Smokey Ice (Moved) New Location

早前去點了兩款甜品，扮牛扒鐵板的雪糕，和海鹽焦糖雪糕。牛扒鐵板是朱古力包住士多啤梨雪糕，隔離有香蕉和多士，外型好看但味道普通。另一款海鹽焦糖雪糕就好好味! 鹽鹽甜甜，味道特別多數的甜品底下都有乾冰，拍照下來很好看。

是次第2次光顧，餐牌上有新的款式，讚！點了必試的牛扒雪糕外，還點了一客腸粉。牛扒以鐵板上，保留食牛扒時的特色。雪糕很硬，用刀切下去如真的鋸扒，扒內有流心的士多啤梨味雪糕，有驚喜！伴菜有西多士及火灸香蕉，其中以西多的味道不錯。腸粉是新增的款式，以椰漿做腸粉再淋上士多啤梨醬汁，食落十分滑嫩。雪糕是豆腐味雪糕，同樣十分硬身，味道是合格的。旁邊的炸年糕波波可謂有點喧賓奪主，十分Q彈，比腸粉還好食。2款甜品相信是店家下了很多苦心，從表達手法到味道的搭配都可見苦功，希望店家可以不停創作，為筆者帶來新驚喜！

天寒地凍最適合吃什麼？當然是雪糕！  我本身因敏感不能吃牛的，來到SMOKEYICE 終於可以食牛啦。。。係偽牛排雪糕才對。  牛排還有煙霧出，很夢幻呀！配菜有估您唔到西多，朱古力醬香蕉，雜果。牛排雪糕硬硬的真的像CUT牛排：＞CUT開完是朱古力味，實在太可愛, 不過講真，朱古力牛排雪糕味道普通，加上價錢偏貴，食一次好啦（下次試其他甜品）  另外還點了魚蛋腸粉套餐，套餐用紙盒盛著，有豆腐味雪糕，淡淡的很清新，腸粉是椰奶卷配士多啤梨醬很有創意，魚蛋是炸年糕波波，軟軟的口感有趣。  不過都係果句味道普通，貪新鮮和支持本地創作可以一試。

食完晚飯想食返個甜品，加上呢度牛扒雪糕幾出名，就試下啦!食落又真係唔錯，唔係得個樣。牛扒旁的薯條用香蕉扮，仲要扮埋煎過的痕跡勁過癮! 牛扒雪糕表層是朱古力，入面就士多啤梨味雪糕，兩樣雪糕溝埋少少怪不過又幾好食。

晚上同朋友喺元朗食完飯,記得之前睇雜誌介紹過附近有間雪榚牛扒,終是走過黎試下一場黎到當然試食個牛扒啦,再叫多個雪榚burger普通花生醬西多+普通朱古力+士多啤梨雪糕+香蕉,雜果賣相十分靚,可惜味道太普通,西多雜果呢d natural 野都算, 但個雪糕實在過份普通,如果可以換第二個牌子會更好普通焗包+普通雪糕+條狀蝴蝶蘇比牛扒更普通.......略欠層次感,中間多少少生果or其他配料會更佳

這次哥哥好棒哦，帶姐姐到元朗吃了一個可愛度超高的甜品（魚蛋腸粉套餐）它是魚蛋腸粉的外相，實際是炸蕃薯球和椰汁卷，像真度超高耶，炸蕃薯球的皮炸得很脆，裡邊是蕃薯蓉，甜甜的椰汁卷，濃濃椰子味，伴着朱古力醬吃，蠻特別而且雪糕球是豆腐味道，清清的，好吃甜品店開業六個多月，店子裝修充滿搖滾色彩風，吸引了不少年輕人光顧希望店主繼續推出更多有趣好吃甜品哦！Smokey Ice地址：元朗合益路9-15號紀業樓地下G舖電話：6030 6307消費：HKD58

