串串貢 (Closed)

串串貢朋友介紹深水埗有間餐廳有串串同野飲可以任飲任食，價錢都好低，值得一試。每台仲有時令海鮮送湯底叫左鴛鴦鍋 一邊重慶麻辣 一邊豬骨火腿，重慶麻辣嗰邊係正宗成都口味食落都幾辣！蔬菜櫃都有好多唔同既選擇，最重要有健康之選苦瓜秋葵肉類麻辣牛肉值得一試，食落都幾入味，仲有個滷水專區，牛肉卷芫荽，芫荽真係好香，中意食芫荽既朋友一定會中意地理位置好，新鮮食材性價比高，食物選擇比較多而且補給好快,值得同朋友再來食

· 深水埗有間串串貢，個名好鬼過癮 ~任飲任吃 2小時! 價錢超抵吃吃到飽👍·環境好Chill有音樂聽和坐得好舒服，食物飲品和醬料都是自助形式，配料款式種類好多，而且食物新鮮👍最特別係有新鮮的水果吃好健康😍·湯底是百分百無添加精心製的兩款湯底可選 鴛鴦 或 一款湯底。湯份量超大煲!·豬骨湯底用上金華火腿，豬骨，雞架，，新鮮時令蔬菜和數種天然香料，堅持每天新鮮熬製湯底!落食物之前飲啖湯，湯的味道好鮮甜👍更具有養生補氣補血和滋潤腸胃的功效。·正宗重慶麻辣湯，香辣十足! 彩用上等牛油和自家傳承秘方炒製成的湯底，香辣而不燥膩，麻辣就差少少，但勝在夠香夠辣!如果鍾意食四川嘅麻感多啲可以係自助醬料區加花椒粉落湯底，咁就食到四川超麻辣湯鍋啦😋·海鮮新鮮日日不同，魚，蠔肉，蝦和白沙硯都好新鮮好好食老闆娘嚴選海鮮材料💗務求每位客人都食到新鮮嘅食物🥰·

放左幾日假和同事趕工ＯＴ完，落左深水埗去依間食火鍋~來到剛過9點以優惠價$168/位 享用~店內食客唔多唔駛等位，大枱卡位任坐，我地揀左四人位擺放食物鬆動好多。湯底揀左鴛鴦湯唔駛額外付費，一邊係豬骨火腿湯底味道濃郁，另一邊係重慶麻辣湯底雖然小辣但好香好惹味。時令海鮮拼盤每枱都送一份海鮮拼盤，有蜆、魚片和海蝦。火鍋配料配料全部放置雪櫃內，非常衛生，以自助形式拎取，配料有六十多款，主要分左肉類、丸類、蔬菜類、滷水醃製類，大部份以竹籤串起食起來方便。飲品：檸檬茶、蜂蜜綠茶、柑桔檸檬、蘋果綠茶、蒸餾水和各類汽水醬料：花椒粉、孜然粉、芝麻醬、豉油、蠔油、麻油、沙茶醬、蒜蓉、芫茜、蔥、小紅椒配料：豬紅、牛肚、豬肚、生腸、雞翼、雞翼尖、牛柏葉配料：萵筍、南瓜、蓮藕、凍豆腐、馬鈴薯、金針菇、豆芽、淮山配料：蔬果：時令水果、冬菇、栗米、木耳、苦瓜、冬瓜、青瓜、腐皮、白蘿蔔、秋葵、豆卜、芋頭、海帶、時令蔬菜配料：午餐牛肉、紅腸、芝士腸、廚師腸、炸魚皮、海膽丸、貢丸、魚肉片、牛丸、魚蛋、花枝丸、鴨腎、滷水豬脷、獅子狗卷、蟹籽丸、蟹柳、龍蝦丸、牛筋、嫩雞肉、雞軟骨、魷魚、麻辣牛肉、芫茜牛肉配料：滷鳳爪、滷

深水埗有間新開火鍋放題 但呢個唔係普通打邊爐 係四川麻辣串串嘅放題啊😻😻 豬骨火腿清湯帶咸香味道 麻辣湯底香料味道不錯 夠麻辣自助區有雪櫃比大家攞串串 醬料串串由蔬菜 內臟肉類 丸類都有推薦凍豆腐 同牛肉捲🥰凍豆腐吸滿湯味道呢-𝚈𝚞𝚖：👅👅👅/𝟻𝚁𝚎𝚟𝚒𝚜𝚒𝚝:💃🏼💃🏼💃🏼/𝟻𝙿𝚛𝚒𝚌𝚎: $𝟸𝟻𝟶/𝚑𝚎𝚊𝚍————————————————深水埗元州街18G號富匯居1樓———————————————— ..

