蘇記麵食家

Open Now

Now Closed

今日老公收夜，我等埋佢先食晚飯，等到佢收工都差唔多21:30，見到好多食肆都收檔，行過見到佢仲未收，我問阿姐收幾點，佢話收十點，我哋即刻入去快食，裏面環境唔大，坐位有啲迫，好彩唔駛搭枱。我哋叫咗鮮蝦雲吞麵，南乳豬手撈粗麵，白灼鵝腸，蠔油菜心，一枝青島啤酒。鮮蝦雲吞麵：雲吞有傳統金魚尾形狀，蝦好新鮮彈牙，細細粒一口一粒，正南乳豬手撈粗麵：豬手好腍，好入味白灼鵝腸：冇乜肥膏，味道清淡，一定要配豉油食蠔油菜心：正常整個湯底係用大地魚湯，好清甜，麵條冇鹼水味，爽口，賣點佢係落韭黃唔係蔥，咁先好食。

最近我在土瓜灣的蘇記餐廳品嚐了他們的豬潤麵和水餃，真係好好食。當我端起那碗豬潤麵時，濃郁的香氣立刻撲鼻而來，麵條煮得剛剛好，彈牙有勁，讓人忍不住想多吃幾口。豬潤鮮嫩多汁，好林，一啲都沒有鞋，湯底清淡卻不失層次。接著是他們的水餃，皮薄餡多，包裹著新鮮的豬肉和木耳，鮮美的餡料在嘴裡爆開。

以前落山道有兩間蘇記，一間係上路樂民新村，一間係下路土瓜灣街巿哩頭，我只係幫襯過樂民果間，水準唔錯，但依家已經轉手為一間唔多掂嘅茶檔.街巿哩間從未幫襯過!其中一個原因係餐廳環境太細逼逼夾夾又經常爆場，所以一直無機會幫襯.今次因為同女友小熊一齊辦年貨準備過年，兩個人左一袋右一包，又重又麻煩唔想行太遠開餐，啱啱見到蘇記又有吉位，咪行入去幫襯囉!點咗淨水餃，牛腩米多蔥，魚蛋米同油菜芥蘭.優點:1, 水餃最滿意，每隻都足料又飽滿，餡料有蝦有筍絲，無偷工減料.2, 米粉幼滑唔係D較粗身嘅米粉，夾自己口味.缺點一大籮:1, 餐廳太細唔理想，而且無大門相信夏天冷氣不足感覺更差.2, 叫多蔥無多蔥! 要叫多次先俾!3, 魚蛋唔掂，好似雪藏完囉翻出嚟煮，魚蛋無魚味! 口感又唔彈牙! 劣品!4, 牛腩碎令令好零碎，而且口感唔鬆軟死實實，味道又唔夠淡茂茂，又係劣品.5, 油菜份量過少偷工減料.女友小熊食第一粒魚蛋已經即時放棄哂D魚蛋同魚片，好明顯唔會再嚟幫襯了.

住的离土瓜湾挺远的，但只要我每次去土瓜湾，这家苏记面食家我是一定要吃的‼️发自内心的喜欢，大家如果来香港想吃本地美食，就不要去那些大热推的餐厅了，这家全是附近的香港本地人在吃🥢鲜虾云吞河粉比起面我更喜欢吃河粉有多款粉面可以换，鲜虾云吞可以说是招牌，云吞颗颗饱满，里面包裹虾肉猪肉，口感q弹！喜欢这家还有一个原因，辣椒油又香又辣，加进去更好吃了😋🥢猪手牛腩面港式细面筋道爽滑，猪手很大一块，qq弹弹满满的胶原蛋白，牛腩肥瘦相间，一点也不柴🥢白灼腰润这个必点！！！第一次吃完真的惊艳🥰🥰，从未吃过这么嫩的猪腰猪润，可以看到制作过程，这么嫩原来就只是在水里快速烫了一下，加上葱姜丝，蘸上简单调制的酱料就已经很好吃了！☺️

