Smokey Ice (Moved) New Location

牛扒餐味道還可以，但賣相吸引👍🏻腸粉餐😁魚蛋係炸年糕雪糕漢堡包，意想不到好食波子汽水味，挺特別的未試過既可以直得一試，價錢不算太貴😎不過比較難搵，因為店舖係橫街入面🙈

今日食完飯想食甜品，係openrice見到有間想食的腸粉…朋友又肯陪當然即去啦。但講真係堅難找，幸好門口有個粉紅燈閃閃，因為太早去都係8點，所以未有人，但座位比較迫，餐牌一大張，但款式不算很多，而且我地因為食左野黎只叫左一個甜品和2杯飲品。椰汁腸粉……椰汁變成腸仔，蕃薯球變成魚蛋，朱古力醬係豉油的確幾特別……食落就一般啦，椰汁味吾太重而且吾似卷咁卷住而係一舊，口感麻麻，朱古力醬得個甜字冇味，豆腐雪糕味道正常都夠濃味，蕃薯波都係正常冇咩特別，只可講影相開心下的確不錯，幸好價錢都抵食$60都不用，而且飲品抵食，$20就有杯梳打飲下都吾錯

我在openrice介绍看見個名Smokey 1ce甜品店,我叫了半份紫薯Waffe雪糕窩夫，窩夫好鬆翠，紫薯雪糕不算太甜，那個服務員比了一隻碟分開吃服務態度好.

< 紫薯雪糕 $46 >呢到實在太多款雪糕，每日食一隻都有排試！今次食大熱既紫薯雪糕，紫薯雪糕味唔夠濃厚，質感為一般，奶味唔重其實加返分，一杯比較清淡既紫薯雪糕，不過的確幾靚既！

< 玫瑰花瓣雪糕 $46 >據說呢到有好多特色口味既雪糕，於是把心一橫一黎查個究竟，間店有啲難搵據隱藏性，轉左幾個圈先搵到，一間小小既小店，坐低睇一睇個餐牌，好多選擇呀，最後受推介叫左玫瑰花瓣雪糕，賣相的確幾靚，味道係有玫瑰既味道但係唔夠天然，抵唔抵食？還可以啦！

「牛扒雪糕」聞名早已心動了，今日特意過來試試地方不大，有室內或室外場地選擇！等候時間大概10分鐘....「至尊冰極牛扒」一個牛扒set餐咁上檯，鐵板上仲有一陣「煙霧」好有創意、新穎鐵板上面有薯菜、西多士、鮮果粒、香蕉條作配菜，配上主角「牛扒朱古力雪糕」。朱古力雪糕，味道濃郁夠黑夠苦，甜度適中；西多士炸得夠乾身，鮮果通通都冰鮮，可能季節關係，士多啤梨好酸！吸晴度5分！特別、新穎！紫薯層層疊：紫薯窩夫，看落較普通，窩夫不是很鬆，窩夫內有紫薯容及雲尼拿兩種口味雪糕，甜甜地！個人覺賣相吸引如圖一樣，四個窩夫，份量十足！

以為佢係炸豬扒？No😏原來入面係雪糕黎架❗️真的假不了。假的真不了😛像真度120%😳Gimmick十足呀！冰極炸豬扒雪糕 ($58) 🍱🍦嘩嘩嘩！以便當造型登場🍱賣相滿分呀😍😍😍唔講仲以為食緊真。吉列豬扒😂創意指數爆燈啦！👍🏻"吉列皮"係用炸麵包整成架🍞咬落鬆脆煙韌唔太油！口感ichiban👏🏻入面的雲呢拿雪糕香醇幼滑☺️重點係夠哂冰凍唔會好快溶💯冰火交融❄️ 外熱內凍🔥味道出奇地夾呀！😍"便當"的伴碟都落足心思💃🏻將扮茄汁的士多啤梨醬淋係豬扒上面🍓味道夠哂fresh。刺激味蕾👅同奶味濃郁的雪糕配搭得好好呀！🤗第一次用筷子食雪糕好過癮🤘🏻加埋偽沙津醬的忌廉😂賣相巧打耳呀！😚

