SONIA COFFEE

Open Now

Now Closed

係門口冇見到寫有最低消費只見到寫限時90分鐘點嘅嘢食到咗先講「每人至少一個item」仲要個語氣好隨便又勁細聲我只聽到佢話乜乜乜item後尾自己估係講每人至少要點一份然後我到處望邊度有寫搵咗一陣，個QR點餐網站入面都唔見有其他餐廳一入來都會同你講返或者貼係顯眼嘅地方或者個QR網站入去點餐時會一入去就見到點知佢貼係個板後面邊個會特登去睇板後面先？嘢食都一般 同其他餐廳差唔多建議仲不如光顧其他餐廳食咗咁多間餐廳第一次認為需要po吐嘈

已多次同同事去 Sonia Cafe 食lunch，今次食咗吉列蝦咖喱飯，但最鍾意都係食佢個咖喱吉列豬扒飯，我覺得呢個飯最好食， 同埋佢杯rose latte 都幾好飲，今日比較肚餓，叫多咗個黑糖mouse蛋糕，但係覺得有D甜， 配咖啡岩曬.

星期六返荃灣西興趣班，約埋好朋友👫去愉景新城一齊玩，玩之前一齊食晏，約咗Sonia Coffee，walk-in都有位，大約3成滿，原本俾咗中間位，但我要求坐卡位方便小朋友👧🏻。等齊人就QR code落order，我地叫咗兒童餐A蟹棒奶油意粉🍝（$78），意粉🍝都吸引，仲有炸雞🍗皓食同小丸子，果汁🍹揀咗菠蘿🍍汁，雞皮餃子🥟（$28），脆皮皓皓食，主食叫咗和風吉列蠔蛋包飯和風甘口咖喱🍛（$88），蛋滑，蠔同咖哩一般，飯🍚食唔哂，甜品🍮叫咗靜岡抺茶小豆配豆腐雪糕🍦法式吐司🍞（$68），份量唔多但夠食，有紅豆有蕨餅，吐司🍞可以😌再脆d，咖啡☕️叫咗熱沖繩黑糖鮮奶咖啡（$40），大杯有拉花但冇乜黑糖味。朋友👫叫咗兒童👧🏻餐A、抺茶latte($48)同靚岡抺茶小豆配豆腐雪糕🍦窩夫🧇加豆腐雪糕🍦（$113），不過豆腐雪糕🍦加$15

一直想試下呢間來自名古屋過江龍cafe, 出名飲咖啡，行街見到有lunch set menu, 有沙律，蛋包飯，牛丼等等，一於試下先😊餐座位不多，但裝修復古優雅，落單要用QR code自己落單⭐️和風吉列海老蛋包飯可以選和風咖哩汁或明太子白汁，我選左咖啡汁，我覺得蛋包飯都係要配咖哩先夾😂有4隻炸蝦，熱辣辣食得出係即炸，可惜個汁吾夠咖哩味，比較稀😅⭐️靜岡綠茶鮮奶咖啡咖啡有拉花，心形拉花😍👍好香綠茶味

平價日式西餐呢間算係商場入邊價錢比較親民既餐廳環境都偏向日式西餐用手機落單既, 有晚餐set而晚餐set 有包沙律同湯同指定飲品的確係比散嗌更抵食試左和風吉列豬扒蛋包飯 ($78套餐)海老拿破崙意粉($98)d蝦食落都彈牙以呢個價錢黎講, 真係好ok嫁啦, 味道酸酸地好開胃, 出邊閒閒地都要百幾蚊一個意粉啦沙律同湯 就係普普通通既草莓牛奶用左草莓醬加牛奶, 表面加左早餐類穀物脆脆視覺幾靚嫁,但飲落好甜呢~ 鐘意甜既朋友可以試下~

