球哥燉湯

Open Now

Now Closed

去開上環做嘢，本來想去食生記魚湯米線但撞正1點鐘lunch peak hour，好多人等緊位就附近周圍睇下有咩其他嘢食啦。轉過彎去到蘇杭街，見到呢間燉湯店啱啱有人走可以直入就呢間試下啦。 我揀咗椰子栗子燉雞湯 配 籠仔排骨陳村粉。 首先嚟個湯，好飲夠熱。 湯料都唔少，唔怪得知咁多女客人唔使配餸餐，淨係要白飯同油菜餐都夠啦。 再嚟埋個籠蒸陳村粉排骨好滑又入味。 但係因為有新鮮辣椒一齊蒸都真係意想唔到咁辣，但又好鬼惹味🤗 我係鍾意的。 而且唔似平時啲燉湯店湯係好飲但其他食物淡而無味，好似病人餐咁。 呢度份量都多，我最後都食剩幾多粉， 男士應該都會夠飽。

上環既上班族唔少人係呢條街食午餐🌞 對於上班族飲到湯都幾難得🥲 呢間燉湯餐廳就吸引左我🤣裝修同菜色同普通茶餐廳的比較唔突出🌚 價錢貴在燉湯 合唔合理見仁見智💛⭐️ 蜜汁欖角肉排 🥩呢個煮法外面較少食到🔥 肉排夠香脆🐷欖角既味道甜中帶甘 唔會一味死甜🫒⭐️ 木瓜雪耳排骨燉湯 🍲排骨湯唔會太膩 🍖反而好清甜 木瓜真材實料飲落好滋補🧡⭐️ 腐竹糖水 🥚今日老闆突然送左碗糖水好驚喜🥰 雖然甜左DD 都嘗試到腐竹既清🤩

第一次嚟呢度食，佢啲燉湯真係好好味，好有住家感覺，啱晒我平時少湯水，間唔中呢度飲燉湯都不錯嘅選擇，同埋舖頭員工非常有善🌸，環境亦都好乾淨🌟價錢整體合理👍🏻

🎈概論:平時午飯時間十分多人排隊，今天太忙，下午四點幾才有機會坐下來食餐正經飯，經過球哥，平時太多人我沒時間沒興趣排長龍，四點幾沒有人，當然可以入去試試，看看為何那麼受歡迎。.🎈環境:坐得舒服，除了當時人少，也因為枱不會太小，而且枱與枱之間有頗寬闊的空間。.🎈餐牌:兩張餐牌，一張單點湯，由$60起，最貴是花膠螺頭雞燉湯$113，飯另叫，有紅米飯和白飯，每碗$12。.👇午市套餐包湯及飯、菜、餸，由$75至$100+，也有炒粉麵。.🎈食物:套餐  (湯+餸+飯) $89 ⭐️⭐️⭐️💫3.5分.西洋菜陳腎排骨燉湯 $60⭐️⭐️⭐️💫 (3.5分).湯看似頗油，因面有一層油，同時飲落又不覺得油膩，還可以。好多湯料，有西洋菜、幾件腎、排骨、粟米等。我很喜歡有幾件那些有骨膠原的豬筋位。.蝦膏蒸肉青⭐️⭐️⭐️不太推介，肉青即豬頸肉，肉質極之淋，好”霉”的口感。.紅米飯⭐️⭐️⭐️⭐️飯可選紅米飯或白飯，我當然選紅米飯，我喜歡紅米的比例夠多，有些地方全碗都是白飯，只溝少少紅米。.紫薯糯米糍 $10⭐️⭐️⭐️⭐️⭐️全餐亮點👍💖極推介，好軟熟，好煙韌，紫薯好香，整件糯米糍的甜度屬微甜，剛剛好，能全然享受糯米糍的煙韌鬆軟和紫薯的香甜

中餐館食得太多，轉食下其它菜式都好多年，例如不同國家菜式咁，突然有一天好想飲中湯，上網搵下，打正招牌燉湯菜館不是太多， 上網搵到上環"球哥燉湯"後，姑且一試心態進入餐館(要打電話訂位)，一試之後從此難以忘記， 進入店舖環境乾淨衛生，雖然有點狹窄， 仍可坐得舒服.嘗試心態點了個西洋菜陳腎排骨燉湯， 我太太 叫個白胡椒豬肚雞燉湯， 未飲已覺湯料十足，飲湯後感覺清甜味道鮮美 ，一啲味精也飲不出來， 細問老闆下原來他們所有食物不用味精， 真是難得一見的小店， 老闆用心去做每一款餐餸， 望下食物都可以感覺到， 在呢個講求速成嘅年代真是難得，小炒美味，籠仔蒸飯超好味，燉湯材料十足，食不出有味精，三個字:正正正，值得一試，非一般中餐可媲美

喜愛湯及家常菜，見門面及 menu也蠻家常，球哥燉湯，夠胆用自己名做店名，這個名，明顯老板球哥係懂廚的。進店，湯款有十多種，点了金銀菜陳腎燉湯，湯很熱，的有豬骨的肉但沒骨，讚！陳腎的咸鮮味亦已釋出湯中，整個湯一喝就知沒味精，很好。也叫了咸魚肉餅配紅米反，這個正常水平，家的感覺，沒太多調味，油加得很少，也讚！

