Video
Exit B6, Ngau Tau Kok MTR Station
continue reading
Introduction
This store is helmed by an experienced chef that specializes in Sichuan cuisine. The chicken pot and stir-fry dishes in Sichuan flavour that are cooked with homemade mala sauce, which is good to pair with beer and share with friends.
continue reading
Opening Hours
Mon - Sun
12:00 - 21:30
Public Holiday
12:00 - 22:00
Public Holiday Eve
12:00 - 22:00
Above information is for reference only. Please check details with the restaurant.
今日lunch同同事叫咗川霸王外賣返公司食。佢哋湯底有好多選擇，有蕃茄濃湯、重慶酸菜金湯、青花椒酸菜湯、檸檬酸菜湯。我揀咗雞肉青花椒酸菜湯紅薯粉，配菜就揀咗娃娃菜同蒿筍。湯底有滿滿嘅酸菜同唔少嘅辣椒、花椒，蔥等，飲落又酸又辣又麻，層次豐富，絕對刺激上嘅味蕾，好過癮。紅薯粉有咬口，不過個人覺得有少少硬，最好可以軟淋返啲。雞肉都幾嫩滑，不過份量唔多，配菜好新鮮，特別鍾意蒿筍，十分爽脆！個人好欣賞個湯底，辣得有層次，又唔會蓋過酸菜嘅酸，正！下次再試吓其他湯底。
continue reading
好耐冇嚟官塘啦 咁啱要嚟呢頭做嘢 順便懷緬下過去 之前工作嘅地方 而家已經改建咗好靚嘅商業大廈 去返後面街嘅鴻圖中心 仍然有個food court 喺度 兩個女仔想食小小嘢 就揀咗呢間川霸王 我哋叫咗兩個薯粉加兩個飲品 埋單都唔洗$150 真係好抵食肥牛蕃茄濃湯配蒿荀同金菇菜 濃濃嘅蕃茄湯好入味 肥牛一啲都唔鞋 啲蔬菜仲好新鮮另一個麻辣濃湯配腩肉娃娃菜同薯仔又係另一種風味 濃湯夠麻 不過下次我會加辣 值得一讚嘅係個腩肉 夠多之餘仲醃得好入味 我幾乎都食唔晒 呢度雖然都係一般嘅food court 嘅環境 但都係良心小店 價錢又夠大衆化 去開官塘嘅朋友可以嚟試吓
continue reading
原來鴻圖中心有好多小店，感覺有點似美食廣場，選擇都幾多，價錢又唔貴，今次就試咗我好鍾意嘅川菜~川霸王🌶️ 檸檬酸菜湯底都有幾多檸檬，酸酸辣辣咁樣幾開胃，腩肉份量一啲都唔吝嗇👍🏻 生魚片好滑，無骨，食落好方便🐟新鮮蕃茄湯底夠清甜，清清地，絕對係健康之選🍅天氣熱辣辣飲番支玫瑰茉莉同四季春可以好好消暑，感覺清新舒服，最值得讚嘅就係支裝好方便，飲唔晒又可以拎走，唔使浪費▪️一人份系列 $80▫️蒿荀▫️娃娃菜▫️蕃茄濃湯▫️生魚片 ▫️彈牙米線▫️玫瑰茉莉 $8▪️一人份系列 $70▫️娃娃菜▫️豆ト▫️檸檬酸菜湯▫️腩肉▫️彈牙米線▫️四季春 $8
continue reading
呢間位於觀塘工業區，近港鐵站既food court, 有唔同風格既美食小店，尤其鐘意四川風味，店舖雖少，但裝飾好有中國風，週圍都掛上 京劇面譜燈籠。餐牌選擇頗多，自己點餐，然後拎食物到 food court 梳化位食。晚餐時段都唔會好多人，可以好舒服坐喺度邊食邊傾。我哋叫佐 兩個1人份系列麵餐。主食， 配菜，湯底，粉麵飯，飲品 都係可以依自己喜愛自由配搭，食材新鮮， 冇味精，食得健康，正👍~~~~~~~~~~~~~~~~~~~~~~~~~~~~~~💫 1人份系列 （檸檬酸菜湯+娃娃菜 / 蓮藕 / 雞肉 +紅薯粉+凍檸樂）酸菜菜加新鮮檸檬 調味，味道幾清新。💫 1人份系列 （蕃茄濃湯+龍利柳/ 豆卜/ 金針菇+紅薯粉+王老吉）好濃蕃茄味，好味到連湯都飲埋😋
continue reading
《CP值高川菜🔥》———————————————-#川霸王 🌶️ -早排等朋友收工就同佢喺附近嘅觀塘工廈平民Food Court食晚飯，估唔到有間川式小店質素都唔錯，經濟實惠，CP值高💰-🤷🏻♂️ ー人粉系列湯底選擇都幾多，例如麻辣蕃茄湯、重慶酸菜金湯、檸檬酸菜湯、蕃茄濃湯同麻辣濃湯等等🤭 我哋揀咗生魚片青花椒酸菜湯配紅薯粉，魚肉厚薄適中，肉質都算嫩滑，足料飽肚😌-🧨 麻辣香鍋香鍋份量都幾大，相當抵食😋基本配料已經有蓮藕、椰菜花、娃娃菜同萵筍，我哋再追加升級咗配料，可以選擇龍脷柳/ 美國肥牛/ 鴨血/ 振興牛丸等等，我哋就揀咗腩肉，炒得好香，略帶微辣，撈飯一流🌶️ -⭐價錢參考：ー人粉系列：$83凍樽仔奶茶：$11麻辣香鍋：$86凍檸雪碧：$10 🍌抵deal 指數：7/10
continue reading