賞心越目

Open Now

Now Closed

今日搭巴士在虹橋落車，見到一間門面裝修幾靚食越南嘢嘅餐廳，感覺不錯，於是入去食返個tea。餐廳座位用藤椅做，用了木質材料作裝修，感覺很舒服，座位闊落，員工服務態親切友善，自動奉上一杯熱水給我洗餐具， 認真細心。店內還播着歌曲，都係一些比較耳熟能詳的，音量不大，聽得好舒服，唔會好吵耳。至於食物方面，我叫左豬頸肉湯河，凍檸檬茶走甜，當食物上枱時，我都打個凸，只係一個普通茶餐，餐廳都絕不馬虎，湯河和肉係分開上，咁樣豬頸肉就不會浸淋，肉醃得好夠味，上面還伴了一點香葱和炸蒜片，好香口😋，河粉好滑份量也足夠，作為正餐都夠飽，湯底夠味夠濃。凍檸茶茶味濃得來又唔會有苦澀味，正啱我口味。整體來講，這餐廳無論在食品和環境都理想，值得再來幫襯。另外留意一點，原來餐廳開到半夜的，下次瞓唔着想食宵夜，都多個選擇，唔洗次次都去7仔叮點心食杯麵。😂

上個禮拜同同事試咗呢間賞心越目我哋叫咗一個香茅豬扒撈檬同一個香茅雞扒撈檬.豬扒同雞扒都算煎得幾香 ，煎到金黃色，外脆內嫩外層有微燶，夠乾身入面啲肉都算鎖得住肉汁香茅醃得幾入味 ，檬汁酸酸甜甜好開胃，檬粉唔會太腍，煮得啱啱好。.呢間餐廳嘅店面好乾淨有好多卡位，好寬敞，可惜生意麻麻地，我去咗兩次都係好多空位、唔洗等位。個人覺得呢間越南嘢都算值得一試，上菜快分量多，雖然價錢就一般，唔算特別抵食，但我會再次幫襯。

🎊秘诀是多和几个人一起吃饭，这样大家都会互相投喂生牛肉汤河🍜谁能想到一碗面中出现了这么多配料啊，吃爽了！虽然生牛肉上桌5秒钟就被烫熟了，但口感依然特别的软嫩🥩，配上清淡却鲜香的汤底，让鲜嫩多汁贯穿始终咖喱牛肉饭的咖喱酱汁很浓郁🥘，辛辣中带着点奶香，而且还是用牛杂做的，各种各样的味道和口感吃的我嘴巴都忙不过来他们家一定要现金支付！要记得带现金

之前經過冇開，今日突然間想食越南粉，今次終於食到🤣🤣🤣我哋今次5:45入到去，冇乜人既，又未到dinner時間，坐到之後準備落單。咦，一睇，仲有下午茶叫😂即刻拿拿聲落單😂😂叫左兩個餐👍🏻👍🏻👍🏻👍🏻雞絲扎肉湯河好多雞絲，十分足料，雞絲都幾滑，吾會「鞋」，而且湯底好好味，吾太重味精👍🏻豬頸肉食豬頸肉勁好食呀，煎到少少燶，十分香口，白飯粒粒分明，好食😋😋😋😋叫埋兩杯野飲，椰汁冰幾好飲，不過有啲甜😂😂埋單岩岩好$100，好抵😂😂😂

🐂生牛肉湯河 $63 可選金邊粉、檬粉或者河粉，咁我今次就揀咗檬粉，新鮮熬製嘅牛骨湯係餐廳每日堅持自熬嘅湯底，用上百斤新鮮牛骨、牛腩，再加上各種香葉香料熬煮，味道無得頂🐥蒜香牛油雞中翼 +$18 新鮮炸雞中翼，配上蒜香牛油，好香口惹味，中意蒜味嘅朋友一定要試🦀軟殼蟹米紙卷 $68 原隻軟殼蟹制成嘅米紙卷，軟殼蟹係新鮮炸起熱辣辣嘅，內脆內軟嘅米紙卷令人食唔停口📍屯門井財街19號嘉熙大廈地下B2及B3號舖

