湯•米 (Closed)

因為我未食過台式臭臭鍋，見將軍澳近海旁有一間餐廳，所以搵埋朋友一齊嚟食😙⭐️小辣招牌臭臭鍋配粉絲呢個鍋係有臭豆腐、牛肉片、鴨血、滷大腸、台灣貢丸、娃娃菜、椰菜、雲耳、金針菇、鮮冬菇、粟米、炸薯仔、炸枝竹、鳴門卷。台灣臭豆腐嘅口感好似蜂巢豆腐。如果想點醬可以係出面調蒜蓉、辣椒粉、醋/豉油，好似平時打邊爐咁⭐️小辣泰式海鮮鍋配粉絲而呢個鍋有鮮蝦、青口、番茄、娃娃菜、雲耳、金針菇、鮮冬菇、豆腐、粟米、炸薯仔、炸枝竹、鳴門卷、香菜。湯底好似冬蔭功。酸酸辣辣⭐️鮑魚⭐️鹽酥雞扒⭐️酥炸花枝墨魚丸⭐️滿杯菠蘿🍍（沙冰菠蘿）⭐️爆檸🍋四季春（完隻檸檬上，正👍🏻）⭐️百香果綠妍⭐️蜜桃🍑綠妍

今晚有同朋友嚟食台灣一人火鍋啦 呢一間餐廳好受街坊歡迎 因為夠平靚正亦都好多位坐 一百蚊就唔使真係好抵食一人火鍋有八款 好多選擇最出名係 台灣臭臭鍋 藥膳鍋 酸菜魚 芝士奶蓋鍋等等我最鍾意食係 沙茶牛肉鍋牛肉量好多 湯底好濃沃 沙茶味好重 仲有其他配菜豆腐 芽菜等等 配碗白飯另外加咗個 大蝦拼青口大蝦好鮮甜 青口有兩隻 全部都好新鮮好大隻都係38蚊台式飲品點咗百香果綠茶 份量好多同綠茶好夾 鍾意呢個味道仲好大杯好抵飲 喺度最啱一個人嚟打邊爐或者一班朋友嚟一人一鍋

將軍澳站去帝景灣依條路已經好熟啦,而且都係好輕鬆既, 依間湯米成日經過,而且傳出好香既鍋物味,所以覺得要去試下。日式味噌鍋 $96其實一個鍋入面已經好豐富,有齊打邊爐可以食既野, 豚肉，金菇，娃娃菜，粟米，雞蛋、豆腐、鳴門卷等等,真係覺得好滿足加小食:柚子蜜雞翼$34好香既雞翼,配上柚子蜜真的好香花枝墨魚丸 $41 台灣小香腸 $32好熟悉既味道,好香脆同好味再加多杯滿杯百香果，一流~＄３６如果想再去行街,仲可以去番 POP CORN ＳＨＯＰＰＩＮＧ下先回家，真的不錯架。

之前換身份證時經過依到，見到有間台式一人一鍋好似唔錯，今日天氣太熱唔想煮飯，約埋太太試一試佢。湯米位置都好寬，張枱夠大，點幾多都一定放得曬食物。點左招牌臭臭鍋、沙茶牛肉鍋，見佢個巴蜀烤魚鍋好似幾吸引，出面都唔多見有，但由於今晚好想食肉，就唯有下次先喇！加左豚肉、麻辣臭豆腐、酥炸花枝墨魚丸、芝士奶蓋四季春。出面有自助醬料，佢個蒜蓉超香，溝埋醬油，用黎點餸一流。臭臭鍋有皇冠標誌，加上寫住no.1 必試。喜歡臭豆腐既人一定會愛上，臭香味好夠，一上枱已聞到陣陣臭味。鍋睇落不大，但入面的餸菜超多，好豐富，牛肉都有5-6片，絕對夠飽。沙茶牛肉鍋，沙茶湯底濃郁，沙茶本身都可以用黎做醬料，依個湯底唔洗點醬，食物都夠曬入味，配埋粉絲好滿足。豚肉打邊爐都好正，所以追加左，食落同牛肉一樣有質素，食肉獸不妨一試。麻辣臭豆腐，見佢面頭怖滿辣椒，睇落好辣，但食落又岩岩好，唔食得辣既人一樣可以食。依種做法吸曬汁，食落唔會好dry好唔錯。酥炸花枝墨魚丸，炸到脹卜卜金黃色，面有椒鹽粉好惹味，肉質彈牙。芝士奶蓋四季春，茶好清香，用黎解渴一流，奶蓋都好夠芝士香味，一杯飲品，兩種滋味。

