Video
Introduction
失眠冰室是一間上樓cafe,它們以沙冰,小食和焗白汁海鮮意粉為主打,亦受客人歡迎!環境方面,燈光柔和,亦有音樂襯托,很適合三五知己來到聊天!
continue reading
Opening Hours
Mon - Sun
16:00 - 02:00
Above information is for reference only. Please check details with the restaurant.
Signature Dishes
難得的一間餐廳, 讓本人認為值得為它花時間寫幾句說話.為表誠意, 特別開個openrice account 來寫.今晚同幾個朋友o係e間餐廳食晚飯. 各人點了幾個普通的菜式. 例排的, 馬上上枱, 但另外兩個菜(pizza & pasta) 則叫我們等了很久很久. 其實也是因為餐廳的例排冇貨先要叫 pizza & pasta.本人明白, 樓上café 吃飯是怎麼模樣. 味道, 環境及服務資素方面自有預算.等了15-20min, 那兩道菜還未出來. 我們叫waitress幫忙加快上枱. 過了一陣子, pizza 上枱了, 但pasta 還是沒有踪影. 我們再叫 waitress 幫忙跟跟單.再過約 15min, 我們見 pasta 似乎還未有消息, 就請剛經過的 waiter (看上其實似老細) 幫忙. 這位大哥令我沒齒難忘. 以下為對話部份:Waiter: 你個意粉師父整緊架喇, 等等啦, 我地又唔係剩做你一枱我: 咁真係等左好耐啦嘛Waiter: 或者頭先落單冇同你地講啦, 即整架, 係要最少20min, 即整先好食.首先, 味道講真我唔覺得好食. 我叫o既意粉係樓下 hao 貼o既o個碟意粉. 好鹹, 未收水, 太油, 蒜頭太多. 轉角位朋友話, 聞都聞到好濃味, 我都打算今晚用漱口水.重要o既係那大哥的態度. 意粉要煮大半個鐘, 整得慢可以同我解釋. 你係整得慢, 我都冇辦法. 但 “等等啦, 我地又唔係剩做你一枱” 就實在有點兒那個了, 恕小弟文字能力有限, 未能將那大哥的趕客語氣寫出來. 那麼的不想做生意媽?! 我可不是每5min 催一次啊, 15min 一次過份嗎?小小意見, 如果時間好多, 完全唔怕等, 大家可以叫非白飯上加汁的菜式. 叫了就不要催了, 免得大家打後冇心情吃.做人公道d, 佢個素食 pizza 味道是可以的.
continue reading
那日同朋友在此GATHERING. 佢地裝修後舒服好多啦.坐既時間又長.老細又識做, 見我地係聚舊, 慢慢煮就我地傾計又可以慢慢食.D野食超正, 野飲又正.我飲左杯愛爾蘭CAPPUCINO, 好好飲.
continue reading
環境：雖然環境暗黑，卻十分熱鬧，椅子非sofa，似樓上茶餐廳多於cafe食物：１）想試的招牌菜全都沒有 ２）被迫order了小食套餐，毫無特色可言，似食快餐店 小食套餐包括 -春卷 -瑞士雞翼 -咖喱角 -脆炸薯角 -芝士焗薯蓉 -Pizza -肉醬焗意粉 -三色椒煙鴨胸意粉 -香草忌廉什菌意大利飯 -火焰雪山 包餐牌飲品一杯３）Pizza 總算有點水準 ４）香草忌廉汁海鮮墨魚意粉 － 意粉林，墨魚梅 員工說餐牌轉接期…可能下次光顧又是一返新景像
continue reading
最近一個星期六的七點左右，一班朋友到了上址聚餐．揀呢間嘅原因係因為佢可以坐得耐，同埋係一間非吸煙ｃａｆｅ．不過，它卻給了我們一番經歷．１． 兩個半小時後來的晚餐：七點十五分左右落單，叫咗７個set dinner．當時cafe內得兩三台客，應不算太忙．我哋嘅嘢慢慢嚟咗兩三個．我都預咗cafe嘅效率唔會太高，所以便邊玩邊等．我哋發覺佢漏晒單，期間，我哋吹咗４－５次，聽了很多藉口．餐牌上寫了的"墨魚意粉"，被侍應當作是"墨魚"和"意粉"，都情有可原，但當叫了兩個咖哩，魚的來了，另一個卻石沉大海，就難以接受．另一個是羊，要到我哋等咗一個鐘１５分鐘問佢，佢先話："冇咖哩"！！真係火都嚟！！ 最後唯有叫第樣嘢．播緊"家好月圓"，waitor/waitress都睇得好投入，真係"客人在等，服務員在閒"！！焦急的心到１０點，最後３碟先逐一登場．結果，晚飯變宵夜, 唔怪得之叫"失眠"囉...２．唔太抵食物都算ok(見圖)．叫一碟唔算太差的意粉／意大利飯便要７０－８０元，加飲品另計十蚊，特飲更係１６蚊，仲有加一，埋單一個人就大約要＄１１０．香港通漲真係幾嚴重喇！飲品：唔好叫"桂花茶"，係好淡．我第一次到呢間ｃａｆｅ嘅經歷就係係咁，你會唔會去呢？
continue reading
想同朋友搵地方傾下計,知基利商業大廈多cafe,所以就去左揀初頭我地上左19/F,點知被包場,感就行上一層試下啦,反正就腳,我地坐底坐決定嗌cake食,點知店員話無晒cake,介紹我地落5/F兜兜轉轉去到,cake set$48,都ok wor,我同朋友就一人叫左一個set,朋友叫的係荔枝沙冰同chocolate cheese cake,佢話杯野飲無咩甜味,個cake就ok我叫左士多啤梨沙冰同New York cheese cake,可能我揀STAWBERRY啦,杯飲品都幾甜啊.....但係件cake就唔掂,好鞋無cheese味,得一個'膩'字!!我only食左一半jar......其實我地都覺得雖然杯飲品係沙冰,但係入面d冰真係大舊得好緊要...飲晒杯野之后仲有半杯冰係o係個杯入面,cake都好細件係幾好坐,(因為無其他人客,好靜)不過我諗應該有其他cafe好過佢,所以我下次唔會再去!
continue reading