意粉 360 (Closed)

和朋友一齊食晚餐在人多擠迫的旺角到新世紀廣場食飯係一個比較好的選擇可惜晚市餐廳比較多人下次最好都係訂定枱呢間餐廳有親子遊戲區在餐廳比較入的位置不過我地沒有需要使用 所以沒有入內參觀環境好舒適 燈光柔和 餐具都十分精緻 大愛！用餐時間限90分鐘點了兩個意粉 一個甜品份量夠 很飽 很滿足蕃茄鱸魚意粉 酸酸地 好開胃魚大大舊 冇雪藏味 十分滿意黑椒蜆仔意粉最鐘意呢碟意粉 黑椒味夠意粉唔會過軟 蜆肉夠多兩碟意粉都係新鮮煮好上碟時夠熱甜品方面 叫左個綠茶雪糕配紅豆窩夫紅豆用原粒紅豆 微甜 比常見的紅豆醬更好味窩夫雞蛋味濃 加楓糖漿一齊食已經十分好味！下次會再來

意粉360的餐牌上有不少素食選擇，不過為免誤中蛋奶素圈套，所以落單前都習慣問一問。這次有一個貌似店長的人為我們落單，店長十分熱心到廚房求證我們選的食物是否適合純素食者，並很詳細轉達，所以也吃得很放心。和風野菜意大利粉用蕃茄醬煮成，做法簡單，基本上也不會有甚麼需要挑剔。份量足而且蔬菜也很多，十分滿意。黑松露菌石鍋炒野菜送到的時候傳來陣陣黑松露香味，多款野菜包括茄子、冬菇、翠肉瓜和西蕳花等用熱辣辣的石鍋盛著保持溫度。最近不知怎的突然瘋狂的愛上茄子，如果可以加入更多茄子就好了。飲品方面有不少茶可以選擇，因為平時都喝不少水果茶和花茶，所以就來一個黑豆茶試一下。黑豆茶的味道比較淡也沒甚麼香味，比較之下還是更喜歡水果茶和花茶。吃飯期間店長不時都有走過來詢問是否滿意食物以及有沒有需要改進的地方，十分貼心。如果每間餐廳都有這樣熱心的店員，那麼就可以放心查問菜式的用料以免墮進蛋奶素陷阱。素食友善指數：5分Encore指數：4分

意粉屋真係好多年無去過，記憶係紅色門口同黑色主題裝潢，紅色肉醬意粉等今日的意粉360，走簡潔白色格調，光亮裝潢給人舒服乾淨的感覺。午飯時間客人特別多，幾乎坐滿整個餐廳。午飯套餐選擇甚多，我就點了胡麻醬烤雞1.7mm意大利粉，配酥皮蘑菇忌廉湯。酥皮蘑菇忌廉湯- 酥皮有些淋，唔夠酥脆；另外忌廉湯比較稀薄，味道偏淡至於胡麻醬烤雞意大利粉- 烤雞似白著雞，實韌雞肉口感一般；麵條比較乾身，有些硬身，涼了以後口感更硬吃不下去了整體來說：環境很好，但意粉及食物質素只屬一般，進步空間頗大。回頭指數：

羅撒大蝦野莱沙律作為前菜係非常好嘅選擇, 鲜橙清甜美味, 洋蔥味濃郁, 野菜新鮮, 沙律醬好味道360 特盛拼盤酥炸軟殼蟹, 外邊香脆, 內裏熱辣辣, 好耐都未食過咁新鮮嘅炸物, 唐揚炸雞, 鬆化外表, 包住充滿肉汁既雞肉至於丹麥豬仔骨, 香濃好味道, 菠蘿夠曬甜巴馬臣芝士焗卡邦拿意大利粉係非常值得推介嘅選擇, 芝士味濃烈, 配合意粉係絕配青芥醬煙三文魚脆趣薄餅, 最好選擇薄底, 材料十足, 新鮮熱辣, 非常完美, 食到舐舐脷熱情果鮮果梳打, 生果味濃郁, 甜度適中侍應招呼周到有禮貌, 坐椅燈光舒適, 啱曬同朋友傾計

上星期六去到，拎咗飛等咗廿分鐘都無咩動靜，決定走人下次先試！尋晚平日去到，已經唔洗等，當然即試。😄服務都叫唔錯，門口帶位姐姐主動介紹信用卡優惠和解答其他問題！食物方面:酥皮松露帶子忌廉湯: 夠熱又充滿松露香，酥皮又正，唯帶子仔得兩粒，不過都正！😋 鮮蘑菇忌廉海鮮湯: 都ok、唯唔夠熱，變得一般般！棒棒雞翼凱薩沙律: 分量十足，有創意，不過兩都唔係太配，似兩樣嘢分開食！羅勒醬牛油果帶子意粉: 醬汁加牛油果絶配，好味👍🏻阿拉斯加鱈魚燉飯: 顔色豐富，但無咩味！整體食物中規中矩，沒有太大驚喜，亦不是很差。如果唔洗等位，又有信用卡優惠，都可以再來！

No next time...Reminder: Menu photos are for reference only!!This is the real product.. spaghetti was al dente, flavour was so-so, but super oily as you eat it (cant tell from the photo)Tasted like canned soup 😅 Looks like a kids meal... doesn't look bad, just not something that i'd think is of quality.. flavour was very average, not close to being good .

