球哥燉湯

Open Now

Now Closed

用心做餐，湯料十足，由燉湯到餸到甜品都感受到係用心製作。老闆態度友善，用心了解食客評語。當日食午餐，價錢亦比較特惠，飲晒個湯食晒啲料，食完個肚脹住離開，家的感覺

琴日同女朋友去食晏見到呢間即管試下，我叫左一個白菜豬肺湯配沙薑雞同白飯，女朋友就叫左椰子雞湯。先講豬肺湯，入面相當足料，有4-5塊大既豬肺，瘦肉、白菜、菜乾仲有個陳腎，相當足料， 我覺得可以分兩碗咁濟😂 味道都相當唔錯，湯渣都食晒。沙薑雞比我想像中好味，雞味好濃、薑味就少啲但味道咸鮮好好餸飯，係雞肉稍微老咗少少。椰子雞湯都相當清甜，女朋友都好鐘意，椰子味好重。老闆都好熱情，試完今次會bookmark返, 下次經過會再試下佢其他湯

今日依然好凍，一早做完個facial就去左上環搵朋友，一心諗住去食煲仔飯，點知……日頭係無既( ；´Д｀)最後去左球哥燉湯飲返碗湯暖下先(⁎⁍̴̛ᴗ⁍̴̛⁎).臘味籠仔飯配蟲草花准山百合雞燉湯由於食唔到煲仔飯所以叫左個臘味😂籠仔飯係炒飯底，入面有臘肉、蠟腸同膶腸。本身想飲椰子雞湯，但係太晏，已經賣唒( ；´Д｀) 燉湯鮮甜零味精好足料，咁凍既天氣飲碗暖笠笠既湯，正~.梅菜肉餅籠仔飯配羅漢果龍利葉排骨燉湯籠仔飯係炒飯底，肉餅好厚又大塊，調味適中唔會過咸。燉湯味道鮮甜，好足料最後 老闆仲送左腐竹蛋糖水比我哋食(´▽｀)

🍲🌟 Authentic Chinese Soups 🌟🍲🔥 Lunch & Dinner Sets Available! 🔥If you're a fan of authentic Chinese soups, you must visit this fantastic restaurant! They offer a wide variety of mouthwatering soups, each served in a personal pot filled with a medley of fresh and flavorful ingredients. 🥣🌿Indulge in the perfect combination of a delectable main dish, fragrant rice (including red rice), and a steaming bowl of their signature soup. 😋🍛🌟 A Fusion of Chinese Delights! 🌟From their renowned steamed chicke

今日第一次叫球哥燉湯外賣、叫咗個蟲草花燉雞湯梅菜扣肉飯、個湯好味，我覺得係冇味精嘅👍🏻👍🏻👍🏻梅菜扣肉飯的梅菜好好味，扣肉都好味，只係略嫌細件啲、白飯 🍚 都好香🤤口感又啱我😋😋😋….不過就係唔記得影相😂所以冇照片提供😅

由於上一星期偶爾幸運撞入呢間小店🥰，發覺啲湯水實在太有住家嘅感覺，🫶🏻驚喜。所以呢個星期帶閨蜜再過去食晚飯，繼續係叫一個二人餐：有兩款小菜，我哋叫咗瑤柱扒豆苗，☺️以及係牛柳條。🤭另外各自叫咗一個湯，我就叫咗椰子煲雞，而閨蜜就叫咗西洋菜豬骨湯。呢間小店最驚喜嘅係有紅米飯，感覺上健康啲，而且都係low GI。另外❤️老闆亦都送咗兩碗腐竹薏米糖水，食完飯有少少糖水😄而且係真材實料，最緊要佢唔係太甜。不過最後啲餸都係食唔晒，所以我都係攞咗返屋企🥹第二日再食。

上星期去咗上環呢一間球哥燉湯 因為上星期有點秋意，想飲啖湯暖下胃，味道還可以。加咗$20可以叫豆苗我都覺得好抵同埋好貼心嘅係因為我哋二人餐但只係要咗一碗飯，所以老闆送咗碗糖水俾我哋食。我打算下星期再去。我哋叫咗二人餐，主要係可以叫兩個小炒嘅餸，加兩碗燉湯。燉湯方面我哋叫咗一個猴頭菇素湯。另一個就叫咗西洋菜排骨湯，我覺得啲湯都係真材實料㗎，飲完之後覺得好有屋企嘅感覺，推薦比平時收工夜咗又想飲啖湯嘅朋友仔。

平時聽人講都主要係飲他們的燉湯，但是他們的Lunch set也非常高質價錢對比之下，會有點少貴，但真係好食，值依個價錢嘅，而且星期一至星期六每日都會有幾款不一樣，真係唔怕你食到厭梅菜扣肉 $65 推薦指數🗯️：🌟🌟🌟🌟梅菜扣肉每日都會有，可見一斑；唔好睇表面咁多梅菜好似冇咩肉咁，其實扣肉的份量也很多，很入味，而且肥瘦適中，配埋白飯一齊食，一碗飯一下子就冇曬🤤🤤🤤蒜蓉海蝦籠仔飯 $82 推薦指數🗯️：🌟🌟🌟雖然海蝦份量比較少，淨係得三隻，但食落都好爽口鮮甜，而且配上蒜蓉一齊食好惹味😋😋，底下的飯不單止吸收咗海蝦的鮮味，更吸收了底下荷葉的清香，食落好香，而且濕度啱啱好，唔會太乾太濕以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

