新羅寶韓國餐廳

Open Now

Now Closed

新羅寶韓國餐廳喺尖沙咀美麗華，拎咗好多年米芝蓮推薦，佢都算係香港嘅韓式料理老字號，餐廳嘅格局同裝修都係傳統韓燒風格，尖沙咀分店好大，座位好寬敞，坐得舒服!!🙌🏻佢嘅套餐都唔貴，性價比都幾高，食物質素有保證～～去韓國餐廳食飯，一坐低當然唔少得啲韓式前菜小食啦☺️1️⃣ 烤鮮特級牛排骨 $228/2pcs牛排骨新鮮，肉質咬落去幾腍軟，帶有濃郁的牛肉風味，肉質柔軟嫩滑，唔會太難咬🐮🐮2️⃣ 軟滑豆腐煲 $110 道菜略帶辣味，但唔會太辣，非常開胃!!😚豆腐的份量超多，口感滑嫩，好足料，仲有一隻半熟蛋😋3️⃣ 泡菜豬肉煎餅 $155個煎餅上菜個陣放係鐵鍋上，可以保温，好有心思👍🏻👍🏻👍🏻煎餅邊煎得脆口，而且口感豐富，泡菜味道好濃，好足料唔係得麵粉🫶🏻

今日行開美麗華經過呢間曾經係米芝蓮推薦的新羅寶韓國餐廳想食下韓國燒肉就叫左份$488 的set A 二人套餐首先當然唔少得韓國泡菜等小食作為前菜泡菜仲可以出邊無限refill 😃呢個set 有牛排骨肉、烤五花肉及烤雞肉一上枱已經見到牛肉肉質鮮嫩，燒一陣就食得，另外五花肉的肥瘦比例適中，配埋生菜食，一啲都唔油膩👍👍石鍋飛魚籽雜錦拌飯石鍋嘅底部已經形成咗飯焦，飛魚籽攪拌在飯中配合埋獨製嘅韓國醬料，口感十分豐富😎炒雜菜粉絲份量岩岩好有蔬菜作為點綴，又香又健康👍冇諗過呢個餐又有飯，又有粉絲仲有個豆醬雜錦煲，食到最後真係好飽肚

是日蕉媽約咗日語小組嘅好朋友飯聚朋友話好耐冇食韓燒蕉媽提議去好多韓國餐廳嘅尖沙咀搵食我哋決定食韓國菜老字號新羅寶餐廳喺銅鑼灣同埋尖沙咀都有分店㗎蕉媽和MM爸拍拖嘅時候已經好鍾意去銅鑼灣新羅寶食韓燒㗎啦！反而尖沙咀呢間就比較少嚟尖沙咀分店寬敞舒適可以同時間容納很多人商務午餐亦有好多選擇例如鐵板烤肉、炆牛排骨、人蔘雞湯等等20多款套餐有選擇困難症嘅朋友就要小心啦商務套餐價格非常相宜價錢由$78-$115 不等除咗商務套餐，仲有1人BBQ Set價錢由$115-148不等真係好抵食呀😍我和朋友一人揀咗一個BBQ Set✅烤牛排骨肉、豬肉雞肉套餐（$148）✅烤鮮大蝦、帶子套餐（$135）燒嘢食之前首先食幾碟前菜醫肚，五款前菜分別係兩款不同辣度和口感的泡菜、一碟醃豆腐卜、菠菜豆芽及醃銀魚仔。其實有碗白飯已經可以當一餐😂。講返個BBQ Set❤️食韓燒最重要係食材要夠新鮮❤️醃製過的牛排骨肉、豬肉和雞肉，肉質非常鮮嫩，再經過蕉媽巧手烹調😂，更加可口大蝦和大帶子都夠晒份量，而且鮮味十足套餐包括包菜和包飯醬，配上燒肉和燒海鮮，另一種吃法，另一種口感。BBQ套餐還可選迷你版泡菜豬肉湯和豆腐湯跟白飯。兩款湯

