So Chill So Sweet

Open Now

Now Closed

因為工作關係被迫無奈喺坑口到處覓食差唔多食勻附近嘅嘢俾我發現到呢間Cafe又平又好食，可惜客人唔算多，但係依然保持到水準！滿意！佢個套餐通常係湯或者沙律二揀一小朋友才做選擇我會加錢要晒佢仲有加$38就可以有非常足料嘅小食上次食咗吉列炸蠔有成五隻咁多(發達啦兩次食到我飽到反艇食咗兩次意粉都幾滿意 不過啲牙唔係幾好鍾意食腍啲，下次會同佢講 佢個湯好好飲沙律都好新鮮有杯伯爵茶送原本以為自己飲唔晒飲得晒喎哈哈希望下次去多番客人支持佢保育香港高質小店#求其是但打因為好食先打下次再試埋其他十卜～～

今日經過坑口村想食少少野醫下肚本身唔想食甜野 不過唔想諗就算啦可能Weekday既關係，舖頭未見其他客人，位置任坐，用QR code落單～Parma Ham蜜瓜窩夫 + 伯爵茶（下午茶送的）第一啖食落去有驚喜 窩夫脆暖加埋火箭菜、黑醋，食落層次都幾豐富好食 心情暢快😋

上次買外賣食過好味 今次試下堂食 點知個體驗好差 有一個女店員態度勁差 個女店員塊面勁黑 完全唔想有客人入去 態度勁敷氣 佢又將我朋友個甜品送錯去出面張枱 人地行入來話佢送錯甜品 佢好唔禮貌咁問人”食左未架?” 人地話未食過 我聽到佢地對話之後我話雖然佢地無食過 但我地想要碗新 個女店員勁惡”得啦 我會換返俾你” 之後個甜品到果時佢勁大力放落張枱 我心諗我地本身開開心心來食糖水變左受氣 一入舖頭已經好似得罪左個女店員 咁唔想接不如早d關門放工啦

係坑口村有間小店叫‘’So Chill So Sweet‘’，小店裝修好有風格，以黑白色為主，真係店如其名，環境舒服，好chill。小店1830前會以輕食同咖啡為主，而糖水甜品下午1600後才供應，今次叫左椰汁芋圓西米露加芝麻湯圓，薑湯抹茶湯圓，椰皇湯圓芋圓燉蛋白及芝士海苔肉鬆牛角包窩夫椰汁芋圓西米露加芝麻湯圓（凍）椰汁西米露好香，芋圓同湯圓都煙韌爽口，味道正常，略嫌溫度唔夠凍薑湯抹茶湯圓（熱）薑汁味濃，湯圓大大粒，皮薄抹茶餡有流心感，食落仲有回甘味道，好有驚喜椰皇湯圓芋圓燉蛋白（熱）蛋白好嫩滑，配料好多，有黑芝麻湯圓，三色芋圓，西米，食落煙韌爽口，口感豐富，食埋椰肉超滿足，椰皇可以再熱D就更好芝士海苔肉鬆牛角包窩夫牛角包窩夫外脆內軟，面層佈滿海苔肉鬆再配埋中間溶左嘅芝士，食落口感豐富，咸味窩夫有意思

So Chill So Sweet是一間cafe x 糖水店，有簡單鹹甜窩夫、咖啡，亦有中西式糖水！有簡單鹹甜窩夫、咖啡，亦有中西式糖水！🌇裝修：灰泥色裝修，有銀色鐵臺、黑色鐵摺凳、靠牆的長凳加一個個圓形cushion。因為凳好硬，所以坐得唔係好舒服🥲🫶芒果綿綿冰 $47🧊醬可選：煉奶/朱古力醬/焦糖醬/黑糖醬/士多啤梨醬/芒果醬🧊配料可選：西米、仙草、黑珍珠、台式珍珠、小丸子、椰果、紅豆、綠豆、黑糖寒天、乳酸爆珠、海底椰🧊我選左黑糖醬和乳酸爆珠🧊簡單直接講：唔好食🧊個黑糖醬同芒果味的冰完全唔夾，兩個都有好假的味，食完一淡已經唔想食🧊最正常是爆珠，因為唔係餐廳整的🧊賣相都出事，suppose冰可以打卡frdly，但佢上抬就已經好似塌左.....🎆整體：未試過食甜品，尤其冰，覺得難食🥲可以blacklist......提外：本身想叫薑湯榴槤湯圓和抹茶湯圓，睇落好似係signature，結果無.....------------------------------👅味道⭐️📸打卡⭐️🌃環境⭐️⭐️💸性價比⭐️💰人均：$47😎Encore指數：0%

見網上食評不錯，又咁啱經過坑口，故抱一試心態來到這間甜品。本人於4/7晚上10:30外賣了一碗合桃露回家與家人分享，打開外賣盒時已聞到陣陣的油膉味🤢，最後我們不想浪費，鼓起勇氣分一半試味，我們淺嚐一口已急不及待吐出來🤮，超甜油膉合桃露是食物嗎？怎能放進嘴裏去？最終還是送到大海……原來希望愈大，失望真的愈大😩，太甜都可以接受，但油膉味絕不能接受。店主售賣食物前，是否應先檢查原材料是否已變質或過期呢？究竟是合桃有問題，還是用油膉味的油處理合桃？🤔

