意粉工房 (Closed)

好耐冇食過咁正嘅雞扒同埋意粉! 今晚要喺南山邨搵嘢食, 經過呢間小店, 喺粉麵檔格離, 唔想食雲吞麵又見有冷氣就入呢間試下…一試…有水準喎!!! 塊雞扒應該係即叫即焗, 要等15分鐘左右, 出到嚟塊雞皮超脆, 啲肉又做到又嫩又多汁, 點做到㗎? 啲意粉又彈牙, 係平時啲貴價西餐廳先有嘅質感, 勁鍾意!! 今時今日隨便一個劣食快餐都賣5,60蚊唔包嘢飲, 仲要勁難食, 個意粉52蚊性價比真係超高! 我諗我會為咗佢再番嚟食! 得一個人, 試唔到其他款, 下次再試…

南山邨除左有品香樓，其實係隔離既意粉工房都唔錯。本身係叫糖室，專做甜品，依加轉左手(定轉左型😂)主打平民意粉，甜品就聽聞係夜晚9點後會有(好似係🙈)。先講下麻辣鴨胸意粉($48)，麵身唔會太冧，因為唔想食太辣所以叫左小小辣，鴨胸煎得好香，呢款意粉都幾惹味。份量以我晚餐咁細食黎講，都算ok。飲品跟餐半價，或者加10蚊乳酪雪糕筒又得。另外我又試左個香蒜欖油哈哈哈意粉($50)，係用蝦、蝦乾、櫻花蝦煮成，口感層次分明，蝦肉夠爽滑，蝦乾有咬口，加埋啲香蒜，配搭中式得黎又唔突兀。總括而言，呢間餐廳既意粉走既係有小小偏住家意粉既風格，意粉黎講價錢親民，值得一試。

呢度食質素唔係食環境，出面食一碟意大利粉，呢度可以食兩至三碟，價錢我無準確記低，大約係$48/$52一碟意粉卡邦尼意粉比起其他名牌cafe好，廚師唔係用忌廉做汁，而係用左蛋汁，簡直係臥虎藏龍，呢種聽聞係意大利正宗做法，心機手工不在話下，食起來爽滑不油膩，肉又多又厚好好味，大排檔都有外國嘅口味，抵到爛。呢個焗雞扒意粉係招牌菜，即叫即焗，預返15分鐘，皮脆脆肉嫩滑，仲有香草添。由於呢間店已成為我飯堂，放左工都有平靚正既野食真係好難得，成日特登叫老闆做個合併，黑松露雞扒意粉，都只係80蚊有找，出面食個松露都要$130啦。意粉亦夠大份，都有好多男人捧場客。食左咁多餐，墨汁意粉我都試過，有蝦，蜆，八爪魚仔，仲有芝士粉，正！佢仲有個辣汁鴨胸意粉，無影到相，我都叫過唻食，無得輸！又夠飽肚甜品底有少少好似朱古力漿咁，仲有咖啡味同幾種味。越來越多city學生識得唻食，仲成班人唻，好在室內都仲有好多位

冬菇亭下的意粉工房🍝 性價比高！！必食脆皮雞排！！之前係甜品店，早排轉左手做意粉。即管試下有咩特別先.即焗脆皮雞排意粉 $52：即焗係等得耐啲... 不過有驚喜！！雞排皮脆內juicy👍🏻 又大大塊👍🏻 抵食呀！！！係意粉油左少少🙊 如果乾身番啲就perfect喇～墨汁墨魚腸意粉 $48：墨魚腸好味喎！有5,6塊，如果多啲就好喇🤣 墨汁意粉就略嫌淡同硬左少少～ 不過因為墨魚腸濃味，都鄧得番匀～後記：服務態度很好～ 會介紹有咩招牌菜 見有啲簡單甜品，有機會下次試埋先！

南山村係我的小時回憶有十多年前的學生生涯都係度經過以前南山村基本係我的飯堂因為平靚正☺️☺️就算現在出左黎做野都仍然好懷念呢度今日我地食飯就去左南山村意粉工房開左冇耐上手係一間甜品店再上手係一間茶記當年$15-$18一個午餐如果想食炒飯或其他就加$2-$3就有交易今日黎到人流吾係好多不過仲好 可以慢慢坐慢慢傾我叫左一個青芥末海鮮意粉 同埋凍菜蜜外表平凡 但味道好好青芥末味剛好 不會太濃海鮮係普通雪藏海鮮但吾會有好大雪味最重要果部份-意粉意粉軟硬度剛好 亦吾係用廢廢的意粉有d 意粉 食到成口粉 又吾好食但呢碟意粉性價比好高👍🏻👍🏻👍🏻👍🏻👍🏻除左意粉仲有其他飯同小食

