泰贊- 創意泰餐廳 (Closed)

# 事緣要慶祝媽媽生日，姨姨就帶咗我地一家人去試呢間泰國fusion 菜啦。 # 雖然我們四個人點左四個菜＋一碗白飯+兩杯飲料同一個甜品，但只能夠算啱啱好飽肚😅自問我哋四個人都唔算大食（仲要有一個係三歲嘅細路女），所以只可以話係餐廳嘅份量太細，而且價錢稍微貴咗少少，呢兩點就有待改善啦。 # 不過餐廳嘅裝修幾好，係以Tiffany Blue為主色，而且廚房係開放式嘅，可以俾食客見到入面嘅情況。座位都算闊落，而且唔會過於嘈吵。加上服務唔錯，雖然有幾個服務員係講英文嘅，但係點菜嘅時候都唔會雞同鴨講。 # 跟住落嚟就講下啲菜式啦😋。🍊金柚沙律配脆香魷魚 $70🦑Pomelo salad with calamari # 沙律係用jar裝住上菜嘅，上面擺咗幾隻炸過嘅蝦同埋兩支裝住柚子沙律汁嘅dropper。咁樣嘅上菜方式雖然幾靚不過食落就唔方便啦，因為要食晒上面嘅蝦先食到下面嘅沙律。 # 但係不得不讚嘆嘅係佢嘅金柚沙律真係好夠味！柚子嘅酸味再加上唔會勁辣嘅辣椒香料醬汁，令到我哋嘅口水分泌變得極多😂不過就可能只適合我呢啲重口味人士

之前黎過 2次晚飯, 第一次印象超好, 但第二次印象超壞~今次朋友仔話黎午飯, 好啦, 再試下吧~好在, 今次又挽回一點分數, 食物同服務回服到初次光顧的水評了, ok 呀! 所以, 我地係會再黎的~ 前菜我地選咗 3款唔同嘅, 各自食 又交換食~最鐘意個熱湯, 好中國風 好啱我地個人口味!熱暖暖, 咸度剛剛好, 又食下啲菜菇菇咁, 好好的開始呀!海南雞滑滑肉地剛好, 飯都有淡淡油香, ok 呀, 我地 3個都覺得~炸魚薯條我地都推介呀, 魚好滑溜 夠肉地, 咬落熱辣辣, 好滿足!

平時食開大埔嗰間，今日走去尖沙咀試吓，順便晚飯後去睇燈飾。如果喺餐廳慶祝生日，餐廳可以喺甜品上寫朱古力字（例如：Happy birthday to Mary!)，更會有一張即影即有相連生日卡。但要另加＄10。Order左一杯冬季特飲：「玉桂蘋果熱飲」。好好味，我至愛肉桂！不過甜左少少，但整體感覺好溫暖，好有聖誕氣氛。另外試咗個「冬陰公pizza 」,冬陰公味麻麻，一啲都唔辣。泰式串燒都好好味， 一碟有4串，兩串雞肉，兩串豬肉。

人大左，食野都實際左，健康第一，所以呢餐都唔例外叫左個菜先黎個菜先，菜係最有益健康食落，都OK喎唔錯，唔係油，蒜香都夠香，清爽可口炒粉，麻麻地啦，味道唔係好夠，都唔緊要阿叔我食下輕口味都OK，不過菜仲多過D炒粉，我就唔係好理解呢個雪糕甜品，本來好正嘅，倒D野跟住點火真係唔食得都睇得食落，嘩倒那D野原來係苦架，藥水咁於是一路"筆"上面D野就要小心唔好跌落碟底D苦藥水度阿叔我唔識呢D後生仔野，真係唔知佢地點食唔係計D苦水，其實應該係好食嘅一句講哂，阿叔我年紀大，真係唔多識欣賞，不過都唔係真係差，比個OK啦

our firstime of having thai cuisine and it does not dissapoint me,very nice service given by there staffs with a very delicious food ,love the ambience of the restaurant very cozy to look at, so sad that was'nt able to take photos coz my fone is out of battery better luck next time.hehethanks very much so thai so good for the wonderful experience.

