意粉 360 (Closed)

由於剛KO了盒爆谷今天食不多了先來個櫻花茶解膩一下上菜時服務員溫馨提示局一局味道更佳於是放了一下才開始飲濃濃的櫻香清新又怡人第二道是鐵版牛肉薄 滑 入味有紫洋蔥伴碟能清清味蕾同時讓牛牛味道更突出夏祭食品之一墨汁意大利粉墨魚味重配著蘿蔔苗反而在下覺得主食變配角了蘿蔔曲的青辣味減輕在墨汁襯托下變得額外清新麵身有點硬可是食食下其實感覺也不錯這個是蘇皮松露帆立貝濃湯一上枱香噴噴的奶油味陣陣撲鼻蘇皮吸滿濃湯後放進口裡簡直是最大的享受實不相瞞在下是見到它才決定食這家店的不過可能是因為我放到最後享用有點飽了濃味同時轉化為咸味這點是在下最怕的東西大致上很好服務員很有禮也細心效率快價錢便宜飽

中午飯一人一鍋石頭飯，真系有飯自石鍋來，不亦樂乎天氣凍，一鍋飯落肚，勁滿足，中午同朋友約定一起午餐，大家都鐘意意粉360的石頭飯，于是order了兩款，一人一鍋，冇衝突，又可共享，何樂不為1)芝士鍋牛油果海蝦蟹柳石鍋墨魚汁飯，個內容同個菜名一樣咁豐富，是選用了日本秋田小町米，新鮮食材，惹味醬汁，再用300度的高溫慢慢焗出來的，米飯可口香甜，鍋底有飯焦，吃起來好香脆，雙重的味覺享受。2）芝士焗北海道魷魚🦑海鮮熱石鍋墨魚汁飯（龍蝦汁）呢款都好好味，不過相比之下還是喜歡牛油果蟹柳

今日與好友去了意粉360，位於旺角新世紀廣場，食物一般，味道普普通通，沒有特別，與一般茶餐廳水準不相伯仲。其雞翼小食很好食，香脆可口，口感很美味。員工服務態度良好，很友善，員工會主動和客人互動，他們會與客人說說笑，與客人打成一遍，感覺很親切，讓客人有賓至如歸的感覺，讓客人滿懷歡樂。環境良好，坐得很舒服，裝飾很簡單，但很舒服，整體感覺很良好。人流不多，可以坐得很耐。這是與好友聊天的好地方，是假日的好去處，值得一試。

約左朋友係旺角新世紀食飯，未諗到食咩～行過意粉360見都幾多人等位，Menu又幾吸引，就決定試試佢！今次我哋兩個人 但叫左兩個意粉同一個Pizza午餐會跟埋一杯餐飲同沙律黎到意粉360，又點可以唔試下意粉？<黑椒海鮮意粉>其實份量都幾多，我哋兩個人Share食，每人都夾左兩次～ 黑椒味夠濃，輕微辣，好惹味！ 意粉煮得岩岩好，海鮮配料有蜆肉同蟹柳，如果可以再多少少海鮮就prefect!<燒汁雞肉意粉> 我唔係好記得個名相比黑椒意粉呢個冇咁惹味，比較偏甜少少。不過意粉質素都係，雞肉不過不失<扇貝日式脆Pizza>個名又係我亂作你哋數下 一片有一粒扇貝！呢個pizza一共有六粒～ 好抵食好鍾意呢個批底，夠哂薄身同香脆，而且唔油膩。 下次要再食呢個pizza 啊！