👎👎👎吾知食咩好？！行過見到一間超級光猛既<so pho>,見佢似入新野咪行入去試一試。入到去，都係循例自助掃code落單，見佢個drink list吾係好吸引，諗吾叫野飲啦，但一直都落吾到單，之後詢問職員可唔可以幫手落單啦，換黎既答案係：「你落單吾叫野飲係落吾到單既。」我：「甘如果我諗下先，等陣先落呢？」職員：「不如您求其住飲先啦。」我：「甘即係吾叫野飲，就落吾到單？」職員：「係。」真係吾知邊個諗過甘既系統出黎，整過捆綁式銷售，果然無為諗過消費者著想😒火車頭一碗$93+峴港酸辣黑粉絲$93。火車頭牛丸充滿雪味；🥲👎；做咩唔同我哋酸辣粉魷魚就好似橡膠👎係屯門區黎講，真係吾係低消費。最緊要係吾好食。講番飲嘢先，係被迫要落單加杯野飲之下，橫掂都係就豁出去，叫左杯「牛油果沙冰」同「芒果沙冰」，牛油果沙冰黎到就呈現淡青色。一飲落去，嘩，成陣煉奶味👎吾係自己落單叫呢杯野，就一定吾知呢杯係邊黎，牛油果沙冰喎，第一：無牛油果味；二：只有奶味；三：最多呢杯叫奶昔，同職員反映，佢話係用新鮮生果打出黎。成陣奶味，真係吾知係咩黎囉。😐另外芒果沙冰淡如水👎唯一叫做幾得意既就係佢有棵新鮮九層塔比

😋屯門紅橋❣️越南河粉專門店賞心越目 💫令人回味嘅湯底🤤我最愛♥️香茅雞翼湯檬多蔥💚加杯椰汁冰🥤🌺份量十足💯✨記得初初搬到嚟屯門🏡成日執屋執到好夜先去食晚餐好多食店都關門了🥹唯獨係呢間仍然燈火通明係漆黑嘅紅橋中發光💡🤣拯救咗我好多個夜晚🌠外賣同堂食一樣都保持水準👍🏻✨搬舖後座位更闊落和舒適☺️特別喜歡新裝潢設計用復古玻璃每枱也有小盆栽點綴🌱原來係香葉☘️即摘即食好新鮮😜大家去食都可以試下呢！✨營業時間到凌晨4點🤯隨時去食宵夜都得~

話說小弟見佢搬舖位咁耐....都未食過！營業時間仲要去到凌晨4點！入到餐廳坐底，店員會比qr code你落單！稍微略略看過餐單，食物價錢都偏貴加飯要10蚊，紙巾要3蚊....但如果係好食，貴d又有乜所謂呢！呢次叫左個咖喱牛腩飯 加 凍奶茶！共78元！隔離舖頭金銘 只售56元....價錢相差22元，當中肯定有玄機落完單，乖乖地坐係度等開飯！杯凍奶茶極速送上味道 冰塊正常！我覺得當中貴既地方應該係碟飯上面係等既期間....我望入廚房，見到4名著黑衫既員工好勤力各做各既野.... 一個負責水吧位，一個負責斬料位置，一個負責執碼 裝飯，另一個負責出單同跟單！總之自己顧自己個位，其他同事忙到死都好，都唔會幫忙 其實邊個諗埋呢d設計？ 出面樓面就得一位侍應呢位侍應仲勁，又出餐，收枱，收銀，抹地抹枱全部一腳踢 等梗飯期間，已經比人多次追問d野得未... 我心諗...我用餐時間得1小時.....慘喇等左10分鐘唔對路，再望入廚房...我碟野已經有飯喇，好開心！ 但係咖喱牛腩仍在製作中....再望望另一位員工，係冰箱拎出一大舊冰凍左既熟牛腩，然後又啤水又好大力敲打枱面，想整散d牛腩....結果就用左3分

