香辣鮮

Open Now

Now Closed

————香辣鮮————長沙灣青山道456號地舖位於深水埗呢間香辣鮮 單單睇門面已經好耀眼 好光🤣招牌米線、特式小菜 精美小食、全日套餐雞煲 烤魚 川菜 一人套餐 麻辣小龍蝦 乾鍋 甚至飲啤酒 青島🍻生啤 裏面都幾有特色 木系 綠色元素 有花心思佈置$168 香辣雞煲 蔬菜 洋蔥🧅 紅椒 🌶️西芹 涼瓜蘿蔔 精華所在香辣醬汁配料 用中火慢慢煮 建議上台之後煮5分鐘後再享用 更入味 更惹味 秘製香辣醬汁更容易索晒入去雞肉裏面 另外點咗份小食炸豬扒 好好咬口 厚肉夠滋味

小店乾淨企理店員有笑容有禮貌又有耐性🥰枱上有幾款調味料比客人取用不過美食本身已經好正好夠味完全唔洗再點調味料🤤***🥢鹹酸菜胡椒豬肚雞 $198/半隻連電磁爐上一路食到尾都熱辣辣😍湯底超級正 酸味適中而且唔會好鹹令人忍唔住一碗接一碗咁飲🤤主料有豬肚同雞配料有酸菜，西芹，洋蔥，蒜頭等一路煲到啲配料好香酸菜味超級正🥳***🥢黃金皮蛋(小辣) $30黃金皮蛋可以揀辣度我地揀左小辣唔食得辣嘅我食到標眼淚但係辣味好香口唔係嗆嗰種係一款好味小食👍🏻

假日的節奏就係唔想買唔想煮唔想洗碗，所以去咗屋企附近解決食呢個問題啦！哈哈！因為唔係話好肚餓嘅關係，但又唔想成日食茶餐廳，最終就去咗食雞煲啦！我同妹妹兩個人就點咗半隻鹹酸菜胡椒豬肚雞煲同一份招牌炸豬扒！ 😝😝😝《鹹酸菜胡椒豬肚雞煲》🌟未開始食雞煲前，先淺嘗一下佢個胡椒豬肚湯底，飲落個胡椒味幾濃郁，而且帶雞嘅鮮味，不錯！另外雞件都好滑，件數都唔少的！仲加入大量嘅鹹酸菜，難怪成煲滿滿的，堅足料呀！👍🏻👍🏻👍🏻《招牌炸豬扒》🌟果然係招牌炸豬扒，肉質唔太肥亦唔鞋身，食落香口又唔太油膩，食晒都唔會太有邪惡感的！Hahahaha…😆😆😆雖然簡單兩樣食物，但可能全部都係肉嘅關係，已經將我哋餵到飽飽了，埋單都只係二百零蚊，真係好抵食呀！個次嚟到因為烤魚賣晒，未有機會試到，下次再嚟一定要試烤魚…😍😍😍

先講下奇辣雞煲，雞煲嘅辣度可以自己選擇，我哋揀咗小辣，而煲入邊除咗有半隻雞之外，亦都會有洋蔥青瓜，洋蔥嘅味道，完全吸收咗湯嘅辣汁，淋淋地，加埋青瓜一齊食，完全可以增加雞煲嘅層次。爆多蒜泥白肉，我哋覺得比起小辣嘅雞煲更加辣，但係同時亦都非常之入味嘅蒜泥，白肉軟淋淋非常juicy非常好食。烤魚有炸過，有啲香口，勁多酸菜木耳等配菜，仲有豆卜，一口一口慢慢品嘗，逐啲薯粉自己隨時隨意加入煮，唔夠可以再加湯。最後就係兩杯大大杯檸底汽水啦，個杯好夠大😂多多冰粒，一邊一邊食辣，無！得！頂！呀！份量就應該同一罐汽水差唔多😉呢度收十點食飽飽大滿足，一出門口對面就有返觀塘小巴，今晚真係吃得盡興👍🏻👍🏻

間唔中做野辛苦都會想食烤魚🐟呢幾年越開越多雞煲烤魚店唔洗特登翻大陸都有得食今次去長沙灣探朋友 順便試吓呢間小店雖然面積細 都算乾淨企理仲有植物裝飾點綴下 有D小清新嘅感覺☘️🐟招牌烤魚 $268 對於食唔到辣嘅我地 竟然清湯揀食落都幾舒服 仲無咁油膩添😳店魚話呢條係巴沙魚 肉質好鮮嫩而魚底下仲已經包左大量配菜🌟有雲耳、薯仔、豬皮、豆卜、芽菜、金菇等等唔會好似平時得一兩款配菜咁單調另外加配菜先$30 超佛心我地加左薯粉 索湯一流🥒拍拍拍黃瓜 $25爽脆青瓜加埋辣汁 口感豐富🐖招牌炸豬扒 $35豬扒入味 微温但如果厚身少少就好