知道有這間甜品店已有一段時間，但原來位置不易找，這次都是路經，不是刻意。Smokey Ice地址: 元朗 合益路9-15號紀業樓地下G舖電話: 6030 6307Smokey Ice 系荔枝角D2 Place 開了分店。得意之處系將本身食物做成甜品。呢個系腸粉魚蛋燒賣紅腸。樣子好像啊，味道不錯！這個系紫薯窩夫，看落較普通，窩夫不是很鬆，但窩夫內有紫薯容，大大加分！下次想試吉列豬扒，不知會是什麼哩！

人地嘅胃叫胃，我個胃叫胃plus~~😂😂明明食完正餐勁飽，都仲可以有位据個扒！但其實...佢地係雪糕黎㗎！😋😋😋🍦🍨🍧吉列豬扒 vs 冷鐵板牛扒其實都係因為個賣相先黎試，影相就一流，一食入口就有啲失望。。。雪糕得個甜字又唔夠滑，云呢拿味無云呢拿味，朱古力味又無朱古力味，十足維記牛記雪糕一樣。um...黎一次試過就夠了。

試下仿真牛扒，吉列豬扒雪糕(仿真80%)牛牛鐵板(用乾冰產生霧煙效果)厚切肉眼扒(朱古力雪糕)，配上薯條(燒香蕉)切開牛扒，有紅色嫩肉(士多啤梨雪糕)炸豬扒便當(仿真度90%)外層係炸過方包+麵包糠，內裡係芝士雪糕，味道淡味，但是加上，士多啤梨醬(扮茄什)後，特出左芝土雪糕的味道仲有cream(扮沙律醬)，好可愛的雪糕便當需然味道不算特別，但仿真外表加分，值得試食！！

感謝住元朗的朋友帶路，才有機會一試這麽特色的甜品。小店主打的創意甜品，全以食物命名，例如有牛扒、豬扒、漢堡包等，像真度極高，連伴碟的也落足心思，絕對是「相機食先」之選！店內座位不多，甜品也製作需時，繁忙時需耐心等候。 <至尊冰極牛扒>「牛扒」以鐵板呈上，旁邊還有西多士、水果「雜菜」、和香蕉「薯條」。牛扒是朱古力味雪糕，外層加了朱古力醬，營造出炭燒過的效果；而切開中間是士多啤梨味雪糕，仿似medium-rare的生熟程度，造型幾可亂真！雖說是採用Movenpick雪糕，但味道卻像牛奶公司出品。 <冰極炸豬扒>以「吉列豬扒」便當造型登場，賣相滿分。外層是炸過的麵粉，內裡夾著芝士味雪糕，不算很滑溜，味道亦較淡。倒上了朱古力醬更像平時蘸點的豬扒醬汁。 <Ice-cream Burger>「漢堡包」顧名思義是用兩塊麵包夾著雪糕，另以芝士條代替「薯條」。麵飽比較硬身，整體味道普通。 雖然這裡的甜品味道未算令人一試難忘，但勝在有啅頭兼誠意之作，值得推介！如果覺得元朗偏遠，也可到訪位於荔枝角的分店。

今日難得女朋友黎元朗陪我，我呢個地膽同佢睇完戲食埋晚飯當然要黎一個甜品。一直都好想試呢間叫SMOKEY ICE，今日我就決定試一試。餐牌其實有好多選擇我有選擇困難症既女朋友話好飽，所以就叫左一個好想試既至尊冰極牛扒，無叫餐，廢事佢又飽到嘔。真係MOVENPICK雪糕呀，好似食緊牛扒，但又係雪糕，D 雪糕又唔溶真係幾好食，我都係第一次食MOVENPICK雪糕。不過女朋友話同香蕉，西多士唔夾，西多士凍左。我就覺得值得一試，都幾得意，特別用刀叉切果下。其實仲想試埋腸粉套餐，不過無機會......