之前很喜歡到此店的, 因為他們設有一個小朋友遊樂區,有小朋友的都會深深明白, 如果帶著 2~4歲小朋友的, 家長基本上可以用"無啖好食"來形象,因為 2~4歲小朋友未完全能有自理能力, 基本上係餵佢一啖, 自己先食一啖既步速去食,有時更甚可以又倒瀉水, 又食到一枱都係, 所以更會出現 餵佢食晒, 自己先開始食 !小朋友遊樂區的好處係, 上菜時自己盡快食晒佢先(職工頭圍用饍) 然後叫佢返來慢慢處理前兩日又再去 MOKO, 但發現恆常供應的午餐 set lunch menu 不見了, 反而換上一個"秋之收穫祭" 2人前套餐於是我們 order 了一個, 帶子野箘忌廉湯 + 醬油慢燒丹麥豬肩肉盛 + 原隻吉品鮑魚烤雞熱石鍋飯 + KAGOME有汽梳打味道真係無咩特別, 只係將一堆平常食材, 寫到好似好勁咁樣, 令到成件事都好似 value added 咁樣但實際上, 只係滿足左虛榮心, 但沒想有"食好左"

難得約左朋友食飯，就揀左係旺角可以行下街，食下飯！行到累的話，旺角又有好多野食俾你選擇！今次同左朋友黎moko呢一間食意粉，環境都舒服，都埋店員服務都好好！仲有介紹左幾樣必食的！所以我們不用諗到頭都大埋叫左360～2mm脆趣薄餅：配料有煙肉，火煺，蛋，蟹子！好薄好脆，仲好香芝士味，口感豐富雙色芝士焗蟹柳忌廉意大利粉真係好好味，配料十足，每一啖都好creamy！芝士份量剛剛好，又唔會太流！牛肉石鍋飯：相比黎講呢一個就一般般，味道有少許辣，同少許咸！還有蜜糖雞翼,好香脆，味道甜甜，比普通蜜糖雞翼多了份層次！層層窩夫塔配鮮果及雪糕：呢個是我最想食的，因為太鍾意食窩夫，仲要有咁多舊，同朋友一齊食就剛剛好仲有芒果，香蕉，士多啤梨加埋個雪糕！勁豐富啊，係好味既

自從O太太生左女之後忙著湊佢真係好難出黎見面， 今日難得夾到時間終於可以三劍俠行街食飯喇 行花園街行到攰攰地，想揾個地方闊落的餐廳坐下食晚餐，所以決定去左就近的MOKO mall揾食。本身想去outback steakhouse 但太多人有排等，見到spaghetti 360 地方幾大就入左去喇。見dinner course 包兩客忌廉蘑菇湯，一個main course，一個意粉，都要4百幾，所以決定散叫喇。好耐無飲過酥皮湯，叫左個酥皮黑松露帶子忌廉湯，帶子仔有一兩粒，酥皮忌廉湯呢個組合一定無得輸，略嫌黑松露味唔夠濃。O太太想食雞翼，叫左呢個咩蜜糖雞翼，嘩，好唔掂 ，$46得4隻，味道無特別，只能形容係雞翼一隻咁囉。O太太揀左呢個芝士焗蔬菜，有脆肉瓜，雜菇，紅蘿蔔，蕃茄仔，秋葵，味道無咩特別，就係芝士撈蔬菜咁。再來，牛油果帶子意大利粉，又有熊妹近期愛上的牛油果，當然好味，帶子都唔欺場，有5,6粒，牛油味炒得意粉幾香，唔錯。最後，叫左個飽肚啲的菠蘿烤雞pizza，有薄脆批同厚批揀，見薄脆批好似紙咁薄，所以揀左厚批，其實即正常pizza批底姐。唔知係咪知我地3個人，平均切左6塊，份量唔少架

記得我一次黎食午餐個陣，前菜有湯配麵包，主菜意大利粉好大碟，之後仲有窩夫做甜品，再配埋一湯熱飲加曲奇，真係飽到頂心口，一心以為晚餐貴少少，但可以試到咁多嘢都抵，點知事實原來唔係!係宏宏意粉中，今次選中牛油果帶子意粉。菜一上到黎，就覺得好油，點解碟竟粉識發光，心唸一陣會唔會肚痛，好彩無事。味道方面，無牛油果味，帶子正常，意粉方面係偏硬少少，份量對我黎講都可以接受，但問題黎喇，原來晚餐係咩都送，連餐5茶都要加錢，當然我無加，因為之前飲過佢既抹茶真係麻麻，所以我係呢到食去再去starbxxx買嘢飲，但4呢碟意粉埋單成9x,真心唔抵，因為係旺角黎個呢個會可以食得更加好，所以如果有機會再黎食，我只會食午餐!