黎得呢到，當然都係為左冰極炸豬扒同冰極牛扒不過店鋪比較細，around 只可以容納10~12個人左右，所有戈一日都等左4個字先可以入座。最後Order左"冰極炸豬扒"同"櫻花雪芭"，因為櫻花味雪芭係限定，唔係次次去都有！當冰極炸豬扒黎到，淨睇外表都幾似係真嘅炸豬扒，但內面係雲呢拿雪糕一啖食落去，感覺好特別，脆脆地，但又凍凍地！不過又出奇地夾，因為炸豬扒皮會有啲膩，但連埋入面嘅雪糕一齊食，再加少少士多啤梨醬，仲反而。不過食嘅時候要小心，因為雪糕好易甩出黎同溶！噴煙架咪睇佢淺粉紅色，就以為係士多啤梨味！其實係櫻花味黎架🌸 但唔知點解我好似食到係紅豆味

一直都想試這裡的牛扒雪糕, 牛扒旁的薯條,其實是香蕉,而且仲有煎過的痕跡,幾可亂真! 可惜，香蕉味道已被焦糖掩蓋了！牛扒雪糕表層是朱古力,內裏是士多啤梨味雪糕, 配搭特別 再來是 我至愛的抹茶雪糕,賣相吸引,但雪糕有點過甜!整體尚可, 試過一次已足夠。

近期元朗最hit甜品店~ 今日試o下嚟睇o下駛唔駛等好耐...真係勁好彩~ 出面勁多人等位...都係四人檯...我地兩個就唔駛等~ menu 係ipad...賣相比較特別o既牛扒已經賣晒...於是試o下吉列豬扒 ($58)~ 加多個柚子雪芭 ($46)~ 等o左一陣就有得食~ 吉列豬扒雪糕真係炸過ge~ 上檯成份便當咁~ 幾得意~個面都唔算好熱...層皮係類似麵包咁...唔算好厚...入面有雲呢拿雪糕~ 但係唔算溶到變水...所以都ok~ 佢地係會俾筷子你食呢款甜品ge~ 加d士多啤利醬咁食酸酸地幾好味~ 仲有少少生果粒~ 柚子雪芭有液氮o係杯底...有煙出視覺效果勁好~ 面頭仲有d花花裝飾~ 靚~ 雪芭底下有d粟米片~ 食落多d口感~ 雪糕burger係隔離檯o既~ 借來一影~ 佢地話d包無乜味...麻麻地wor..整體嚟講...呢度d甜品款式就創意十足~ 不過味道唔算好驚喜...雖然佢有d特別味o既雪芭 (紫薯, 柚子) 同雪糕 (菠蘿包, 馬騮搣)...但係唔係主打...而且價錢偏貴..不過一試無妨~ 

7點多的晚飯時間，門外已排滿6-7台的客人，幸而店子安排了不少的椅子供食客坐著等候，即使店內座位不是太多，也不用等得太辛苦。我們倆口子花了大概半個小時的時間，終於獲安排入座了。即使是在雜誌，還是店方在門外的宣傳，都是主打著吉豬和牛扒的。但遺憾地來的這天牛扒已經售罄，因此也別無選擇，唯有選上另一個想試的 冰極炸豬扒餐牌是以ipad奉上的，除了炸豬扒外，還有 ice burger (看見是用兩個手指包夾上雪糕製成)和其他不同味道的份子雪糕，有如 馬騮搣，及 菠蘿包等味道，真使人難忘。我們倆口子也另外點了菠蘿包味份子雪糕，一試lab made外的份子選擇。這個炸豬扒也極速地送上了。以冷烏冬碟盛載的炸豬扒，表皮真的和吉烈豬扒不枉多樣，有點以假亂真的感覺。隨碟更附有奇異果和果醬伴碟，急不及待的帶起筷子起動。一咬下去，在”豬皮” 中間的雪糕衝口而出，冰凍的感覺迅即蔓延口中，正合近來炎熱的天氣。沾以果醬吃，更加有另一番味道。雪糕採用了細滑的牛奶，吃下去有濃濃的奶香。至於另一樣的甜品- 菠蘿包味份子雪糕，果真是有香香的菠蘿包味道，加上混在其中的菠蘿包皮，確實不錯。但比較甜，如果不喜歡太甜的朋友，也可以