今次去試嘅韓式燒肉二人餐真係物超所值，只需$488就可以享受到一頓豐富嘅餐飲體驗。先嚟講講前菜，有泡菜、豆卜同芽菜等，每一樣都好開胃，為整個餐飲體驗帶來一啲酸辣嘅風味。而主菜方面，有牛排骨肉、烤去骨豬肉同烤雞肉。牛排骨肉肥瘦均勻，肉質鮮嫩，烤至外脆內嫩，真係一絕。烤去骨豬肉肥瘦適中，帶有微微的焦香，每一口都好滿足。至於烤雞肉，醃製得恰到好處，肉質嫩滑多汁，加上炭燒的香氣，真係令人食指大動。湯底方面，有紫菜湯。另外還有炒雜菜粉絲同豆腐雜錦煲，豆腐好滑。最後仲有石鍋飛魚籽雜錦拌飯，一大鍋飯熱辣辣，配上飛魚籽，口感豐富，一碗已經足夠令人滿足。炒粉絲都好夠味，份量又多。飲品方面，包括兩杯汽水，可以解渴又清爽。總括嚟講，這個$488豐富韓式燒肉二人餐真係物超所值。無論係前菜、主菜，定係湯底同配料，每一樣都好好食。

今晚同朋友行尖沙咀晚餐揀左依間韓國菜點完食物就會上多款前菜有菠菜、芽菜、辣豆腐、泡菜等等幾鍾意泡菜個種爽口感辣豆腐都幾香口菠菜同芽菜就偏咸味原本想食韓式燒肉但見到呢個辣汁五花腩拌大蔥幾吸引就轉軚上枱先發現係一大鍋，份量好多有大量大蔥絲，五花腩切成薄片炒汁底唔只辣味，係酸酸辣辣，好開胃所以要叫一碗白飯嚟送飯食另外點左個石鍋雜錦飯飯入面有基本蔬菜絲同肉粒職員有幫手將辣醬拌入飯中，辣味啱啱好飯底幾香口，啖啖都係料

今日同朋友去到多年來仍然非常有名氣，都算得上最老字號韓國料理。最終揀咗套餐A。非常豐富又多野食。5款前菜小食，2款飲品，仲有3款燒肉同幾款熱食，2人位份量都只係$488🥢3款烤肉：牛排骨肉、五花肉、雞肉。份量剛剛好，勝在夠新鮮，樣樣都試到。沾埋汁醬真係好回味🥢南瓜粥：軟綿綿又濃郁嘅南瓜味道🥢炒雜菜粉絲：非常有驚喜！簡簡單單一個傳統菜式。雜菜配上彈牙的粉絲，麻油味加上淡淡胡椒粉味道，非常好味。好耐都冇試過咁啱胃口嘅炒粉絲🥢豆醬雜錦煲：整鍋滿滿材料，有豆腐、薯仔、冬菇等等。最鍾意豆醬同蔬菜相互融合嘅味道🥢石鍋雜錦飯：經典款式，顏色鮮豔，配料同口感豐富。熱石鍋上枱，可以食埋脆口飯焦

好高質的韓國餐廳，絕對值得一試☺️ 餐廳裝潢充滿傳統韓國風格，環境舒適，好熱鬧 有氣氛🤗食物款式選擇非常豐富，主打烤肉，質素高 有驚喜👍🏻 價格合理，性價比高，店員服務態度很好🥰 餐廳好受歡迎，請提早預約🙆🏻‍♀️💖💖💖食評💖💖💖Set E 二人餐 $438𝑨𝒑𝒑𝒆𝒕𝒊𝒛𝒆𝒓🥗前菜香腸、泡菜、醃生白菜、芽菜、青豆🎃南瓜粥超濃稠😍 味道好香甜～𝑭𝒐𝒐𝒅🥘炆宮中牛排骨必食推薦！湯底香濃惹味 鹹鹹甜甜，非常足料 滋補養身😍 大量牛肋骨質地軟嫩 帶有豐富油脂，入口即化，口感味道極佳，還配有紅棗、白蘿蔔、紅蘿蔔、冬菇、年糕，件件都充滿牛肉香味🤤 牛肋骨非常高質，煙靭軟腍，，口感味道一流👍🏻 熬製出的濃郁湯汁 搭配米飯一起享用，吃完一鍋飽肚又暖胃，非常滿足🥰🥘石鍋飛魚籽雜錦拌飯推薦！飛魚籽鹹鮮味十足，配上白蘿蔔、紅蘿蔔、翠肉瓜等等，攪拌食用口感好豐富👍🏻 加入辣醬更惹味！味道一流😍 🥕炒雜菜粉絲簡單又好味😍 粉絲混有大量紅蘿蔔絲，爽滑彈牙，好好味👍🏻 🍲豆醬雜錦煲熱騰騰，鹹香味十足！有豆腐、翠玉瓜、冬菇、洋蔥等等，配料好豐富，配飯食一流🤤🍚白飯𝑫𝒓𝒊𝒏𝒌🥤Coke Zero

