麻辣川米線

Open Now

Now Closed

今次係我第五次嚟食，之前一直都覺得可以，不過食完今次就……68蚊牛柏葉得16塊小嘅柏葉，等於出面2串牛柏葉都冇。68蚊豬頸肉，同隔離泰國菜嘅價錢差唔多，佢得人哋3分一份量。下次唔會再嚟。😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓😓🧐😓😓😓😓😓😓😓😓😓😓😓😓😓😓😓😓😓😓😓😓

米線都食咗好多間，而呢一間係我會不斷去食同推薦俾人。宜家小店係選用QR code落單，非常方便。麻椒米線 ($35可選一款$6配料)今次都係選擇咗麻椒湯底，唔太食得辣而又想過下癮嘅朋友仔可以同我一樣揀返個最小辣。本身米線都會有芽菜同韭菜，仲會有埋我最中意嘅菜脯粒。配料方面都有好多選擇，而我就選擇咗雞絲及鮮面根。雞絲更似係雞柳，食落好似雞髀肉，都幾嫩滑口感非常好。而鮮麵筋係我必點嘅配料，每一舊都會吸咗好多湯汁。燒烤三拼 (豬扒雞 翼豬頸肉) $62因為佢係即叫即烤，所以大概都等咗10至15分鐘。雞翼表面燒到脆脆地，同埋蜜糖味都好濃，可惜裏面嘅肉就冇乜味。豬頸肉好爽口，豬扒就有點太乾同硬，下次再食可能就揀返單項就可以。整體來講，我都係幾滿意，淨係湯底已經好值得一食再食。

最近加入左社交平台嘅米線關注組，搞到成日都好想食米線，見群組入邊較多人推介嘅其中一間就係呢間麻辣川，群組入邊評論眾說紛紜都幾兩極化，所以今日去開深水埗就特登過嚟試吓，我叫咗酸麻辣(中辣), 豆卜、豬腸、豬潤首先講吓個湯底我真係覺得超....好味😋，其實淨係個湯底我已經愛上左呢個米線，d餸就普普通通啦⋯⋯正常味道囉我個人都覺得自己算係食得辣，而呢個辣我都食得有少少辛苦，所以建議大家如果唔係好食得辣嘅可以叫小辣會好啲

今天和朋友來到深水埗的麻辣川米線。看到餐廳很細，但很多人，所以就進去試一下了。點了碗中辣腩肉滷金錢肚米線，米線來到，辣味十足非常開胃。腩肉肥瘦均勻，金錢肚滷得很入味，米線亦很爽不會過淋，味道不錯。但他們的態度，真的要好好改善，如果唔係不會有有回頭的客人。

🍴麻椒米線 35 蚊🌶️🍜配爽口既有芽菜韭菜同 菜莆 幾新鮮 小辣既湯底其實都幾辣下 有 d拮拮既辣感 好惹味 感覺似四川正宗既辣椒香味 🌶️米線夠爽口 十分入味🍜 加6 蚊黑木耳絲 足料而且爽口彈牙 加8 蚊豬肉韭菜餃 餃皮厚度適中 豬肉同韭菜都算落足料 夠 juicy同有口感 唔錯🥟🍴招牌大窩雞湯米線 63 蚊 改麻酸辣湯底加2 蚊麻酸湯底冇麻辣甘辣 酸味偏濃再帶有少少辣度 就算中辣都不及麻辣既少辣 但個味十分唔錯 同爽口既米線好 match 🌶️材料 有鮮雞絲🐥雞肉係幾有雞味 肥美問滷豬大腸同爽口肥美既豬腩肉🐽 白蘿蔔有好多 十分入味 👍🏻甜酸菜 吸汁腐皮 菜莆粒 新鮮 生菜 芽菜🥬 韭菜 仲有彈牙 魚蛋🐟 整體都幾好食👍🏻#麻辣 #酸辣 #米線 #大腸 #豬腩肉 #芽菜 #雞肉 #芽菜 #韭菜餃 #木耳Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#

