Video
6-min walk from Exit B2, Sheung Shui MTR Station
continue reading
Opening Hours
Mon - Sun
11:30 - 23:00
Above information is for reference only. Please check details with the restaurant.
Signature Dishes
十點未夠陳六記外賣電話無人接，我只會打一次，那就轉戰小廚知味。不經意幾年無探訪，環境及衛生保持惡劣，有極大的改善空間。豉椒豆卜蒸排骨飯炒底，排骨爽彈肉多骨少真靚靚，啖啖爽肉搭脆卜卜軟骨趙得舒暢﹗豆卜索盡豉汁略咸，再加上濃烈豉椒蒸排骨，迫住扒多幾啖雪白濕炒飯。涼瓜炒蛋飯炒底，甘甘帶爽涼瓜片不苦澀，炒蛋黏黏漿糊，漿住我的嘴﹗白雪雪炒飯底濕濕腍腍黐晒牙，炒得最差的一次，而且誠意地千里送條毛作裝飾呢。乾燒伊麵，雖乾爽彈彈完整不散碎，最慘無乜色水而落味淡口不夠香不夠味，淡淡然悶悶的。四川麻婆豆腐，花椒味辣汁浸著肉鬆十分惹味，可憐的豆腐不軟滑不夠熱辣辣，而且隱約有點點酸味。四川麻婆豆腐撈乾燒伊麵，無心插柳但柳成蔭﹗濃味香辣麻婆汁遇上淡口伊麵互補長短互相扶持，味道齊齊提升到另一層次﹗長啜長有的伊麵拖著麻婆汁夾著肉鬆豆腐，大啖大啖越塞塞起敬，百味交差融合舔舔脷﹗最終一滴不留清得乾乾淨淨。金針雲耳蒸雞，濃郁醃味陣陣酒香，雞件雞肉索晒味，就連蟲草花雲耳撈飯都一樣滋味無窮﹗大量雞件重料夠抵食，髀滑胸鞋。XO 醬瑤柱蛋白炒飯，第一次食用豉油炒的瑤柱蛋白炒飯，我較喜歡菜粒多過脆肉瓜粒。有鑊氣熱騰騰，蛋白一塊塊，瑤柱彷如大海撈針真係睇極到睇唔到，幸好豉油味撞XO 醬味道蠻可口。金針雲耳蒸雞配XO 醬瑤柱蛋白炒飯，嘗試將兩者融合會否讓味道提升一丁點，最後結果係失敗，平平凡凡沒特別。粟米魚柳飯炒底，炒飯較香口搭略咸魚柳微暖，飯焦黐牙，整體滿意。職員聲稱最多 20 分鐘有得食，居然吹風吹足 45 分鐘，我都唔想黑臉，實在太耐喇麻？重新煲一煲白飯都煲好了。梅菜蒸肉餅，甜味濃濃的梅菜一篤仔置中，腍腍鬆散肉餅勁多肥豬肉，食完條脷立立令﹗有肉汁有菜甜，大大啖肉大大啖飯剛剛唔難食。魚香茄子炆伊麵，麵底夠大份見到使我老懷安慰怕餓親﹗茄子爽爽不硬帶汁，肉鬆多多游走在伊麵之間，狠狠地大力吸啜，每口都能掛點嚥韌肉鬆，提鮮提味。伊麵炒得彈彈乾爽完整，還保留到原始蛋香。師傅手藝合格，略厭味道偏淡，加點生抽老抽會更加可口吸引色彩繽紛。蟲草花土魷蒸肉餅，厚厚肉餅噴出甘香油脂，土魷海味咸鮮香噴噴極醒胃，肉彈鬆化滑嘟嘟，大啖肉大啖飯天寒地凍要食飽一點保暖保暖﹗西芹雞柳飯炒底，西芹雖爽但不夠嫩不夠清甜，而雞碎淡如水沒什麼味道，撈埋清淡炒飯都係十分清淡。