SOYmart by 豆乳狂人

Open Now

Now Closed

推薦一間性價比不錯的甜品糖水店，夏日甜品好選擇，食物質素很出色～選擇十分多,以豆乳為主打。榴槤芋圓紫米撈：季節限定，好大一桶甜品！第一啖相當驚喜，榴槤果肉超濃，超香超滑！而且榴槤奶蓋好濃稠香甜～裏面還有芋圓、紫薯圓、蕃薯圓，口感煙煙韌韌，而且芋圓有芋頭味。好豐富飽肚的甜品。多芒楊枝甘露：$48好清新的甜品，好足料～芒果塊和西柚果肉很多，啖啖都會食到配料，口感好豐富！而且還有好多西米，整體甜度剛剛好，不會很甜。桃膠豆乳：最愛！搞勻一齊飲好飽肚，豆味濃郁！豆乳是無糖的，配上大大粒Q軟的桃膠，好飲～感覺較健康～

行行荃灣西吓諗起同事之前介紹，即刻上網search地址嚟豆乳狂人。三點零成間舖都係客人，非常熱鬧，但就略為逼狹。餐牌好多選擇，最後幫老婆嗌咗鮮芋泥豆乳，自己食超煙韌榴槤奶蓋。員工好友善，又爽手，嗌完唔使點等就有得食。> 芋泥豆乳芋泥杰撻撻好足料，豆乳好滑好香，撈埋飲又另一番風味。> 超煙韌榴槤奶蓋榴槤奶蓋超香超滑超重榴槤味，啲珍珠芋圓非常有咬口，但就略嫌唔夠香。值得一讚係個器皿，好厚實。廁所行兩分鐘就到，老婆洗一洗，夜晚跑步再用。好食推介

成日係網上佢地既post，每次都好似好足料好吸引今日意外行街發現到，就黎試下先。足料黎講佢真係夠晒足料，差唔多半枝都係桃膠黎既，而且佢既豆乳同平時飲開既豆腐唔同，佢冇咁甜，清得黎又有淡淡豆香。

👍🏻 鮮芋泥豆花（凍） 🍨綿密香甜嘅芋泥搭配清涼滑嫩 豆味濃郁嘅豆花 係夏日甜品嘅好選擇😋用新鮮低脂豆乳製作 清爽好味！👍🏻 抹茶紅豆小丸子 🍡抹茶香氣撲鼻 抹茶味飲落非常濃郁🍵紅豆甜而不膩 小丸子煙煙韌韌增加口感 豆乳依然存在感好強 低糖低脂健康美味🤤👍🏻 牛油果吉列蝦青瓜絲粢飯 🍱牛油果同炸得爽脆的吉列蝦配上新鮮的青瓜絲 鋪在煙韌嘅粢飯上 開胃又飽足😋係夏日午餐嘅絕佳之選👍🏻 海苔肉鬆炸豆卜🍘肉鬆海苔嘅份量好足 豆卜酥脆 外脆內軟 同海苔肉鬆味道好夾👏🏻忍唔住一口接一口😋👍🏻 地道避風塘炸脆雞 🍗酥脆多汁嘅單骨雞翼 配上惹味嘅避風塘調味令人回味無窮😋雞翼保持到外脆肉嫩 好邪惡！

周末天氣熱辣辣☀️，就去近期大熱的新派豆乳主題店食個冰涼的甜品消暑，「豆乳狂人」主打將傳統豆漿變奏出新口味飲料及甜品😋位於荃灣海之戀的「豆乳狂人」裝潢悠閒舒適，還特別引進豆乳機器，每天新鮮現磨豆乳🤩店家除左提供各口味的豆乳，仲有一系列的豆花、罐裝豆乳茶、雪糕、鹹點栥飯和小食。多芒西米 $45芒果西米味道濃郁，面頭鋪滿新鮮芒果🥭芒果色澤澄黃，啖啖都吃都芒果肉，口感糯軟，味道濃甜，而每顆西米分明又好咬口。黑糖桃膠豆花 (凍) $32豆花入口滑順，帶有濃郁的豆香味，面層鋪滿大量的桃膠及落足黑糖，食落又唔會太甜❤️係滋潤養顏之選😍黑白芝麻豆乳 (熱) $32來到豆乳狂人，當然要試下佢嘅8.6特濃豆乳，一飲就感受到豆味超濃，而且口感濃厚就好似飲緊芝麻糊咁。GOLD純度鹹蛋黃炸脆雞 $38係即叫即整架❗️食時係熱辣辣😍雞翼炸到脆卜卜，外皮沾滿鹹蛋黃醬，鹹香味濃郁😋每一啖都食到鹹蛋黃醬，真係好正🤭海苔肉鬆脆皮木棉豆腐 $38呢款都係即叫即整架❗️豆腐外皮炸到金黃薄脆，內裏綿滑細膩，配埋大量海苔肉鬆，好滋味～

