星林居酸辣米線餐廳

Open Now

Now Closed

同朋友係尖沙咀睇完戲，見有d肚餓而時間都有少少🤏🏻夜，走去星林居食個宵夜米線，因為呢間餐廳都開得幾夜。叫咗個雲南過橋米線$65 ，份量都好大，湯，麵，餸，都分開裝。有雞中翼，豬腩肉，紅腸，腸仔，冬菇，蟹柳，腐竹同牛𦟌。酸度同辣度都可以係張點菜紙到揀，我揀咗走辣普通酸，另外芽菜，韮菜，蔥，米線既多少都可以自己揀，好方便又唔洗煩到落單伙計。米線幾滑身，又唔會煮得太腍，餸就普通料無咩特別，$65有呢個份量都好滿足。

呢一間係喺尖沙咀經過必食嘅米線雖然要搭電梯或者行樓梯上樓但我覺得食好嘢，真係要捐窿捐罅🤭次次都食一大碗，我好鍾意佢嘅湯底就係講一種令你好想食完再食嘅味道今次發現咗佢嘅座位旁邊仲有叉電線 非常人性化 啱晒行完街要坐下，手機又冇晒電嘅朋友上嚟充一充電，哈哈大家可以睇吓餐牌有啲咩好食相片可能影得唔係好 但係堅好食嘅👍

一出電梯，就被酸辣的味道吸引了😌😌酸辣度可以任君選擇，任何辣度酸度有不同程度讓客人選擇，可以自行選擇最適合的程度配合自己口味🫡 (我喜歡吃中辣+非常酸)份量十分足夠，放到滿一滿米線口感彈牙，十分爽滑超多配料，例如芽菜，肉碎，韭菜，芫荽

去左金輝大廈分店要答lift上3f覺得成個環境都有d陰森同污糟🫢不過今次食完就無肚屙嘅(好彩)✨明火小鍋米線✨ $35碗野感覺好混亂😅D野好似準備火山爆發咁D配菜多到我一路食一路睇怕食食下會見到昆蟲🙂🪱湯底叫左普通酸 其實都唔是話好酸🤣叫左小小辣就完全唔辣🌶湯底還可以但整體都覺得餐廳衛生唔太好所以心理作用我唔會再尼🧟‍♀️✨+豬軟骨✨ $15好巨型好夠🐽好彩唔硬煮得都腍同入味嘅👍🏻✨+蘿蔔✨ $10間中有渣好大舊建議可以切細少少先上枱😌✨凍奶茶✨ $16叫左小甜佢自動多奶左咁都ok 合格但$16唔值得再飲😂

連煮熱d 配料都做唔到。要我自己泡熱佢。我未試過咁難食既米線。我唔想浪費夾硬食曬。地方都好污糟。店內廣告多國語言，應該話好多努力做遊客生意。好多人整完容去食。一定唔會再去。

想起14年前，第一次食嘅星林居米線，一試難忘、直到而家間唔中都會特登去食、係真係會特登走去尖沙咀樂道食！但近呢一年食真係好失望、金馬倫道嗰間唔使講、達唔到好食嘅水平、服務更加差到爆炸、其實呢一年都已經覺得樂道差咗好多，直至琴日去食，簡直失望到爆炸，可以用難食形容，希望佢可以做返好啲，仲唔返以前十成都做返8成！服務唔使講，不嬲都麻麻哋嘅！以前就好食搭夠、理得佢好唔好服務、而家你請我去食，我都要諗諗先。

喜歡食米線的我，覺得個湯底幾好味，湯底帶點鮮味。酸辣度可以任君選擇，如果唔食得辣，揀少少辣都係一個唔錯的選擇，感覺不會太辣，少少辣以上才有肉碎，肉碎非常惹味。配菜好足料，肉碎、韭菜令到米線嘅口感提升，配埋熱辣辣的湯真係幾好味，食完會想再食。因為加配的餸份量好少，金菇好細”住”，蘿蔔細細嚿，不妨可以加多幾樣餸，食落去會滿足D。位置方便，樓下有大大個招牌，所以好易搵。餐廳環境多窗，光線足，感覺唔會侷促。不過衞生和服務真係一般。