好好食😋特別係麻辣鍋底，好正👍👍👍同埋幾位朋友仔食到唔停得口，最開心係每樣嘢都一串串嘅，唔會太多，又可以試吓唔同嘅嘢食，簡直豐富到極😁😁😁好少可以係香港食到正宗嘅麻辣火鍋😋😋😋特別係多謝晒靚靚老闆嘅好招呼，食足全場，計埋酒水，捧住個肚離開都唔使200蚊一位！認真好食抵食👍👍👍朋友仔贊我好介紹，地點方便，地鐵站行過嚟幾分鐘就到，食完飯樓下仲有好多生果可以買返屋企😉😉😉

麻辣串串自助鍋今日好鬼凍，好彩有friend帶左我去食串串鍋暖下身，仲要係任飲任食，重慶口味，都係$188。而且揀鴛鴦湯底都唔駛加錢。一個係香濃豬骨火腿老火湯，另一個當然係麻辣湯底。麻辣要咗小辣，我覺得啱啱好。香濃豬骨湯，味道都唔錯。串串可以自己出去拎，飲品一樣。串串貢 (深水埗)深水埗元州街18G號富匯居1樓

今日約咗朋友聚會去咗深水埗試新嘢，係麻辣串串鍋， 呢度啲嘢食係自助放題形式，食物一串串，串起曬然後自己揀自己鍾意食嘅嘢，嘢飲都係任飲不過就唔包啤酒，而湯底有正宗重慶麻辣鍋或者香濃豬骨火腿湯，而最多人揀就係鴛鴦鍋包含曬兩種湯底，晚飯時段兩小時任食成人$188一位小童$108一位。啲串串放入麻辣鍋度滾，特別係個肥牛再撈起身，點埋自己鍾意嘅麻油、沙茶醬食，真係好香好好味，而且串串不斷供應，每一款都一定又喺度唔會畀人攞曬，呢方面做得好好，而豬骨火腿湯底，聽主管講今次加咗當歸係入面，同埋我見到有杞子， 淥出嚟嘅食物又另有一番風味，係好香濃有少少藥膳味。而最後食飽曬，有不同嘅生果自己攞，我見到有5至6款，但係因為太飽關係，我只係食咗個番石榴 同埋火龍果， 今次又係食到好滿足。

星期六晚黎左深水埗呢間重慶串串火鍋食放題～ $188/2小時 任飲任食。可能受肺炎影響，食客只有2-3桌。餐廳亦特意將座位分佈得較分散。比同類型食店乾淨衞生，所有串串配料均放係有門嘅雪櫃內。多達60款配料、包裝出前一丁、自家製鹵水食物、時令水果～多款醬料可以整我最愛嘅油碟添！贈送海鮮拼盤一份！蝦肉夠爽彈，蜆都無沙。鹵水因雪凍左較硬，我都係淥一淥先放入口。夠入味連水都係樽裝蒸餾水夠衞生。已包鴛鴦湯底 （豬骨/麻辣）麻辣少辣都幾辣下。推介：雞軟骨、雞翼、生腸、雞腎～最後兩人食左66支～