米線嚟講呢間可以講由中學時期已經成日幫櫬🤩，亦都係我心目中食過最愛嘅米線頭三甲🥇！估唔到呢刻連FB米線關注組都有唔少人推薦🤣⋯⋯/每次食米線都一定叫麻辣🌶，呢度嘅麻辣湯底值得一試，辣中帶點甜越食越過癮，因為麻辣後勁凌厲，所以嘴唇都會食到麻🤣，好爽！/鍾意佢嘅原因除咗湯底外，配料方面都好多元化，差唔多有50款選擇，不少配料都比較少見，例如藥材花雕酒浸溏心蛋、黑柏葉等等😛，自問麻辣控嘅話，一定要叫埋呢到嘅麻椒牛腩，加埋落個湯底到真係辣到噴火🌶，可以講係必食！雞絲同坊間嗰啲都唔同，係用雞柳食落都差好遠🤤！/有好都有差方面，因舖位較細所以座位與座位之間較逼，所以坐得唔太舒服🤷🏻‍♂️，所以都較多人叫外賣🙂，麻辣川有兩間分店，但我食咁多次都係覺得長沙灣總店係最好食🤔，葵芳店質素較差，可能廚房問題？

長沙灣附近都有幾多米線餐廳選擇，其中一間係麻辣川米線，係美居中心後面，好細間，但見都幾多人食就去試下。我同朋友各自叫左碗米線，一碗係麻椒牛腩，滷金錢肚和白蘿蔔雞湯米線，另一碗係雪花肥牛雞湯米線。兩碗味道都ok，不過不失，但店員服務態度就真係麻麻，應該唔會再去食。

本人住在附近，突然想吃雲南米線，於是search到這一間，見到評價比較兩極化，決定親身一試，然後自己知道永遠不會再來。小食我吃了這個牛百葉，沒有爽口，很普通，另外，米線甚至有點硬身，疑似未煮熟，感覺似塑料

落單時同侍應講咗要最少最少辣，嚟到嘅時候碗米線辣到飛起。禮貌地要求一杯清水諗住溝淡d，結果佢西口西面咁話食唔到就唔好食。仲諗住杯水都收我錢，明明佢碗米線好明顯就唔係小辣（去譚X中辣都冇咁辣）。太辣都算，嚟食嘢好似乞佢俾杯水我咁，就嚟要跪地道歉。唔想畀人鬧就千祈唔好嚟！

淨麻唔辣 碗大量少唔係見咁多都唔會試真係可一不可再！當日order左份腩肉豬軟骨酸辣米線，食過咁多間米線腩肉做餸，未試過有一間嘅腩肉係咁樣，望上去根本就係烚豬肉所謂既辣係食落喉嚨會覺得好唔舒服，似足返大陸食烤魚嗰種辣。👎🏻酸菜一啲都唔酸😑😑職員嘅態度亦都十分之差叫極都冇人應我個friend order咗個中辣嘅酸辣米線，食嗰陣時一滴汗都冇出過。佢食完碗麵後5分鐘狂標冷汗而且搞肚痛，勁驚佢食物中毒，最後係條街坐低休息左一陣先行到，嚇死我。我好質疑呢間舖頭嘅食物質素同安全性。

麻辣川米線, 長沙灣🌶因為我太中意食辣野 (雖然唔係好食得辣)，見網上面好多人都話呢間好味，所以特登黎到長沙灣試一試。我個人就中意佢地個麻辣湯底， 麻酸辣湯底我試左幾啖好似好咸。配菜方面都係一般食車仔麵會見到既，可惜無我平時會點既齋同豬紅。總體都幾好味，小店風味，價錢合理，但坦白講就未必會特登再過黎食嚕。.麻辣米線🍜 (小辣，豬大腸，白蘿蔔，豬肉椰菜餃) $51麻酸辣米線🍜 (中小辣，豬腩肉，腐皮，豬肉韭菜餃) $51烤燒麻椒雞翼 🍗(4隻) $32.📍長沙灣元州街213號美居中心商場地下22號舖🌟Rating: 7/10💰Price: $50-60 pp

