小玉家嚐

Open Now

Now Closed

豬扒切片，炒至熟透，彈牙肉質嫩滑，鑊氣足，但偏咸經過炒煮之後豬扒口感非常好，唔太韌一丁乾身且有咬口好耐之前食第一次食 覺得個𡃁姐 好粗皮但其實普通一間茶記又好難要求人陰聲細氣好過其他收你服務費但又唔服務你

首先，等待時間過長，然後過了很久我的食物才上來。 我知道餐廳可能很忙，但這麼長的等待時間是不可接受的，表明管理不善。 其次，我認為價錢過高。 菜單上的價格讓我震驚，最後的賬單比我預想的還要貴。 鑑於食品和服務的質量，我認為價格是不合理的。 第三，你們餐廳的桌子和地板上滿是食物殘渣和碎屑，整體清潔度很差。 這不僅不衛生，而且對顧客沒有吸引力。 最後，我對餐廳缺乏付款方式感到失望。 我只能用現金支付，這很限制客戶的選擇。 如果能提供其他支付方式，比如百達通或手機支付，那就會更方便了。我在你們餐廳的經歷非常令人失望

以前佢真係唔錯，每次叫唔同嘅食物都會有驚喜，可惜唔知係咪換咗廚師，味道真係－落千仗⋯今日叫咗個下午茶餐$38，燒鴨瀬粉，先試吓啖湯，唔係啩淡到滾水嘅，D瀬粉仲衰，又散又冇味，食咗兩啖真係食唔落去，算啦試吓舊燒鴨，而且份量都好足，下午茶應該夠胞肚，點知D鴨係凍冰冰，味道係死咸，而且肉質非常之鞋，有冇搞錯呀⋯轉食條菜，都係超級凍冰冰，估計煮咗好耐放咗喺度⋯最後為有飲杯檸檬茶算，頂只係2片其中一塊仲係檸檬頭⋯成個餐真係差唔多好似原封不動放係度，收碗姐姐見到問都唔會問，俾錢走人算數⋯⋯

#佐敦 #小玉姐今日去老店食常餐，其實D野係唔差，不過又未至於好好味⋯ 😅😅😅比較起上一次過嚟係分店食，味道果然唔同，牛肉新鮮，未有煮得過老，沙嗲口感唔錯，米粉好好味食⋯火腿曳係不過不失，但還可以，至於杯凍齋啡新最醒神！下次都係過嚟老店比較安全D⋯ 😅😅😅

啲雞分量好少而且全部都係雞胸肉鞋十十食完攝牙罅連個油飯都難食過人 啲米好似未煮熟咁硬掘掘仲好咸好難食啲飯裏面有啲鹽粒 撈唔勻咁個海南雞飯係我人生中食過最難食嘅加上點菜嗰陣我只问了一句'熱飲都要加三蚊？'個個侍應阿姨答我嗰陣語氣好差超唔耐煩 嘖嘖声仲皺眉啤住我 好黑人憎另外環境方面，嗰度啲凳啲皮爛咗坐落去吉大髀然後啲碗摸上去油油地好似冇洗乾淨咁PS: 第一次有一間餐廳體驗感差到我特登下載openrice差評佢

因為媽媽說醫生診所位於佐敦附近，所以黎附近食午餐, 見到呢間店係同一條街有2間舖就想去試下。我哋點左是日特價午餐，分別係梅菜蒸鯇魚、海南雞飯，我同屋企人都覺得價錢經濟，印象中大概$40-42左右，無諗過份量咁多。大集團餐廳叫杯飲品都要廿幾三十，但呢度$40-42已經可以食好家常便飯的午餐！碟魚好大塊仲有好多梅菜係面，d肉好軟入味；海有雞飯都好食，雞皮脆肉嫩！仲有湯飲，非常值得推介！店內氣氛好有街坊鄰里的感覺！服務都不錯，下次會再返去幫襯！

以前啲水準無哂難食到嘔啲生炒骨真係不得了汁同骨分開煮 無味嘅又話有湯有野飲叫佢上左n年都無上到轉個頭走黎問我要唔要湯記性好差只係識不停叫人入黎坐 $40有湯有野飲好抵食入到黎服務同品質麻麻

下午茶時間外賣叫左份鮮牛肉蛋治，收左$29，結果淨係俾左份蛋治我！下午茶雙拼三文治都只係$28，你收我$29？！？！你估金蛋咩？！結果亞姐話：「我地冇鮮牛肉只有鮮牛油」真風趣😤

今日坐小巴去伊利莎伯醫院，咁啱未食早餐而小巴站隔離有間茶餐廳，所以就入去試試喇。早餐選擇都幾多，好小見到早餐有瀨粉食，所以叫咗蜜汁叉燒瀨粉配火腿奄列 + 厚多士。蜜汁叉燒瀨粉 : 叉燒焦香可口而且份量多配埋菜芯，不錯不錯。👍🏻 👍🏻火腿奄列 + 厚多士 : 厚多士烘耐少少同多點牛油會更好；而火腿奄列整得有板有眼，唔似出面啲茶餐廳咁一坺野，切開裏面火腿絲都幾多而且重有蛋汁流出。👍🏻 👍🏻凍檸茶 : 無茶味亦無檸檬味，感覺是一杯微甜既糖水。