最近睇得多韓劇，好想食下韓國菜🇰🇷🙈諗起之前同fd食過銅鑼灣間【新羅寶韓國餐廳】，有正宗韓式風味，性價比都ok，所以決定再食一次！今次試下尖沙咀分店❤️尖沙咀分店位於美麗華廣場，地理位置好方便！環境相當闊落，坐得好舒服💕我地叫左二人套餐，價錢合理又豐富，食得夠晒飽～♣ Raw Meat Set $488 ♣下單後，店員好快送上幾碟前菜，有泡菜、芽菜、菠菜、粟米等等，可以醫下肚餓先😛❥ 牛排骨肉、烤五花肉、烤雞肉呢個餐有三款肉🥩牛排骨肉係薄切，油脂分布平均，食落牛肉味濃，有嚼勁！烤五花肉肉質鮮嫩，油脂豐富😋可以用生菜包住黎食🥬減輕油膩感！烤雞肉係雞髀肉，嫩滑又多汁！❥ 南瓜粥質地濃稠，口感綿密～味道偏甜，幾易入口💕❥ 炒雜菜粉絲粉絲都幾大份，咬落滑溜又彈牙，甜甜地幾好味👍🏻❥ 豆醬雜錦煲味道濃郁，材料有豆腐、薯仔、冬菇、翠肉瓜、雜菜等等，暖胃健康～❥ 石鍋飛魚籽雜錦拌飯石鍋熱辣辣，材料豐富，好色彩繽紛😻有芽菜、冬菇、翠肉瓜等蔬菜，仲有大量魚籽🧡🧡撈埋辣醬一齊拌飯，好開口惹味！鍋底仲有少少飯焦，但又唔會太燶，好正～❥ 可樂套餐附送2罐汽水🥤好解渴😎

這家餐廳我和家人都很喜歡，餐牌提供多樣化菜餚的餐廳，我們選擇了一份二人套餐。我們品嚐了泡菜、芽菜、蝦仔和薯仔沙律。這些小菜呈現在盤子上，作為開胃菜很不錯。泡菜的酸甜口感與醃製蘿蔔的鮮脆口感相得益彰，為整體提供了豐富的層次感。接下來是南瓜粥，感覺很像南瓜湯，南瓜的濃郁香甜味道口感滑順，為這道湯粥增添了豐富的口感。炆宮中牛排骨是我們的主菜之一，這道菜以嫩滑的牛排骨為主角，配上年糕、冬菇、紅棗和紅白蘿蔔。牛排骨經過慢煮，肉質鮮嫩多汁，與其他配料的風味融合在一起，帶來了濃郁的口感和豐富的滋味。另外一道主菜是炒雜菜粉絲，這道菜以新鮮的蔬菜和彈牙的粉絲炒製而成。蔬菜的鮮甜味與粉絲的彈性相得益彰，這道菜清爽可口，營養豐富。我們還品嚐了石鍋雜錦飯。石鍋雜錦飯中的脆瓜、冬菇、豆腐和金針菇炒得香氣撲鼻，搭配著鬆軟的米飯，味道非常美味。豆腐鍋很好吃。最後，我們點了汽水作為飲料，這是一個清涼的選擇，為整餐提供了一定的口感平衡。