蟲草花土魷蒸肉餅西芹雞柳飯炒底，炒飯底再次都係食到我滿口飯焦兼黐牙﹗淡如水的西芹雞柳跟土魷蒸肉餅合體，配上炒飯即時美味百倍，忍不住瘋狂扒飯啊﹗九層塔三杯滑雞，雞件出自上庄，雞胸雞翼雞背脊雞膊頭﹗炸得乾鞋沒半點肉汁骨杉杉，熱食味道還可以，放涼太咸吃不消，使我有放棄投降的念頭﹗最好味竟是粉甜蒜子，挑出全部配炒飯大口大口地享受。滑雞？滑雞在那裡，在幻想中？咖哩牛腩飯炒底，估不到咖哩汁比炒飯還要多，全部倒下太衝動，最後幾啖飯像飲咖哩汁一樣﹗炒飯有質素有鑊氣熱烘烘，落味得宜香噴噴飽滿彈牙﹗大量香而不辣幼滑咖哩汁伴著一口牛腩，鬆軟肉質跟炒飯不停灌入細味，露出滿意的笑容﹗魚香茄子，陣陣咸魚香混在肉鬆間掛在軟綿茄子上大大啖進入，舌尖震動味道強烈，佔據每顆味蕾，讓炒飯搭配更可口惹味﹗枝竹牛腩飯炒底，微羶鬆化的牛腩由厚厚芡汁緊緊包著，墊在豆香枝竹上鋪在香噴噴炒飯頂狠狠地嘴嚼，各種味道交錯打滾變得更加美妙，夾得天醫無縫﹗蒜子豆腐魚柳，魚柳大大碌滑嘟嘟，外層吸盡濃郁甜醬油，裡面鬆軟有魚味不腥不嗅，拼上靚靚鑊氣炒飯夠晒絕，還有辛甜粉口蒜子也助功不少。豆腐就較為平庸，香口的外皮，結實水潤微溫內心，合格。福建炒飯，無味滑雞粒，無味爽蝦仁，淡味草菇，脆脆肉瓜，少少瑤柱絲，共冶一爐﹗我喜歡芥蘭莖葉粒的甘甜爽感，整體濕濕滑滑香香熱熱，味道豐富搭著芡汁可以一試。豆腐火腩飯炒底，鑊氣迫人炒飯底，香噴噴油香蛋香加埋飯粒乾爽嚥韌，搭埋肥美燒肉䕄水蛋大滿足，火腩半肥瘦不過咸不嗆喉，咸鮮拼爽肥肉爽炸皮仲有彈性充沛靚瘦肉，高質演繹﹗大大粒水豆腐一啖一粒配炒飯，外香內水潤，最衰有點酸味要扣點分數。瑤柱肉碎蒸水蛋，我要走蔥架﹗蛋香飄逸，生氣勃勃，界出厚厚大大舊水蛋躺在炒飯，擘盡口一塞﹗蛋汁肉汁甜豉油夾雜瑤柱鮮跟舌頭打滾，閃閃發光。兒時最愛媽咪無豉油的蒸水蛋，直接整碗飯倒落碟蒸蛋獨佔美食，暢快無比﹗眉豆湯，真材實料濃郁清甜的湯水。黑椒汁美式雜扒，嬸嬸忘記落黑椒汁，請再稍等 1 分鐘另上，酸酸甜甜微弱香辣。只得半塊薄雞扒，仲要係怪味雞扒，油肥雞皮，硬實白肉。有骨豬扒肉味香濃，醃味得宜煎得金黃鬆化。腸仔結實皮香肉甜，輕燙火腿沒特別。火腿腸仔雞扒豬扒，無煎蛋有點失望。芝士焗鮮茄醬豬扒飯，即焗新鮮出爐香噴噴熱烘烘﹗鮮紅撞淡黃畫面吸引奪目，擺盤滿瀉夠壯觀。堅勁多芝士，但我諗起北海道納豆飯，雖然茶記格局及衛生惡劣，不過出品蠻可以﹗有幾粒鮮茄粒及一界茄角，咬啖試試嚇一嚇﹗竟是凍凍硬硬生番茄，放棄。茄汁酸度高夠濃味撈飯醒胃，炒飯只有零星蛋碎無蛋香無蛋味，微脆薄豬扒滑嘟嘟醃味香濃，少少飯大大啖肉一流。南北杏西洋菜湯，高溫滾燙熱辣辣，濃郁菜甜味，厚厚實實好飲好飲。招牌海南雞配香茅雞油飯，油飯有飯焦喎﹗陣陣茅香乾爽質地不過濕不油油膩。招牌海南雞，薑蓉拼酸汁，識食更係撈晒兩款汁，醒胃惹味撈飯一流﹗嫩雞半肥瘦，雞皮滑滑藏著膠原蛋白啫喱，髀肉濕嫩，胸肉嚥韌。
