Video
Read full review
2023-05-18
379 views
話說小弟見佢搬舖位咁耐....都未食過！營業時間仲要去到凌晨4點！入到餐廳坐底，店員會比qr code你落單！稍微略略看過餐單，食物價錢都偏貴加飯要10蚊，紙巾要3蚊....但如果係好食，貴d又有乜所謂呢！呢次叫左個咖喱牛腩飯 加 凍奶茶！共78元！隔離舖頭金銘 只售56元....價錢相差22元，當中肯定有玄機落完單，乖乖地坐係度等開飯！杯凍奶茶極速送上味道 冰塊正常！我覺得當中貴既地方應該係碟飯上面係等既期間....我望入廚房，見到4名著黑衫既員工好勤力各做各既野.... 一個負責水吧位，一個負責斬料位置，一個負責執碼 裝飯，另一個負責出單同跟單！總之自己顧自己個位，其他同事忙到死都好，都唔會幫忙 其實邊個諗埋呢d設計？ 出面樓面就得一位侍應呢位侍應仲勁，又出餐，收枱，收銀，抹地抹枱全部一腳踢 等梗飯期間，已經比人多次追問d野得未... 我心諗...我用餐時間得1小時.....慘喇等左10分鐘唔對路，再望入廚房...我碟野已經有飯喇，好開心！ 但係咖喱牛腩仍在製作中....再望望另一位員工，係冰箱拎出一大舊冰凍左既熟牛腩，然後又啤水又好大力敲打枱面，想整散d牛腩....結果就用左3分
營業時間仲要去到凌晨4點！
入到餐廳坐底，店員會比qr code你落單！
稍微略略看過餐單，食物價錢都偏貴
加飯要10蚊，紙巾要3蚊....
但如果係好食，貴d又有乜所謂呢！
呢次叫左個咖喱牛腩飯 加 凍奶茶！共78元！
隔離舖頭金銘 只售56元....價錢相差22元，
當中肯定有玄機
落完單，乖乖地坐係度等開飯！
杯凍奶茶極速送上味道 冰塊正常！
我覺得當中貴既地方應該係碟飯上面
係等既期間....我望入廚房，見到4名著黑衫既員工好勤力各做各既野.... 一個負責水吧位，一個負責斬料位置，一個負責執碼 裝飯，另一個負責出單同跟單！總之自己顧自己個位，其他同事忙到死都好，都唔會幫忙
其實邊個諗埋呢d設計？ 出面樓面就得一位侍應
呢位侍應仲勁，又出餐，收枱，收銀，抹地抹枱全部一腳踢 等梗飯期間，已經比人多次追問d野得未... 我心諗...我用餐時間得1小時.....慘喇
等左10分鐘唔對路，再望入廚房...我碟野已經有飯喇，好開心！ 但係咖喱牛腩仍在製作中....
再望望另一位員工，係冰箱拎出一大舊冰凍左既熟牛腩，然後又啤水又好大力敲打枱面，想整散d牛腩....結果就用左3分鐘先完成
如果我早知呢間舖d咖喱牛腩係咁搞法....我一定唔會叫黎食....
可能呢間舖收得貴既原因就係想比客人見到廚房入面班員工好似小丑咁耍雜技呢
幾碟野擺係廚房出餐位完全冇人拎...樓面侍應玩分身術，忙到死，都冇人出黎幫手
足足等左21分鐘，碟飯終於送到上黎我面前
杯凍奶茶已經飲左7成.... 21分鐘先送上黎...咩玩法？
其實我真係冇勇氣食落去...因為睇見都唔開胃...
第一點： 碟飯都凍哂啦...確定係比人食？
第二點 ：牛腩有雪味，同咖哩汁完全唔夾！
第三點 ：兩大舊薯仔...仲要煎燶外皮點食呢？
第四點： 咖哩汁上加花生碎好難食，咖哩汁仲要係微暖...呢兜咖哩汁又係擺左幾耐呢？
第五點： 收得咁貴，紙巾都冇張...
食左3啖真係頂唔順，投降了
食飯途中見樓面侍應不停用10幾張紙巾走去踩地下灘水跡...紙巾真係唔洗錢？唔識用地拖？
結果有一位食客多口問佢可唔可以比張紙巾用下，侍應快狠準回答3蚊一包 即係寧願浪費廁紙去抹地下搞清潔，都唔會益食客抹咀
賣單時78蚊....真心覺得...做左白老鼠....
路經金銘門口...望住個餐牌既咖哩牛腩飯流哂口水...
心入面不停罵自己....
呢間野真係食一次已足夠
Post