海鮮蔥煎餅賣相：🐧🐧🐧🐧🐧味道：🐧🐧🐧🐧🐧煎餅即點即製，新鮮煎起，與熱辣辣的鐵pan 一齊送上，散發著誘人的焦香味。煎餅咬落外層薄脆，內餡軟熟嫩滑，夾雜著不同款式的海鮮粒粒，例如魷魚、蝦子等，鮮味十足，沾上特製的醬汁，更顯鹹香，非常惹味。甜酸豬肉賣相：🐧🐧🐧🐧味道：🐧🐧🐧🐧🐧豬肉切成一口大小，方便又易食，經酥炸後再淋上酸酸甜甜的醬料，入口外脆內冧，肉香味濃，酸香開胃，伴飯一流之選。海鮮刀削麵賣相：🐧🐧🐧🐧味道：🐧🐧🐧🐧🐧刀削麵湯底清淡易入口，未有味精的死鹹味，口味很健康。麵條爽滑彈牙，煙韌有嚼口，頗為入味，粉味不重。隨麵條附上的海鮮餸菜頗為豐富，有魷魚、原隻鮮蝦、蜆肉等，令湯底更清甜更鮮美。🐧❣️餐前有五小碟韓式前菜送贈，好睇又好食👍環境：🐧🐧🐧🐧🐧餐廳設計簡約時尚，採用木製餐椅地板牆身，配合明亮暖和的燈光，感覺舒適又放鬆。🐧❤️結語：海鮮蔥煎餅足料又香口，驚喜必試。

之前經韓文老師帶路嚟食過飯之後🤤心目中就認可咗呢間曾為✨米芝蓮推介餐廳✨嘅韓國料理！是晚又心郁郁想食正宗又優質嘅韓菜🇰🇷不知不覺又行咗上美麗華商場四樓walk in入座😗😙. ✨前菜 $0情迷韓菜其中一個加分點😌係每次都可以品嚐各式各樣嘅韓式涼拌小菜！是晚有五小碟❤️❤️❤️❤️❤️. ✨紫菜包飯 $70材料豐富實在👏🏻包住嘅有米飯, 甘筍絲, 雞蛋, 醃蘿蔔, 青瓜, 火腿！韓式經典食物🙆🏻‍♀️🙆🏻‍♀️. ✨炆宮中牛排骨 $235呢道菜式喺2009年明火《食神爭霸戰》榮獲金獎🏅當然要點嚟試吓😀擺盤真係幾有宮庭御膳feel！微甜且香濃嘅汁料令人抗拒唔到！而且香嫩入味嘅美味牛排骨件數非常多🤤配料仲有蘿蔔＆軟糯年糕！掂👍🏻👍🏻. ✨牛排骨湯飯 $165基本上食親韓國料理都會點呢款湯😍😍呢度做得好出色！係正宗嘅韓國味道🇰🇷湯頭入面有白蘿蔔更添清甜！而且牛排骨夠哂軟腍🐮原鍋上夠晒熱辣辣🔥一啖湯一啖飯又咬啖肉咁！飲到見底至罷休！. ✨加一服務費

心郁郁又想食韓國菜今次要為大家介既係 - 新羅寶韓國餐廳新羅寶韓國餐廳係位於尖沙咀彌敦道132號美麗華廣場1期食四方4樓403號舖佢係2011年既米芝蓮推介餐廳黎餐廳成個環境都好闊落 坐得舒適食物個方面 今次分別點左:- 豬五花腩- 豬頸肉- 石鍋飯佢地個石鍋飯超正有勁多飯焦係到食落個口感好有層次佢既烤肉同樣出色個五花腩肥瘦均勻 超正Location : Tsim Sha TsuiPrice : $200-$300/p.pEnvironment (10 is chill): 7/10Yummy (10 is delicious): 7/10