天氣轉涼，最宜喝燉湯。點了一個午市套餐，選了白菜豬肺燉湯，配籠仔豉汁排骨飯，另附油菜。此外，單點了白胡椒豬肚雞燉湯。白菜豬肺燉湯料了很多，豬肺吃不停。湯的味道較淡，若湯味濃一點更佳。籠仔豉汁排骨飯份量很大，排骨和米飯都很多，味道也很好。油菜不肥膩， 菜夠嫩。白胡椒豬肚雞燉湯胡椒味太強，蓋過了雞湯應有的鮮味。店子的環境算不錯，服務也周到，最開心的是差不多把食物吃罷的時候，店員送上香蕉和提子，說是送給顧客的，水果也好吃。

見到Deliveroo評分咁高，諗住去試吓啦. 點知好失望. 點咗個青紅蘿蔔雪耳無花果咽螺頭片排骨燉湯，成$70. 我淨係飲到漂白水味, 救命! 嘥咗$70. 一定唔會再去.

簡便晚餐難得大大盅燉湯湯料十足～對比市面其他茶餐廳佢嘅湯未至於係名貴上品但都稱得上貨真價實👍🏻我哋試左猴頭菇茶樹菌素湯🥦菇味濃厚配上栗子腰果令素湯增添潤澤還可以吸收植物OMEGA3!胡椒豬肚雞湯🔥胡椒味濃郁雞湯清甜豬肚柔韌度適中南乳齋煲也非常香口配上份量適宜的粉絲還有爽口的雜菌、木耳和🍆豆腐卜和腐皮掛上豐富的南乳味道😋不太油膩之餘，美味十足每道菜式熱辣辣上枱店員有小店的人情味家常便飯絕對食得過回頭率高👍🏻

今日lunch又係跟大隊叫網上外賣平台，好多同事話想幫襯球哥燉湯，尤其係年紀較大既同事，可能因為有湯飲，但係自己食過之後，真係唔明點解佢咁受歡迎...我揀左個馬拉盞炒飯配花旗參雞燉湯，本身好期待，因為啲同事講到咁好，點知外賣到一拆開個飯盒... 咦？點解個馬拉盞炒飯咁淺色嘅？食落完全冇味道.... 好，我當你俾錯左蝦醬揚州炒飯，都完全冇蝦醬味囉。個花旗參雞燉湯本身都算足料，但係啲油幾吋厚，隔極都隔唔晒最尾只係飲左1/3，本身腸胃一般既我食完餐飯最尾胃痛。

對於成日加班嘅打工仔嘅我來講，😄真係好需要滋潤，而家最安全嘅做法就係外賣自取返公司繼續工作😁。呢間位於上環嘅～＂球哥燉湯＂，就好適合需要滋潤養顏嘅我。因為佢每日都有不同款嘅滋補靚湯供應，不加味精、不加調味料、足料去燉👍👍今次我就外賣左套餐，有一湯+一餸+一紅米飯🤩夠哂我補充力量❤️西洋菜排骨燉湯～飲落啖啖都有湯和材料，完全唔使加鹽，已經夠晒味👍所以真心滋潤❤️翠玉瓜雲耳炒肉片～翠玉瓜好香脆，明顯係即切即炒，配上雲耳和嫩滑的肉片，最重要係炒得唔油😍

喺上環搵住家飯食真係唔容易，今日經過呢間見好多人排隊又有燉湯，又跟住去排，應該無衰。見menu好多選擇，最後點咗西洋菜陳賢排骨燉湯，拚埋個豉汁蒸倉魚，飯係紅米飯，盛惠$80。倉魚好新鮮，豉汁咸度啱啱好。湯係無味精，配埋健康紅米飯，超健康，十分家常便飯feel, 只係座位有d逼，不錯嘅午餐選擇。

當家裡沒湯水 自己一個住沒湯水 尋找一個能滿足湯水既地方是很重要的！！！球哥處是每當我晚上想不到吃什麼時 就會想到去飲個湯就能飽 然後又可以滿足地回家的好地方一直以來都是晚餐找球哥 今天還是第一次幫襯球哥的午市！ 中上環一帶價錢！ 每天有不一樣的餸菜選擇！ 湯的種類跟晚上一樣多選擇！原來球哥午市餐還真抵食！這個一人份。。。 好像大了點？！ 看到已經飽了 先來看一下這份餸+飯吧我可以要求多點豆嗎？ 哈哈 肉碎很很很多 我是菜怪 想要多豆多點 一向球哥廚房也是味濃的 淡口味的話要注意！注意 飯可選擇紅米或白飯的！來介紹一下重點的湯！ 今天3人 各點了1個湯看圖也不用我多說 料很足 沒味精 味道正！每盅都很熱！ 料一如既往很多！ 跟晚市一樣份量！推介我最愛蘋果雪梨湯或無花果湯！！木瓜湯跟豬肺湯也是不錯豬肚湯很刺激的！

今日突然想去飲飲湯水，補補個身子，就去左哩度，環境我就五系甘中意啦，好嘈，位置還挺窄噶，坐得不是太舒服咯，隨便點左個飯同埋湯，話滴湯沒味精，我就不是太信了，飲完喉嚨有少少幹甘，滴飯就中規中矩啦，都食得下，不過不是太好食。

尋晚7點幾去食見佢出面大大寫字寫住冇落味精既湯招牌菜又係湯咁就一於入去試一試啦點知唔食由自可一食... 好明顯係落左味精本身個湯又唔夠味大佬呀好心落味精就落啦做乜要呃人為左賣貴幾蚊其他野食都不值一提