👌🏻將軍澳作為新市鎮，區內開左不少餐廳，之前同朋友食過呢間餐廳覺得不錯，今次帶埋老媽黎食 😇.🧚🏻‍♀️ 巴蜀烤魚鍋 ( $ 103 )點左一份中辣既烤魚鍋，結果真係幾辣下 🤣 發現小辣更好食 (上次點小辣），湯底係地道巴蜀風味，內含一份早已煎香既魚，份量頗大，再加上鍋物栗米、菇、娃娃菜、芽菜等，十分飽肚 🤤🧚🏻‍♀️ 泰式海鮮鍋 ( $ 103 )同樣叫中辣，但係椰汁既調整下辣度得以平衡～ 特色係香濃既冬蔭公湯底，淨係湯底都十分上癮，配上青口、海蝦及蔬菜等碗料，盡顯海鮮風味，值得一試！🧚🏻‍♀️ 牛肉片 ( $36 )一碟大概有十片牛肉，滾完食軟身牛味足，滿足 😼🧚🏻‍♀️ 海鮮拼盤 ( $ 42 )一份拼盤包含一隻鮑魚、四件花螺及兩隻海蝦，價錢親民，打邊爐加料岩哂 😜 .🧚🏻‍♀️ 鹽酥雞扒( $ 44 )酥脆炸雞，外脆內軟，話係鹽酥但好彩外層不會太咸 😌.🍹 蜂蜜綠妍 + 仙草 ( $ 28 + 3 )微糖綠茶，澀味較重，加左仙草都唔會甜，推薦比追求健康既人士 👶🏻🍹 滿杯菠蘿 ( $ 36 )特飲沙冰，滿滿既菠蘿香味，叫少糖但味道都係有啲甜，可以叫半糖都得 😇🔹🔸🔹🔸🔹🔸🔹🔸

我開頭以為湯.米是食米線的，原來是一間吃台式小食，臭臭鍋的店舖。火鍋是一人一鍋，本身已經會跟米飯或者粉絲，另外可以再加配海鮮或者火鍋配料。之前成日聽到臭臭鍋呢個名詞，自己一次都未食過，原來係一個有臭豆腐嘅火鍋。我自己本身都鍾意食臭豆腐，所以今日就點咗一個招牌臭臭鍋。朋友就食沙茶牛肉鍋。火鍋入邊的內容其實大同小異，一人一鍋嘅好處是可以選擇自己所需要的辣度。每個火鍋入面都配有蔬菜菇類牛肉等等，加配了鮑魚和蝦，$28兩隻鮑魚， $25三隻蝦，其實比起火鍋店真係抵好多。小食方面，試咗台式腸同埋麻辣臭豆腐，兩個都好好食。飲品30幾蚊一杯，好大杯，我個杯爆檸四季春，真係成個檸檬，好清爽，食火鍋啱晒。朋友都好滿意佢個杯熱情果。我哋兩個食肉獸後尾仲加多一碟牛肉，估唔到$36有咁多片，張相係食咗幾塊之後影，而且質素唔錯。我自己覺得加配嘅火鍋料性價比好高，高過小食同埋飲品😆。地方雖然唔算大，不過佢唔會將啲枱擺得好密，所以坐得舒服。店員好熱情好Nice。

今天去咗南將軍澳帝景灣商場的嘅台式臭臭鍋 – 湯.•米。 我地點咗沙茶牛肉鍋🐄和香辣牛肉鍋🌶 ，除咗火鍋湯底唔同，兩款鍋都有牛肉🐄、娃娃菜、雲耳、金針菇、鮮冬菇、豆腐、粟米🌽、炸薯仔、炸枝竹、鳴門卷和香菜等，沙茶牛肉鍋仲有牛肉丸呀。牛肉配沙茶和辣湯底都好好味，牛肉好嫰滑呀，份量都唔少。另外，我地仲追加咗公仔麵、台灣夜市小香腸、酥炸花枝墨魚丸🐙。小香腸和花枝丸都好好食，有地道嘅台灣味道，值得試呀。