周末下午茶時段 入座率大約3成見咁鬆動同店員提出可唔可以坐4人枱佢拒絕 只會堅持俾2人枱你坐仲會好細心咁將隔離張2人方枱移開幾吋☺️叫咗個溫泉蛋牛肉蓋飯牛肉又乾又鞋 冇洋蔥溫泉蛋上有大量七味粉調味 撈均後每一啖都有涸喉感另外叫咗個蕨餅做甜品餅體完全不煙軔 上面的抹茶粉亦非常粗糙 結晒塊咁服務方面食完主食叫店員上甜品佢都唔會醒目收盤上甜品嘅時候成枱都係碗碗碟碟另外叫店員俾水佢當聽唔到的枉論其他服務不可一不可再 一定唔會再嚟

真係唔係想做西客阻住人收工，但星期日晚上7點幾8點入座，諗住都係正常食飯時間，真係無諗過會有咁既事發生🙄入到去叫野食雖然都算快上菜，但想叫店員俾水俾碗就西口西面，然後食到8點20分就開始問我地last order，個刻先通知我地佢地9點就關門，我地當下都好驚訝會咁早關門。雖然主食都未食完，但因為想食甜品諗住仲有半個鐘都夠時間食就落左單，然後無耐都根據店員要求埋左單。(到呢度我都仲完全可以理解)但由8點30分開始店員就不斷用過黎收碗碟或係旁邊掃地開始向我地施壓，之後員工仲開始輪流睥同藐我地😡然後陸續有員工走出餐廳去廁所等收工。平心而論，其實如果店員真係想9點就行出個餐廳收工，last order既時間無咩可能係8點20分，你不如直接同我講截左單好過。係一間有收加一服務費既cafe食野食到咁趕，同朋友想講多幾句都唔得，仲要俾店員西口西面、藐嘴藐舌，啲野好食都無用，因為真係唔會再黎下一次，亦強烈唔建議大家黎食😤

第一次寫食評，因為實在太不滿。老實說食物質素是可以的，上菜速度也是可以的。但是職員的服務態度實在太趕客，絕對沒下次。8時左右入座，坐下後我們向店員要求送上三杯水，店員已經開始面斥不滿，西口西面，我們也因此沒有再向他提供加水要求。食物吃了一點，8時25分左右已經跟我們說廚房last order問我們要不要加點甜品，聲稱餐廳9時關門，我們見到還有半小時所以就點了甜品。 甜品很快就送到（當時我們主食都未吃完），隨即就向我們收錢，然後在我們進食過程中，店員不斷輪流向我們西面，眼神對我們施加壓力，更在旁邊打掃地方，執垃圾，收拾桌椅，拖地執枱，然後再派店員過來問我們吃完了沒有看有沒有盤子可以收。結果我們完全沒有享受跟朋友互動的過程，趕快吃完趕快走，我以為自己是上班時間午飯時間出來要趕著回去上班，完全忘了這是一個星期日的晚上。餐廳聲稱繁忙時間用餐時間90分鐘，但是我們整個用餐過程只有約一小時，完全不是在咖啡室應有的用餐氣氛和節奏，食物多有質素也沒有下次，更何況它的食物只是“可以”。blacklisted

我地7:45入座食飯，當時冇員工講過9:00關門和8:30last Order。之後8:20大家食嘢冇耐就開始做埋D野想催人走，催人埋單，係隔離拖地。我地做食客唔係特登要阻人收工。但係你地首先冇係入座講幾時Last Order，同埋你地預備收工係咪咁早就開始預備先？你地8:30-8:45唔知係咪整好D嘢啦。之後我哋一路食一路就俾人眼藐藐，每一個員工都藐我哋一下，同埋叫店員俾碗我哋，佢係啤我哋。我唔知其他餐廳做法係點啦，但係你要預備收工係咪真係一搭正9:00就立即落閘走先？我地食冇幾個字就開始比你地逼快D走係咩玩法？食Cafe結果係倒曬落口，費時比員工輪流啤啦。老實講嘢食係好食既，但唔好晚市黎食啦。食得仲快過快餐店為咩先。不過就算食早午下午茶，以佢地員工D西口西面，應該都唔好享受得去邊。用花姐句名言，好食，但員工態度難Handle。我的性格係冇下次咯。我唔係和D係咪都寫食評的人，不過搞到我第一篇食評就寫比你，都厲害架！