由南生圍出來，已是下午四時半，準備打道回府的時候，途經 Smokey Ice，而且最近在某分享網站中，見過有關甜品的相片。既然來到元朗，為何不何造訪這間甜品店呢？於是軀身前往。店子位於合益路，由雞地前往，只須幾分鐘時間，相當就腳。雖然是店子細細，座位有限，卻以純白色的裝飾，加上幾幅漫畫，與一般甜品店略有分別。點來腸粉魚蛋，還有雪糕在內，無錯是魚蛋和腸，不過這都不是真的，不是腸粉的腸粉，由椰汁所做的，加上類似甜醬的朱古力醬在腸粉上，感覺到幼滑得來又有朱古力的甜味，不過當中的椰奶汁就未算突出吧，而不是魚蛋的魚蛋，實際是炸番薯，這炸番薯炸得外脆內軟，而內裡的番薯是甜的。當中的雪糕，起初還是有點硬的，須要稍等一下，讓雪糕稍溶一下，舀起來也容易。當吃著雪糕時稍稍有豆腐味道出來，甜度不高。吃著這個甜品，實是有創意，將平常接觸到的魚蛋腸粉，化身成甜品，實是不錯的變奏曲。

同朋友合共4人去食，舖位置比較格sip，係巷仔裡面，我地點左一個牛扒雪糕set，個set係連埋一杯杯裝雪糕同兩杯野飲，另外再點左個冰極炸豬扒！野飲覺得味道正常，都係普通飲品，裡面加左粒識閃既假冰粒，所以幾靚；個牛扒雪糕朱古味濃既，裡面仲夾埋士多啤梨味既雪糕，不過味道都係似雀巢雪糕咁，冇咩特別，係外形真係好真既同埋好有創意！杯裝雪糕揀左菠蘿包味，都唔係好食得出味道，只係feel到甜，所以覺得一般，可能因為食左朱古架既關係有少少蓋左個味啦，但食哂成杯都唔覺有咩味...最後要介紹今次覺得最好味、最推介既冰極炸豬扒，裡面個雪糕揀左牛奶味，覺得最穩鎮！外脆內凍，感覺似長洲既炸雪糕既，覺得好好味，加埋配埋既士多啤梨醬，一流！創意滿分，味道就還可以啦！

今日放假，同堂哥哥專程試呢間特色甜品店！呢個位置對於我地元朗通黎講都難搵，始終5係旺區係間小學既巷仔不過被我地摸左門釘3次終於入到黎實在感動！一個叫「牛扒」一個叫「豬扒」！快速決定到！呢度老闆一家3口落舖頭，爸爸媽媽一人做一邊，媽媽仲揹住個BB開工！呢個畫面只有在九十年代以前先見到，十分溫馨！人又NICE~~爸爸送上了西冷「牛扒」先，呢份鐵板上面有「薯菜」西多士、「蔬菜」鮮果粒、「牛扒」朱古力雪糕、「粟米CONE」香蕉條等等...加上「煙霧」乾冰，做得十分有創意！十分相似！味道亦5錯，朱古力雪糕味道濃郁夠黑夠苦，西多士炸得夠乾身，鮮果通通都冰鮮，吃落5會怪！又吸晴又開胃！絕對係3覺享受！冰極牛扒 $68而呢個「日式吉列豬扒」，入面有「吉列豬扒」炸雪糕、「照燒汁」士多啤梨汁、「蔬菜」士多啤梨。呢個用麵包包住雪糕黎炸，十分有心思，炸得好脆，係剛剛好係外熱內冷，一火一冰，舌頭嘅交融！加上士多啤梨汁，甜甜的好似食緊果肉STRAWBERRY雪糕，一個食品2種食法，掂！冰極炸豬扒 $68下次試佢繼續推出嘅新野！