So爐 (Closed)

火鍋店近幾年越開越多，要找些高質素而性價比高的火鍋店越來越難。今次誤打誤撞去到土瓜灣一間火鍋店，裝修時尚，乾淨企理，見價錢合理，入去一試。👍🏻👍🏻一入門口，侍應招呼殷勤，有笑容，安排我和朋友坐卡位，卡位寬敞，足夠四至六人坐。🕺🏼🕺🏼打邊爐當然最緊要係嘢食啦，叫咗個牛肉拼盤，有8款，款款新鮮，仲有刁鑽部位，牛黄喉同牛骨髓，一食已經知係新鮮貨。賣相靚，份量多，我同朋友都十分滿意。另外必要推介嘅係炸響鈴，坊間都有好多即炸嘅響鈴，但係呢度做到即炸而唔油膩，仲要入口鬆化。湯底點咗鴛鴦鍋，雞湯味道濃郁清甜，麻辣鍋辣味有層次，唔係一般貨色得個咸字。黑松露蝦餃，自家製，蝦肉彈牙鮮甜，黑松露味剛剛好，好balance，唔會蓋過蝦嘅鮮味。🦐🦐由於唔係太肚餓，冇特別點其他餸，但係見隔籬枱啲刺身海鮮都好新鮮，下次可以一試。🐟🐟正如標題所說，打邊爐，新鮮才是王道，環境好，服務好，賣相好，全是bonus。十分滿意的一餐！😋😋

上年土瓜灣區開咗好多新食店，其中一間就是這間食店，之前上手火煱店聽聞無乜客又成日比人投訴，但現在新開這間火鍋新店就完全唔同，老闆話把自己最喜歡食火煱、飲啤酒、食串燒，三樣嘢咁就全部放晒落舖頭度，又真係幾特別喎！當晚我工作完同一班朋友落去食，真係超好味😋牛肉的質素超好，我最like佢嘅蕃茄湯底，超濃無得輸呀！我地仲食咗墨松露水餃，新鮮淮山，海帶，油墨菜等等，真係足料！食到超飽超滿足，九點半後仲有六八折，六個人每人都係三百蚊有找。

天時咁凍一定係一家人一齊打邊爐㷫恰恰暖笠笠🤤今次就去左土瓜灣一間隱世火鍋店。首先一入門口第一樣一定要讚嘅係環境真係好整齊乾淨，因為除左啲大集團嘅火鍋店係比較乾淨外，其他嘅小店都一般般。但係呢一間店絕對係好，好，好！！啲枱櫈地板唔會有油立立感覺，坐得勁舒適，第一印象已經加分✅️當然一間火鍋店最重要係除左個爐就梗係個湯底啦🤣我嘅打邊爐習慣係要揀可以飲嘅湯底，所以我就揀左昆布同蕃茄薯仔湯底，係開始滾之前一定要飲啖湯先，好想講佢地嘅湯底係無味精味，特別係蕃茄薯仔我地仲飲左成半煲。🤣（餐牌）唔試過真係唔知，一間土瓜灣小台嘅食材竟然會唔hea仲可以咁新鮮😍頭盤我地叫左一個象拔蚌刺身🥢象拔蚌刺身以冰底冰震住，keep住新鮮同溫度，裝飾仲好靚添。（象拔蚌刺身相）象拔蚌刺身咬一啖勁爽口，一啲都唔腥，鮮味仲充滿住成個口腔，自己一個食左三分一盤，實在太正🤤最後我地食淨個內臟，問台員姐姐可以點處理，佢教我地可以放落湯底滾，可以增加鮮味，又的而且確幾吊味，值得一讚💯🫶（牛天梯，豬朋狗友相）之後我地叫之呢度嘅招牌牛天梯同埋豬朋狗友，佢地分別係不同牛肉嘅部位，簡直係我呢個牛魔王嘅至愛，一次滿足哂我食牛嘅願望🤗而另一款

朋友介紹嚟呢間打邊爐，卡位坐得好舒服，侍應都好nice，一坐低就問我地食幾多蟹，幫我地落單蒸咗先，因為做緊大閘蟹promotion，三十幾蚊隻仲可以任叫，質素仲要唔錯！生蠔百幾蚊半打，啤酒又廿幾蚊人頭任飲，感覺幾抵！我地叫咗個胡椒豬肚湯底，個湯夠香。碟牛好靚，又夠牛味，但最估唔到係碟豬都好好味，平時打邊爐多數都係叫牛肉拼盤，今次呢個豬幾surprise！打邊爐隔離原來仲有間bar，轉場直接行過隔離就ok，幾方便，可惜聽日要番工⋯⋯呢間可以encore!!

