Smile Yogurt & Dessert Bar (Moved) New Location

綠茶froyo @smileyogurt $72.其實哩個weekend有買任何yogurt都係$50即promotion 雖然唔係特別優惠但有得食平時唔捨得食既froyo算係咁啦 都平左$22蚊😊.我覺得哩款真係好好味 係我食過咁多款之中配料最夾👍🏻有綠茶芝麻脆脆同朱古力粒粒 食完最頂果層就有麻糬同綠茶朱古力😛麻糬好煙un好好味❗️之後有層綠色既係綠茶布甸既物體 好滑但可惜茶味唔濃😕.之後就有層brownie 係朱古力味黎 都ok 因為食得算快冇令舊brownie濕晒😌最底就係芒果作為結尾.其實我一直以為綠茶同乳酪係唔點知食落原來咁清新 而且每一層都有唔同配料有唔同既口感 咁大杯都唔會口寡寡😌話雖如此 $70我就唔捨得食嚕 今日食完就算啦.

出街經過Smile Yogurt & Dessert Bar，買左杯Very Healthy Mix，其實係比佢個名吸引到，始終女仔都怕肥 不過Smile Yogurt & Dessert Bar標明Yogurt無忌廉成分，所以食的同時都唔會太大罪惡感成杯Yogurt外觀好吸引，店員唧到杯Yogurt好高呀，Very Healthy Mix有蜜糖、燕麥脆脆、乳酪鮮果沙律同士多啤梨，蜜糖同Yogurt好夾呀，加上燕麥脆脆，突然覺得自己好似食緊營養早餐中間的乳酪鮮果沙律原來有熱情果同香蕉醬，係好新奇的配搭，不過我個人鍾意食酸野，所以我鍾意熱情果多過香蕉醬，不過咁樣食都好好味下次會再黎試其他Yogurt

朋友嘅bb剛出世，要去醫院探望，加上我同埋另外一位朋友都係3月之星，不如就買個蛋糕去醫院切啦！綠茶蛋糕(＄398)：蛋糕綿密唔乾，甜度啱啱好，清新嘅綠茶配合軟綿香甜嘅紅豆果然係絕配，紅豆嘅香氣滲晒落去蛋糕，每食一啖蛋糕都會夾雜住紅豆嘅口感。帶苦澀嘅綠茶正好中和咗甜膩嘅蛋糕，所以食落唔會覺得好甜好漏。cream幼滑非常吸引，但因為食飽飯先食我唯有忍手撥開晒啲cream淨係食蛋糕...祝3月之星生日快樂，bb快高長大身體健康！

Smile Yogurt的乳酪，款式多、賣相一流，又健康而且味道不會太甜，就算貴一點也是值得!個yogurt底層有藍莓、一層yogurt之上再有mango，同埋幾塊杏仁脆片。杏仁脆片我覺得好好味，雖然有少少甜，但很有杏仁味。而yogurt質地亦算結實夠凍，唔會好似軟雪糕咁眨眼就溶左。值得再試!

如果yogurt本身酸，我就唔想配酸既生果啦!所以選擇左呢個chocolate lover一杯有好多料!百力枝，brownies,曲奇碎，oreo…全部朱古力口味架♡當然唔少得主角yogurt!最欣賞係百力枝，裏面居然有爆炸糖，口感過癮之後曲奇碎又係非常之正，應該用左啲上等牛油去整，齒甲留香啲yogurt更加冇得輸，好似真係打開一杯鮮乳酪冇分別(>﹏<)抵佢賣呢個價

Vanilla sky $53.超級耐冇食過smile yogurt 但依然是我心目中抵食既top 5😌 你可能會話冇野呀嘛 50蚊都抵 不過計返個份量認真係冇得輸 冇人叫你買抹茶個d $70 既 我就唔捨得食啦🙈.味道係點都唔使多講 喜愛fro yo既人必食 入口酸酸 冰涼十足 而且都算係滑 咁凍既天氣之下食仲冇咁易溶呢👍🏻配料方面亦好簡潔 只有兩塊餅 芒果同藍莓 有點綴之餘亦唔會搶左乳酪本身既味道 有時太多花款口入面太多味道反而好混亂.食fro yo還是簡單好.

It's already my 5th time (or 6th😂) being in Smile Yogurt👏🏻Everytime when I pass by the shop, I am totally attracted by those yogurt & cakes (the actual yogurt looks the SAME as the displayed).I am so impressed about the services provided. All staff are friendly & nice to customers. (It applies to all of its branches)Most importantly, for the FOOD:As usual, I have ordered my favourite Chocolate Fever ($63):Its chocolate brownies and crumbs are matched perfectly with frozen yogurt😝 It's already my

本來想自選配料，可是我真係被呢個The Garden深深吸引，上面千層脆脆，似焦糖口感，加一條紅莓粒粒既百力滋配上清新口味 Yogurt，令口味頓然變豐富。Yogurt分量都算幾多，食到中間，有d蛋白脆脆做配襯，都幾特別架，下次都想試下其他口味！環境:7/10味道:9/10