晏左食早餐，黎到中午時間都唔係好餓，想食啲簡單既野。黎到佐敦既"小玉家嚐"(佢有兩間同名既餐廳，呢間大既有樓梯再上去)。地點都近地鐵站，唔難搵間餐廳。入到去坐左近門口位置，好多個伙記出出入入，都幾多人入去食野。睇到餐牌，午餐日日都有唔同選擇。👍🏿👍🏿伙記都好快應左我落單。簡單食左叉燒瀨粉，抵👍🏿既係叉燒同瀨粉分開上，又唔會好咸。包埋一杯野飲，叫左杯熱朱，好濃郁既朱古力味不過叉燒就瘦左啲，有啲“鞋口”。餐具衛生情況就麻麻地有進步空間。。。叉燒瀨，熱朱古力。40蚊。佐敦黎講算咁啦～

这日经过佐敦,见一间茶餐厅很多人, 已是下午茶时间了,还这么多人,入去试下,见那些烧味都很吸引,便叫了叉鸡濑,因太肚饿了,吃了一半才记起影相 …真的不错,他的叉烧是半肥瘦的比我,我没有特别点,他便给我半肥瘦,很淋很入味…不错!油鸡皮也很弹牙,濑粉的汤也够味, 是现在很多烧味铺也不能做到的, 偷听对面说话,他们差不多每日都来吃烧味饭,话这里的烧味好味, 穿西装的,应在这里工作吧。只是一个下午茶餐加冻饮,便吃了44元。

小玉呢度我同屋企人不下食左五次由舊店食到新店各有特色 舊舖既雞煲最好食新舖既叉燒同燒鵝最出色據稱係喺某酒樓既大廚過左來做所以先做得咁好小玉幾個菜都係外面無 又好食最好食既首選就係大蝦煎米餅如果食得多海鮮就最好要預早打電話預訂炒蟹勁有穫氣 少啲功架都做唔到食得出啲料好新鮮 超正呀喂今次到秋冬仲有羊腩煲竟然唔只送生菜 仲送埋牛肉不過牛肉大家就唔好期太多喇但啲腐竹勁入味 羊腩我就唔多好既我家人就大讚 仲話下次要整個雙煲 羊腩煲加雞煲

諗住行開食過早餐，叫左火腿通心粉歺，分量都很多，但是通粉食落去有粉粉地！可能煮得唔較熟！有進步空間！環境裝修都還可以，地方都算乾淨！服務態度算不錯，感覺很都好！

去佐敦配眼鏡，喺橫行中見有間細細的茶餐廳。經過門口見招牌叫『小玉家嚐』，心想應吃家常菜的地方，於是入內試吓。牆上貼有很多一圍圍的菜單，原來這裡晚上會做私房菜的。一入內便聽到員工們很大聲的互相對話，內容得知應是家庭式經營。叫咗家鄉海南雞飯，朋友就叫男人的浪漫：豆腐火腩飯，仲有例湯和飲品送，凍飲加＄3。大大碗豬骨木瓜粟米湯，確實家常煮法，少鹽油，應無加味精，雖味偏淡啲，不過飲咗好耐都無口渴。招牌海南雞飯份量都好大，差不多有成¼隻雞，雞有黃油，雞肉唔嚡又厚肉。蘸的醬汁很稀，內有薑粒和芫茜，似是稀醬油再加少許酸甜味，味道唔濃，有提鮮作用。豆腐火腩飯，分開上，豆腐火腩都是偏多，火腩唔算太多肥肉，醬汁味適中，豆腐炆得入味。

是夜去完QE探病後，肚子很餓。於是決定在佐敦找吃。兩口子沒有什麼特別想食，所以想求其找間茶記醫肚。在門外看以為是普通茶記一間，進去後才發現這裡是吃小菜的！隔離枱的人大多叫餸食飯，不過我兩口子見到餐牌還是有碟頭飯平平地吃餐飯算吧！「涼瓜斑腩飯」原本叫「涼瓜斑腩炒麵」，來到變了做飯底。我老公費事煩，所以照食！涼瓜腍身唔苦，斑腩大大舊算係抵食之選！我則叫了「豉椒排骨飯」係！我比較男人，有時候都好想食依類碟頭飯～估唔到依度的碟頭飯好有鑊氣，個豉椒汁亦調教得很好，沒有太杰的獻汁。味道亦不會太咸及濃味精！給我好大驚喜～即叫即煮係有啲耐，但夠熱夠鑊氣是我最愛！最後再來個熱辣辣無味精湯～就像在吃住家菜，是我倆這陣子吃飯最像在家的時刻!見隔離枱食小菜好似好好味咁，等我下次再幫襯下試下先得！