫荽，少米線 (HK$48)．朋友話好好食，除咗點的腐竹和魚皮餃之外，碗裡真係好多配料．腐竹好多，魚皮餃個皮好彈牙，餡多．中大辣也不算好辣，下次可以再叫辣啲．普通酸也酸得好好味BTW，米線配汽水好夾㗎喎，HK$10一罐，不過記得寫上餐牌上的個別飲品標記，例如coke zero

喜歡食米線既朋友 一定會聽過星林居呢個名主打的酸辣米線🏆🎖️🏅曾屢獲殊出名程度吸引不少韓國餐客慕名而來😳以前既水準真係無得輸 💕 要酸有酸 要辣有辣相隔幾年再去一試 結果不似預期😮‍💨明火小鍋米線 𝖧𝖪𝖣𝟥𝟧👧🏽 要左小辣湯底好明顯已經無以前咁香濃 酸味就十足辣度就完全食唔出～🙃 配菜依然份量十足🥕白蘿蔔 $𝟣𝟢 超大舊煮唔腍 同埋有少少渣🍖雞中翼 $𝟣𝟢 浸到好入味 入口肉同骨自動分離🐟魚皮餃 $𝟩 雪藏貨👦🏻一樣要左小辣對於食開譚仔小辣既當然毫無辣味可言唔係好食酸既 就會覺得酸味偏重至於平時填多芫荽 今次都無堆到山咁高🥩 牛𦟌 $𝟣𝟧 好大件 煮到好腍 但無咩味🐽豬腩肉 $𝟣𝟢 肥美既🥠油面筋 $𝟩有咬口 吸哂啲湯汁以湯底揚名既 的確比以前遜色左～😅但依然仲有不少韓國旅客捧場環境裝修十年如一日 整潔度可以再提升👦🏻話有得揀 會食返屯門雲川𝖳𝖺𝗌𝗍𝖾 ♥︎♥︎♥︎♡♡𝖲𝖾𝗋𝗏𝗂𝖼𝖾 ♥︎♥︎♥︎♡♡𝖣𝖾𝖼𝗈𝗋 ♥︎♥︎♥︎♡♡𝖧𝗒𝗀𝗂𝖾𝗇 ♥︎♥︎♥︎♡♡𝖢 / 𝖯 ♥︎♥︎♥︎♡♡

喺尖沙咀行街行到好攰，諗唔到食乜就係眼前見到大大個招牌寫住有米線食，上網見到啲人話稱得上係第一好味米線，即刻上樓試下。餐廳好有地道嘅感覺，地方都幾大，自己點鍾意食啲乜，用張紙寫低野就可以，野都唔使講句。我已經點咗少米線，但係碗米線依然超級大碗，係滿瀉既狀態，太誇張啦吧。最愛見到一堆芫茜，正！小窩米線特色係本身已有基本配料，例如芽菜肉碎等，好香！我叫咗四個餸，蘿蔔豬潤，蟹籽丸同埋雞翼。特別想講下蘿蔔好甜同超大舊，好味！另外要講必點雞翼，勁入味亦都好嫩滑，係超好味！湯底真係好濃郁，每一啖都真係好好味，而家食完唔會感覺滿口味精。辣度可以自選，一邊食米線再配埋杯檸樂，一絕爽呢，第一米線果然唔係浪得虛名。

作為遊客最愛既香港食肆，食米線食到咀刁既香港人當然都唔執輸。響旺角睇完波，就直接搭車黎尖沙咀食碗米線回下氣啦！😋🌟 明火小鍋米線 $76（配菜：豬軟骨、豬腩肉、豬紅、蘿蔔）［少少辣+普通酸］食米線最重要除咗係米線，湯底都係決定食唔食得晒嘅重點。個人認為，普通米線同好米線既分別，在於兩字：平衡！湯底濃而不膩，配菜各有風味，各有特色卻不互搶風頭。該店共有39款餸，要試曬都真係要返一頭幾個月。米線一黎到熱辣辣，即刻飲返啖頭啖湯先！個湯飲落濃郁，酸度辣度互有平衡，飲完一啖又一啖！最重要係飲落唔會太咸，唔會口渴。配菜黎講，本人最愛當然係豬軟骨。豬軟骨煮得岩岩好，肉質唔會太硬太老，軟骨亦唔會過曬火，食落肉軟、骨脆，值得一讚。而蘿蔔可以話係面類既測試菜式，一試就知龍與鳳！今次既蘿蔔不但本身清甜冇渣，而且吸收左湯底既精華更是入味。豬腩肉亦做到肥瘦均勻，唔會太厚難咬開。豬紅本身已經有味，配搭湯底既味道相當唔錯。涼拌米線 $52 （配菜：炸醬、雞中翼）［小小辣+普通酸］涼拌米線無曬肉碎，所以就自己加左炸醬😋米線我亦叫左煮淋d，將炸醬撈勻食、真係一流🥹🥹🥹好好食！雞翼$10後講有2隻都相當抵食，而且雞翼