呢間店之前想黎好耐嘅喇，苦於一直都夾唔岩時間，呢個行程就俾我一拖再拖喇，直至今日喇。酸奶我一路以來都系會飯後或者幾時食翻個，覺得甘樣好健康。香草味道的很香甜，呢個天氣系室內仲可以食得，但系出邊就驚凍喇。香草味清香，食到黎最底層就會發现有藍莓，又轉咗隻口味。還有一個芒果味道嘅，造型都系好特別，有佢自己嘅特色，芒果系最上層，同人分享黎食就岩咗喇，因為好大一份，但系間店鋪實在面積不大，祇有兩張臺，無辦法系入邊食。食完香草味同芒果味的之後真系好飽，認真正，價錢尚可!服務不錯，很熱情周到。

晚餐冇咩胃口關係 經過smile yogurt & dessert bar買左杯very healthy mix黎試下. 佢都講明啲yogurt係冇忌廉 所以都可以放心小小咁食 第一啖蜜糖味好濃同乳酪出奇地夾 不過個人覺得甜左小小 再黎係榖物脆脆好鍾意脆卜卜 比啲乳酪浸住都唔會變淋 乳酪下面就係乳酪鮮果沙律 有青蘋果士多啤梨等等 食落去生果新鮮 最後係熱情果香蕉醬 個人好鍾意熱情果酸酸甜甜但對香蕉冇咩興趣 好彩佢蕉味唔濃 完全合我心～ 晚餐食佢感覺同佢個名一樣very healthy~ 哈哈重有好多唔同既mix&match 會再試！

一直以來都很喜歡frozen yogurt~沒有ice cream的甜膩和負罪感還能有各種豐富的配料～偶然在公眾號上看到這家位於希慎廣場的店面，就過來瞅瞅看看是不是圖文相符^_^小妹是green tea 狂熱粉絲～ 遇到甜品時一定首選green tea不用多說。在選擇恐懼中綠茶口味也可以拯救我～ 後面的是fruity fruity~ 特色是上面的西柚雪芭和澆在yogurt上的柚子糖漿～本以為這是只給相機吃的甜品入口後馬上改變了成見～每一個配料都很有特色也給的十分大方～先说绿茶味的yogurt，绿色的薄脆可以直接當勺子用，由綠茶粉，芝麻和糖漿做成，豐富了整體的口感，此外還有巧克力豆和兩種口感一深一淺的綠茶味麻糬～小妹吃的是後面的水果味yogurt～第一勺下去就愛上了無色但清新的柚子味糖漿。中間有芒果，蜜瓜和其他水果的mix..配得上double fruity 的名稱～只可惜當時已經是吃了一頓大餐後的甜品～有點吃不下了～看到美好的食物心情都會變好呢～

臨近聖誕，點都要食啲好有聖誕氣氛的甜品應下節。Smile Yogurt & Dessert Bar 就啱晒我要求。因推出了新產品My Sweet Christmas。 杯yogurt好靚好有聖誕feel。首先有個好可愛的聖誕老人係yogurt前面，yogurt淋上紅桑莓汁，令味道酸甜偏酸，好開胃！脆脆棒係檸檬味，而且好香好鬆化點埋yogurt一齊食，真的好正。食到中間有聖誕先有的味道聖誕提子蛋糕，口感好有𡁻口。仲有其他好食的配料，味道特別的芒果熱情果棉花糖，好甜的金藍莓，一層酸甜而且好滑溜的雜莓意式奶凍。再食落啲就有一層好脆好香口的自家製脆粒，係酸甜中帶出一點咸香。食到最後有乳酪雜果沙律，令到整個感覺變得好fresh!呢杯甜品真的口感和味道都十分豐富，令人食完後好開心！

認識此乳酪係朋友介紹的，咁岩行街經過便進去食宵夜,餐牌都幾多選擇，可配朱古力醬，果醬，生果等等，買完可以出店外的位置坐下，慢慢食Very Healthy Mix,$53，點呢個係比個名字吸引，乳酪配生果感覺上較健康，頂層乳酪加上少少蜜糖，估唔到兩者都幾夾，主角乳酪幾滑，酸酸地，好醒胃，側邊加上脆米可增強口感，中層有熱情果香蕉醬，熱情果既味較濃，香蕉醬既味較淡，到最底層就係新鮮生果，有青蘋果，酸酸地，幾爽口，整體感覺唔錯The Garden,$53,朋友點的，試左少少，呢杯就有脆米，百力滋，桂花啫喱球，味道幾清新

My friend showed me this festival froyo and asked me to go and try with her. Of course, I said "yes" because I am a dessert freak. This festival froyo is called " My sweet Christmas ". The presentation was just marvellous, we didn't know where to start. The Santa Claus was very difficult to eat, it was so hard. I believe it is made from very hard candy. The mixed berries Panama cotta was very tasty, the texture was very smooth as well. The festival stick had a strong lemon flavour and very crun

成日都經過呢間..店內每一款yogurt都好吸引！配搭唔同嘅toppings好靚今次食嘅時候就揀咗呢一款超級鍾意食佢塊蝴蝶酥襯埋落啲yogurt同啲朱古力醬真係好夾好可惜得半塊... 不過今次食呢粒士多啤梨就真係酸左少少啦要即刻食多兩啖yogurt補返數食完之後唔知點解真係開心啲不過如果再平少少嘅話就更加想試埋其他款～～～呢間分店最好就係出面有個Open area可以坐低慢慢食..無人理