當天是紅日，旺角真的是周圍都是人，超多的人，超多的人。食飯時間，更加更加的多人，人海似的。要搵位食個晚飯，除了等都只是等了。這次見360等的人不多，所以我們攞飛，但等了也差不多半小時。先來的是芝士焗扇貝黑松露薯茸 HKD 56.00這個好吃，味道很好。薯茸也很滑，跟芝士很搭！上面的扇貝雖然沒有甚麼味道，但是配上薯茸一起吃的時候，也是ok的，不過份量有點少。山賊黑椒醬海蜆意大利粉 HKD 78.00肥膏點的，他說不錯。芝士焗牛油果海蝦蟹棒墨魚汁熱石鍋飯 HKD 94.00聽個名，好似好勁。而且成百元的飯，應該也不錯吧。但我錯了，結果是這個飯令人超級失望。第一，汁不多，整個飯好乾好乾。第二，牛油果真的真的好小好小的幾粒仔。第三，蟹棒不好吃。大蝦還可以，肉是彈的。吃到最後，是真的吃不到了。因為飯太硬太乾，再吃下去真的會胃痛。焦糖牛奶宇治抺茶 HKD 38.00很多餐應的飲品都比較貴，360也是。外觀很漂亮，跟圖片是一模一樣。不會太甜，而且口感好rich，個人覺得不錯喝喔！意粉360整體還不錯，就是份量有點比想像中少，難道我們真的那麼大食？哈哈！

這日新年假和靚女影評人來看電影魔海奇緣3D，看過精彩的電影，當然要食返餐好延續開心靚女最近注意飲食不想食得重口味，最後就選擇了這間一試。門面和Menu都製作得相當精美。特別門口的大叔外型醒神有朝氣，也是令人想入來的原因。所以每間食店也應注意員工的工作快樂程度，其心情絕對影響食客的光顧意欲。味噌西京燒帆立貝蟹柳脆趣薄餅 ($88)上面的料幾好味，帆立貝蟹柳都口感不錯，鮮美，餅底我們選薄皮，與配料配搭得宜。360 特盛併盤 ($88)各款都幾好味，不過講最好味應是軟殼蟹和炸雞。呢個菜式有少少熱氣，所以美女都留了手，沒食得多。還有個山賊黑胡椒醬海蛽意粉 ($78)沒拍照，不過基本上全部菜式都同MENU參唔多，無誇張失實，所以用返MENU張相啦。海蛽都有MENU張相咁多 ，肉質不錯，意粉亦麵條爽滑。食完這個美味DINNER之後我們還有節目，就是去花園街體育館打壁球，充實又健康的一日!

今日有人請食飯真開心，一入餐廳，裝潢唔錯，入面很大，適合跟朋友聚餐的地方。打開餐牌，很多選擇，我們先叫了秋之風味二人餐。二人餐有帶子野菌忌廉湯，很多菇菌，忌廉味濃，足料；大蝦沙律，醬汁酸甜很開胃，沙律菜亦夠新鮮。二人餐包埋棒棒雞翼，配BBQ醬，非常好食，很快食晒成碟。二人餐主菜為鐵板豬仔骨配薯條沙律，豬仔骨略嫌香草味太濃，蓋過晒本身豬仔骨味道，薯條正常，熱上的。我見口渴，先叫了黃金海岸特飲，入面有波蘿及芒果汁加椰奶，本人覺得略酸，如果波蘿汁減少少會較好。另外，我們叫了鐵板香蒜牛肉，墨汁意粉，同埋2mm 薄的pizza, 先講牛肉，香蒜味過濃，食唔到牛味。墨汁意粉，就麻麻地，賣相已經唔吸引，食落口得咸味。但是pizza 非常好味，新鮮熱上，汁料配得好好，因為2mm 薄，很快就食左2件。最後叫了甜品，格仔餅幾好食，足料，配上雪糕一齊食，冷熱交錯，味道一流。整體食物味道不過不失。

