蘇嘜

Open Now

Now Closed

之前有一段時間都會偶然幫襯 So Much, 但之前估計換左廚師或易手了，品質每況越下，已經比較少去幫襯。食店環境相對清靜，份量亦算大碟，不過口味偏重。其其實做食店，一次唔得，再第二次唔得，就連回頭客都冇埋。今日中午去點星洲炒米，食時冇咩唔好，味道亦正常，但食完後整個下午心跳加速，口乾和舌頭勁唔舒服，我真想知道廚師落左幾多味精？呢啲完全係過量味精的反應。估計以後都不會再幫襯。

炎炎夏日，真係唔想落街，叫左間公司附近既外賣，佢位於一條小巷既盡頭，好唔起眼，但食物質素唔差架！ 今日叫左個焗粟米蟹棒魚柳帶子意粉，好準時送到黎我公司，但一打開就聞到燶左啲啦😂 刮走焗燶左既地方，就見到魚柳同蟹柳，魚柳一共有兩塊，分量一啲都唔少，成盒意粉有勁多粟米，啱晒鍾意食粟米既我！個忌廉汁夠杰身，但又唔會杰到變左一pat，撈唔到個意粉（我真係食過有舖頭既外賣啲汁杰到變左固體🤦🏻‍♀️） 望落細細盒，但其實份量好足，我次次都食唔晒😂

🍛吉列豬扒/雞扒/豬扒系列咖喱蛋包飯 $55蛋入面嘅飯用蕃茄炒飯，帶甜，雞蛋溝左粉，食落有啲似蛋餅，少許椰菜，有日式咖喱汁同蘿蔔粒。雖然肉扒唔算太juicy，但整體mix埋係令人心花怒放嘅碟頭飯(⁎⁍̴̛ᴗ⁍̴̛⁎)

位於公司附近的一家小店走的是平民茶記路線茶記雖小, 但沒想到下午茶非常有驚喜被牆上幾隻粗字吸引店員便主動來介紹🤣🤣才知道原本以前的茶記是有售綠豆冰而加愈來愈少人做是因為外觀上不及紅豆冰吸引迷人工序同紅豆冰同樣繁多但在炎炎夏日中飲綠豆冰較為降暑下火店員介紹綠豆冰的豆是自家浸制不似別家茶記用買回來的豆那麼甜綠豆與奶比例約7:3綠豆咬落有口感帶沙🤤🤤飲落冰涼順喉,感覺舒暢整體甜度與坊間水平相近喜歡綠豆的人一定要試另一個奶油豬同樣心機制作!!奶油豬先烘外脆內軟面厚塗粗粒花生醬配上一塊厚奶油和少許煉奶口腔充滿花生醬的濃厚香味混合奶油的咸和煉奶的甜一口咬下非常過癮同場還有咖哩角同奶油厚多士誠邀附近上班族應該一試

本身都已經幫襯過3次, 食物質素係OK的話說今日出去做完野冇食LUNCH, 諗住食少少野先返公司我2:15到, 見到餐牌下午茶有雞排包, 2:00後供應咁就入去坐低入去落ORDER叫雞排包, 店員話接左張大ORDER可能冇, 咁我見到冇得食就諗住起身走店員問左廚房話仲有少量, 咁我就照ORDER啦 (一個雞排包+薯條+熱檸茶)咁我一路等, 等到15分鐘左右連杯野飲都未到, 店員應該見我等到唔耐煩, 就問廚房係唔係做緊? 廚房答係 (詳細對話係:店員:薯條係唔係炸緊? 廚房:係, 外賣個D,店員:有一個堂食喎, 廚房:係, 炸緊, 但係我呢一刻先見到攞D薯條出黎炸) , 如是者又等左陣, 隔離遲我10分鐘入黎個張枱ORDER個飯都到左, 我仲係野飲都未黎, 另一個店員見我等左咁耐又睇一睇我張單, 咁我就同佢講, 哥哥, 唔好意思, 我趕時間我唔等了, 跟住我就起身走人

今日又有食福，有高層萬歲，請我地食下午茶，照舊我地都係㨂SO MUCH，點解呢🤔因為快靚正囉價錢實惠，食物又食得出相當用心今日唔食burger🍔，選左佢既炸雞髀🍗，因為個個同事都話好食我都不甘落後，今次叫左果然名不虛傳，雞髀炸得啱啱好，肉嫩、皮脆，面層仲灑左d椒鹽，相當惹味。估唔到SO MUCH除咗burger了得，炸髀都相當掂，睇黎下次我都會繼續encore 支持不過下次我一定要加薯條，咁先夠完整😂

今日有高層請食下午茶，大家就諗緊叫邊間好呢🤔，最後選左都算新開既SO MUCH，呢間細細茶餐廳，食物都算幾有心思，唔會一味抄飯抄麵咁。我就選左個芝士漢堡拼薯條+一罐可樂，個漢堡超掂，塊肉唔係急凍野，係真係手作漢堡，中間夾住D酸瓜粒、芝士、茄汁；而個包面仲要炸過，少少脆口，食落更加美味而茄汁就好別緻咁另上，唔會倒茄薯條到整到淋曬，值得一讚香港小店已經少之又少，用心經營就更加難得，希望SO MUCH都可繼續保持住

今日同事請食下午茶，好想試下特別既野，就睇到有咖央醬既多士，就好想試下，唔係好多地方可以有得食既多士，所以好期待花生醬咖央多士，就睇賣相已經好唔錯，麵包外脆內軟，厚厚既花生醬同咖央醬(即係咖椰醬)，食道淡淡咖央醬，味道都好夾，加埋一杯熱檸蜜，好完美既下午茶

在上環附近有一間小小餐廳， 裏面的食物 真係值得一讚 ， 廚師很有心機 ，做每一個 食物 ，就例如普通的炸雞翼 ，同埋雪菜米粉 我食過很多地方， 雪菜肉絲 佢真係用心煮過，好好味， 咁當然仲有其他的 食物 好好 價錢又唔貴， 地方就太細了

😋😋😋派傳單既哥哥超勤力👍🏼超主動行埋黎比張傳單我👍🏼👍🏼真係要讚下仲親自帶我地去餐廳 仲介紹左有啲咩食物比我地知我覺得個咖哩真係好出色 無論係自家制辣咖哩定係普通既咖哩汁 都好正😋😋🥰仲有個啲豬扒咬落口有肉汁嫁😆真係有驚喜😃🥢緊係唔會估到 我女仔人家 食完個自家製咖哩汁豬頸肉飯 仲食左半個蛋包飯🙈🙈🙈都好出色‼️我個人仲想推薦大家飲個杯羅漢果茶 👍🏼間餐廳其實好爆好多人食 不過排隊都係排一陣一定會再幫襯😋👍🏼好評啊‼️‼️‼️🥢

我total食左2次：第一次我落舖頭食一個蛋包飯，水準不過不失，價錢實惠。第二次：經一間粉紅色外賣平台訂餐，價格已經比堂食貴左廿蚊，仲要足足等左我個半小時餐先送到我公司，我已經對食物已經好失望，食物已經凍曬，打電話去服務部長期飛綫，要我再打去餐廳投訴之後完全冇理會我，收多我幾廿蚊我係得來一肚火同落街買野食，冇下次。食評：普普通通，如果想係中上環區食平價餐可以接受，整體服務其他同事同我係不滿意，冇下次