串串貢 (Closed)

平時好少去深水埗🙈今次嚟到搵到一間專食串燒麻辣火鍋嘅舖頭😍但因為係下午嘅關係所以試吓佢嘅牛肉粉先😂下次有機會再試佢嘅麻辣火鍋🍲今次試咗一碗牛肉粉同埋一碗家的感覺湯底係用咗牛肉煮嘅麻辣湯😜牛肉十分淋同入味🐮貴州粉比較粗身而且咬落有口感🤓好味道😋而一碗家的感覺佢除咗有牛肉之外佢都有滷蛋🥚同埋滷豆腐所以食落更加豐富🤩正呀🤤

出左深水埗買野，天氣真係好熱，買完即刻搵個位避暑，行左陣商場，涼係好涼嘅，但人十分多，決定搵間餐廳食下野。行過串串貢，有位阿姐拉客話佢地而加做埋午市，除左串串火鍋，仲有牛肉粉食，見佢咁有誠意，就上去試下啦。原來晏晝都可以食火鍋，串串有三個雪櫃，都幾多款喎，下次可以黎試下朋友點了一碗牛肉粉，就如其名係一碗牛肉粉囉，哈哈，同自己點個碗差不多就沒試了。貪心啲點了一碗家的感覺，一次過有哂牛肉，豆腐同滷蛋，滿滿的餸呢。湯底雖然有少少紅油蒲面，但不辣的，鹹鹹鮮鮮又幾好味。牛肉片牛味十足，有咬口。滷蛋入味，好有飽肚的實在感。豆腐有點像蜂巢豆腐，吸飽湯汁一流。最正係多芫荽啊，哈哈，芫荽fans米線短短的，方便用湯匙混著湯吃？的確喝著吃幾好味加了飲品冰凍的菊花茶，如果不想加錢，後面有熱水壺自助的。幾鍾意佢個湯底，好熟悉的味道，但又想唔出在那裏食過，唔唔……

其實聽個名，好明顯係食啲一串串既野架啦，不過今次嚟就係試啲其他野，除左麻辣火鍋既串串，佢地都有麵食既🤭基本上兩碗湯底同啲麵係一樣既，唯一分別係啲配料😅😅由於串串貢主打既係貴州苗族既牛肉粉，所以佢地用既麵都幾特別 — 貴州粉，望落同食落同米線好相似，不過麵質比較粗啲啲同爽口啲😋兩碗配料都差唔多，所用既牛肉食落口感同口味都同牛展好相似，配埋個微辣既湯底，味道非常唔錯😋👍🏻👍🏻如果想食多少少既可以叫”一碗家的感覺”，除左普通牛肉粉有既配料，仲會多左鹵蛋同鹵豆腐，質感咬落比較實身🤭

諗住香港難得有間嘢食串串，專登過大海去試下，點知中伏，中到貼地！！！188一位仲要加58先可以食鴛鴦鍋，問題係食材選擇少，海鮮係臭嘅，肉類幾乎無，唯一嘅牛肉仲老過佢阿嫲！！！！！全部係丸類同各種嘔心內臟！！！最迷係咁嘅大排檔仲要收加一，兩個人食咗600幾蚊！食完當晚開始肚痛肚痾，第二日仲有肚痛，直接請病假去睇醫生！！！咁嘅價錢我去食海底撈啦！！！！埋單仲唔收卡，呢班人真係去送中好過啦！！！！！！！