記得好耐之前係一個內地朋友嘅ig都見到串串火鍋依樣野，一直都覺得好新奇想試下。但係香港又真係搵唔到啲類似嘅餐廳🧐 咁啱嗰日行過深水埗，見到呢間新開嘅火鍋，終於可以一試！任食兩個鐘都係$200都唔使🤯🤯入面嘅格局非常之整齊，一啲都唔會好似其他火鍋店嘅自取area咁污糟，店員一見到有食物跌咗落地下就會好快手咁樣清潔返。食物種類方面亦都好多元化，除咗我哋平時打邊爐會食嘅肉類同埋蔬菜之外，餐廳都自己制咗一啲滷味。例如滷大腸我男朋友就讚不絕口🙊我哋叫咗一個清湯同一個麻辣湯底。清湯方面香甜之餘聞到有少少嘅中藥味，養生之人就最啱啦！而麻辣鍋，一啲都唔誇張，佢嘅味道同我喺內地食嘅小肥羊麻辣湯底有異曲同工之妙♥️😍♥️😍 食落去真係好似！佢嘅食材全部都清洗得好乾淨，例如餐廳係真係會將金菇分成一截截咁樣清洗乾淨先放比客人食。而一啲好容易有腥味嘅食物，例如係雞軟骨，食落去都非常之新鮮🙋🏻‍♀️其中佢嘅海蝦味道超級鮮甜，平時都對蝦麻麻哋嘅我竟然食埋我男朋友嗰份🤣 另外佢嘅肥牛牛味較濃，而且脂肪唔會過多，食落嘅罪惡咁冇咁重😝最後真係強力推薦呢間餐廳嘅雞翼😭 除咗媽咪煮嘅雞翼之外，呢間嘅雞翼真係第二滑🤩 淨係睇個樣都知

呢排爸爸無工開，喺屋企悶到發毛，於是陪佢去食下嘢。有朋友前幾日食完深水埗嘅串串貢， 話抵食又美味，每位188元，就可以食足60幾款配料，任飲任食。點咗鴛鴦鍋，一邊係豬骨湯，一邊bb辣的四川麻辣湯底。每枱都送一份海鮮，有蝦，蜆同蠔仔。飲品櫃有罐裝汽水同埋紙包飲品，雪櫃嘅串燒款式多，我最鍾意肥牛同埋芋頭，雪櫃裡仲有啲鹵水小食同埋水果。餐廳環境幾舒適，坐得好闊落，又播放一啲輕鬆嘅音樂，而且店員姐姐們都好友善，加分。

屋企附近買完日用品，去食串串貢皆因見到成人價 $188 任飲任食環境乾淨又衛生食材已經全部入凍櫃，一目了然蔬菜，水果，鹵汁食物，丸類等好整齊今次食鴛鴦湯底麻辣要少辣，香味四溢，麻香味勁正豬骨湯加入當歸，最岩女人補一補真材實料湯底每枱有海鮮拼盤，老公至愛的蠔仔呀鮮味無比特別食材有芫茜牛肉卷，芫茜控至愛🌿牛筋牛肚都入味，骨膠原就岩曬靚太少不了肥牛🐮，一滾就熟，食肉獸必定首選最後碌埋紅薯粉，出前一丁作結，圓滿一餐

呢間位於深水埗嘅樓上鋪串串貢，一聽個名就知道係食一串串嘅嘢啦，呢間餐廳係食最近好受歡迎嘅麻辣燙，但呢度嘅好處係湯底可以選擇鴛鴦湯底，唔辣嘅朋友都可以照顧到鴛鴦湯底分別係麻辣湯同埋豬骨金華火腿炮製而成嘅湯佢哋所用嘅辣椒🌶️真係零舍特別香，而唔辣嘅豬骨湯底更加用上矜貴嘅金華火腿！另外呢一度係任食任叫嘅，亦有整齊嘅醬料區、食物區、飲品區，非常整潔任叫任食之外，每人總會有一個海鮮拼盤，海鮮款式每日唔同，係店主每日新鮮採購！呢度嘅串串選擇好多，更有生猛海蝦，不同嘅牛雞豬串串，另外更有滷味，選擇非常多唔食得辣嘅我都要去挑戰下呢度嘅麻辣湯底，我雖然知道嘅麻辣燙係真係幾咁吸引