之前見過某雜誌介紹呢間新式甜品舖，都想試好耐。星期日傍晚嘅時間就同朋友嚟試下呢個仿炸豬排雪糕，原來外皮由白麵包炸成，感覺不太油，裡面就住主角--雲呢嗱雪糕，夾住炸麵包一齊食，口感良好。另外，本來想試另一招牌「鐵板牛雪糕」但已經售罄，唯有叫「漢堡兩色雪糕」，由硬麥包分別夾住雲呢嗱同朱古力雪糕，個人比較鍾意其濃濃的朱古力味，但相較起炸豬排冇咁大特色。總括嚟講味道都不錯，但想試鐵板雪糕的人記得早點去。

《店舖》:位置唔算容易找到、裝修簡潔《食物》:款式唔多大概只有幾款（10以内）《服務》:因當晚是19:30去到，剛剛營業没有其他顧客在場，所以不用等候入座、上菜時間大約10分鐘

繼續夏天雪糕特集，今天介紹一間元朗雪糕小店－Smokey Ice；雖然它不是特別美味出色，但食品有新意有特意，定價又不貴，大家經開這區也會推介來試試～上週六下午，以為自己要脫智慧齒了，見牙醫前約了食友在這裡吃個「最後的茶餐」。要留意小店開門時間較遲，由下午3:30至4:00不等；同時店內座位不多，這天我們也等了5分鐘。　想吃的紫薯雪糕斷貨了，要七月中才能恢復供應，唯有改試特別的「馬騮搣 Monkey Pick」茶味雪糕 ($46) 吧；雪糕杯有兩層，中間盛著乾冰，上檯時一片煙霧彌漫，效果還頗持久～　雖然這店自家製的雪糕不是很滑，不過這款馬騮搣味道清香，有點似奶茶味雪糕但較為清怡，在這炎夏享用都幾舒服好受。雙重口味的粟米脆脆及薄餅條，也更添繽紛。　也點了 鐵板雪糕牛扒 ($68)，除以朱古力雪糕扮演牛扒，「牛扒」中芯還加了粉紅士多啤梨雪糕來仿製半生熟效果；最後還配上香蕉扮的「薯條」及西多扮的「薯餅」，效果十分逼真！　牛扒面層還有朱古力「燒烤紋」，凍煙也似是「熱辣辣」熱煙效果，單是這份誠意與創意，都值回票價了！ 不過成品上檯時太凍，一點切不開，我們要等雪糕半融，才能切得開分享。　　雪糕估計

晚飯後搵甜品吃，打開Facebook 見到呢排某個元朗group度勁多人講起呢間野，咁女人 食到幾飽，講到甜品就有第二個胃架啦我同朋友a&b ,一行三人 打算食晒豬扒同牛扒點知豬扒賣晒(8點幾9點左右就賣晒😱） ， 得返牛扒可以揀（聽講仲要得返2-3件），咁突登黎食呢2樣野，得1樣都要食架啦，叫左件牛扒賣相唔錯既算係 ， 可能呢個睇相會好啲真啲我地可能抱有期望而我對呢個朱古力雪糕真係讚唔落手我地可能唔太識欣賞 我同朋友們一致認為 好似雀巢3色雪糕既感覺賣相係滿足到我地香港人既心態既😂😂😂不過下次⋯ 應該冇下次😓縱使有下次⋯ 都只能試 那個吉列豬扒店內裝修都算簡單餐桌也很少Anyway 新開張 還有很大進步空間隔一段時間 我會再來試豬扒的希望 到時沒豬扒揀 還有其他多款啲既甜品啦因為太少喇而家😌😌😌

一去到門口見到間舖入面好少位，好細間，基本上要等半個鐘先入到去，而且d職員唔會主動問客人幾多位，明明入面有客人已經結帳離開，職員都唔出黎叫客人入去坐，服務態度唔好，職員又少。一入到去坐低，職員會比部平板你睇menu,我叫左一個牛扒同炸豬扒。牛扒係用朱古力雪糕同朱古力醬整，入面底層仲有草莓雪糕，牛扒旁邊仲有個朱古力餡ge麵包同蕉糖香蕉，麵包好乾好難咬，牛扒又冇咩特別，仲賣到咁貴$68，唔值，真係唔洗試。另外個炸豬排($58)都可以試下，炸豬排係用雲呢拿雪糕，外面用麵包糠整成，淋上草莓醬，酸酸甜甜，幾好味，仲可以點d cream食，可以試下，但真係sell創意同個外表，唔好期望咁大。