中午同同事去咗尖沙嘴一間明火小鍋米線食lunch。第一碗碗米線配料有金菇菜、芝士腸、豬潤。我覺得呢個組合好新鮮，金菇菜爽脆，芝士腸嘅味道香濃，豬潤又滑又嫩。個湯底都好鮮甜，同埋好適合唔鹹唔淡嘅我呢個口味，由上湯、酸菜、芽菜、韭菜配搭而成。第二款米線配料有豬軟骨、牛展。豬軟骨嘅質地有啲彈牙，同埋牛展嘅肉質鮮嫩，食落去好滋味。個湯底亦都唔錯👍飲品係檸檬蜜。好醒神同埋唔會太甜，有啲微微嘅酸味，好消暑。我好鍾意今日嘅食物同埋飲品，明火小鍋米線真係好有創意，用咗唔同嘅配料，令人驚喜。如果大家鍾意呢食米線，就一定要嚟試試！

熟悉既味道，第一次食星林居講緊都十幾年前，當期時認識星林居既人一定多過譚仔，行過星林居一定唔會陌生既就係佢個大大張有幾抽獎牌獎杯既廚師威水照，米線衝出國際佢好似第一人。重臨星林居，地點非常就腳，金馬倫道地鐵站B出口，一出咗行前少少就見到，見到個燈牌寫住丁榪星林居就係，樓梯上3樓。沿樓梯上會見到好幾張威水照，原來韓國節目有訪問過佢poster有埋韓文，衝出國際。餐廳座位唔算多，可以自己搵位，枱頭有點餐紙，職員會留意你點完嘅時候主動埋嚟收張紙，態度不錯。一上菜好澎湃嘅米線，小窩米線$35，每樣菜$6-$15不等，想食豬紅可惜無，唯有嗌豬皮，豬皮份量好多，可以吸收晒米線嘅湯底都不錯㗎。仲有另外一樣必食嘅蘿蔔，大大件嘅蘿蔔，清甜無根，棱角被磨平既蘿蔔足以證明煲到好入味，非常之正。小窩湯底肉碎足料，食晒啲餸到最後都仲有肉碎送米線，米線偏淋身，以前都係咁㗎，以前嘅味道。食小鍋米線一定要配返杯凍飲，要飲檸檬茶，唔吝嗇嘅檸檬片，超過半個檸檬，茶底濃，甜到剛剛好，凍熱一樣價錢，絕配。餐廳仲一路播住懷舊嘅音樂，係我嘅年代，感恩佢一直都在，得閒都會來支持下，地點方便，價錢相宜，不錯。

記得以前尖沙咀返工 每次想食米線必定諗起星林居基本上個個星期都嚟食小鍋米線好鐘意呢度既酸辣湯底夠酸今日出開尖沙咀即管去懷緬一下一諗起星林居嘅酸辣米酸已經流口水明火小鍋米線(上湯，酸菜，芽菜，韭菜，小辣)雞中翼 $10 豬軟骨 $15 豬紅 $6 蘿蔔 $10魚腐 $7實在太多野想食 叫到好大碗一如既往 叫左小辣小鍋米線 湯底好濃郁滷水雞翼 豬軟骨 肉質軟熟 好入味 豬紅 蘿蔔都係必叫之選明火小窩米線 $35(上湯酸菜,芽菜,韭菜，小小辣)牛展 $15 紫菜 $6 雞翼尖 $6 油麥菜 $6朋友都大讚 滷水雞翼尖 牛展 都好入味 酸酸辣辣好開胃⭐️⭐️整體來説，店內裝修冇大變化，食物係吾錯，平日下午店內坐滿晒人，估吾到咁多年都keep到咁旺場