一間午市長龍店。如果要食，特登12:50開始排隊，近期仲有啲遊客，所以要預20分鐘。燉湯款式繁多，想飲嘅太多了，可能要食多幾次先滿足晒，入到坐，已經有其中一款剩返一盎。我叫咗白菜豬肺湯，呢類型嘅湯，屋企比較少可以煲到，佢真係幾足料，冇味精朋友叫椰子雞湯，仲可以食埋啲料，評價都不錯我哋一個叫炒麵，一個叫梅菜扣肉，估唔到梅菜扣肉幾好食，一到好好味嘅家常小菜，入味，配搭嘅紅米飯健康，不過略嫌唔夠熱，整體不錯，大約$100多一些一個人，可以成為飯堂了。

第N次來球哥燉湯，這次好朋友來香港公幹，一定要介紹他食媲美住家飯嘅球哥燉湯。傍晚六點半前進場，趕在晚飯嘅人潮之前。三人各自選了心頭好嘅靚湯：花旗蔘燉雞湯、椰子栗子雞燉湯、麥冬沙蔘玉竹黨蔘排骨燉湯，再點了蜜桃咕嚕肉、涼瓜炒牛肉、一碗紅米飯，球哥又推薦了清蒸馬友。先來燉湯，湯鮮甜材料靚份量足，飲完湯食完湯料已經飽了五成。然後餸來了，咕嚕肉醃得入味炸得酥脆，咕嚕汁甜酸度剛剛好；涼瓜處理得甘而不苦，牛肉質靚，豉汁好送飯；最後上的是清蒸馬友，非常鮮美，大家不停讚好，很快就只剩下一整條魚骨了。球哥又送上驚喜：腐竹薏米白果糖水和芒果糯米糍！埋單480元有找，絕對是性價比超高的晚飯，多謝球哥👍

打工仔成日出街食，碟頭飯完全無營養，今日勁想有啖湯水飲下，所以黎食個小菜+住家湯的lunch set, 有7-8款小菜比你選擇，仲有紅米飯夠哂健康，我和朋友點了蒸肉餅和梅菜扣肉，蒸肉餅唔錯，肉餅夠厚又大碟，反而扣肉份量太少，得4-5件，梅菜就好多，送飯一流。湯水好香濃又足料，有埋湯渣比你，一個 set超級飽？

仲有兩星期就到聖誕節商場都開始有聖誕裝飾，所以又係時候四圍去影下聖誕裝飾打下卡，今次朋友就話想去利東街影下相，當然無問題收工就立即去~~.今年無乜特別所以好快就影完，但因為lunch食得太飽所以又唔想食正餐🤔附近又無咩輕食既鋪頭，加上天氣勁凍我哋都一致決定係想飲湯暖下身又滋潤！Openrice碌完一輪附近都無燉湯飲，最後見到球哥燉湯係上環，望一望時間已經八點幾打去問過last order係九點，所以立即飛的過去，為左食可以去到幾盡😂.花膠螺頭雞燉湯 $120超級足料，雞燉到非常腍，味道清甜零味精正宗既住家湯.麥冬沙蔘玉竹黨蔘排骨燉湯 $77超級足料，排骨唔油膩味道鮮甜零味精.老闆好nice仲送左腐竹糖水同芒果糯米糍比我哋食，腐竹糖水唔會好甜清清地唔錯，糯米糍煙煙韌韌好食！下次會去試埋住家飯😆.球哥燉湯上環蘇杭街88號地下2111 0904星期一至六 07:45 - 21:30

已經第二次叫蝦仁粉絲蒸水蛋外賣，第一次已經係水多個蛋，今次仲離譜，根本就係一碗湯，如果做得唔好嘅，唔該唔好接單。從來未見過咁樣嘅蒸水蛋。加多少少材料，落少啲水可以嗎？

在上環Ibis staycation，順便在附近美食漫遊。一早聽聞過球哥，但網上評價不算一面倒的好，始終有點猶疑要唔要試。由於美食漫遊吃得太豐盛，晚上想食得清淡一點，於是就試試球哥。點咗一個西洋菜燉排骨湯，一打開感覺很足料，一飲覺得很清，是無味精果種家常味道。最正係排骨，都是軟骨部分帶點肥膏，燉到非常鬆軟，充滿肉香和油香，空口食都很滋味，點埋生抽更昇華，就咁一盅湯，有菜有肉都夠送飯，清淡中有滋味，很滿足！再叫多個籠仔飯，老公唔食蝦乾於是叫了梅菜肉餅籠仔飯。飯是炒飯底，好香，肉餅是家常味不算非常出色，但梅菜的鮮甜卻非常突出，整體不錯。球哥見我地兩個人點一個飯，親切問我地夠唔夠食，我笑笑話夠喇，而家好少食米飯，兩三啖都夠了。正要埋單，球哥又叫住我食埋糖水先走，就送上兩碗腐竹薏米雞蛋糖水。糖水唔太甜，很足料，暖暖的非常comforting. 為簡單美味的一餐畫上美好句號。

上環工作的煩惱十家都知道是不知道去哪裡食😂😂😂 工作太辛苦，都不想常常食劣質兩送飯。今天剛好找到一間主要sell湯水的中餐廳。外表好像茶餐廳，但是供應湯水和中餐。我點了西檸雞和花膠雞湯，雞湯十分足料，主食也很大份，男人去食也夠飽，價錢偏貴，要$98，但對身體健康食好一點也是值得的。