星林居呢個名都聽左好耐⋯終於的起心干黎試一試⋯大概12:00⏱️⏱️⏱️⏱️左右黎食，店中只有2枱客人，我因為趕時間的關係所以快速點左幾個餸就等開餐啦由於客人唔多，所以上菜都快既，不過份量比想像中少左啲，食完有少少不足感（可能真係我太大食😆😆😆😆😆😆😆😆）雞翼有啲凍，如果熱一啲會更好，湯底酸辣合適我既口味，第一次食都覺得還好啦！不過下次如果有機會再食的話，會試一試其他更出品的配料🙈

10年前真係好好食..再去一次感覺已經唔同晒，個個侍應服務態度差都唔緊要，米線唔好食湯又唔好味，米線又少，個價錢又唔係平，仲要踩3層樓嘅樓梯上去食，攞苦嚟辛。個湯有陣好難聞嘅豬蘇味…個湯底食落去好甜..不過係加咗好多糖嘅甜🤮我真係好後悔冇信到啲喊樣唔好去食🥲原諒我相都冇影，因為冇心機，只想食完快啲走如果你地去係想搵返昔日味道真係唔洗去啦，因為你一定搵唔到，留返個美好回憶味道啦😂從來都唔想留負評，星林居然做咗第一間

尖沙咀得獎米線可否保持水準？🙈依家位於尖沙咀嘅米線相信大家唔陌生但我之前就冇機會食到 今次特登去試吓呢間米線究竟有幾好食😮🤩 小鍋米線配腩肉 魚腐 豬紅 響鈴店家貼心將響鈴放係最上 咁就唔怕響鈴淋哂響鈴夠脆夠薄 無油溢味😋豬紅索晒湯汁 完全入味果種🤣已經食唔出豬紅嘅味道 但係好食嘅⭐️魚腐有3件 有d似硬身嘅魚片頭 同我想像嘅有出入🙈腩肉普通✅小鍋米線配豬軟骨 蘿蔔 牛𦟌豬軟骨夠晒大件 舊肉好軟Q🤤🤤蘿蔔清甜無渣😍 但係有d凍左牛𦟌入口易咬 半筋半肉恰到好處 就算湯底搶晒鏡都食得出牛味😋米線方面偏軟身 食唔到煙韌嘅感覺🥺我諗呢間米線勝在就係佢哋嘅湯底夠濃郁惹味之外食得出湯底入邊仲甜甜地 建議鍾意食酸嘅人要叫多酸 因為我覺得個正常酸唔夠酸 少少失望🫠另外就係我哋兩碗米線因為要等d餸煮好 應該放咗喺度一陣 搞到佢唔夠熱辣辣🥹明明我見到其他人嘅都冒晒煙🥹一碗好食嘅米線一定要夠熱！有再試嘅機會😋📍 星林居酸辣米線餐廳尖沙咀金馬倫道14號金輝大樓3樓

夠晒酸既酸辣米線🥕明火小鍋米線$35+6+7+7+15⭐️⭐️⭐️⭐️⭐️叫左豬紅有5塊，用左上湯去煮，所以本身都夠入味，而且夠新鮮冇腥味。仲叫左金菇菜、炸醬、豬軟骨，豬軟骨十分入味煮到勁淋勁容易食。一上枱勁大碗，份量十分足夠，放到滿一滿。湯底我揀左小辣非常酸，一飲一啖湯，正👍真係夠晒酸，好開胃！🥕凍菜蜜+$16略淡⭐️⭐️☆☆☆🥕鹹檸七+$16⭐️⭐️⭐️⭐️⭐️鹹檸好正，夠晒味======詳情======星林居酸辣米線餐廳尖沙咀金馬倫道14號金輝大樓3樓================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #尖沙咀好去處 #尖沙咀美食 #RR尖沙咀 #RR米線 #米線控 #酸辣米線 #鹹檸七 #炸醬 #豬軟骨 #金菇菜 #豬紅 #金針菇 #星林居

