小食快綫 (Closed)

返工食晏平平地之選而且都幾好味呢間野我食左幾次嫁啦，佢啲煎釀三寶都幾好食，又夠大舊又唔會燶同乾柴。今次食生菜魚肉碗仔翅，$17蚊，都幾大碗嫁！而且仲好足料！有啲家庭式店既味道，我好鍾意食，仲滿足左三個願望，有菜有魚肉有碗仔翅。魚肉佢都俾得幾多嫁。店面好乾淨，仲開放式廚房。無得坐嫁，要企住食。呢個我會不斷幫襯。我覺得佢啲野既味道好食過南豐個邊啲舖頭，價錢仲平少少。我係一次過影左好多食評一次放上黎的，返新工係荃灣，所以食評都在荃灣區。

游泳完當然想吃一些小食來醫肚喇！今次去了荃灣游泳，游泳完行經綠楊坊，想去買爭鮮壽司買回家吃算，點知中途看見一間叫小食快樂，又不太貴，一於試下先，叫了港式小食炸三寶來吃，還叫了港式小食碗仔翅吃，回到家先吃炸三寶，之後再吃碗仔翅，真是超滿足，下次應該試埋魚肉生菜碗仔翅先得，還有其餘小食，樣樣都好好味，好想試哂，還有車仔麵選擇，價錢也不貴，味道如何就要有待下次再嘗試才知道，我估計下次我應該買腸粉，三文治，豆漿。

之前一直都幫襯開大埔幾年，之後轉工就好少食，一直都覺好味因為夠熱同新鮮，難得經過荃灣綠楊新村見到這店當然要試下啦。三寶$8：好味道，夠熱之餘又好有彈口，好新鮮同冇油益味 $8有4舊又吾叫好貴，地方間間其實都乾淨同用紙碗好方便，但唯獨係豉油偏少，要問先有多點 。

其實車仔麵25蚊有3送已經算係咁上下，我就係比佢咁平既價錢吸引左，諗住唔太好味都可以當塞飽個肚，返到屋企打開後都幾香，先甜後苦既我一開始係食Ｄ送先，叫左大腸、雞翼、豬紅３款，大腸入味還ＯＫ，雞翼唔算太老還可以，豬紅就少少腥不過接受到，到正題啦～我叫左既係粗麵，第一啖食落去真係唔相信有咁難食既口感，我唔信邪接住食第２啖，真係唔到我唔信，食得完呢碗麵簡直係挑戰，唔係生、唔係味道唔好，咁點解可以咁難食？！未食既我勸你慳返呢２５蚊或者叫剩送啦！

綠楊坊大裝修後就進駐左SNACK EXPRESS喇，講起上黎應該都開左有二個月有多，之前如果去綠楊坊隋便買Ｄ小吃，只有"唐記包點"，而家有多個選擇了。燒賣夠彈牙，有點像兒時吃路小販檔的魚旦味道，有點懷念及感慨 ，燒賣一般沒什麼特別。碗仔翅都算多料，放了極多的冬菇及肉絲飲落夠咬感，少量腐皮及有幾條粉絲另加了少量雲耳等等。不過飲碗仔翅記得要熱飲，凍了的話再好吃及再多料都會徙然無功。