昨晚同閨密行完美麗華廣場，上左去「食四方」睇吓有乜好嘢食，見到呢間韓國餐廳座無虛席，應該係好嘢嚟，好彩剩番最後一張2人枱。首先點了杯百香果梳打，解渴涼快。侍應送上五小碟前菜，包括酸菜、泡菜、白菜、黑豆，豆芽及菠菜，開胃爽口。我點了至愛的石鍋雜錦飯，上枱時熱騰騰的，材料豐富，有翠肉瓜、大豆芽、菠菜、菇、金針、紅白蘿蔔絲、牛肉及窩蛋，加入附上的韓式辣醬拌勻，香濃惹味，喜歡它久久仍能保持溫度，吃到底時還能嚐到飯焦香。友人點了香濃雞絲切麵湯，雞絲肉質軟嫩，還有芹菜絲及蘿蔔絲，湯頭清澈，味道濃郁，湯鮮味甜。我們還點了海鮮煎餅、每次去韓國料理都是必點之列。煎餅煎得很香脆，不會淨是吃到厚麵槳，最抵讚是石煎鍋一路keep住底餅嘅溫度，這裡的海鮮煎餅應該是我吃過最好吃的了。我留意到鄰近座位的不少是韓國人及熟客，證明這𥚃的材料和餸菜都很正宗的，回頭度甚高。

曾連續多年米芝蓮獲得推薦餐廳，位於尖沙咀美麗華的新羅寶韓國餐廳，是屬於香港元祖級別的韓式料理餐廳，有一定年資的食客應該也有聽過這個品牌。曾多次跟親友到訪，格局、裝修及餐單也屬於較傳統的韓燒餐廳。尖沙咀分店地方很大，座位相當闊落。走中檔次，有較平民路線的套餐提供，性價比不俗，質素有一定保證。.二人到訪，理論上點選約六百多元的二人餐會是最化算的，份量應足三位享用。但由於食量不大怕用不完，所以最後還是散點。.到韓國餐廳用膳當然少不了韓式前菜小食，雖說是二人用餐但也齊備了熱門的項目。覺得還不夠的話，還可在自助區取醃製的辣蘿蔔粒。個人滿喜歡這裡的泡菜。.✿ 烤鮮特級牛排骨 💲228/2件韓國主打的韓燒項目必選油脂感最香濃平衡、肉口感軟腍的牛肋肉。餐廳人滿主張自己動手燒，服務員會幫忙調較火力。二人份量點選這款兩件的版本可說是剛剛好。.✿ 牛排骨湯飯 💲165主食有比較清新的牛排骨湯飯，同樣是軟腍牛肋肉，但以湯的做法。湯頭味滿濃郁，加上清湯蘿蔔，是韓國民間美食。.✿ 石鍋雜錦飯 💲140也沒挑別的，選了經典又傳統必食的熱辣辣石窩飯。水準之作，熱度十足飯焦豐富，十分惹味。

每次睇完韓劇就會好想食韓國菜韓國朋友介紹呢間正宗韓國菜啖尖沙咀非常方便，店舖空間好大，坐得舒適首先係我最喜歡嘅前菜小食泡菜、蘿蔔、大豆芽，蒜心等辣豆腐湯每次食韓國菜必點菜式之一飲完全身暖笠笠紅紅既湯鍋材料非常豐富有大蔥、金菇，泡菜等不同蔬菜當然唔少得豆腐呢個送飯一流韓式拌飯喺韓國歷史百年傳統嘅米飯料理亦都係韓國家常菜之一以各款蔬菜，牛肉，雞蛋最重要係韓式辣醬拌勻好惹味放耐少少仲有飯焦食添白灼豬肉辣菜包唔好睇佢係白灼，以為做法好簡單，其實都好多功夫。煮嘅時間亦都要控制得好好，煮太耐會硬變老，失去柔軟既口感先將豬肉沾上醬汁，再隨意加上泡菜，辣蘿蔔，口感爽脆，味道豐富 ，豬皮口感煙韌，充滿着滿滿嘅骨膠原