因為地理關係一直比較少踏足深水埗區,今日難得有地膽friend帶我周圍食,就算幾唔就腳都好都梗係一定要黎.朋友話附近開左間叫麻辣火鍋店$188食足2個鐘又真係幾吸引.餐廳位於中心遠少少既位置既樓上鋪,中間拎食物既地方好整潔,全部食材都放入雪櫃冷藏好衞生整潔.食物都幾多選擇,單係蔬菜類都佔滿左成個大雪櫃.其次經典丸類當然有齊,估唔到既係連內臟類都有！湯底只有2款所以順理成章地點鴛鴦鍋.主打無添加劑湯底有正宗重慶麻辣湯同香濃豬骨火腿湯.正宗重慶麻辣湯個底真係好香而且比我既感覺唔會好化學,底充滿乾辣椒,胡椒,薑等等,先麻後辣得黎辣味後勁凌厲越滾越出味.辣到爆煲既時後休息一下轉一轉去豬骨湯到過一過冷河,豬骨湯唔似平時食呈米白色,湯底清澈淡黃.平來仲怕無咩味,飲一啖湯後發現底韻清香帶淡淡豬肉,火腿及鮮雞鹹香味,再加上內裏帶少少藥材當歸味令湯底更香.餐廳為每位食客先送上盤海鮮拼盤,有蜆,蝦同魚片.蝦大大隻足手掌咁長,蝦肉爽彈.蜆肉食落無沙鮮甜而魚片每塊都好晶瑩通透十分新鮮.每款食材都用竹籤串起,當中最特別既有麻辣牛肉同芫荽牛肉！麻辣牛肉用麻辣醬醃好惹味,再加埋入麻辣湯到雙重麻辣夠晒刺激.牛肉包住芫

正宗重慶麻辣湯+香濃豬骨火腿湯💋打邊爐幾時最緊要系湯底，其次緊要既就系食材，呢間串串貢其實天后都有分店，呢家開咗間系深水埗近咗我，所以當然去check下質素點啦👉🏻正宗重慶麻辣湯-呢個湯底真系令我同我fd都打咗幾次「咳痴」，湯底好多辣椒花辣仲有帶少少八角味，我自己就覺得食到辣得幾爽既，唔知大家有幾鐘意食辣，啱辣既就會愈鐘意，因為唔系得重死辣，帶少少後勁同味道都重，見到有加棗落去解燥，加分👉🏻香濃豬骨火腿湯-另一鑊既湯底比較清d，店員介紹當日呢款湯底落咁一款藥材，問我哋有冇敏感先落單，非常細心，有印象加分，清清地，重芫荽味，啱晒拎嚟食素食，我自己就比較鐘意一個麻辣煲一個偏清口味既湯底，方便食番d冇咁油膩同辣既食材中和下，當然咁對身體當然都好d👅一開始就上咗蝦、鮑魚片同魚片開場，味道亦唔錯，做開場打頭震適合不過💁🏻‍♀️而飲品方面基本既汽水有，仲有蘋果綠、綠茶、檸檬茶盒裝飲品🧃都有，咁就okay啦，食品吧到肉類、丸類同素類各參半，種類都唔少，其實出去串串鍋同打邊爐都比較少見有秋葵，今次開心大發現系有驚喜，肉類方面最出式系肥牛、同芫荽牛系讚既，亦系我至愛👏🏻餐廳距離食物吧位置都算近，同另外有設

早前年青人都比較喜歡北上食麻辣野，串串鍋都是大熱的食物，不過近期大家都不會再返大陸，但如果想食麻辣串串，這間餐廳就可以滿足這個慾望了!這間餐廳位於深水埗旺區，就在玩具街後一條街，所以出港鐵站行不用5分鐘便可到餐廳。餐廳位於1樓，環境不算很大，大多數都是卡位，坐得很舒適。由於是放題的關係，飲品、串串也是自行到雪櫃取，而這裡的好處是所有串串都放在有雪櫃門的雪櫃內，感覺更衛生。還有醬料區可以自行調出自己喜歡的醬汁！我們點了鴛鴦鍋，一邊是麻辣，一邊是豬骨湯。麻辣湯點了小辣，但都已經好辣了。而豬骨湯湯底清甜，味道不會很淡。飲品方面有汽水，也有紙包飲品。食物方面串串款式都有很多，除了串串，也有其他蔬菜、肥牛、豬肉片等，而且還有他們自家製鹵水食物。串串當中最喜歡吃麻辣牛肉和芫茜牛肉，不論放清湯或麻辣湯都好惹味！小店還有送上時令海鮮，包括有蝦、沙白和魚，海鮮新鮮，蝦肉彈牙鮮甜！最後還有生果可以吃！