今日朋友話想食火鍋，經常經過嚟間，見到一直在裝修期間…個名好吸引人，于是約朋友一齊食飯，5點鐘到餐廳，岩岩開始營業，得我哋一台，座位任選，餐廳環境一般，但座位安排都幾好，叫左一個鴛鴦火鍋，麻辣味都OK，不過不失，蝦丸魚片都可以，其他的羊肉一般，大閘蟹$38，都算便宜，叫左咁多嘢，沒有感覺咩特別好味，總體而言唔抵食！如果後生仔女慶祝生日過嚟都好，餐廳旁邊有酒吧一條龍服務！我哋打邊爐4人共消費1806！最貴的係火鍋自餐醬料20/人茶位25/人性價比比較低，下次不會再來！

天氣開始轉涼，最岩就係打邊爐啦！鍋底：芫茜皮蛋湯 (7/10)➕昆布姬松茸湯(8/10) (雙拼$108)老闆叫我哋喺打邊爐前飲咗個昆布姬松茸湯先，湯入邊除咗有姬松茸，仲有紅棗同昆布，飲落好鮮味，忍唔住想添多碗。芫茜皮蛋湯都鮮甜嘅，芫茜同皮蛋嘅份量都唔少，仲有馬蹄埼玉縣黑豚腩片($118)(8/10): 豬肉味好出，不過就肥左少少，薄薄一片淥一淥好快就熟，熟咗之後顏色同牛肉好似🙈幾乎分唔到澳洲牛肩胛($148) (8/10): 肥瘦均勻，肉味香響鈴 (8/10): 浸落昆布姬松茸湯，索晒啲湯好正😍四寶丸 (7.5/10): 有豬肉丸，蝦丸，墨魚丸同埋牛丸，全部都好真材實料同埋爽口彈牙，擺盤仲好靚，但每樣得兩粒咖喱豬皮魚蛋牛柏葉(送嘅)(7/10)：呢碟辣得嚟都幾惹味同埋入味，而且份量好足人均：～$270總括：環境坐得舒服，食物質素高，招呼都幾好，洗手間亦好乾淨。

利申 土瓜灣友🤚🏻其實都唔係第一次食 之前鍋尊都有食過 見轉左手 就即刻落去試下 話哂土瓜灣打邊爐坐得舒服唔算多選擇轉左so爐 嘩 好食喎肉係高質 牛好味！響鈴必食 湯底出色我係只食麻辣煱既人 食遍天下頂 又幾好喎 夠香 重點唔油！所有野都平民價上次成班人去 俾左間房我地侍應態度好好加湯加水都好主動 好耐都無試過貼心服務 抵讚 笑容滿面豪啲嗌個象拔蚌刺身又係驚喜之作 唔錯唔錯附近火煱要試都試過又真係值得回頭再回頭應該會變飯堂😂

我寫嘢唔叻，所以好少寫食評但都忍唔住要留個言喺度，希望俾啲支持小舖。我本身冇諗住要寫食評，所以冇影嘢食相。但食完後真係忍唔住要讚吓。呢間邊爐性價比超高，嘢食新鮮，員工上上下下都非常有善，招呼一流！湯底正，牛夠靚全部材料都好新鮮仲有好多不同款嘅生啤啱晒襯打邊爐坐得唔迫，我地3個女仔坐卡位剛剛好星期五晚，油尖旺區全部邊爐都限時冇限時又唔趕你埋單嘅邊爐邊度搵我早到，大汗疊細汗待應即推介今日新鮮嘅椰青清甜可口，等人都冇等得冇咁唔gur 加油老闆，撐你！