愉景都可以話係新界出名既親子場所以開呢啲中價餐廳基本上星期六日人都唔會少因為落雨最後就落商場快食點左個炸雞咖喱蛋包飯 整既係易整版既旋風蛋包飯 咖哩汁俾得幾多下但翻熱貨薯仔質感好但無乜薯味 炸雞就當然係翻熱貨但就俾得幾多有6大件收88呢個價錢其實真心無投訴本身想嗌前菜好在無 佢個飯份量KO左我朋友既鰻魚蓋飯有圖 好唔好食就唔知但佢黎過幾次應該都唔太差吧野飲就 杯梳打唔好飲親子餐廳定位設定其實無投訴將貨就價呢個價錢做到呢個水平可以的了要有心理準備好多細路 真係好多 我坐既區都至少10幾個

見上一篇文章特登叫個all day breakfast 試下嘢食正常，但係8點20分已經叫你埋單先，點知出去賣完單返埋位就已經收埋我杯咖啡，當時杯咖啡仲有三分一，明顯想趕你走，就算個疑似經理話整個杯畀咖啡比我，我都唔夠膽再飲。

一心諗住入去食個拿玻里意粉係門口睇左2眼個menu 覺得幾唔錯就入去坐一入去，店員就比我地揀坐邊點知坐低左就覺得凍，就想再轉個店員面口已經麻麻地坐好就點左個拿玻里意粉同一個洋風嘅all day breakfast, 睇相覺得都幾唔錯點知出到黎完全2回事唔知點解拿玻里意粉會有cream, 其實都失望啦，反正都食嘅，諗住都算啦，費時浪費到上埋個all day breakfast , 睇個樣都覺得有啲hea食下食下覺得有啲怪點解照燒雞變左炸雞球炸薯波又變左南瓜炸薯餅炒蛋又唔熱窩夫又實的的，又係唔熱一而再再而三真係不能接受就叫店員黎佢回覆就係食材無哂所以就用左呢啲如果食材無哂，其實係咪應該同食客溝通一下先呢唔係雪櫃有啲咩就執比個客食一句唔好意思又無不過都有讚嘅，就係杯咖啡幾好飲可惜我係一定唔會再幫襯

2/6/2024（星期日）早上約11:40），當時看到餐廳只有2-3枱客人，環境舒服寧靜，所以帶同80幾歲媽媽入去，入座時向男職員查問，可否坐近門口梳化卡位，男職員回覆因繁忙日子梳化卡位只可以給三至四人入座，我當時就離開了，但同時有一對男女入去，職員安排他們入座梳化卡座呢！？感覺職員安排非常差勁，為什麼會有差別待遇呢！

行過愉景新城商場，梗係試吓呢間餐廳啦！朋友話佢All day Breakfast最好食，我當然要嚟試吓！估唔到有幾正喎！好似有order Breakfast有賣格仔餅入邊，煙肉腸口感一流，仲有埋蟹柳嘅配搭。真係好驚喜！又有埋餐湯飲，鮮甜可口。最適宜喺食All day Breakfast之前飲咗佢😜食完就可以食埋個沙律，健康又有益！下次如果行過愉景新城，一定會叫埋朋友一齊嚟試吓呢間餐廳！交通實在太方便😆😆😆

呢間位於荃灣愉景新城2樓2013號舖嘅咖啡室，今日同朋友係喺附近做嘢休息嘅時候見到，裝修都幾靚，好似都幾吸引咁，一於就決定入去試下個味道啦！🤣叫咗一個甜品兩杯飲品。靜岡抹茶小豆配豆腐雪糕法式吐司，一份入邊有四種食物可配搭，都幾特別，豆腐雪糕豆奶味濃，唔係太甜，抹茶蕨餅餅內煙煙靭靭外面有就抹茶粉配上雪糕口感特別，紅豆軟糯起沙，吐司鬆軟，將紅豆，雪糕，抹茶蕨餅，吐司，四種配埋一齊食層次豐富。桂花白桃梳打，口感清新，白桃味濃，一飲好消暑，上面嘅新鮮薄荷好似唔使錢咁，將佢拎開隻手都好大陣薄荷味，泡沫咖啡，泡沫綿密，飲落去咖啡香味成個口腔來回飄蕩，口感特別。值得來。