之前經過元州街已經見過呢間舖頭，依日又想食辣嘢😜，所以就決定同同事去試下。餐廳喺一樓，如果唔介意嘅行樓梯會好啲，佢個牌叫人轉右去坐電梯，反而仲無咁方便🙈。餐廳原來幾大，冷氣充足，感覺環境乾淨企理，可能有大玻璃窗嘅關係啦😊。餐廳晚市做麻辣串串火鍋，所以有幾個雪櫃放咗自助配料，菜名仲有埋英文添😀。另外，仲有個架放咗唔同嘅麵食供打邊爐🍲，包括紅薯粉、紫薯粉、土豆粉同荷葉粉等，全部都幾特別，想試。不過呢日嚟到係試佢個午餐，其實係得一味，就係「貴州苗族牛肉粉🐮」。午餐過程有啲搞笑少插曲，就係店員話食物太暢銷，師傅去咗買米粉，叫我哋飲住嘢等等🤣。好彩唔洗等好耐就有得食，牛肉粉有分兩款，我哋每款叫咗一碗試下🍜。牛肉粉($58)，碗粉賣相唔錯喎，牛肉係用🐂牛腩件，肉質幾嫩，肥瘦適中，幾好味。而我最欣賞嘅係個牛骨湯底，因為係想像中嘅微辣🌶，有少少麻同酸，亦夠鹹😋。店員介紹話其實湯底本身係唔辣，主要係靠啲酸菜粒有少少辣嚟吊味。至於粉方面，店員話係米粉，但同我哋一般認知嘅米粉有所不同，因為係比較粗，個樣似米線。不過食落口感又似米粉咁偏淋，質感都幾好，而且好掛湯🤤。但食到尾段，米粉略嫌碎咗少少。家的感覺($7

今日同好友係深水埗買電腦用品，買完就周圍行睇下有咩好食， 行行下比我地發現呢到有間串串貢，話有貴州牛肉粉食，朋友好鬼鍾意食粉麵的，就直接上去食了。上到去冷氣好足夠，呢排日日帶口罩焗到暈，食野緊係要選擇間冷氣夠的地方先舒服， 原來呢到係食一串串火煱的，不過lunch就有牛肉粉食。我們一人叫左一碗粉和可樂，我貪心又愛吃肉，所以叫左一碗牛肉粉加牛肉加豆腐，而朋友就叫左牛肉粉加蛋。碗粉味道唔錯，牛肉一粒粒幾好， 老水豆腐和蛋都入味，最驚喜係d 雪菜辣辣地，配粉麵一流。

汗滴禾下土⋯⋯.........粒粒皆辛苦今日同朋友一齊去運輸署有D嘢辦理，辦理完就梗係搵嘢食，都係隨心行到邊見到想食乜就入去食，經過見到有間叫串串貢，個名咁串😂😂😂😂咁就望多兩眼，見有午市套餐，望下望下又上咗去食😊😊老闆娘話呢個係新推出既貴洲牛肉粉，午市套餐優惠，送飲品：曾經去過貴州旅行食過，唔知味道會唔都一樣咁好味😉貴州牛肉粉——味道有幾有風味禾，湯好清甜，最重要佢做到既味道好適合香港人口味，牛肉肉質鮮嫩，配料有芫茜、酸菜、鹵豆腐乾、鹵蛋⋯⋯等等，米線又夠滑，足料夠大碗。鹵食物入味，食物有咬口有質感點埋沙爹醬仲更加惹味米線🍜煮的軟硬度適中，滑溜😊呢度既員工同老闆娘都好客氣同好有禮貌，見佢忙梗準備D串串做晚市火鍋，但都好有心機去介紹佢哋既食物制作，好有人情味，怪不知碗牛肉粉個名叫做........一碗家的感覺😋呢到地方都幾大，樓上鋪，坐位係卡位舒適，而且仲可以望到全街景，感覺好舒服😌