喺呢頭返開工，見到轉左新嘢食，就試吓新屎坑啦！裝修都係行工業風（即係水泥墻），感覺唔錯，可能係晏晝啦，款式唔算多，但可以揀意粉或飯我哋叫左香辣海苔醬墨魚腸意粉瑞士雞翼飯脆皮雞扒意粉肉醬意粉加牛丸上到嚟都幾大碟，意粉唔會太林，味道亦都唔會太咸，整體來講唔錯，最推介嘅係脆皮雞扒，個雞扒好大塊，層皮好脆，好似食緊乳豬咁，不過嘢飲個杯，好似同成個餐廳都唔係好襯，用茶記啲塑膠杯，如果可以改用玻璃杯啊，或者係透明嘅塑膠杯會好好多囉。

第一次去食，唔知食乜嘢好店員介紹了一個👍🏼脆皮雞扒意粉🤗雞扒不油不咋，味道香口，脆皮，食到最後嗰啖都仲係熱，意粉也軟硬適中，再食埋佢個焦糖法式燉蛋😋開起這個隱世地方石硤尾做太曬了，我已經是了好多次的水準也仍然keep住👍🏼👍🏼值得一去試吓☺️

因為要來找朋友，這天首次踏足南山邨，感覺好有香港情懷拍了好多照片，好開心晚上去到熟食亭覓食，本以為都是「佬味」餐廳為主，但朋友介紹了一間在南山邨開業不久的西餐廳，於是就去試試！聽老闆說燈牌是自家創作的，只能讚賞一下創作者真的很有才華好可愛的門面。學生餐超抵，附近的學生哥有福了別以為西餐就是貴，其實抵食得很，很「街坊」價即焗脆皮雞扒真的是即焗餐廳招牌菜之一，熱辣辣出爐！皮脆肉厚一切就知肉汁滿滿，雞肉好嫩滑，大大份，十分抵食！老闆娘介紹說，這是她反覆嘗試的菜式誰又能想像中式麻辣與西式意粉其實也可以好合拍呢意粉口感煮得剛好，麻辣調味非常入味，滿口香辣經麻辣調味的鴨胸意外地惹味份量好豐富！蜆肉滿滿，充滿蒜香來點餐後甜品，一不小心就叫了數款這個朱古力mousse滑滑的焦糖燉蛋面層燒得脆脆，燉蛋入口口感實在。一小樽，很可愛乳酪雪糕真的好大份用了澳洲yogurt，真材實料，還有Oreo等等的配料，超豐富吃得捧著肚子走，超滿足老闆亦超nice的有heart的餐廳

公道點說我係呢到食過3次野一次意粉一次甜品一次小食先講意粉 平既高質 要食一定食香脆雞排意粉我好肯定嘅整呢個意粉應該好花心機 因真係好脆好食之後食甜品!!種類都開始多...價錢都不貴不過意想唔到食左份魚蛋真係好彈牙 加呢度先有嘅香味辣椒油✌🏿又幾好味wor

物超所值，係有d野。南山邨咁多年都無好食嘅甜品店，呢間新轉手嘅意粉工房夜晚9點左右就有甜品食，次次經過都好想試，但都無入去。今晚終於同朋友坐低食，都等左一陣唔係即叫即有，似乎係即叫即整，好在個窩夫真係即刻整好咁咁脆咁新鮮，雪糕係用乳酪，點計食晒都無咁肥，朋友叫左芒椰奶西涼粉，個名長到呢，出面好少有，佢一次過滿足晒幾個願望。我哋仲share左個湯丸食。三樣野埋單$105，唔坐低就唔覺抵，食落埋單就好抵，下次早d唻試埋意粉，好似都係即刻整

糖室在12月已經轉左新人，改左名做意粉工房，同以前唔同左，一入去乾淨左好多，做不同類形甜品，乳酪雪糕、焦糖燉蛋、白咖啡mousse，驚喜的用心制作，服務員的態度非常好，會主動介紹，佢哋話日間會做意粉，之前在九龍灣做樓上店，出名食意粉，即焗脆皮雞排，講明要等15分鐘，因為係生焗，麻辣鴨胸亦係外面無（未聽過），當日晚上約8:00，叫左一塊試，非常驚訝！😮冬菇亭有呢D質素嘅食物，皮非常脆，肉有汁。好味👍👍👍，之後試佢個白咖啡mousse 很濃咖啡味，也藉得一試，朋友叫左個桃膠（紅棗、蓮子、元肉、桃膠）味道很清甜，補下D骨膠圓。繼續努力呀！小店難做。