湯米地點比較隱蔽，其實地點非常好行，找對方向後直走就是，不過要注意⚠️帝景灣入口就在住宅旁一個小巷內，沒留意可能會錯過了。依邊環境比較清幽，想遠離人群安安靜靜食一餐是不錯的選擇。湯米店鋪唔算大，但座位寬敞，坐得好舒適，而且有種小文青的感覺。一人一鍋真係好方便，我同先生一個叫左no.1既招牌臭臭鍋，一個叫左沙茶牛肉鍋。兩個鍋既配料都非常多，而牛肉都俾得豪不吝嗇。沙茶牛肉鍋，好香沙茶味，但又唔會過咸，調味比例剛剛好，配料有牛肉、牛肉丸、娃娃菜、雲耳、金針菇、鮮冬菇、豆腐，粟米🌽、炸薯仔🥔、炸竹枝、嗚門卷，仲可以簡配飯定粉絲，我簡左粉絲，所有野完全入曬味，好味道。招牌臭臭鍋，配料其實都差唔多，但有少少唔同，有主角臭豆腐、鴨血、滷大腸、台灣貢丸、娃娃菜、椰菜、雲耳、金針菇、鮮冬菇、豆腐，粟米🌽、炸薯仔🥔、炸竹枝、嗚門卷、飯/粉絲。一上鍋時即刻聞到陣「臭香」味，好正！我地仲追加左豚肉、麻辣臭豆腐、酥炸花枝墨丸。豚肉同牛肉一樣好味，吸曬湯汁味一流。而麻辣臭豆腐同平時我地食開既臭豆腐唔同，唔係脆皮，更似蜂巢豆腐口感，所以更吸味，好juicy。酥炸花枝墨魚🦑丸，上枱熱辣辣，炸得香口，加埋椒鹽好好味。最後

招牌臭臭鍋湯底帶住陣陣味，聞到都流口水。入面有臭豆腐，牛肉片，鴨血，滷大腸，台灣貢丸，娃娃菜等，另外再配上粉絲。一邊滾住一邊食，份量十足，味道都唔錯。重口味的我最愛臭豆腐，所以追加咗麻辣臭豆腐同鹽酥臭豆腐。3 款臭豆腐都有不同特色。臭臭鍋入面嘅臭豆腐，入口熱辣辣，帶有少少嘅臭味。麻辣每一舊豆腐都沾上辣汁，入口多咗一份惹味。鹽酥三款之中口感最豐富。外脆内嫩，椒鹽味道同臭味相當之夾。大滿足的一餐。

今年好流行台式一人一煲嘅火鍋 又方便又平 每次嚟將軍澳都會嚟呢一間火鍋店 因為食物質素高 質素穩定 仲有好多台式飲品台灣好流行嘅臭臭鍋我上次試過幾好味今日就想試下特別啲嘅日式味噌鍋真係幾好食有隻生雞蛋 大量豬肉 蔬菜豆腐等等配上粉絲 大滿足加28蚊仲有兩隻新鮮鮑魚鮑魚好新鮮又好大隻 成件事矜貴咗 非常抵食變咗做一個高級嘅一人鍋再加多28蚊有花螺我好鍾意食花螺 基本上好少有 好鮮甜雖然飲品正價 但係唔算太貴種類仲好多今日就飲咗爆檸四季春成個檸檬喺裏面 好開胃 酸酸甜甜 呢度座位好多裝修簡單 但係服務一流好多街坊生意值得支持

📍湯•米（將軍澳）同朋友黎到將軍澳，想食一人台式鍋就揀左呢間，呢度位置有啲難揾，喺帝景灣屋苑嘅商場入面，天晉旁邊有一條巷仔行入去～佢嘅鍋物係可以自己揀辣度，一人一鍋唔洗就其他人👍🏻🔸招牌臭臭鍋 $98 係台式臭臭鍋嘅味道，份量足料，有牛肉、臭豆腐、鴨血、滷大腸等等，數過牛肉片有9塊👍🏻性價比高，湯底有臭豆腐同重沙茶味，味道濃郁，止到去台灣嘅癮😆🔸巴蜀烤魚鍋 $103 烤魚好著重魚嘅肉質，呢個烤魚鍋係鯇魚，魚肉新鮮嫩滑，有烤過嘅香味，吸收左湯底嘅沙茶味，味道唔會太鹹～呢款嘅配料都相當充足，一定食得飽！🔸 追加花螺 $28/8粒 抵食🔸 鹽酥花枝墨魚丸 $41花枝墨魚丸咬落彈牙實淨，炸得好香口，份量總共有6粒，值得推薦！😋 🔸芝士茶王8號 $36 芝士凍頂烏龍 $35芝士奶蓋芝士味濃，有淡茶香，配返辣邊爐湯底解辣～ 🔸奶香嫩仙草 $24 就真係仙草加花奶，較普通，可以野飲+3 就有仙草，唔需要特別嗌呢樣甜品～味道：🌟🌟🌟🌟 性價比：🌟🌟🌟🌟