黎到坑口村揾呢間餐廳都揾左一陣。佢位於大馬路既位，基本上沿住馬路就會揾到！地方不大，大約可以坐20 個人，今日我地到既時候只有我們一枱。周末都有做下午茶，包一杯伯爵茶，如想要其他飲品，平日會係半價，周末減$10。伯爵茶很香，不過我想飲cappuccino 多d. 叫左兩個餐，抹茶紅豆同埋Oreo, cream 就真係唔甜，食入口果下先有抹茶味，裝一豆味之後先出，底部係用牛角包夾成的，咸咸地同上面既料唔襯。唔知係餐廳自家製定係外面買牛角包再加工。用QR Code 落單，之後食完櫃枱俾錢！紙本餐牌無寫周末下午茶。但入到QR Code 落單就有。

返埋今日終於等到放假啦! 成嗰人心情都唔同晒，放鬆很多……同事馬上即興約食飯，當然好啦! 話要去chill 吓，就帶咗我lee 間so sweet so chill，哈!餐店有少少偏僻，環境寧靜，真係好岩chill一chill。黑白色為主，加埋立體的招牌，都幾型! 裏面裝潢簡約舒適，約有七枱，座位雖然唔算好多，但空間感十足，而開放式的製作區，可隱約見到咖啡師沖咖啡。選擇大致有牛角包窩夫、小食、甜品、多款飲品、綿花冰、下午茶餐等等，最厲害係連中式糖水都有。剛好仍係下午茶時段，要咗兩份鹹味牛角包窩夫。先嚟煙三文魚牛油果醬牛角包窩夫($52)，賣相一流！牛角包烤得香脆，淡淡牛油香，吃起來不油膩。面頭放咗好香滑的牛油果醬，配埋柔軟鹹香的煙三文魚，大啖咬落去，好滋味，原來鹹味牛角窩夫都好味。再嚟係哈蜜瓜西班牙火腿牛角包窩夫($60)，同樣香脆可口。面頭有清甜多汁的哈蜜瓜和鹹香嫩口的西班牙火腿，兩者一向都好夾，再加埋少少火箭菜和醋汁，配得好味，正! 下午茶餐奉送一杯伯爵茶，轉其他飲品就半價。我要杯熱Rose Latte ($25/跟餐半價)，改用燕麥奶(+$5)。仲以為用燕麥奶無拉花，點知嗰拉花仲

同愛貓打完針， 近近地在坑口村食下野，見到呢間So Chill So Sweet 小店，裝修都幾優閒，食物價錢相宜，就進入開餐囉☺️。煙三文魚牛油果🥑醬牛角包🥐窩夫，煙三文魚很柔軟，牛油果🥑蓉夠creamy, 牛角包窩夫牛油味重，焗得熱辣辣又酥脆😋。🥣綜合仙草芋圓，食材極之豐富，有芋泥一球，紅、綠豆，芋圓，大量仙草墊底，朋友話好好食，食完都飽左一半☺️。🧉椰皇桃膠雪燕燉蛋白，桃膠、雪燕佔左一半，椰皇燉蛋白墊底，蛋白滑溜，微暖的吃完感到好舒服😌。🧉椰皇湯丸芋圓燉蛋白，燉蛋白係朋友的至愛，呢度食材豐富，有芋圓、西米、湯圓，入口香滑滋潤🥥，佢話食完個人都靚啲喎🤣。細磨杏仁茶配芝麻糊跟補腦合桃露，2款都細嫩幼滑，夠晒滋潤可口。店員都好親切，服務周到啊😘。

So Chill So Sweet 🔲️@so.chill.so.sweetWeekday難得放假，一於去郊外行下山，唔洗同人逼🥾 大家有冇同感喺COVID下，有時郊外仲多人過商場😂由壁屋出發，途經鴨仔山同小夏威夷瀑布，終點嚟到坑口村🏞 行左半日梗係要醫下肚😵‍💫 將軍澳區呢度好多Cafe，仲要大部分都有開揚嘅户外座位，甚至Pet Friendly添🐩 呢到六點前主打輕食，夜晚就淨係做中西式糖水🍮 而飲品種類好多🤫 有Cafe必備嘅咖啡，Affogato都有，就連Latte都分幾款😂 Vanilla、Matcha、Hazelnut同Rose 🥀 仲有果汁、冷泡茶特飲同台式嘅仙草凍 🇹🇼宇治抹茶紅豆牛角包窩夫 配宇治抹茶雪糕 🥐Croffle上面唧左一排忌廉，再灑上抹茶粉🌿厚過croffle嘅忌廉都未夠邪惡，要加多球雪糕先夠滿足😬 六款味道任君選擇🤭 北海道3.7牛乳、特濃朱古力、宇治抹茶、芒果、士多啤梨同柚子🍨椰皇香芒小丸子燉蛋白 配貓山王榴槤蓉 🥚鮮奶燉蛋白原本已經好吸引，加埋椰皇、西米、小丸子同芒果，香滑滋潤🥥 凍冰冰嘅貓山王榴槤蓉啖啖果肉，口感幼滑☺️ 同芒果同蛋白仲好夾添🥭綜合仙草

