蘇記小食 (Closed)

呢個週末,要去黃大仙嗰頭探個朋友。因為肚餓o既關係,去咗呢間舖頭仔食碗麵。一如以往,我叫咗好多餸,但係碗車仔麵個麵底都好多。原來每份麵底有兩個麵餅!蘿白:好入味,加上蘿白本身好蘿白味,好好。不過切得大塊d,我鍾意細粒d。牛腩/牛根:味道好好,我問過舖頭d人,佢哋話燜淋d入味d,公公婆婆小朋友都啱食。不過講真又真係好好味。豬紅:好耐冇食過咁好味o既豬紅,好好味,有好小好小o既辣味,又好香,到最後我仲加多一份tim!豬腸:呢度o既豬腸有d甘香味,加上d汁入晒豬腸皮到,好回味。如果唔係本人巳經超重,一定會叫多一份。尤魚鬚:又一個驚喜。因為好香尤魚味,又冇d發水o既味。尤魚係用咖喱汁浸住,而d咖喱汁好香,都有d辣。環境: 細就細咗d, 但係都好乾淨。食完成碗麵(d麵食唔哂),成個人好滿足。最大o既驚喜係唔口乾,仲以為車仔麵會勁多味精,呢度真係好OK。最後向大家推介係呢度d港式奶茶,味道水準非常高。跟餐都只係+$6。咁有水準,好抵!

蘇記的炆冬茹和魷魚鬚好入味，辣汁好味。有多款不同特色的配搭，經濟又實惠，值得一試!

$15任揀三餸麵+ $5 冷熱飲品同一條街有兩間車仔麵,這間比較細,但人氣旺第一次食,餸及麵份量都算多,且菜及豬腸都洗得乾淨,豬腸不會太肥,豬紅亦不錯

今天再到蘇記車仔麵店午膳，叫了一碗三餸油麵，選了豬紅、豬腸、牛筋，出爐熱呼呼，香氣撲鼻，上湯不錯，味道適中；牛筋最正斗，夠淋，又黏黏的很有口感，味道上佳，一吃便知靚貨落足本！豬紅也好，近來在外吃的都淡謬謬沒有風味，但這裡的我覺得是以前茶居或街邊檔的傳統味道，相信貨源確是不錯！至於豬腸，有趣的是我覺得很有豬肉味而少了在外的味精感覺，兩睇，在於我想吃得健康一點的(其實吃豬腸本身就不是很健康哈哈)，會覺得幾好無咁味精，但對愛重味道的客人來說，便需多收集些意見了。三餸麵盛惠十五元，物超所值啦！

之前都有朋友介紹過話呢間車仔麵好好食，但係無去開o個頭，一路都無機會食到，今日去開慈雲山，專程行落去試吓！真係無得頂！o係門口見到竟然有條人龍排緊隊...，唔係掛？係咪真係咁好食呀？入到去，地方細細，有d熱，見佢有兩部冷氣機，但係只係開得一部，本來都想唔食，不過見佢都好整潔，試吓喇。揀咗牛腩、牛肚、豬大腸、豬紅同埋生菜，清湯無加任何汁，真係估唔到咁平，連埋杯凍檸茶都只係$23，唔知佢有無收少到呢？牛腩同牛肚都好"lum"，豬大腸同豬紅都好美味，係唔加任何汁的情況吓，都食到每樣餸的味道，清湯肯定唔係味精加水，因為試飲幾啖後，一d都唔覺口乾，最後連湯都飲埋，一d都無剩，好耐都未試過出街食麵食得咁"狼"，去開o個頭，一定要食多次！