一向都好鍾意食台灣火鍋，呢間餐廳主打一人一鍋，超級方便又唔會怕太heavy！除咗有經典嘅臭臭鍋之外亦有巴蜀烤魚、沙茶牛肉等，款式眾多，老少咸宜，價錢合理，可以一試🥰藥膳豚肉鍋有豚肉、紅棗、枸杞、娃娃菜、雲兒、金針菇、鮮冬菇、豆腐、粟米、炸薯仔、炸枝竹、嗚門卷同香菜～ 湯底清甜，滋潤又養顏，配料十足，五顏六色，賣相一流！豚肉份量好多而且唔嚡，呢個價錢嚟講性價比幾高～ 濃郁口味有咖喱奶蓋鍋，湯底較濃稠，極度推介要加個公仔麵放落去食，超級掛汁，邪惡但滿足🥹 配料方面同上面差唔多，肉類轉咗牛肉，另外有魚蛋同奶蓋！唔夠飽嘅都可以再額外加配菜，個人最推炸薯仔同豆腐，前者香甜，後者嫩滑，飲埋綠茶就perfect了😜

收工唔知食咩好，經過附近就入左呢間湯·米試下喇！ 呢間餐廳主打一人一鍋，想食咩各自叫，唔使就各人既口味🤭我地一行兩人，各自叫左一個鍋🥘🥘，每個鍋可以跟飯或粉絲，另外兩款小食🍢🍄＆兩杯野飲🍹🍹👉🏻招牌臭臭鍋🥘：如果喜歡臭豆腐既人必食，連湯底都有臭豆腐既味👉🏻酸菜魚鍋🥘：湯底夠酸，配粉絲，粉絲索哂啲汁👍🏻。另外第一次見唔係用一片片既魚，係用半條煎過既魚👉🏻鹽酥花枝丸🍢：好彈牙，配搭泰式酸辣醬好惹味👉🏻鹽酥金針菇與冬菇🍄：調味恰到好處，菇好juicy👉🏻爆檸四季春🍹：入面有足足一個檸檬🍋，好fresh👉🏻百香果花菜🍹：甜度適中，百香果有嚼口👍🏻埋單連加一，每人平均200元左右，價錢合理。

呢間一人一鍋的台式火鍋店,說真的,味道說不上十分出眾,不過食材份量都算多亦新鮮,火鍋的款式算挺特別,其實蠻想試咖哩奶蓋及藥膳䐁肉鍋,不過今次先食招牌臭臭鍋及香辣牛肉鍋先。另外一提的是,麻辣臭豆腐宦算幾好食,但可以再辣一點就更好。而最重要是餐廳位置有一點點隔涉,坐得好舒適,所以下次聊天談心聚會我都會再來。

book咗9點位，到咗店員話就嚟last order 我地見住有九個字食就拿拿聲點嘢。但係店員服務態度極差仲收加一服務費野食到前已經收走曬店入面嘅所有調料鍋底淡而無味，諗住啲湯燒乾啲會好啲打邊爐打下打下店員嚟熄火，啲湯屬於溫熱突然熄曬餐廳冷氣食下食下收走成個鍋，嗌停先嚟得切夾走食物食到最後一放低筷子店員即刻熄曬所有嘅燈冇錯係所有嘅燈，本人有夜盲症好彩有朋友扶住出去但係我地到離開餐廳都未到關門時間，若果餐廳唔打算營業到10點，可以更改營業時間及last order時間，而唔係咁趕客。亦或者可以寫明店員10點前收工。整個用餐體驗極差食物質素一般，啱啱提到湯底極淡，肥牛幾塊，成個鍋一半係娃娃菜墊底。米飯轉粉絲，粉絲份量極少，得尾指咁大扎。若果各位想試下體驗非凡嘅服務體驗可以試下，絕對畢生難忘。抖M至愛