話說同男朋友無聊去左旺角新世紀廣場行街，無意中發現這間餐廳。7點幾開始要排隊，排了幾張飛便可入座，等候時間都不算耐。意粉軟硬適中，醬汁酸酸地 ，幾好胃，而且鱈魚肉質很實，食落去啖啖肉。不愛吃意粉的我也覺得值得一試。另外叫了人氣之選。裡面主要是煙肉，火腿，蛋，蟹子。熱騰騰的重芝士配上這四大食材，很match，怪不得這麼多人叫。唯獨是pizza 外面那塊皮激硬，如果可以改進一下就好了。

想試試意粉360很久了，今天終於有機會。坐下一看，價錢不便宜呢。叫了一個飯一個pizza。豚肉仲滑過雞腿肉😍😍黑椒汁唔算多，撈埋味道剛好，唔會太重口味！可惜洋蔥仲係生生地，有d辣。呢個飯做得唔錯，幾好食，下次有機會會試試其他汁2mm薄批岩曬我，平時食pizza都覺得好飽好濟，但呢個pizza完全唔heavy，食落去似餅乾加芝士，好脆，我唔太鍾意個菠蘿係度，有d唔match，菠蘿適合同厚批一齊食多d一杯提子梳打一杯芒果梳打，味道好人工，唔太好飲。好在入面有很多新鮮水果，例如士多啤梨，菠蘿等等，飲得出有心機總括而言冇咩驚喜，可能意粉會有突破？？

食物賣相同質素尚可，但待應服務態度勁差，做得親子餐廳，得幾張BB凳去招呼成個場，要輪流排BB凳，又要限時，由入座計得90分鐘，到上菜都未等到張BB凳，大既抱住細，點食到飯🤦🏻‍♀️待應見我地黎齊嘢食，即刻遞張單黎要埋咗先，埋完即執枱兼放新餐具，我餐飲都未飲完，真係趕頭趕命，尤其係染金頭髮果位唔知係男定女待應，黑口黑面，對答又串串貢，態度勁差，好似我殺咗佢全家咁🙄不過，嘢食真係唔錯，下次再去會選擇去其他分店

萬里無雲天氣好同朋友去西貢出海玩番轉抓緊夏天的尾巴盡最大既努力同bye bye 肉拉遠距離玩完水大約1730 朋友話想出番市區食晚飯我地揀左出旺角食做完運動，消耗左勁多能量同時間個肚勁打鼓響警號🤦🏻‍♀️-去左新世紀廣場相對行得舒服d朋友提議食依間話之前食過價錢唔貴但都好食-等位大約20分鐘😖終於到我啦🤤打開menu 見到咩都想食-軟殼蟹沙律嘩... 蟹炸得香脆沙律菜都新鮮沙律醬唔會過多好食-蜆肉意粉都唔錯wor 幾惹味意粉又唔會偏咸，同埋唔會淋身好怕食「淋之之」既麵條🍝-鱈魚柳蕃茄意粉我比較喜歡依款既味道酸酸甜甜很開胃略嫌鱈魚不夠香口-最後當然要食埋甜品先滿足宇治抹茶紅豆窩夫依款有少少喜出望外紅豆不是用罐頭鮮紅豆去整，所以甜度可自行調較唔會偏甜綠茶雪糕配紅豆係好夾窩夫夠脆口正！🤤-說好的減肥永遠不能兌現😂