成日經過將軍澳都見到呢一間以豆乳做主題嘅甜品店～都未有機會試到，有日係荃灣食完晚飯後行去搭西鐵時，經過海之戀商場見到有分店！甜品肚就即刻急call😆～同埋見到咁多人排隊買睇黎都唔錯😀好就趁機試吓～-🥭💛多芒楊枝甘露 / $48（每逢一到夏天，想吃甜品的時候就會馬上想起要吃楊枝甘露！柚子肉的酸酸甜甜，仲有大大嚿芒果超級重料呢！每一啖的滿足感啊~冰冰涼涼的消暑甜品首選它！貓大超推薦呢款多芒楊枝甘露😋～）-💜🧡滋潤之選 / $45（這一款是芋泥桃膠西米三色芋圓特調椰奶再加上黑糖嘅組合～材料非常之豐富呢！芋圓煙煙韌韌der～食完呢一碗係會超級飽肚！-🍵🍡抹茶紅豆小丸子 / $48（呢個豆乳茶系列嘅抹茶紅豆小丸子～抹茶味道適中，反而最出嘅係佢嘅豆乳味～加上好有咬口嘅小丸子同埋甜甜的紅豆🫘～飲落去口感超smooth！

📍 呢間人氣豆奶專門店 放工時間經常都排曬人龍 好多人買外賣😂 咁啱晚餐火鍋店要等成個鐘先有位 又好肚餓 決定食返個甜品先! 豆花款式眾多 仲有唔少創新配搭 可可/ 芋泥/ 焙茶/ 抹茶/奶蓋等等.. 上次食過海苔肉鬆豆腐 有被驚豔到 相信其他熱食亦很不錯～🌀 三色芋圓豆花帶頗重豆味 不是超滑溜口感 但反而覺得真材實料 表面放上三色芋圓 煙韌有咬口🌀 桃膠豆乳還是最喜歡招牌的豆乳香 質地濃郁 豆香味明顯 桃膠份量佔1/3 增加口感之餘 仲好滋潤 啱哂近排成日捱夜嘅我🌀 吉列豬扒蛋粢飯熱食款式選擇都唔少 粢飯份量厚實 建議至少2個人share 內餡除咗吉列豬扒之外 仲加咗玉子蛋+青瓜絲+ 肉鬆榨菜 同埋沙律醬 豐富整體口感

《SOYmart by 豆乳狂人 - 荃灣》食完晚飯行下海之戀，逛下超市，就梗係去埋極具人氣既豆乳狂人食埋甜品先散band啦😎今次試左三個樣都比較熱門同多人推薦既甜品同飲品，我個人覺得佢地既甜品普遍都大份的，兩個人share 一個甜品都夠分😎當然，獨食就梗係最好啦💁🏻‍♀️多芒楊枝甘露 $48同人友人今次想食楊枝甘露，佢入面既料好多，淨係面頭先見到好多芒果同西柚果肉，近排既芒果都幾甜，入面仲有好多西米同椰奶，食落香甜，我見好多人都叫呢款甜甜 🥭 💁🏻‍♀️超煙韌豆花 $42我就一向係煙韌控，平日食開煙韌之選，今次就一於試下豆花，入面有珍珠、芋圓、紫薯圓、蕃薯圓、西米等食材，就算唔食晚飯淨食呢個甜甜都夠飽，豆花用左黑糖調味，襯托返香濃嘅豆味，層次感豐富💁🏻‍♀️鮮芋泥豆乳 $32最後我仲意猶未盡買咗支豆乳返屋企第二朝做早餐，今次食揀咗鮮芋泥豆乳，佢嘅豆乳濃郁就係人都知，原來佢嘅芋泥食落都唔差，唔會太過甜，而搶咗豆乳嘅味道，芋泥打到好滑，將芋泥同豆乳搞勻一齊飲好飽肚😎啱晒朝頭早有時唔想食咁多嘢🤓就飲杯豆漿啦

🍽️📸🐶呢度仲可以帶埋狗仔黎打卡哦！🍮🍡🐾首先，我哋有黑糖珍珠豆花！話咁快，就已經勾起咗食欲！呢個豆花凍到滑滑地，加埋Q彈嘅珍珠同甜甜嘅黑糖，一嚼落去，豆味濃真係冇得輸😋🍧🍠另外仲有和風白玉！白玉滑口，配埋香甜嘅豆乳布丁同紅豆，又香又甜，🍮🍡🍨加埋特調椰奶黑糖芋圓，椰奶香濃🥥🥮🍠介有好多唔同款，下之都想試埋，自費活動，下次約埋朋友再試其他.💸.消費. $122 HKD（全單）🈵.回頭率. 8.0 / 10