2020年10月2日晚上，嗌咗個麻椒米線，阿姐拎個清湯米線嚟，我同阿姐講係咪嚟拎錯咗，阿姐勁惡，話麻椒係咁樣，唔肯換，如果係第一次嚟就話信妳姐，好明顯今次拎錯咗，阿姐勁惡係都唔肯換，好失望，老板娘唔係度，啲員工就做壞招牌。

住在深水埗多年，個個話呢間好食我未試過睇吓同我最愛食嘅數字哥有冇得揮先店內貼滿餐牌湯底有幾款我唔鐘意酸又想試辣於是試試麻椒另外$35米線免費配$6嘅餸但大部份係菜，唔啱我轉㨂$8嘅鮮雞絲仲有其他小食，我冇叫啦麻椒鮮雞絲米線（小小辣）外賣加$1=$38我是外賣有分湯湯底雖然紅卜卜但我嘅小小辣就唔算好辣麻味亦唔重，反而係有陣椒味同菜脯嘅甜味不過我覺得好油我要不走面頭啲油先食但味道幾獨特嘅米線份量勁多，我覺得比數字哥淋（我鐘意爽嘅），雖然有分湯同埋佢都有配啲芽菜同韮菜同數字哥唔同佢仲有菜脯間唔中咬到辣中帶甜 幾特別至於我叫嘅餸係鮮雞絲我原本以為係雞絲湯檬嗰啲或者數字哥鳥米線嘅雞絲原來唔係，呢度似係雞柳都唔係絲，係件份量都幾多每件都大大件咁份量好大，食完好飽不過米線唔夠爽湯底較油都係食返連鎖米線啱我多啲

這是筆者童年時的居住地方，可惜當時年紀還小，未識四圍覓食。長大後才在網絡上得知此處有一間人氣米線店。這晚和家人下班後一起過來一試。雖然是街坊小店，但已先進到可使用QR code線上下單，絕對是方便。必試的麻椒湯底，據知湯底是用上百多斤豬骨、雞殼熬煮2日而成。當中的麻辣香味是由指天椒、花椒、麻椒等炮製所出。這次點小辣，湯頭入口香辣惹味，然後是陣陣麻味的後勁，吃到最後已感受到嘴巴有輕微發麻感覺，實在過癮。而另一款湯底就是麻酸辣，辣中帶酸。不過當然沒有麻椒湯底有特色。配餸分別點了金菇菜和豬肉椰菜餃，稍嫌餃子皮有點厚。至於米線帶有彈牙之感，煮得不碎，若再煮腍一點就更合筆者口味。即叫即燒的雞翼，餐牌有註明要等候大約15分鐘。熱辣辣的肥美燒雞翼，香口惹味，而且有陣陣麻椒辣香。假如當年沒有搬家，這裡可能會成為筆者的飯堂之一呢。

我好鍾意食米線🍜 有一日係YouTube見到好多youtuber推薦「麻辣川」 話係香港十大米線之一 我緊係要過黎朝聖一下湯底主要有四個味（雞湯、麻椒、麻酸辣和酸辣）睇OpenRice 見每一個湯底都有人叫 今次我就揀左麻酸辣米線雖然麻酸辣唔係一間集團米線 但係佢地好先進 用QR Code自助落單 好方便👍🏻我地叫左兩碗米線1) 鮮黑柏葉+鮮雞絲 麻酸辣米線 (小小辣)2) 豬軟骨+鮮雞絲 麻酸辣米線 (小小辣）其實鮮雞絲係雞件 而且好滑 應該有yip過又唔咸 好少地方有鮮黑柏葉 無漂過 最重要係食完一啲口渴都冇 老實講譚x食完好口渴好多味精 值得推介