新嘉美茶餐廳 (Closed)

2008年8月16日早上7:00 平時超級好老細成日買佢D蛋球比我地食, 水準幾好O架, 心諗…早餐都應該唔差掛!同沙牛男友去試下早餐:沙牛麵 – 麻麻地, 唔係太好食, 個汁唔係好得, 只係一般水準熱奶茶 – 奶味好重, 無茶味, 唔掂豬扒米 – 豬扒乾過我銀包啊! 好難食, 唔好叫出門口時見到佢D麵包唔鬼掂, 無O黎精神噤, 我好相信係交O黎. 但係蛋球係自己做喎! 奇! 奇! 奇!埋單41

真係典型茶餐廳, 不是最平價, 但很多人幫襯, 通常食早餐, 早餐比灣仔道的茶餐廳貴, 最最最典型的茶餐廳式早餐, 火腿通粉加煎雙蛋, 並非配方包, 是中型餐包, 煎雙蛋太陽式, 超生! 不過可以要反蛋, 但根據經驗, 樣子勁差, 反到一劈, 另外, 食過麵食早餐, 都係一般, 但見好多人叫, 間中會食沙嗲牛肉包加奶茶, 可能用微波爐丁過, 個包十分熱, 好好味, 奶茶好大杯, 通常飲唔晒, 侍應服務態度差!

昨晚聽黃子華talk show，由於趕開場，所以在最近的地方吃個quick dinner，要了咖喱牛脷飯和餐蛋麵。咖喱牛脷飯個咖喱汁好淡口，冇乜咖喱味，牛脷雖腍，但乜味都冇，認真奇怪；餐蛋味係福麵，早知加$3 轉丁麵，餐肉同蛋不用多評，若此兩樣也煎得難吃，個廚師真係炒得！

為迎合不同口味人士的需要，現時既茶記有好多不同種類既食品，中的、西的，粥、粉、麵、飯、扒類、壽司、點心等應有盡有。不過我有個唔多好的習慣，就係去茶餐廳唔會睇大餐牌，只會考慮其常餐特餐快餐。是日亦然，放工一條友去食飯，到了也只是衝著其特餐而點。火腿奄列，煎得剛好，不會太燶也不會，裡頭包著很多的火腿絲，漲漲的，十分不俗；餐包也是用厚厚的，烤底，又是火喉適中，香口美味。沙爹牛肉麵，用的是福麵，是唯一要挑剔的地方。幸好，牛肉份量多，色澤好，質素也算可以。如今的茶記大多只得三兩片牛肉，這樣的份量很不錯了。多甜凍檸茶，與現今講求健康的香港人有點不合，但對本人而言則合適不過。說我死板也好，守舊也好，總覺茶記有特餐常餐便多，其他種類的食物，不要太多了！