高佬酸辣粉

Open Now

Now Closed

朋友新居入夥，也是住東涌，去探望前竟然話想食酸辣粉，所以我就推介去呢一間高佬酸辣粉。佢個價錢都係比較親民，唔會好貴。我就點左一碗微辣嘅酸辣粉同兩個餸。一個係蝙蝠肉腩，另一個係自家製嘅粟米豬肉餃子🥟。跟住加多個小食海帶其實佢個蝙蝠肉腩唔係蝙蝠🦇🤣佢唔係野味嚟㗎，其實係豬肉，只不過佢個型狀會有少少似蝙蝠，所以先有咁嘅名。但係我自己覺得似黑蝴蝶🦋🤣多，佢個口感食落去比較爽口，調味方面都唔錯。值得一讚嘅係佢嘅餃子真係好大隻，裏面好多餡，佢嘅粟米粒好甜，加埋豬肉好好食😋。如果大家都鍾意食餃子嘅人我建議你地試下，係好食😋推薦麵方面佢係比較淋身，食落去都會比較Q彈，佢個微辣湯底真係少少辣所以如果唔食得辣可以一試。

作為美食荒漠嘅東涌，平時已經冇乜嘢食，夜晚想食嘢嘅時候更加難選擇。高佬完全係解救東涌人深夜時分嘅飢餓感！高佬只開夜晚，但有時會臨時請假所以去到都要撞一撞運氣。酸辣粉又有中學食到依家，有佢30幾蚊碗食到50幾蚊碗🤦🏼‍♀️雖然係貴左少少但係真係好好食。尋日肚餓就帶咗個海帶芝士腸BB辣酸辣粉番屋食，淨酸辣粉$30會有（肉碎芽菜豆角花生），之後1個餸就$10所以加埋$50。超級大碗味又夠又唔會太辣，酸辣粉好煙靭，但係如果夜晚食可能消化，咁就可以轉米線食👍🏼👍🏼

米線已經係日常我和太太經常食的，平時食開譚仔，但如果高佬酸辣粉有開檔我哋就大多數都會食呢間....首先講高佬啲米線係我係香港食過覺得最好食，好滑口，大多數時間食都整得幾有咬口。當中有兩三次就燙得熟左少少。其次個湯真係好啱口味，香辣得黎酸酸地，好開胃。啲花生好鬼好食，但原來多花生都要加錢。一般我同太太去都會哪兩個淨米線，再叫一個大雜，因為啲料好多，又好食，非常抵食，講到配料首推呢度既蝙蝠腩，得呢度先食到，唔知咩部位，食落有咬感，滷水汁整得好入味。唯一唔好既就係要成晚市7點後先有得食，缺陷。

高佬酸辣粉。先講味道，對於無辣不歡既我第一次當然係食佢既中辣！薯粉+蝙蝠腩+牛肚+中辣既初體驗。辣度個人而然係可以既！想再刺激可以試大辣。蝙蝠腩真係第一次見，吾知乜黎。應該都係豬既腩肉既某一part。薯粉係我既偏好，所以都ok。會有第2次既！其次就講環境，老老實實食得酸辣粉就吾好太大要求，因為我覺得都係風味既一種所都ok。而店員就一男一女，我估都係老闆同老闆娘。如果食其他店既粉食到悶可以一試！下次有機會我會再挑戰大辣

我本身有好多朋友住東涌 佢哋成日話高佬酸辣粉好正 講到幾咁好味 今日收工一於去試下就係呢碗高佬酸辣粉 可選薯粉或米線 我叫咗碗 酸辣米線大辣米線分量算多 軟硬程度啱啱好 28蚊一碗 正常價錢 但係我最唔鍾意嘅就係 個湯底全部都係油 每食一啖都好似食緊啲油落肚咁 睇落碗嘢好似好辣 其實係得啲色 吾香亦都唔辣我朋友就叫咗碗 酸辣薯粉小辣 炸雞翼芝士腸腩肉 相反呢個湯底青好多無咁油 我諗應該比我嗰碗好少少 起碼冇咁油先啦試咗條薯粉 煙韌彈牙 不錯

東涌應該好多人食過高佬酸辣粉我喺佢未做實店前已經常叫外賣佢哋做的酸辣粉好對我口味拍青瓜仲要勁正我做的麻辣汁多少有它的影子呢~價錢由當初$15升至27(都有5-6年)真係見到又想食呀~我要中辣車爸爸當然微辣啦haha~薯粉夠晒煙韌佢調的酸辣味真係又香又濃風味十足架~涼拌什肉$52(豬頭肉,豬肚絲,豬脷和鴨腎)味道麻香辣都做得匹配唯獨鴨腎好太雪味拉抵晒成碟質素~

我已經黎呢到食左3次 所以決定要寫一次食評 是日與朋友一同黎逸東馬灣村食酸辣粉 如果不要"送" 就$25 每加一個送要加$8辣都分 唔辣、微辣、BB辣、小辣、中辣、大辣我叫左豬紅雞翼米線, 要小辣不過都係幾辣,,豬紅夠味有口感 雞翼d肉幾林朋友叫左個豬大腸加蘿蔔,豬大腸唔太硬 蘿蔔入哂味變到辣辣地已經bb辣但係佢都受唔到住 最終飲左好多水... 所以如果唔食得辣的朋友一係要唔辣OR微辣!!