今日一個人出黎食飯，揀左虹橋呢間裝修新派既賞心越目越南菜試下，餐廳座位寬敞，坐得幾舒服！餐廳售賣越南湯河、撈檬、咖喱飯、仲有香茅系列。飲品有椰汁冰、三色冰、珍多冰等越南特飲，仲有越式小食，例如蝦餅，蒜蓉包沙嗲串等。夜晚同朋友嚟都好多嘢揀！我叫左咖喱牛脷飯（牛脷比較少見），配熱奶茶$63 咖喱面有啲花生碎好香， 咖喱味好濃，牛脷厚切，奶茶好香奶味。

今晚兩個人來左呢頭食晚飯唔知食咩好本來想食附近米線但好多人，之後就見到呢間越南餐廳有位睇上去價錢又OK就入來食叫左一個豬頸肉撈蒙和咖哩雞飯，再加一個小食拼盤杯桂花香蜜就太甜整體來講都好食，環境OK坐得又舒服價錢晚餐來講合理

想食越南嘢，路過見到呢間裝修唔錯，價錢合理，就入去試吓～👅香茅牛肉撈檬 ，熱桂花香蜜💰6️⃣3️⃣➕💰3️⃣牛肉嫩滑，香茅味突出，唔會太多脂肪～檬粉爽彈，加埋配料同酸汁好開胃😋套餐包埋飲品，有啲選擇都幾特別😯我揀咗桂花香蜜，清得黎唔會太甜店員服務都幾好，整體唔錯，可以再黎👍#越南菜推介 #香茅豬扒 #撈檬 #湯檬 #越式咖哩 #屯門美食 #香茅雞翼 #香茅雞扒 #香茅豬扒 #越式湯檬 #牛肉湯檬 #生牛肉湯河

今日叫左外賣去朋友家食， 我地叫左2碗河粉，面同湯有分開放， 值得加分。 米卷、春卷味道都正常。蝦多士好油，唔建議外賣，唔知堂食係咪一樣。 另外串燒味道不錯👍， 燒得唔錯。

食物一般，仲要同人搭枱，枱同枱中間一條空隙也沒有，除非飲品跟餐，一杯凍檸檬茶收你$30，紙巾仲要另外加$3先有，唔知以為自己去咗食車仔麵，牛油雞翼成碟都係油，超不建議，不會再來

搬了新鋪第一次光顧，與之前味道及價錢都一様，出品水早穩定，服務周到，員工有禮貌，鋪內大了，座位舒適，我是胖爸爸，卡位坐得很鬆動，可令食慾大增，3個人食了＄230元，飽飽走人

食品保持水準，但樓面服務一般，事源食店門口顯示晚上十時關門，我們兩人９時正入店，當時店內只有兩台客人，連埋我們４人一共３台，店內使用 QR Code 網頁點菜，用了約７分鐘點菜完畢，約晚上９時１５分其餘兩台客人都先後結帳，剩得我們一台客，食物及飲品９時２５分到齊，我們便用膳，食枱（卡位)上擺設有越式酸汁，一花瓶，一膠餐牌，樓面男A ９時３０分開始掃地，樓面女B ９時３５分詢問我們可否收走越式酸汁，樓面女B再次於９時４０分再到我們食枱收走花瓶，再隔３分鐘樓面女B再到食枱拎走膠餐牌，唔明白點解唔一次性收走哂所有佢想要嘅野，明白一個道理是＂阻人收工燒春袋＂，但食物９時２０分先到，都唔駛咁急掛，最後我們都快快手９時４５分結帳離場。當時店內收銀女士睇落唔係一般員工，似係老闊娘，眼見佢屬下都無出聲，唯有祝佢繼續生意興隆。我諗客人或店方之後可以各自改善，客人方面需要衡量晚上９時後不選擇入內消費，店方可以嘗試當有客人９時後才入內，先提示雖然１０時關門，但最好都係９時３０分離場比較適合。