去到深水埗買手機配件，今日太陽🌞真係曬到呢🥵。到了中午時間都無乜胃口，直至去到下午兩點左右，為了健康着想覺得總要食個午餐，後來見到對面馬路有個banner寫住「貴州苗族牛肉粉」跟住就入了呢間@串串貢入到餐廳未睇menu 都知道有火鍋供應，因為一入到去就見到好多透明雪櫃放滿一串串食物，下次一於試下。叫了一個「一碗牛肉粉」和「一碗’家的感覺‘」。（包一個飲品）其實「一碗 ’家的感覺‘」即係一碗大牛肉粉再加上滷蛋、滷豆腐。本來一心打算食個簡單粉麵，當大大碗麵放上枱，就發現一啲都唔簡單， 賣相吸引。有大量芫荽、酸菜、牛坑腩、一隻滷蛋、多滷豆腐，非常足料嘅一碗粉麵！味道非常開胃，少辣加酸酸地嘅牛骨湯底，小妹一向怕食辣，但呢個程度接受得到，如果鍾意勁辣嘅朋友可以自己隨意調味加辣。麵質比較粗身爽口，佢地嘅牛坑腩係比較有「趙口」需慢慢咀嚼，有別於一般炆牛坑腩嘅製法，牛味亦比較重，幾特別。另外滷蛋、滷豆腐都很入味，特別鍾意佢地嘅滷豆腐，浸入湯底索上牛骨味更好食。

星期六既晏就 約左男友一齊係深水埗食個lunch之後就去睇game估唔到呢間串串火鍋而家開埋午市 就黎試試聽老闆娘講 之前只做晚市 而家就開埋午市黎做知道客人晏就唔想食咁heavy就順勢推出呢個午市套餐下次夜晚黎開呢頭 可以試埋佢個任飲任食麻辣串串火鍋因為我地食緊果陣都聞到廚房熬製緊好香既湯底大碗貴陽牛肉粉(米線)湯底非常之有貴洲苗族風味以中草藥慢火熬製出牛骨清湯配上芫茜, 少許酸菜, 牛坑腩 同 鹵水蛋🥚(可惜鹵水豆腐未熬入味 所以老闆娘就換多半隻蛋比我地)

最近幾年好興食麻辣燙但都無乜點食過一黎怕太辣二黎好似唔夠邊爐過癮今日終於有機會一試—————————————————首先每檯都會送一份海鮮哈哈又係瀨尿蝦😂😂仲有漲卜卜嘅蠔仔同鮮甜嘅蜆湯底揀左麻辣少辣+蕃茄清湯麻辣放肉類清湯放蔬菜🥬配料方面有三大櫃有啲比較冷門好似有牛筋 牛耳呢啲好少見滾到最尾先食入曬味又腍👍🏻雖然佢係串起曬但最後都係甩曬🤣由於佢個鍋大過平時啲邊爐要撈番出黎都幾好玩次次都撈左大堆湯底料😂真材實料雖然湯底唔係好辣但都食到狂打乞痴真係好多花椒八角胡椒爭啲比人以為我有病🥴🥴——————————————————⁜ 任食串串鍋 $188/1

想食辣野好lu～日日去附近見到都想去試下終於前幾日的起心肝上去try try佢～一上到去唔知係埋疫情原因，一台客都無個場都幾乾淨坐落都ok，係覺得檯有少少窄跟住充滿期待地order咗個麻辣湯底就睇幾個雪櫃有咩好食食物選擇都多嘅但係.....麻辣湯底真係真係真係好差....完全唔知食緊咩...由於湯底太差，d野食完全食唔落，打邊爐最重要係個湯底啊嘛...最好食就係芒果，無之一唔知係埋生意唔好，男朋友話湯底味道有d奇怪好似不是太新鮮我食完肚有少少唔舒服總結，俾錢都唔會再去

我真心想講俾大家知個牛肉粉係好食到你唔信！好食到要寫個食評幫而間店打下氣!! 如果唔係去深水埗買野，我都未必會知道有而間野，亦無諗過一間火鍋店會隱藏左個咁好食既牛肉粉！！！一向情迷越南河牛腩河既我，食過無數咁多間粉麵，而個牛肉粉真係不得了，完全唔係平時香港食到既味! 連隔離枱都食到係咁讚，個牛骨湯底真係好濃郁，我飲曬成碗湯.....牛腩勁淋勁入味好好食! 加埋酸菜芫荽個味超夾超香! 雖然個鹵蛋有d硬，老闆娘話佢唔小心鹵耐左😂又雖然係深水埗區個價錢貴左d，但食完完全覺得好值得而且係真係會食完又想再食!

