走過十萬八千里找到你

Open Now

Now Closed

好耐冇食過呢間餐廳🍴呢間餐廳真係好有特色，入面嘅佈置充滿咗乾花，令人一入去就感受到一種溫馨同浪漫嘅氛圍。天花上掛滿咗各式各樣嘅乾花，色彩斑斕，讓人彷彿置身於一個夢幻嘅花園🤩酥炸軟殼蟹黑松露扁意粉呢道菜真係令人驚喜。軟殼蟹炸得金黃酥脆，肉質鮮嫩，搭配黑松露醬汁，味道香濃，意粉吸收咗醬汁嘅精華，口感滑順，令人一試難忘😋日本廣島蠔肉意大利飯用咗新鮮嘅廣島蠔，肉質鮮甜，搭配意大利飯，米飯吸收咗蠔肉嘅鮮味，味道層次豐富，令人回味無窮🤤桂圓紅棗茶呢杯茶色澤清透，香氣撲鼻，桂圓同紅棗嘅搭配，唔單止味道甜美，仲有滋補養生嘅功效，飲一口就感覺到身心都被滋潤咗😋冰玫瑰抹茶呢杯飲品用咗新鮮嘅玫瑰花瓣同抹茶粉，色彩繽紛，味道清新。抹茶嘅苦味同玫瑰嘅香甜完美結合，飲落去既清爽又唔膩❤️粟米湯搭配多士湯底濃郁，甜甜嘅粟米味令人感到溫暖，配上香脆嘅多士，簡直係完美嘅組合，無論係開胃定係暖胃都非常合適🥰🥰📍走過十萬八千里找到你 (旺角)旺角彌敦道575號Ladder Dundas 10樓

喵～琴日同喵女去咗旺角嘅「走過十萬八千里找到你」，享受咗一個充滿浪漫氣氛嘅下午！🌸 餐廳裝修以花卉💐為主題，超級浪漫，打卡一流！📸 食物方面，款式雖然唔算好多，但勝在精致有特色，味道都唔錯，CP值中上，絕對值得同另一半或者閨蜜一齊嚟嘆吓！🥰ᗦ↞◃ ….….. ᗦ↞◃ ….….. ᗦ↞◃ ……… ᗦ↞◃ ………✨1) 是日餐湯今日嘅餐湯係粟米忌廉湯🎃，湯底濃郁creamy，充滿粟米嘅香甜！配上香脆嘅蒜蓉多士🍞，真係暖胃又好味！多士浸喺湯入面，索滿湯汁，口感一流！🤤✨2) 忌廉龍蝦汁甲羅燒貓耳朵呢個貓耳朵意粉🍝真係好有驚喜！貓耳朵口感煙韌彈牙，忌廉龍蝦汁🦞濃郁香滑，充滿龍蝦嘅鮮味！甲羅燒🦀嘅蟹膏甘香豐腴，配埋貓耳朵一齊食，真係鮮上加鮮！🤤 上面仲有啲香草🌿點綴，令成個菜式更加清新！✨3) 原條鰻魚意大利飯呢個意大利飯🍚賣相吸引，味道亦都唔錯！原條鰻魚🐟煎得香脆，肉質鮮嫩，配埋 creamy 嘅意大利飯，真係好滿足！🤤 意大利飯軟硬適中，吸收晒鰻魚嘅香味，令人回味無窮！上面仲有啲木魚花🐟同紫菜絲調味，令成個菜式更加豐富！✨4) 玫瑰果洛神花茶呢杯花茶🌹酸酸甜甜，好 refreshing！玫瑰

本身見到咁多既餐廳諗住去食下餐廳名又特別“在十萬八千里找到你”仲以為好高汁啦試過一次無下次好評打手一大批當去到既時候，成間店既環境好黑好細，好似無錢交電費咁無其他上網食品既相咁靚，可能張張相都係執過不過呢樣都唔緊要，餐廳最主要係野食好食首當其衝我懷疑個廚師冇試過自己煮嘅嘢食，點解可以全部嘢都咁難食之餘仲要收咁貴。完全係價錢配不上食品質素。 由個粟米湯開始，到主食，再到野飲都係無樣好食。就算你話cafe，可以預計野唔好食，但野飲都唔好飲，我都唔知係邊度出咗問題？？好睇唔好食 你覺得自己錢多可以上去影下相既p.s 我希望在十萬八千里不要再找到你

