小蔡茶餐廳

Open Now

Now Closed

晚市一碟炒飯連湯+飲品都係45蚊，宜家好少見啦～ 不過最中意都係杯奶茶😋飲落勁似出面樽仔奶茶咁好濃郁😍戴咗頭盔先🤡不過好唔好飲見仁見智啦～至少我中意先！人少少食落都舒服啲！特別依個時勢！

外賣肉燥豬扒飯,得半塊豬排，肉燥其實係芡汁。豬排大大舊骨同埋肥肉，我張相都影大左佢個size，真係食得得2啖。雖然40蚊有野飲，但甘既質素20蚊都俾多佢早餐試過下午茶都試過，係麻麻地，但今次晚餐完全係離晒譜🤨以後吾會俾機會，情願食杯面都吾會再食佢

食物本身吾好食，叫豬扒公仔麵俾咗鷄扒公仔麵，送錯餐仲要話人吾早講，成碟鷄扒無食過，仲要鬧人話無得換，態度惡劣，好多年無係香港遇到如此差服務，呢D茶餐廳仲仲可以係香港生存簡直奇跡!

早餐係好重要架！全日第一餐，但我係唔會空肚食早餐架，我會一起身就飲水先！講完廢話，返黎主題，哩間餐廳嘅早餐可以揀3款餸，比出面餐廳多，平時一般係2餸！識揀一定試雪菜肉絲，一間餐廳有冇heart就係睇佢用罐頭貨定自家煮嘅雪菜肉絲！最喜歡早餐揀雪菜肉絲麵，每啖都有雪菜襯托❤️

朝早約左朋友做義工, 一早要去到深水埗集合, 集合前就一定要醫肚, 見到有間茶餐廳的早餐好平 ! 餐廳是小蔡茶餐廳 $26 有麵有飲品, 加多3蚊就有厚多士。一於入去食早餐。入到去裝修較昏暗, 坐滿9成食客。食客多數都係附近的居民，與職員有傾有講。我點了早餐 :有3款餸可以選, 我點選了 配公仔麵，熱檸水，加$3有厚多士。配公仔麵份量大, 炒蛋好厚但似整定左, 只係微暖。公仔麵配上肉丁真係好好味 !加$3有厚多士這個十分失望, 加了$3 以為是一塊厚多士但可惜只有半塊, 而且一邊仲好燶。熱檸水 - 味道正常價錢係平, 不過加$3的厚多士確實失望, 原先想唔要再做過, 但都趕時間所以無叫了。

任何食物等20，30分鐘叫在可接受範圍內。但係等完45分鐘原來仲未煮呢個就有問題。第一次食等佐接近30分鐘，第二次等佐半個鐘之後催佐一次，話好快好快。點知等完45分鐘之後叫我轉餐，姐係：1）你唔轉肯定仲有排等 2）無曬材料佢哋覺得理所當然要等咁耐係無問題 但係又唔打算話你知 3）懷疑你再叫啲再複雜啲會要等個幾鐘 最好你地叫曬汁撈飯。結論係無論有幾好食，都唔會再去。

午飯時段經過這裏，看見午餐有咖喱牛腩飯，心想這類預設食物應該沒有問題，裏面又有空枱，故此試一試。午餐包餐湯和熱飲。伙計問我要中湯還是西湯，我一早看見中湯已經預備了放在門口的桌子上，心想必然封塵，故此選了羅宋湯。菜的份量不多，甜味較多，酸味較少，但夠熱，所以選擇仍是正確的。咖啡和普遍的茶餐廳的味道一樣，帶點酸味，香味一般。咖喱牛腩份量算多，牛腩的大小不均，大的有1x1.5x2吋，但有數塊的肥肉佔了30%，因自己已經夠肥，不能再吃，所以都要做一些清除工作，還好是夠腍，所以如果他們肯先把肥肉切除會比較理想。咖喱味不太濃，顏色也一般，香味更談不上。整體而言，味道是般的，但若只求飽肚的滿足，算已交足功課。

有位街坊介紹了我們去小蔡打邊爐, 猛話60蚊任食好抵.當然唔好預係咩貴料, 但魚蝦蟹乜都有, 最緊要係新鮮. 隻蟹d羔多到爆出黎, 桂花魚切好係成條上, 又有九肚魚, 魚腸, 牛肉等等例牌野. 不過聽老細話要食乜唔駛睇餐牌, 主要係睇下果日佢地有咩貨. 不過我諗佢地要keep住d料要新鮮, 所以唔一定會好多貨... 所以熟架步o既朋友一坐低就拿拿臨叫佢整多兩隻蟹.(當然我地係預食得晒先叫定, 浪費食物好折墮, 唔sure食唔食得晒千祈唔好咁做)老細好好招呼, 成日驚我地唔夠食問我地要唔要多d, 少貨o既又會話俾我地知問下要唔要叫定先, 條魚係我地食食下佢自動波俾我地. 不過有時人多d阿姐可能反應慢少少, 但都算係ok.聽講呢度d小菜都好食, 我都見好多街坊幫襯.同埋樓下係咪點錯相呢? 附近有間食燒味架喎... 不過食燒味黎講, 除非係果間茶餐廳出名食燒味, 否則我就唔敢博...其實都係果廿零蚊貨仔, 都係預左填飽肚就算果隻架啦, 唔係食到肚痛或者太離譜咪由得佢囉. 無啦啦咁俾人整個劣評好可憐架.

自己一條友搵食，突然間好想食燒味，就走入小蔡試吓。是第一次來，見到有燒味套餐，可揀兩款燒味，連凍飲$26，價錢中等啦。先是中湯，係節瓜湯，好重味精，我只飲了幾啖。要燒肉燒鴨雙拼，燒肉既皮好淋，丁點都唔脆，又好大陣雪味。燒鴨既皮重有好多毛，幾嚇人。唯一是份量夠，實食得飽。凍檸茶亦好渣，好似溝水咁，一ｄ味都冇。下次想食燒味都真係要去番ｄ燒味檔食先得。