Spicy Chongqing Hotpot♨️ with Skewersss🍢🍢🍢💫..平日好少踏足深水埗，食飯更加少之又少。呢日盲中中去左呢邊，朋友話想食個火鍋 就順便吃個飯了。愛吃麻辣的友人想吃重慶麻辣，上網見到附近有一間串串貢，名字特別 決意要黎串下呢。-一個價錢，就可以任飲任食任串🍢。湯底有得自由配搭，食物亦自助形式，雖然款式唔算好驚豔，但以串串形式 都幾得意。每座亦都附送一客海鮮拼盤🐚🦐🐚：有生蠔仔`有瀨尿蝦`有蜆，都幾新鮮鮮甜呢。-ll✨自家制正宗重慶麻辣湯Homemade Authentic Chongqing Broth✨清熱下火芫茜皮蛋湯底麻辣🌶 係朋友指定既，滿足一下他對辣既慾望💕。由十多種天然重慶原料，仲有麻辣鍋不少得既牛油 炒成既麻辣鮮香湯底。辣而不燥，辣而不膩，麻辣並重，香醇濃郁。-2種不同湯底：一個清熱下火；一個麻辣並重。中庸之道取之平衡，都係一個唔錯既配搭呢。-麻辣既火鍋，仲可以因應自己嚐辣程度去揀選一個最合適既辣度。火紅紅既麻辣湯底，吃到最後 最好煮個紅薯粉，就係一客重慶麻辣紅薯粉了，薯粉真的很好吃，完美的結束❤️。..

平時打邊邊🍲會唔會唔見嘢 🤷🏻‍♀️一係啲嘢食沉底 🥴一係俾朋友偷食咗 🤫今次介紹呢間就唔驚 👏🏻因為大部份嘢食一串串 🍢俾你𥄫到實想偷食都幾難 🤭而且地方寬敞乾淨食得安心 👍🏼最正係一入到去送嘅海鮮拼盤 🐚 唔好以為送嘅就是是旦旦求其俾 🙄除咗蜆之外仲有瀨尿蝦同鮮味蠔仔 🦪上枱一刻已經聞到好香而且超級肥美 🤤加上我哋揀咗麻辣小辣配番茄蘋果湯底 🤗無論煮蔬菜海鮮定係肉類都可以帶出鮮味 😋選擇方面佢唔算非常多但係夠精咩種類都有 🤔除咗基本蔬菜肉類仲有麻辣絕配嘅年糕紅薯粉 🍜雖然深水埗真係出名好多唔同種類嘅火鍋店選擇 🏠不過如果想坐得舒服又安心下次不妨可以試吓呢間 ☺️除咗大部份座位係以卡位形式安排仲會有膠板劃分開 🗺所以即使而家疫情有特別座位安排都唔擔心唔符合距離 🚧串串貢：深水埗元州街18G號富匯居1樓

之前同老豆食完正火鍋，媽咪冇得食有dd 醋味，咁我就緊係要同媽咪食返餐串串麻辣火鍋滿足返媽咪啦！ 之前有網友講過深水埗串串貢d麻辣唔錯咁一於帶媽咪來食。來到見到雪櫃已經裝滿一串串弄好的食物，方便我地拎，飲品都係任拎。一座低侍應就已經送上海鮮拼盤，包括蝦，蜆和蠔。 我們選擇了芫荽皮蛋和麻辣湯小辣。呢到的芫荽牛卷，麻辣牛肉，麻辣雞翼尖好出色， 最特別有 鵪鶉蛋，我好喜歡食炸魚皮，係麻辣湯到點一點拎上來食超正，食到辣再飲返啖蜂蜜綠茶， 呢到的 鹵水豬腸都幾好味，呢到咁多款式串串，總有一款岩大家。