之前睇過介紹，知道呢間餐廳有一個遊戲房，既可飽餐一頓，又可讓小朋友盡情玩一餐，很適合一家大小或三五知己帶著小朋友到來，大有大傾，細有細玩。 年初三大約下午2時到達餐廳門口，未算太多人等位， 我們跟侍應說想坐近遊戲房。大約等了15分鐘。侍應特別為我們安排遊戲房門口位的位置，好讓我們可以一邊食一邊望著孩子玩耍。餐牌設計如雜誌般，內裡食物及飲品的選擇很多。午餐時間當然是選擇Lunch Set啦，set lunch包括窩夫或沙律，主菜及飲品，而且以親子餐廳來說，價錢都幾大眾化。主菜：和風野菜意大利粉意粉份量都幾大碟，意粉以七種蔬菜和蕃茄醬煮成，蔬菜的軟硬度適中，意粉偏硬身，但可接受，唯獨茄醬有些少鹹。9主菜： 羅勒菜烤雞野菌意大利粉意粉炒得很乾身，軟硬度適中而且彈牙。雞肉是先以碳火烤熟，帶點焦，所以很香很好食，而且烤得適中， 內裡仍帶肉汁和軟熟。下次一定會再encore 。飲品：波蘿鮮果茶茶味和甜度適中，有兩粒波蘿肉，中規中矩啦。餐廳內設有遊戲房，內裡有廚房，超級市場及少量其他玩具。

今次難得找到個有得俾小朋友玩嘅餐廳, 大人細路都好期待, 帶我哋入坐果位先生雖然trainee,不過態度都ok, 我哋坐好之後就點野食, 我哋已經點好咗幾個sets...最後問吓個侍應姐姐有咩飲品可選, 佢"超有禮貌"咁話"都係果啲啦！", 到佢離開咗無幾遠之後, 佢仲黑面同佢個friend細語, 終於到野食來了, 佢就大力放上張桌到, 當時坐喺到嘅小朋友都被佢嚇親, 雖然食物都尚算ok, 不過咁嘅服務態度，絕對配唔上一間親子餐廳, 真係無下次Remark: 我哋都係正正常常點野食, 講真一班friends gathering, 又有小朋友, 我哋都有禮貌點野食, 不過換來無禮對待

行完花墟就去食個lunch，新世紀廣場4樓有spaghetti 360，外表同一般餐廳冇咩分別，但內裏乾坤，𥚃面有個兒童遊戲區，一個小corner放咗幾個廚房，雖然唔多玩具種類，已經好夠玩。服務亦相當好，照顧非常周到，有BB椅又有BB餐具，服務員好貼心，提示我BB椅同枱高度易夾到手，亦主動幫我影相留念，感覺好welcome，真係加哂分。食物亦好好，我11點度到，唔多人所以食物好快到，有意粉、飯仲有兒童午餐，又唔貴，妹妹自己食咗一大碗就知好食，可以同小朋友安安靜靜食個晏，仲有地方比佢哋玩，媽媽們聚腳首選！遊戲區附近嘅枱唔多，訂枱記住揀近遊戲區，而餐廳裏面無洗手間，亦無消毒洗手液，所以要自備。

是日筆者的sis提議前往moko的360 吃下午茶, 也好, 很久沒有吃這家的意粉了. 週六下午四時多到達, 剛好有二人枱可入座, 真好! 店內地方非常光猛, 裝修雅致, 走著西日式的路線, 餐桌的距離也不會太擠迫, 坐得挺舒適呢! 點選了下午茶餐---酥皮湯+卡邦拿1.7mm意粉+熱奶茶(HK$64). 下午茶餐供應著酥皮湯, 加分! 試一口, 忌廉湯質感不錯, 不會過分厚實或水汪汪, 湯中還有一些菇粒增加口感, 味道尚算香濃. 雖然酥皮沒有千層效果, 牛油香也很一般, 但誠意搭夠. 卡邦拿1.7mm意粉, 意粉質感al dente, 白汁夠rich 夠香濃, 不會過分水汪汪或是太厚身, 加上火腿絲和煙肉片的鹹香, 很美味! 熱奶茶, 也很出色! 水温夠熱, 奶茶也夠香滑, 有驚喜! 侍應服務也算不錯, 應該會成為筆者的飯堂!

難得半日假期 緊係搵返間無咁煩囂嘅餐廳"hea"下但係喺旺角區選擇真係唔多之前行街發現呢度比較少人餐廳環境好舒服 （播住輕鬆日語歌曲）午餐唔算親民價 但份量十足 同餐牌一樣咁上枱very good食到咁上下有職員好親切咁埋嚟問個意粉啱唔啱食好難得有咁嘅服務女仔如果想食埋個格仔餅可以考慮叫佢地少意粉(*最後記得叫佢地上菜，佢地先會上個格仔餅…結果等左20分鐘都係未上到個格仔餅…*）

是日陪爸爸去新世紀睇star war，跟住見到有間有兒童玩樂區嘅餐廳，所以一家三口就去左開餐去到見到都幾多人食，不過等左一陣就有位~餐廳都幾光猛，服務細心，上菜都好快不過美中不足嘅係兒童玩樂區d玩具好多都比人玩到散晒，又無嘢比小朋友玩之前噴下手（我同爸爸講d人食完pizza唔知有無洗手就去摸d玩具架）眼見有小朋友將玩具手推車推同掟到用餐區，亦有人攞埋碗飯入去餵……所以我哋只係比寶貝食完入去玩左一陣就埋單走，但真心覺得太細嘅小朋友就唔好入去玩啦~