難得由畢架山返到荃灣西學興趣班，陳皮妹鐘意幫襯Soymart既凍超煙韌豆花，有珍珠、芋圓、小丸子🍡同奶蓋，零售價$42，外賣平台買外賣🥡自取反而$37.5，所以要做個精明既消費者，等咗25分鐘，搵到位坐，包裝📦都皓密實，芋圓、珍珠同小丸子🍡都皓有咬口，豆花正，平時我唔鐘意奶蓋，不過今次加咗又冇乜所謂，親子share，父親節快樂👨🏻

位於海之戀商場嘅佢係少有嘅排隊店週末差不多每分每秒都有人龍！識我嘅朋友可能知我對豆乳麻麻所以基本上都是食其他食物，但也很出色😚𓂅 牛油果鰻魚玉子粢飯 ᴴᴷᴰ 𝟻𝟻 挑吃的我不太喜歡傳統粢飯的味道所以這裡的粢飯配搭幾啱我口味✔️粢飯份量重得很，配料也差不多是由頭吃到未而且鰻魚微脆口，肉鬆保持到酥鬆，喜歡✨𓂅 多芒小丸子 ᴴᴷᴰ 𝟺𝟾一小桶小丸子、西米跟芒果，加上芒果汁和特製椰奶🌟絕對是我吃過最好吃的小丸子🌟粒粒也煙韌𝚀軟芒果就好睇時下當不當造，不過份量同樣多得驚人個桶仔食完仲可以拎番屋企用呢☺️

留意左呢間飲品/甜品店好耐🤤終於有時間嚟食hehe 💖💖💖💖💖💖💖Menu選擇十分之多,選擇困難症嘅我苦手😹😹樣樣都想食🙂‍↔️.8.6 豆乳焙茶 $36最愛焙茶😍😍 唔會太甜又重焙茶香🍵超煙韌豆花 $42材料有豆花、珍珠、芋圓、奶蓋,每一啖食落都好有層次感,全部都勁煙靭😋😋🫶🏻🫶🏻🫶🏻豆豆仙草 $45仙草加上粒粒西米同紅豆🫘仲有好多粒煙韌嘅芋圓😍😍😍😍😍😍

餐廳名字：SOYmart by 豆乳狂人 (荃灣)餐廳地址：荃灣大河道100號海之戀商場2樓2036號舖特濃豆乳:質地很濃郁,豆腥味正好,口感順滑可口。豆乳成分控制得很好,不會太甜也不會太淡。整體滿意。多芒楊枝甘露: 芒果塊很多而且熟透多汁,與甜糯米一起煮成的糜狀很誘人。不過我個人覺得糖分可能加太多了一點,略為膩口。鮮芋泥凍豆花:芋頭的鮮滑口感與豆花的 Q彈感覺有著好的互相輔助。凍度也掌握得正好,吃起來很順滑清新。整體而言能帶出原材料的味道,算得上成功的變現。#hkfoodie #foodiegram #香港美食 #chillchu荃灣 #性價比餐廳 #荃灣區 #odelic #甜品#餐廳 #生日飯 #hkig #hkfood #hkfoodblogger

平時都係買豆漿見糖水價錢都唔係好貴，諗住試吓點知好有驚喜！我哋嗌咗多芒小丸子同埋多芒楊枝甘露鍾意食芒果嘅話必食！超足料 芒果大大粒又甜我哋當日外賣拎咗一陣先食啲小丸子都唔會好硬👍🏻而楊枝甘露都好唔錯入邊都好多柚子肉🥰夏天食就最啱

豆乳狂人呢間人氣豆乳/甜品店👧🏻真係bookmark咗好耐，飲過一次後真係覺得好驚豔！以呢個價錢可以飲到相當濃郁既豆乳/食到大份糖水，絕對會Encore！🌟 滋潤之選見到其他客人叫一份糖水都咁大碗，所以都係叫一份開心Share！滋潤之選有齊芋泥、桃膠、西米、椰奶、芋圓、黑糖。當中三色芋圓夠曬煙韌軟糯，桃膠份量十足，芋泥就相對甜少少，整體嚟講飽肚又滿足！🌟黃金脆脆豆乳茶黃金脆脆豆乳茶就有齊：豆乳布丁、珍珠、西米、烏龍茶、豆乳、奶蓋、黃豆粉、白玉、咸蛋王脆脆。因為份量太多，白玉、鹹蛋黃脆脆同埋奶蓋就有另上。烏龍茶清香，同豆乳幾夾，豆乳布丁幾滑捋捋。奶蓋充滿芝士鹹香，令成杯飲品畫龍點睛嘅係鹹蛋黃脆脆，感覺似係鹹蛋黃味方塊酥，又鹹又甜幾好飲。🌟焙茶珍珠小丸子另一杯飲品就係焙茶珍珠小丸子，用咗焙茶粉、豆乳、珍珠、小丸子既材料。焙茶味濃郁，但又唔會完全蓋過豆乳嘅濃香豆味。另外值得一讚呢度嘅飲品甜品都係少甜，感覺都健康啲！覺得唔夠甜，可以自行添加糖水！