閨蜜聚會總愛選擇日韓菜，今日決定嘗新，來一個泰式約會。餐廳環境有別於傳統泰式菜館，走cafe 風格，緊貼潮流，適合三五知己輕鬆小聚。我們一行三人點了六道菜&兩道甜品。頭盤的炸魷魚圈外皮金黃香脆但不太膩，魷魚夾口彈牙，口感有層次。豬頸肉煎得恰到好處，肉質嫩滑，入口散發油香。冬蔭功湯偏酸，辛辣度剛好，而且充滿香料，十分醒胃。生菜包肉碎份量充足，混合香料，香而不膩。但生菜量略為不足。炒金邊粉比其他的餐廳較少油，但份量稍微不足。炒雜菌則比較油膩，但炒得剛好，泰式風味十足。壓軸甜品登場，有驚喜。朱古力心太軟伴雪糕非常到位，流心效果一流，外層香，微脆；但雪糕很快溶掉，可惜可惜。芒果糯米飯造型特別，伴有可愛猴頭隔熱手套，以防客人燙到手，十分貼心。芒果雖不多，但有飯焦以及蘋果金寶餅底，口感獨特，不糊口。是晚以豬頸肉及甜品評價最高。

是晚在fiat caffe 食完晚餐，因為未能滿足(詳見本人在該餐廳之食評），所以轉戰so Thai so good. 滿足了這個面頭果層有蛋糕，炸香蕉和雪糕，但原來一路食都keep住有蛋糕的，都幾好食！個隔熱手抦幾攪笑！至於個糯米飯金寶，上時熱辣辣，加埋芒果汁後不會太甜，味道配搭剛剛好，不過食得多會好漏呢個係突登叫餐廳寫的⋯ 要收$10，冇辦法，最緊要效果滿意拿破菕，好好味的總括黎講，甜品不錯下次會試埋主菜不過環境略為嘈吵，如果要傾偈要大聲少少。

睇木乃伊之前，先來個豐富午餐。黃金週係尖沙咀呢啲地區，以為食肆一定爆滿，要等位或者限時。點知。。。唔使等位不特止，仲唔限時呢區的競爭真係大丫。。。可能呢間野個位置有少少隱蔽個menu好靚丫，好colourful。本來諗住叫芒果拿破崙的，但見到人地枱嗰嚿細到丫媽都唔認得，打消左念頭#豬雞沙嗲串燒雞肉嫩，豬肉' 鞋'。但個串燒上面的汁(有椰香)再沾上沙嗲汁，美味指數提升不少沙律加左泰式辣汁，好辣丫#黃金蝦有3隻蝦，彈牙但個汁太酸，唔識欣賞(其實係咪食沙律嗰隻黃醬汁?)。覺得有少少中伏，仲話係熱門添#卡邦尼娃娃菜有洋蔥，菇，煙肉，芝士等做個醬汁淋落啲娃娃菜上。無焗過，醬汁有啲稀。不過味道唔錯。#呢個素pizza係沙嗲味的，唔脆，不過幾特別，幾香沙嗲味。size正常#炒飯有少少椰香，加左雜菜青豆去炒。加埋炸左的椰絲一齊食，唔錯唔錯海鮮新鮮最後的甜品，雪糕好滑。有香蕉，炸香蕉同香蕉蛋糕。不過一開始係搵唔到嚿香蕉蛋糕的。食到最後，原來係杯底Fusion菜幾特別丫，可以encore

午飯時間一個人在美麗華搵食，見呢間泰式餐廳個lunch set都幾抵，$75包前菜、主食同野飲，就決定入去試下。餐廳入面環境幾好，相當寬敞，設計走開揚繽紛路線，同一般泰菜餐廳唔同。Lunch menu都幾多野揀，我揀左個菠菜魚周打湯、泰式香辣肉碎炒飯，再加錢要杯熱紅豆泡沫鮮奶。個湯嘅顏色好清新，淡綠色，入面有幾粒魚肉，濃度適中，但味道偏淡，冇咩味。呢個香辣肉碎炒飯又係賣相靚，食落真係麻麻。肉碎少，冇味，既唔香亦唔辣，我相信九龍城隨便搵間泰菜館都炒得好食過佢。最後食完口啖啖，決定加廿蚊要杯紅豆泡沫鮮奶，成餐至好味係佢！