continue reading
我今日要同大家分享一間位於上水嘅餐廳 叫做「小廚」，常駐菜式：「時菜野菌貴妃雞湯飯」。.首先，我要講下佢哋嘅貴妃雞湯。呢個湯鮮甜濃郁，湯底滋味豐富，帶有鮮嫩嘅雞肉味道。裡面加入時令嘅時菜同野菌，增添了菜式嘅豐富口感同風味。每一口都帶來暖心嘅滋味，令人覺得好滿足。.而湯底嘅濃郁味道同時菜野菌嘅鮮美都可以同埋配上飯。佢哋嘅飯煮得香軟，每一粒都襯托出湯底嘅美味。配合湯汁同飯一齊食，令味道更加豐富，讓人食得好過癮。.如果你鍾意食雞同野菌，呢個「時菜野菌貴妃雞湯飯」絕對係一個值得一試嘅菜式。佢哋嘅湯底同飯粒口感完美結合，帶來豐富嘅風味同層次。.值得一提係餐廳嘅菜式全部份量都好大，男仔都一定夠飽，而且味道好過普通茶記。
continue reading
餐廳小厨知味是一家茶餐廳，我最近去光顧了一次。這家小店的座位相對較少，很快就坐滿了。我點了他們的常餐，選擇了叉燒意粉，配多士、火腿和炒蛋。主菜還有其他選擇，除了叉燒，還可以選擇沙爹牛肉；粉麵方面，除了意粉，還可以選擇公仔麵；配料方面，如果不想要火腿，還可以選擇午餐肉或香腸。叉燒意粉的味道算是正常，是我平常吃慣的味道，沒有太多驚喜。火腿炒蛋和多士也是一樣，沒有特別出眾的地方。我的朋友點了沙爹牛肉公仔麵，他覺得這道菜比較好吃，可能是因為沙爹牛肉帶來了更豐富的口味。這家餐廳還有很多其他菜式可供選擇，我們這次只試了他們的常餐，下次可以嘗試其他菜式。我喜歡餐廳提供的多樣性選擇，這樣可以根據口味和喜好做出不同的選擇。總的來說，餐廳小厨知味的午市餐點味道正常，沒有太多特色，但是價格相對合理。如果你正在尋找一個簡單的午餐選擇，這家餐廳是一個可以考慮的地方。👍👍
continue reading
話說呢幾日又打風，又撞正紅假，所以又有一班朋友上嚟我屋企打麻雀。打牌緊係唔煮飯，叫外賣啦今次第一次叫呢間小廚知味，真係幾有驚喜😂因為個性價比真係好高我地一共叫左7樣野食，送埋上黎先$460😻😻 仲要每樣送都包一個飯，真係超值咁多款食物最推薦係金瑤野菌燒豆腐，好好味🤓 另外西檸雞都好好食，唔會好多炸粉，啖啖都係雞不過咕嚕肉就好一般，比較多炸粉😟金銀旦白菜金瑤野菌燒豆腐魚香茄子煲蝦仁炒旦西蘭花炒鮮魷西檸雞咕嚕肉總結而言，呢個價錢有咁多野食係無野好彈😂😂😂
continue reading
嗌外賣 唔夠人送唔該唔好接外賣單！ 等左45分鐘先上到黎 野食凍晒 仲要服務態度極差 打去追佢串返轉頭話等多陣嗌唔夠人！唔夠人唔該唔好接外賣生意！！order時都冇講要等咁耐 要人等你9個字我不如自己落樓買 明明係樓下 仲要上到黎野食凍晒 激死！ 外賣員同聽電話呀姐態度勁差 以後唔伯再幫襯 完！
continue reading