《走過十萬八千里找到你》旺角店滿滿花海，每个角落都可以打咭。每枱都有香氛蠟燭，整店都彌漫著滿滿香氣，倍添浪漫。今次嚟嗌左：✨️餐湯今日係栗米湯，栗米鲜甜，湯面上有香草，味道豐富✨️香煎安格斯牛板腱 配 阿根廷香辣汁外要煎到焦香，內裡粉嫩。配合埋富有香草味嘅阿根廷香辣汁，味道十分匹配。伴碟嘅甘筍很新鮮嫩口，在碟底嘅薯蓉很綿滑。✨️巨峰提子流打巨峰提子味醬在杯底，飲時要攪勻。巨峰提子味香，冰凍解渴。📍旺角 彌頓道575号油麻地站A1出口

🔎 走過十萬八千里找到你 (旺角)今日去咗一間由專業花藝師設計嘅旺角咖啡店🌸 入到去就好似踏入咗一個花的夢境！天花板同窗邊都掛滿咗各種顏色嘅乾花😍真係好有feel，每個角落都係打卡位！📸✨【🌽 玉米濃湯】⭐️⭐️⭐️⭐️是日的餐湯是王米濃湯🌽餐具好可愛好打卡able🥰濃湯滑順，搭配香脆嘅麵包，好滋味！🍞【日式原條鰻魚意大利飯】⭐️⭐️⭐️⭐️ 用咗原條新鮮嘅鰻魚！肉質鮮嫩，配合軟硬適中嘅飯粒，每一口都充滿層次感！食到停唔到😋【忌廉龍蝦汁甲羅燒貓耳朶】⭐️⭐️⭐️⭐️⭐️ 必食的貓耳朵粉！口感Q彈，龍蝦汁濃郁得來，上面搭配新鮮蟹肉，蟹肉同蟹膏份量都好足！整體味道超正！好滿足！🦞✨【🍵玫瑰抹茶】⭐️⭐️⭐️⭐️呢杯玫瑰抹茶真係視覺同味覺嘅雙重享受！抹茶味深厚，配合玫瑰嘅香氣，飲落去甜而不膩，感覺好清新，仲有一絲花香🌹🍵整體而言，呢間咖啡店不單止食物高質！仲有好靚好優雅嘅環境💐🌺適合同朋友一齊聚會或者享受悠閒嘅下午茶！大家經過旺角一定要試下！❤️✨

同女朋友係餐廳坐低後，等左10 分鐘，無水，無Menu 係枱上。 一個risotto 188 蚊，一個main course 150 蚊，加一服務費都30 幾蚊，呢種服務值30 蚊嗎？自己出去拎menu ，坐低睇完揮手，有個20 歲出頭既女waiter 見到，對眼望住部iPad , 然後做個手勢叫我等陣。等左10 分鐘，都係無人過黎幫手落單。浪費左我人生既20 分鐘。

在鬧市中探索到呢間靚靚嘅 cafe，真係驚喜連連！裝潢好有心思，天花同吧枱都擺滿咗乾花，感覺優雅得嚟又唔失活潑。而且牆上仲有幾幅特色壁畫，真係好吸引。下單菜式 🍽️🦀明太子岩燒蟹棒貓耳朵 $148🧅南瓜湯 🌼洋甘菊茶 $52餐點分享明太子岩燒蟹棒貓耳朵菜名好可愛！蟹棒經過火炙，外脆內嫩，加上鹹香明太子同鮮甜三文魚子，拌入忌廉醬，濃郁得嚟又唔膩。每一顆貓耳朵都入晒味，咬落去彈牙十足，真係好正！洋甘菊茶作為花茶愛好者，呢杯洋甘菊茶令我非常滿意！仲送咗一朵鮮花，感覺好有心思。呢杯茶有排毒去腫、美顏潤肌嘅功效，飲完心情都好好！南瓜湯今日餐湯係南瓜湯，真係好可愛！碗係動物造型，超級有趣。湯熱辣辣送上，香味十足，南瓜味同香草味交織得剛好，濃稠度啱啱好，唔會太厚重。配上香脆嘅蒜蓉包，焗到超香，牛油味濃得令人難忘！總括來講，呢間 cafe 真係令人打卡100分，走過十萬八千里都值得！下次再來試下其他菜式！🌼💖