📍So Chill So Sweet👩🏻去完醫院複診，喺附近嘅cafe輕鬆食個late lunch。本身係為咗食芋買，原來四點先開始供應🫣。好彩croffle🥐都幾正，又有健康好味嘅granola💗。💕Weekday set 哈密瓜西班牙火腿牛角包窩夫 $60Croffle焗得酥脆，牛油味幾香。Parma ham配哈蜜瓜經典組合冇得輸。💕Earl Grey Latte +$23Citrus fruit味道唔突出，反而奶味比較重。💕鮮果乳酪脆麥 $58乳酪係比較低糖嘅版本，配埋生果同蜜糖甜度啱啱好。Granola夠酥脆，份量都唔少。📍So Chill So Sweet (將軍澳)將軍澳坑口村23號地舖

So Chill So Sweet將軍澳坑口村23號地舖   這間位於坑口村，由坑口站A出口，行過去只需幾分鐘，鄰近將軍澳醫院，在保良局甲子何玉清中學後面， 好方便，向馬路邊的村屋，好多都做了食市。甜品屋門口好闊落，我想夏天天氣好的時候，坐在門口會好舒服，又有電子落單， 簡單方便一目瞭然。芒果樂園 $48   🎯推介食到好香個芒果味同奶味， 個雪糕好食到不得了，裏面仲有芒果布甸， 布甸整得好滑，黑珍煙韌， 小丸子軟糯， 重有西米， 配合埋芒果汁， 簡直係完美嘅組合， 呢個甜品我畀一百分。綜合仙草芋圓  $46  裏面有芋泥， 紅豆蓉， 綠豆蓉， 仙草， 芋圓， 椰汁，芋泥食到有粒粒嘅芋頭，仙草軟滑，紅豆蓉，綠豆蓉，好腍，椰汁開得好好， 唔會太甜好滑，整體好夾好食。椰皇桃膠雪燕燉蛋白 $65底部係椰皇燉蛋白， 蛋白好滑， 面頭就post上桃膠同雪燕， 食到兩種嘅味道。開心果巴斯克芝士蛋糕 (4")  $58鹹香嘅開心果味道 ，配埋啲窿窿嘅芝士， 食落去有濕潤嘅口感， 簡直係完美。生磨芝麻糊  $27好滑，隔到完全無粒狀，又有椰香味。煙三文魚牛油果醬牛角包窩夫 $52賣相不大吸引，但口感味

距離坑口站約10分鐘路程，坑口村的隱世小店昨晚途經但因為已經食飽了，所以今早起身老婆話想入去坑口村再找嘢食，步行10分鐘路程可以遠離市區大型商場及高樓大廈。佢Lunch set包飲品，又可加錢配小吃。店舖小小裝修好有特色風格，好適合優閒輕鬆。其實我係比佢店名So Shill吸引入來的，個龍蝦湯如果加上少少龍蝦肉賣相會吸引好多，牛油果醬好smooth加上黑椒好香，粗身的薯條是我的最愛，一D油淋淋感覺都冇配黑松露蛋黃醬prefect match ，食物分量剛剛好，下次再試吓下午茶同甜品喎。

喺坑口村發現咗一間隱世Cafe，外牆裝修得好有風格。So cool店鋪小小，但Menu上的菜式並不馬虎。由正餐到甜品一應俱全。見到窩夫上的圖片很吸引。煙三文魚牛油果醬牛角包窩夫$52Smoked salmon with guacamole croffle 口感很豐富，煙三文魚同牛油果融為一體牛油果溶好新鮮，牛角包窩夫好鬆軟，熱辣辣好脆口，入邊亦都好厚實。滿足。宇治抹茶紅豆牛角包窩夫 $42Uji Matcha red bean croffle第一眼上枱是很吸睛的。宇治抹茶既cream好滑，抹茶好濃郁! 加埋紅豆溶是絕配，呢個cream比較‘厚身’ 加埋牛角包窩夫，可以當一份lunch.健康能量早餐$98蛋白質全餐，有菠菜、蛋白、雞肉、雜菇。較清淡，雞肉嫩滑，營養非常豐富，正😋荔枝玫瑰特飲（凍）Lycee Rose$50吸睛的飲品，好少女味道。第一啖好香滑的綿泡 帶點荔枝玫瑰的味道。上邊還附送一粒荔枝，爽脆香甜。牛奶咖啡，Latte(ice) $53牛奶好香加埋咖啡一點也不苦。杯好靚，打卡一流，睇得又飲得👍🏻推介指數：⭐️⭐️⭐️⭐️⭐️

食「鮮奶雪燕燉桃膠」$45，都算好多雪燕同桃膠，值回票價👍「蛋白杏仁茶」食到好多粒裝嘅嘢，即係有好多杏仁👍「芒果小丸子」雖然芒果肉有些酸，但冬天來講食芒果尚算不錯👍