星期6夜晚7點坐低～等到8點食得～好味！唔係漏單喔～全場平均等30分鐘先有得食。一碗麵價錢～坐左個半鐘。。如果你係約咗朋友而想傾耐啲嘅話，呢度絕對係你嘅好地方～

食物基本上無乜問題，只係耐唔耐就錯下單咁，湯底味道水準不穩定，有時好食，有時又唔多掂，叫辣就唔比辣，要唔辣就死去比勁辣，成班都發緊夢，仲要唔比換，但最大問題係班行屍走肉嘅樓面，個個都好似智力有問題咁，眼神空洞，十問九唔應，我入咗去成二十幾分鐘都未點到餐，佢如果可以炒曬班樓面換過一班，咁基本上已經可以成為一間比較正常嘅食店,但偏偏係要走騎呢路線😡，總括呢講，響呢度食嘢難以搵到一種作為顧客及作為一個人類嘅尊嚴，對佢哋呢講同餵緊豬無分別，

好耐冇係尖沙咀收咁夜，尖沙咀勝在周圍都係人，咩都有得食，收工食個快飯就簡左星林居米線！♥️ 冬菇腩肉腐皮酸辣米線酸度、辣度任你選擇！中意食芽菜既我，仲要簡多芽菜，正呀！冬菇濃湯超入味，腩肉口感實在而嫩滑，渾上湯底辣得好正！腐皮簡直是米線拍檔，細嫩幼滑，完美填滿我的肚子。♥️ 蘿蔔豬紅豬大腸酸辣米線荽茜控！愛荽茜既你必定滿足，多荽茜。蘿蔔冧得好入味，咬落好軟熟、豬紅大大件而滑溜，份量挺多，豬大腸口感實在，沾上湯底，超正呀！♥️ 凍檸樂兩個都叫凍檸樂，一啖飲落去鋸哂！配酸辣湯底，簡直無得彈。

星林居係我每次到尖沙咀必食嘅米線，係心目中頭幾名不過服務態度差就出晒名，唔好抱期望會好聲好氣serve你🤣🤣裝修係偏懷舊風，連播緊嘅歌都相當有味道🤭當時聽緊羅文—激光中，有啲客人跟埋個beat一齊唱😂😂明火小鍋米線 配 紅腸 $35 + $6食米線我好睇重個湯底同麵質，佢個湯做到好出色，酸辣得嚟帶點甜味，好開胃！亦比咗唔少配菜，重口味之選😋至於呢度嘅餸認真麻麻地，份量又少，所以我都淨係揀左一樣餸，專食佢個小鍋米線～如果你都係好中意飲湯，食濃味米線，呢度好適合你👍🏻有其他追求嘅就去第間啦😂

尖沙嘴食咩都好貴，想搵間餐廳平平地食一餐都唔容易。今日小編就幫大家搵到一間平價米線舖，平平地食一餐之餘仲係韓星同款餐廳添😋😋🍲雲南小鍋米線米線好大一碗，湯底可以自選辣度同酸度，飲落都幾惹味，入面嘅肉碎增添咗湯底嘅鮮味🐷🐷米線都係可以自選軟硬度。小編加咗豬腩肉($10)，腩肉只係普通嘅邊爐豬肉片，冇提前滷水浸過，有啲失望。想用學生優惠嘅話要係落單前向職員出示學生證，攞學生優惠嘅點餐紙先可以享有優惠㗎！

食緊米線果陣，咬到紙皮叫佢地換，待應話係豬軟骨碎，我叫佢對下顏色都唔同，待應發脾氣堅持話係肉碎又黑面，好驚新果碗比人加料搞到食都食得唔安樂，食凈好多😖😖味道都差左好多，得個甜字唔酸唔辣以後唔會幫襯，我朋友之前食過之後肚痛，我都以為佢係咁啱姐，點知到我都係咁，諗住食一個懷舊嘅味道，搞成咁真係好失望！

今日有事去尖沙咀，趕時間諗住喺地鐵站附近揾間粉麵店，上OpenRice揾咗金馬倫道嘅星月居。中午時間12:45入座，當時餐廳未滿座，落單後半個鐘碗米線都未嚟，催完之後1:30先嚟，仲要侍應阿姐拎到嚟問我洗唔洗整番熱，我估應該岀咗碗米線但冇人拎嚟搞到凍咗。因為趕時間唯有直接食其實仲有杯飲品係到食完都冇嚟。。。米線味道普通，服務極差，隔離枱都一路催直情話唔等直接走。其實食米線都係想快靚正，冇諗過會食到一肚氣