我本身就成日周圍出街打邊爐 食過唔少火鍋店 知我咩料啦 話說有個朋友係英國返左黎香港 就同佢去左呢間火鍋試下 見佢新開 睇佢fb又多明星幫襯 應該唔差掛 的確 完全冇失望 而且仲有驚喜 個象拔蚌甜到個個食到拍晒手 麻辣湯又夠香辣 淥牛真係非常正 仲有個牛天梯應該食過既人都會推介 有十幾個不同部位 一次過滿足晒花心既佢地 仲要有第一次食既牛鞭 如果配埋生蠔就真係...😏 其他食材唔一一講 有水準 服務好 已經納入為指定飯堂🤣🤣 P.S 象拔蚌一定要食 個膽仲要拎去椒鹽 第一次食超級好味

😋食物好味，打邊爐前，可以點生蠔食。生蠔味道爽口清甜。火鍋配料方面，墨魚滑 彈牙，脆鯇腩 夠爽脆，豚肉、牛肉類都好新鮮。舖頭新開張，仲送秘製咖喱魚蛋、魷魚、豬皮，夠辣，好味。😊環境乾淨。約朋友傾偈聚會，感覺好舒服。

There's no better way to treat yourself and your loved ones to a luscious hot pot experience🥘. Boasting an extensive selection of premium beef cuts 🥩 and flavourful broths, Solo Hotpot is the go-to-place for diners with cravings for authentic Hong Kong-style hot pot. The super creamy fresh oysters 🦪 was just $128 for half a dozen. I especially like the vibrant flavours from hot and spicy Sichuan soup🍲. You can order and dip your choice of fresh beef, seafood 🦞🦑🐙 and seasonal veggies 🥒🍆🥔🌶 in thes

新開左兩個月，近同事屋企，就同同事們去試下。裝修座位格局不錯，見到有闊落卡位，有圓枱，有房。湯底就一邊叫咗麻辣小辣（愛辣嘅我下次叫全部食得辣嘅朋友我就會點中辣😏）。一面叫清湯我唔食生蠔，朋友們評價話好食，食到「嗯」「嗯」聲😋呢到正在有半份/全份叫，啱我每樣都想食嘅人。食材新鮮，啲牛好正，牛肩脊係我至愛有水準。牛天梯都好架勢（有拍片無影相添）我最在意嘅廁所，係乾淨企理，去得開心！基本上無咩挑剔，係地點有小小吊腳！

點解你唔早d開😂依家真係一間相逢恨晚既店舖😂琴晚係朋友介紹下去左依間鋪打邊爐，我地一行五個人，店員好好人咁安排左我地入房食，間鋪企理乾淨，坐位闊落又舒服，最緊要夠冷氣。店員知道我哋需要開酒，好快手就準備好曬冰桶同酒杯俾我地👍🏻一黎我地食左個象拔蚌刺身先，大大盤又好新鮮，真係好驚喜，性價比高，食得好開心，眨個眼成盤就被朋友搶晒😂之後就準備落個火鍋，我地湯底叫左個鴛鴦湯底，胡椒豬肚湯再加個昆布湯底，湯底好足料又好夠味，飲完唔口乾。最驚喜係個牛天梯，依個真係好推薦，一次可以食好多款牛，份量岩岩好，店員好好人都解釋俾我地聽邊款係邊款(雖然依家我都唔太記得😂)，d牛肉無論係封門柳定牛肋肉都好有牛味，我個人特別鐘意個牛胸油，好少見甘肥美甘甘香，證明佢d牛都好新鮮，最緊要係個價錢只係598！！平時出街食如果試甘多款都真係唔止甘既價😂我地仲叫左其他食物，佢全部食物都好新鮮，而且店舖好有心思，連普通既響鈴魚皮都係即炸，印象深刻既仲有佢地既手打豬肉丸，大大粒真係啖啖肉連埋d肉汁真係無得輸👍🏻佢打邊爐材料有好多選擇，尤其係一d出面鋪頭都好少見既食物，例如牛肉滑，牛骨髓，牛黃喉等等。我見佢仲有好多其他刺身，下

朋友介紹土瓜灣有間新火鍋即管去試一試估唔到有驚喜食物新鮮,環境舒服 有驚喜係牛天梯六百蚊都唔使有成十幾款唔同牛嘅部位 鱔片新鮮脆肉鯇夠脆無泥味。 四個人食埋單每人唔使400蚊 值得一試.