小的時候外公日日帶我去食，依家經過店想著好耐冇食啦，想回味以前嘅味道，叫了一份餛飩加牛腩麵，點知味道變左，最令人噁係食到一半，發現湯裡有飛蟲。我叫阿姐可唔可以換其他，餛飩都得，點知個阿姐話冇事啦！我話咩冇事啊？我都驚食出病，佢仲話有病去睇醫生咯，我聽到真係嬲 味道唔好就算啦，服務態度都唔好！我覺得奇怪，換其他或退了咪好咯？ 又唔係叫你地換價錢更加貴嘅野食，我係唔想再食到有蟲的食物了，個牛腩麵蟲肯定係煮進湯底，所以我想換其他咪正常？

小時候住在附近 故此常常光顧蘇記 後來搬走了 也一直念念不忘蘇記的湯底和雲吞👅後來好幾次經過也沒進去 一來 可能它未開 二又可能天氣太熱 想去冷氣強一點的餐廳🥵 這次我是專程來的 為的就是找回自己封閉已久的回憶〰️店面不大 大概只有4張供客人坐的中型圓桌 每桌上都附有餐牌、筷子、辣椒醬🌶️、豉油、醋、辣椒油、牙籤🫶🏻 桌面算乾淨的了 不會黏笠它們家的辣椒油也不錯 香又不會很辣 適合不同程度的嗜辣者🤣🤣我們都點了雲吞米 $32 大地魚湯 清、香、甜 喝了不會口渴啦 〰 配上韭黃和青蔥 更香 更有口感💓 不過說實在話 以前的湯頭會更濃味 更鹹香一點 雲吞很紮實 應該有2-3隻蝦吧 🦐 鮮甜爽口 還有一點豬肉 小小一顆 很方便一口一粒🫶🏻 蝦味在口腔中爆發 正正子😝 以前我們一家人好愛宵夜點兩打蘇記炸雲吞回去 炸和湯的都一樣正！因為餡好嘛😚😚 米粉就是較粗身 鞋口那種〰️韮菜花 $18這也是我們必點的油菜 因為很少粉麵店會提供韮菜花😗 煮熟菜後 塗上一層薄薄的豬油 旁邊撒上調稀了的蠔油 菜甜 豬油香 蠔油吊味 爽！白灼腰潤 $60 配上辣豉油好大一碟呀 即叫即灼 面頭有淋過油的青蔥 看得我心癢癢！

綠豆水就真….. 好稀….甜度正常老實講$16 我都唔希望有幾特別…我只係想平平淡淡食碗綠豆沙… 下次可唔可以洗完個煲過曬水先煲綠豆呀.堂食係好多人….. 唔知味道如何啦佢啲麵食..但呢碗野我真心唔建議大家再博

雖然個豬手撈愈來愈貴🤣但因為細細個就開始食，點都有個情意結係度，所以間唔中都會買個外賣返屋企食🥰➼ 豬手撈麵每個撈麵都會有3舊豬手，都算幾淋㗎，唔會咬唔落去Haha，之前都有試過係食到仲有少少豬毛喺上面，但好少發生嘅，所以都冇乜嘢。份量都大份㗎，我次次食完一個麵都飽好耐🤣不過對男士嚟講可能只係啱啱好。

今日去土瓜灣， 諗起好耐冇食嘅粥粉麵舖， 呢間鋪頭細細個嘅時候已經喺度，而且佢好多元化無論你係想食咩， 佢大部分都可以滿足到你 ，腸粉，炒麵，粥同糖水......最掛住佢嘅就係皮薄餡靚嘅水餃麵，好耐冇食過粗麵所以今次就叫咗粗麵，個皮真係紙咁多薄，而且粒粒蝦仁仲有木耳同筍絲🥰🥰🥰🥰👍🏻 雖然鋪頭細細，但係真係五臟俱全， 粥粉麵飯糖水， 或者係小菜同可以🍺啤一啤🍻佢 ，任君選擇。。。話明係鋪頭細細搭枱係在所難免嘅， 但係都因為係搭枱更加見識到呢一間鋪頭嘅厲害見到其他客人叫嘅食物， 大開眼界「薑蔥鯇魚皮」 炸魚皮在香港隨處可見，不論是火鍋料或是當成零食都十分可口，但是白灼魚皮在香港卻愈來愈少見。仲有牛腩腸粉， 豬雜河無論你想點配搭都可以