寶寶近日喜歡運動用品,帶我黎旺角Moko掃貨!!!買野嗰陣見到意粉360同平時意粉屋既裝修唔一樣,好似好Grand咁~就想入去坐吓食吓~店外面有個大餐牌,重點推介秋の収穫套餐,咁我地就試吓尼個套餐啦~我地選左個$288既套餐:1) 帶子野菌忌廉湯2客** 有細粒既鮮帶子嚮忌廉湯入面,但嗰幾粒帶子好腥2) 炸雞大阪燒**啲雞炸得好硬3) 醬油慢燒丹麥豬肩肉丼**幾厚肉,啖啖肉~但偏鹹又帶啲甜...4) 生薑燒汁菌海蜆1.7mm意大利粉**個意粉係甜既,都食得到有薑味,海蜆好細隻又乾...5) 配:炭燒咖啡/ 茶 / 汽水/ Kagome有汽梳打 (芒果/ 提子)/另加$9配 沖繩黑糖紫薯牛奶我地叫左熱沖繩黑糖紫薯牛奶同熱炭燒咖啡,杯咖啡聞嗰陣有炭燒香味,飲落有陣wine味,好奇怪~所以我無飲哂...

一開始揀呢間係因為唸住係商場有冷氣，而且又想坐很舒服，見呢間又唔多人環境唔錯，所以就揀左呢間。如果以lunch menu黎講都算多選擇，本人就揀左牛肉片石頭鍋飯再加飯12蚊要左杯熱紅豆抹茶。牛肉飯方面配上我最愛燒汁，如果燒汁可以多d就好喇，不過好彩牛肉都唔少，所以配飯都好好食而且份量都唔少，好努力食都有d剩。至於抹茶方面，入面竟然有3粒小丸子，其實就係湯圓，配合甜甜紅豆一齊食唔錯媽媽方面就叫左磨菇意粉，而佢呢個餐係有餐湯，飲品同甜品跟，真係幾抵!!!餐湯係磨菇湯，正常味道，而餐湯仲醪有麵包，以為係法式硬硬個種你就錯喇，佢係配香草麵包，而且係熱辣辣，軟綿綿，好鍾意意粉方面，份量係超多，比起一般西餐廳，真係double都有!而且雖然份量多，味道又唔係差鍋，媽媽都話唔錯食，而且超飽!仲未完，熱咖啡仲有朱古力曲奇跟!最後甜品方面係窩夫配朱古力醬，送上黎係出煙熱辣辣，所以味道幾好，但可能個時我同媽媽已經超飽，如果唔係味道上可以會感覺上更好，你知喇人一飽，味覺會退化…對我跟媽媽黎講，環境又唔錯，食物份量又多，真係可以encore!係有一樣個人覺得要小心既係餐飲價，本人由於飲特飲，所以加12蚊叫，點

朋友們生日飯局，生日大哂，就由佢決定食邊間。😆.去到朋友太肚餓，已經叫定野食！有時唔知食咩都幾驚喜😏.一坐底，就見到呢個好靚既拼盤，入面有軟殼蟹，豬仔骨，炸雞，薯條同烤波羅沙律。軟殼蟹好食👍🏻，薯條，炸雞同沙律都普通，但豬仔骨真係好難食，無乜肉都算，啲肉仲要梅梅地！..我發覺呢間餐廳啲菜名，個個都水蛇春咁長😅.明太子醬北海道魷魚海鮮意大利面:海鮮配料都幾多，個明太子醬見到有一粒粒，味道唔算好濃！..味噌西京燒帆立貝蟹柳脆趣薄餅:味噌唔多覺，但又唔覺得怪/唔夾，薄餅又脆又薄，幾好食！..芝士焗牛油果海蝦蟹棒熱石鍋墨魚汁飯:每樣野都ok,墨魚汁飯都唔會食到成口全牙都黑哂，但我真係唔太接受到生果熱食，本來都唔係特別食生油果，熱左仲難食左😣，我真係接受唔到！..最後黎到甜品，層層窩夫塔雪糕: 窩夫焗得岩好，外少脆內軟，芒果同香舊都正常，串菠蘿無味，唔酸唔甜，係無味！士多啤梨原粒上，連塊葉都係度，似乎無洗過🤔..環境好適合同朋友坐係度慢慢食同傾計！有意粉屋會員卡，所以有10%off!