話說有個friend特別鐘愛泰國野所以就膽粗粗衝左嚟呢間店面幾靚嘅泰國餐廳呢個喺魷魚沙律外表非常有創意佢嘅西柚酸甜汁就用dropper裝起等你可以自己控制落嘅分量魷魚喺新鮮炸出嚟嘅，非常鬆脆，魷魚肉都好有彈性呢個就認真幾好食之後喺呢個炒金邊粉一開始見到去咁重色其實都有啲擔心會唔會太咸點知食落去又OK攞青椒同扁豆爆，同攞Soy Sauce炒都真係幾香咖最fail喺呢個雞賣相喺好，醬汁都好味奈何雞就硬過舊石(*理論上雞喺好難整到咁唔嫩sosad)美中不足

thai  food @尖沙咀忘記係炸咩，炸得幾好個飯普普通通中間係沙律，靚就靚不過份量偏少yogurt 飲品好味我嗰個係芒果汁，好飲～紅桑子千層蛋糕支嘢可以令到個蛋糕變流心

好耐無食so Thai so good平時都係食佢既tea set多今次食dinner,多左好多款菜式揀🤤叫左個泰式三文魚他他配多士仲有泰式炒粉配燒雞仲有個炒菜苗加雜菇個三文魚他他好足料，d三文魚好大粒仲有個thai sauce 好惹味，辣辣地但係個多士略嫌太少，好快就唔夠食個炒粉配燒雞要推介！燒雞好滑唔會鞋口，仲有個炒粉都好入味炒菜苗都係辣辣地，又唔會太辣好易入口，加上我中意食蔬菜類所以我都好中意👍🏻

間唔中都會黎尖沙咀,但要搵間舒適啱口味既餐廳都唔係一件容易既事,尤其係中午時段,行慢半步就要企嚮門口等位嘞~為左唔使嚮條街度等愛遲到既細佬,所以我路過見到尼間裝修得唔錯既泰國餐廳,門外有個帶位既妹妹問我幾位,咁我就入左去嘞~個午市餐牌每款都係$75我地3個人,1人叫左1個餐,自選頭盤/湯:1)香茅紫菜肉碎湯 (尼個湯好味又唔重口味)2)煙火腿菠蘿沙律配蜜糖芥末汁 (我唔食芥末汁,所以唔知咩味,但外觀唔錯)3)越南扎肉。粟米。檬粉沙律 (健康之選)自選主菜:1)傳統海南雞配油飯及青瓜車厘茄沙律:雞肉嫩滑,油飯無咩味,**車厘茄無青草味~Good!2)冬蔭公海鮮湯河粉:唔算好辣,酸酸地易入口3)脆炸龍脷魚柳配薯條及紅甜椒醬:係即刻炸,龍脷魚柳出奇地無雪藏味,啖啖肉,香暖可口(飲品就送咖啡或茶)我地見隔離枱有成套藍色茶具,好靚啊~就叫左熱檸茶同熱奶茶~另外,最好係佢凍飲都唔使額外加錢,因為細佬個朋友仔淨係鍾意飲凍野,叫左杯凍咖啡俾佢,佢勁開心仔!

夜媽媽諗唔到食咩 見到呢間收十一點半就gogogo!見到門口寫左宵夜時段甜品8折🤤所以決定一定要食甜品 食左咁多次都未試過甜品 不過醫左個肚先啦 芒果大蝦沙律 個玻璃樽細到唔知點撈黎食 同埋我始終都係覺得沙律菜點醋好味d 燒豬頸肉唔知點解可以淋到無口感😫好奇怪既質地另外再點左個豬手辣椒炒飯 正👍🏻食咁多次都無失手 朋友都大讚好味 終於到甜品時間 我地打完一輪 決定到要軟雪糕既時候 哥哥仔話雪糕無哂😱所以點左窩夫 menu幅相都係一個紙袋 我仲話真係嗌呢個？ 好! 班豬友話試下 點知哥哥仔真係拎住個外賣紙袋黎上枱😂我地一頭霧水 好多問號 ❓❓❓❓窩夫就好普通 唔夠香至於糯米飯金寶就幾特別 可惜可能因為焗過既關係 糯米飯比較乾 金寶係好味既 不過略微甜左少少

約左朋友食Dinner,朋友介紹食一間fusion 既泰國野，味道不錯👍有新鮮感特別係個泰式三文魚多士，脆口多士再加酸辣三文魚🌶🐠有新鮮感👍仲有就係野菌豆苗又俾到新鮮感辛辣味總括值得一試👏🏻