喺香港要嘆一碗真正好食嘅水餃麵其實真係一D都唔容易，因為水餃嘅製作過程比起製作雲吞複雜D，而且應有配料缺一不可，木耳、竹筍、鮮蝦、豬肉(肥肉)、大地魚粉一定要全部齊備，而且用料亦要夠好，包水餃嘅功夫亦都好講究，蘇記嘅水餃確實有水準，水餃本身包得好扎實，一咬落口就食到好濃嘅大地魚味，豬肉嘅肥瘦比例均衡，蝦肉都OK，木耳絲同筍絲就一定係爽脆，湯頭夠鮮，而且又有韮黃放入湯裡面，增添香氣，真係食過翻尋味呀！

熟悉的環境，熟悉的味道，熟悉的店員雖然搬家了，但每隔幾星期就會回來吃一次，好好的宵夜地點，雖然環境不太好坐得不太舒適，但吃的是人情味和那份回憶的味道每次必點的是薑蔥脆魚皮，這是我最愛的一道菜，爽脆和薑蔥的香配上啤酒，就是人生一大樂事這粥麵店入夜總是坐滿了人，店外的兩張小桌也坐了，大部分都是街坊熟客，以我觀察所見大部分的客人也吃魚腩粥或麵類，我也有吃過這家的麵是不錯吃的，但我至愛還是小菜，魚皮之類的香口菜大家有興趣的也來嘗嘗吧！

又夜媽媽先食飯... 9點幾，轉轉下見到呢間小店，入面都幾多人，就試一試先。鮮蝦雲吞麵$26 :雲吞細細粒(5粒)，但蝦很新鮮彈牙的，麵唔太多鹼水味，唔係落蔥係韭黃，份量足夠不算少，不錯不錯。配油菜 菜心$9: 份量夠，但味道一般，菜太老，起"渣"了。但加$9，合理價錢，味道也將就一下好了。環境:很細，店內約放了5張枱，每張坐4人到。店內人都7-8成滿~ 我見都幾多熟客仔, 同到阿姐吹下水, 阿姐又會知佢地叫開咩~應該係街坊老店~

原先唸住要牛肉撈伊麵既點知嗌左牛肉伊麵但估唔到以湯麵咁樣食又反而仲好食牛肉平時都稔同埋好食伊麵同湯底都係過得去特別在係佢地既辣豉油倒埋落去反而辣辣地仲好食

上上星期日，要到土瓜灣觀看好友的籃球賽，到達土瓜灣時，已餓得飢腸轆轆，在「人生路不熟」的情況下，便求其與男友走入一間麵館食碗麵。叫了墨丸粗+凍檸茶；男友要雲吞麵，此麵店最令我驚喜是點菜不是蔥加冬菜碎，而是小段切開的韮王，真很久沒見過。說回麵，麵質不彈牙，仲過腍，尤幸冇乜鹼水味，墨魚丸一點也不好食，好多粉，兼冇墨魚味。雲吞不得而知，因為沒試。而那杯凍檸茶來到時竟然沒加糖漿，轉告那位忙到啺晒腳的阿姐時，才知道是因為糖漿放錯位，所以落了雙重茶，她還很好禮貌說不好意思。雖然食物質素不太好，卻服務有禮。

昨日又去土瓜灣, 當然繼續試不同店子, 今次選擇了這間店.叫了牛腩麵+菜心全走.牛腩麵的賣相不佳, 只有兩塊薄牛腩和零碎的牛根, 像是賣剩似的. 牛根也算腍, 但牛腩卻又硬又鞋, 唔掂! 吃完後不久已經口渴, 又是重味精的後果......又是"一次玩完"的店子!