This is one of my favourite restaurants when I want my me time. Hk people nowadays obsessed with Misan. Of course i am one of those crazy people🤪When you get in, you can see there are small menu on the table along with pencils ✏️. You can ordered soup/stir rice noodles as your noodle base. Then for step 2, choose your fav dishes and you can customise your bowl with other add on items like (scallions?/ coriander 🌿/ more or less vinegar etc.)I ordered fish cake, pork balls and needle mushroom for m

好耐冇出尖沙咀，今次出去聽財經講座。因為12點開始進場，所以我哋要提早食午餐，11:15已經到咗尖沙咀。尖沙咀有好多特色嘅美食，附近有一間星林居米線餐廳，又唔使等位。（可能未到食午餐嘅時間）我哋order左三個米線。明火小鍋米線：包括（上湯、芽菜、酸菜、韭菜、肉碎）豬軟骨：肉嘅部位唔鞋，軟骨位又淋又滑，入口即溶，好味。魚腐：一份有三件，爽口彈牙。小辣，普通酸，啱晒我口味，湯底飲落好開胃醒神。小鍋過橋：有豬腩肉、紅腸、火腿、腐竹。好大碗，份量十足，湯底好濃，味道不錯。

星林居酸辣米線餐廳 📍尖沙咀金馬倫道14號金輝大樓3樓━━━━━━━━━━━━━━━━━━━━━━━━━━━━呢間米線鋪有童年回憶嘅感覺🤣 記得小學嗰陣嚟過 到宜家過咗咁耐仲係咪回憶當中嘅感覺?呢度有學生優惠 不過記得提前同職員講 咁佢就會比特別嘅落單紙你 冇記錯嘅話係米線平5蚊━━━━━━━━━━━━━━━━━━━━━━━━━━━━🍜 明火小鍋米線 $35 Ⅰ 豬紅 $6 Ⅰ牛𦟌 $15 Ⅰ 芽菜 Ⅰ 韭菜 Ⅰ 蔥 Ⅰ 小辣 Ⅰ 普通酸 Ⅰ▶︎ 分量真係好足 可能再多少少都會瀉出嚟🤣 豬紅有五舊 牛𦟌有四片 食量不大建議少米▶︎ 米線口感彈牙 幾爽滑 未試過好出名嗰幾間米線所以冇得比較 不過我就覺得呢間都唔錯🤤 ▶︎ 湯底幾酸幾重口 但又唔會非常鹹 嗌少辣會有隱隱約約嘅辣味😲▶︎ 豬紅 好似同我記憶中都仲一樣 好滑好嫩👍🏻 不過牛𦟌就正常發揮 我覺得可以再厚身同軟身啲 好味指數:●●●●◯━━━━━━━━━━━━━━━━━━━━━━━━━━━━

之前黎過一次，覺得都幾好食，因為夠濃味。今次再試，叫左中小辣、多酸，點知碗野一上到黎，心唸哇、係咪俾錯我，成碗野白瀨哂，一啲紅都無，我用筷子撩下、睇下啲餸岩唔岩，又岩喎，同姐姐講番，姐姐都係俾左啲辣椒油俾我、叫我自己加，咁可想而之，出到黎浸味當然唔係個回事嘢喇，勁失望 仲有呢到啲服務勁差，一入去門口做接待個呀叔完全無回答我嘅問題，仲有一個男侍應態度勁差，對面枱問有無熱水，個男侍應答佢自己出去攞，隔離枱差杯野飲，條友又支吾以對、完全唔想處理咁。啲野唔好食、態度又差，唔會再黎。