燈光、鋪頭氣味都唔錯。上菜時間長、食物質素真係唔合格，open 顯示位置不清晰明確，店員已通知日後會改善、到前要先問當日可付款方式、鋪頭氣味好好有香薰蠟燭，但空氣唔夠流通，感覺上蠟燭擺身旁有啲熱。

走過十萬八千里找到你今日要介紹喺旺角好浪漫好多花花嘅餐廳叫「走過十萬八千里找到你」，呢間餐廳喺旺角彌敦道575號Ladder Dundas 10樓，一出升降機通道比較窄，記得搭最左邊嘅升降機，最左邊嘅升降機係最容易入到餐廳入面，呢間餐廳天花勁多乾花，好似一片花海咁，我已經第二次回訪呢一間餐廳食野！1.和風醬燒牛肉扁意粉$158+熱Latte咖啡$48（9/10）呢碟和風醬燒牛肉扁意粉個牛肉都有大約6片，不過牛肉有少少韌，扁意粉都幾掛汁，味道啱啱好，唔會好咸！仲可以加$55就有餐包、餐湯同$60以下飲品，餐包係好脆嘅蒜蓉包，餐湯係甘筍湯，甘筍湯唔夠濃稠，有少少稀，甘筍味唔算濃，飲品就揀咗熱Latte咖啡，咖啡味香濃，飲落好滑溜，一杯好好飲嘅Latte咖啡！2.日式原條鰻魚意大利飯$178+熱蜂蜜柚子茶$38（9.5/10）呢碟原條鰻魚意大利飯個鰻魚好大條，鰻魚肉質都幾厚，意大利飯每一粒米都煮到熟哂，米都係選用優質米，仲有其他配料有櫻花蝦、木魚絲同紫菜碎等，好香好好味！仲可以加$55就有餐包、餐湯同$60以下飲品，餐包係好脆嘅蒜蓉包，餐湯係甘筍湯，甘筍湯唔夠濃稠，有少少稀，甘筍味唔算濃，飲

今晚同老朋友慶祝生日，因為上次我生日佢都搵咗間好有feel嘅餐廳同我慶祝，咁我今次梗係有啲誠意都搵吓有咩餐廳啱佢啦，搵咗近地呢間Cafe❤️前菜每個餐都有兩件蒜蓉包，成個面都搽滿蒜蓉牛油，仲有南瓜湯🎃完全係飽肚精選，啖啖南瓜蓉蒜香香辣日本蜆扁意粉超級惹味！蒜油調得好香🧄，但係唔油膩！仲有大約20隻蜆，隻隻開口隻隻有肉，而且夠辣！所以要食呀！可能我本身最like 辣和風醬燒牛肉扁意粉酸酸甜甜好開胃！襯埋D木魚絲口感有層次好多；牛肉都唔會好乾👍🏻

一出𨋢已經覺得成間餐廳都係油煙連，地板都係黐立立 。星期六中午只有兩枱客，音樂勁大聲，如果係同朋友聚會想傾計都好難，完全無服務可言，上菜求其將碟意粉就咁擺上枱就行咗去，擺枱只係得一份餐具，完全冇諗住招呼我。叫左一份明太子蟹棒意粉，唔覺有明太子，只有幾絲蟹肉同幾舊蟹柳，同行友人叫咗個蝦蕃茄意粉，味道不過不失，加30蚊可跟餐，兩個人埋單約400蚊。本來想輕輕鬆鬆搵個地方食餐晏，想傾下計 ，但由於油煙太勁，我哋快快食完就即刻離開，真係衰過食快餐

