Song Bar (Closed)

因為附近工作關係，所以成日都會經過呢間舖頭，見佢裝修企理，賣果汁飲品，開業左冇幾耐，一直都想試吓佢杯嘢飲，平時見佢啲產品平均都$30至$40，但係而家做緊promotion,標榜用新鮮水果製成，感覺比較健康，今日同同事一齊經過，所以買咗兩杯西瓜果粒茶飲，成為$25，第二杯有半價添，職員係亦都好有禮貌，等咗大約10分鐘，終於可以試吓啦，結果好失望，得個甜字，味道怪怪地，飲咗一半就無飲啦，真係好難再幫襯，只可以祝佢好運！

呢間舖開咗好耐吓 但行過一直都冇人幫襯 唔敢試 到今日終於有幾個人等 即係就走埋去啦 點知就試大伏啦😂😂😂見到特飲有牛油果 即試 因為本身鍾意食牛油果 個收銀好唔熟價 要check一check先答到我45蚊係上面有果粒 35蚊係冇 見第一次試就試貴啲 所以就揀咗45 少甜俾完錢之後 見到佢喺雪櫃攞咗兩個牛油果 一個明顯仲係生既 已經覺得不妙。。。飲品到手 一飲 哇 勁甜 落咗勁多糖 完全唔係少甜 但仲飲到好生既牛油果碎。。 飲多幾啖 又甜又苦澀 仲開始覺得個肚唔舒服。。。老公幫我頂咗大半杯 個肚一齊唔舒服 兩個加埋都唔知飲咗幾多糖入肚。。成個鐘頭後既宜家 個口仲係甜耶耶 慎幫襯呀各位

“奇異果芝芝”($31)早幾日去開油塘發現咗呢間賣飲品同甜品嘅小店新開張冇耐所以買嘢都有優惠😛鍾意飲奶蓋嘅我叫咗杯奶蓋奇異果🥝一試個奶蓋又ok喎☺奶蓋夠挺身唔會好快溶哂落下面芝士味道都幾夠濃郁加埋清清甜甜嘅奇異果真係幾襯🥰仲食到好多奇異果肉添☺都幾真材實料😋

我係屋企𥚃面最鍾意食甜品嘅人，而且很注重健康飲食，最近屋企附近開咗間新嘅甜品店，呢間新嘅甜品店主打係新鮮水果做嘅甜品，比起出邊用奶精和水果香精調製出嚟嘅飲品，更有營養和對身體更健康，所以就去試一試。我哋買咗三杯分別係草莓奶昔，火龍果西米同芝士芒果。首先看到店員做草莓奶昔全部都係用新鮮嘅士多啤梨同日本牛奶同Yogurt 每一啖都食到新鮮嘅士多啤梨嗰粒味道香濃值得一試至於火龍果西米就更加特別，我係第一次嘗試火龍果做嘅甜品所以感覺好唔同，原來用火龍果做的甜品好好味！最後係芝士芒果，我食過呢個呢個芝士同埋出邊好唔同這個芝士味道十分濃郁，一啖飲落去一啲都唔覺好油膩，芝士味香口感覺十分滑，鍾意食芝士嘅朋友都會去試吓

今日屋企人外賣, 試咗個蓮子白雪木耳湯，$24。 糖水本身都算多料，尤其係雪耳(我好鍾意食)，糖水底有一定嘅杰度，份量都幾大。 味道嚟我覺得甜度適中，因為本身好怕死甜味，同埋都食到啲材料味，以$24 嚟講我覺得質素算唔錯。間鋪新開張，可惜食正喺隔離間飲品鋪(sharet##)之後開，可能因為咁冇咩人幫襯。 另一個原因應該係因為個鋪頭格局唔咁welcoming, 有機會受本身鋪位建築限制，counter 位太入令到人未必會行入去，始終鋪頭名未聽過而且俾人搶咗風頭。會繼續試佢其他飲品，好過幫襯啲大型連鎖店(明明嗰間出名難飲...), 雖然我首選都係Hana Eggettes 😎✋🏻 覺得有啲可惜冇咩人試，但同一時間又多飲好難飲嗰間，所以想大家俾次機會佢地。

行過見到新開，又見到有芋圓，即刻叫返碗返屋企食！叫左黑糖剉冰配珍珠、芋圓、地瓜圓同芋頭佢放料果陣全部都秤過，睇落感觀上有啲小家🤕返到黎先知佢無啦啦倒左啲奶入去，點解唔問下客人先？好彩對牛奶無敏感。。。一開成碗奶茶底咁真係好抱歉，成碗無一樣係讚得落.....一試啖底湯甜到😑唔怪得開蓋成手痴立立啦芋圓同地瓜圓都好大粒，但好硬無煙靭口感珍珠又係勁甜又痴埋一堆芋頭正常完全入唔到口既甜最後成碗倒左好浪費啊～但真係放唔到入口希望見到有正面食評到時先再幫襯