餐廳：走過十萬八千里找到你地點：旺角彌敦道菜式：樓上cafe餐牌：精選午餐有意粉，意大利飯同主菜揀，價錢由$138至$268不等。任何食品加$30可跟餐，即係包是日餐湯，餐包同$60以下飲品。是日餐湯配餐包 先黎是日餐湯配餐包，今日係甘筍湯配蒜蓉包。甘筍湯用左隻肥杯裝住，好有家嘅感覺。個湯味道係濃濃天然甘筍味，打得好滑，甜度適中，面頭加上少少忌廉同香草。伴有外脆內軟香口蒜蓉包每人兩片，味道鹹香可口。北海道帆立貝海膽醬扁意粉 $178 另加一北海道帆立貝海膽醬扁意粉用一隻大碟上枱，面頭有兩隻北海道帆立貝，整得好嫩口，啖啖肉。伴有貝柱粒、菇片、洋蔥粒。扁意粉色水呈橙色，好搶眼，味道都唔錯，帶微微海膽味，質感滑溜。面頭加上菜苗，碟邊灑滿香草。絕對係意日融合菜式。日式原條鰻魚意大利飯 $178 另加一日式原條鰻魚意大利飯賣相不錯，大大條原條鰻魚熱辣辣，味道唔錯，口感都彈牙。意大利飯有咬口，撈埋菇片同洋蔥粒，口感唔錯。面頭灑上木魚花、紫菜絲同蔥花。又一意日融合菜式。兩杯飲品用木板上枱，伴有乾花小花束一支。紅寶石巧克力草莓鮮奶 跟餐加$8紅寶石巧克力草莓鮮奶係限定。白色鮮奶有士多啤梨醬墊底，中間再

跟老友於#旺角 #樓上cafe 之#走過十萬八千里找到你聚餐，佢之前食過話唔錯，適合我哋喜歡傾下計嘅人。餐廳佈置有特色，感覺到溫馨的氣氛，確係唔錯啊。各點一個套餐2人分享，包餐湯、蒜蓉包同埋嘢飲。北海道帆立貝海膽醬扁意粉，帆立貝大隻且煎到底面呈金黃色，麵上鋪了紫菜及木魚花碎，扁意粉🍝入口滿是香濃龍蝦醬汁，很讚啊。日式原條鰻魚意大利飯，原條鰻魚本身己很夠味，伴埋煮得恰到好處的意大利，層次感豐富亦唔錯呀。飲品方面要了養顏的黑芝麻，熱飲有美美的拉花，味道香濃，無論冷熱都好飲。

油麻地環境浪漫樓上Cafe 呢間我上勁多好評 杏花邨都有分店 環境主打花海設計 上嚟每個角落都容易影到靚相 今次去試試 簡單紀錄下.⭐️蕃茄龍蝦汁香烤海蝦扁意粉$148龍蝦汁幾香濃 包住每條意粉 粗身更有口感底下有幾多bb帶子表面海蝦烤到蝦殼脆卜卜 都幾彈🥰蝦頭有少少蝦膏 幾重蝦味. ⭐️三文魚籽龍蝦汁意大利飯$178意大利飯整得好好 保留到口感有咬口表面有青口 三文魚籽粒粒 勁多蟹肉.套餐會跟$60 飲品 兩杯都送咗花花 勁精緻叫左⭐️凍朱古力⭐️紅寶石朱古力$8佢哋朱古力都幾好飲紅寶石係底下加左草莓朱古力粒粒都有唔少士多啤梨果肉 表面有花瓣成間餐廳食物唔錯 最重要係環境打卡真係好靚🥰.#hkfunfoodrecord窮遊香港#hkfunfoodrecord_油麻地#hkfunfoodrecord_旺角.#走過十萬八千里找到你 (旺角)地址：旺角彌敦道575號Ladder Dundas 10樓..#hkfoodie #foodiehk #hkfoodblogger #hkblogger #hkfoodies #hongkongfood #食評 #旺角美食 #旺角必食 #油麻地美食 #油麻地必

北海道帆立貝海膽醬扁意粉，大大隻帆立貝好鮮甜，肉身厚實！配埋好濃郁嘅海膽醬，每條扁意粉都好掛汁，口感軟硬適中，都幾彈牙！三文魚籽龍蝦汁意大利飯，有一隻大蝦好新鮮，鮮甜又彈牙！大蝦上面鋪左三文魚籽同埋蟹肉，配料都好足料，仲有蟹棒同埋青口！意大利飯軟硬度適中，粒粒分明，煮得啱啱好，口感煙韌，仲吸滿龍蝦汁嘅味道，鮮味十足！特濃朱古力好多cream啱哂我，朱古力嘅味道都好濃郁鮮奶抹茶，抹茶味好香濃，口感好順滑甘筍湯好creamy,有淡淡嘅甘筍嘅清甜味！蒜蓉包好香脆可口！餐廳舒適，靚靚色彩繽紛嘅特色牆，天花板仲舖滿花，用好多乾花作為餐廳裝飾佈置，見到都心心眼，周圍都係打卡位，好靚