係長沙灣想食烤魚？第一個諗起至抵食嘅就係呢間——香辣鮮😝同朋友點佐佢地嘅招牌烤魚套餐💰268大大條海鱸魚，份量夠足，煎到好香口，啲魚肉鮮嫩少骨。👍湯底可以揀清湯/香辣/酸辣，辣度仲分大中小，照顧到唔同口味嘅人。點佐香辣小辣，辣味又唔會蓋過魚嘅鮮味，食完唔會話要狂飲水。同埋條烤魚會配埋薯仔🥔、木耳、豬皮、金針菇、豆卜等等送菜。如果唔夠仲可以加自選配菜，成22種配菜任你揀，款款加💰30蚊。我地揀左枝竹，係炸枝竹啊😍臨尾倒入湯底度嗦曬啲汁，正啊～

今晚好想食雞煲，所以特登揾下有邊間好。上網見到好多人介紹呢間，所以去試下。餐廳雖然係四川，但係都可以揀唔辣。雞煲都有好多選擇。例如：胡椒豬肚雞煲、清潤椰子雞、香辣雞煲，奇味雞煲。我就想清清地，所以揀咗清潤椰子雞。一大煲清甜的椰子水，加入了新鮮椰子肉、馬蹄和杞子，感覺好養生滋潤。雞用酒、薑調味，好香，好有主家飯嘅感覺。水滾後就把半隻雞件放進湯裡，煮一會兒就熟了。雞肉吸收了椰子的甜味吃下去更加鮮味，雞肉仲係好嫩滑，好入味，一啲都唔韌👍。我哋另外叫咗娃娃菜，加埋落個雞煲到，娃娃吸晒雞煲湯，簡直一流😋旁邊有青檸、指天椒和沙薑豉油，雞肉蘸上後更加鮮味，大滿足😍

今晚約左家姐同姐夫食飯，佢地一個想食雞煲，一個想食酸菜魚，剛好我知道香辣鮮兩樣都有✌🏻除左兩個主菜，我地仲叫左個小食蒜泥白肉，餐廳落左頸多蒜泥，基本上白肉被蒜泥浸住，勁入味🤤然後好大盆既酸菜魚首先上場，勁多配料，豆腐卜頸入味，豬皮夠爽，洋蔥好甜，條魚炸過，特別香脆。我另外叫左薯粉浸入去，薯粉索滿湯汁，又彈牙又好多味。食食下家姐想食既雞煲都上場，辛辣既香味滿溢，甜甜辣辣既味道非常惹味。辣辣地，我叫左杯咸檸七，超抵飲超大柸🤣個餐牌仲有好多嘢食，下次要試下。

長沙灣有間《香辣鮮》，從對面馬路已經望到色彩繽紛的門面，十分搶眼！我同朋友都係無辣不歡，於是決定入去試吓！環境舒適，座位唔會太迫，見到有雞煲，但又想食胡椒豬肚喎，最終都係揀咗《鹹酸菜胡椒豬肚》加半隻雞，套餐仲可以揀多一樣小食，想試《秘製泡椒魚皮》，唔係度度食得到，都應該唔錯！先上了小食，泡椒生魚皮爽口入味，加入好耐冇食嘅蠔油豆，開胃又好味😋鹹菜豬肚湯底一流，唔怪之得招牌菜之一！加入香蔥蒜頭、洋蔥、馬蹄、秘製香料，酸菜湯底夠晒入味，胡椒辣味唔會太嗆，加多半隻雞，兩個人食分量剛剛好。飲品叫了《大大杯系列》凍檸樂和凍檸蜜，一上枱就嚇一跳，果然夠晒大大杯！對住火爐飲凍嘢，大大杯先夠爽呀！店內仲有其他推介美食，下次可以試吓香辣雞煲同埋烤魚！👍

好耐無食烤魚，見呢間評價都唔錯，決定同朋友試下。呢間係小店，但以烤魚及雞煲為主，我地見餐牌都好多選擇，奇味雞煲，香辣雞煲等，仲有幾款烤魚，小食同冷盤都有，望到隔離食烤魚，賣相唔錯！因為兩個人食只係叫左一款烤魚及薯粉，仲想叫多幾樣小食，店員提醒怕我地兩人食唔晒，唔夠再叫，好窩心，好有待客之道的水準。烤魚上枱，真係一點都唔細，配料勁多，酸菜、薯仔片，鮮菇等，我地揀左酸菜江團魚，魚肉好鮮味嫩滑。魚皮炸過，好香脆，唔油膩，口感十足。魚肉及配料都吸晒湯汁，好濃郁，越食越惹味。食到最後，薯粉滿滿的湯汁，滑溜又彈牙，配上兩支凍飲，真係一流！食到好滿足，價錢仲要好親民！諗唔到長沙灣都有咁高質的隱世小店，值得再試。

去長沙灣探訪朋友，朋友帶路，介紹左呢間小店一齊食晚飯。朋友拍板，點了一個胡椒豬肚雞煲和一款小食爆辣蒜泥白肉。鹹酸菜胡椒豬肚雞煲整整用足半隻雞去製作，沒有偷工減料，連雞頭都有半個畀我睇到；湯底明顯是用很多時間餚製，湯頭濃郁，重胡椒味，但飲落帶有一絲清甜，而且沒有放味精，用膳後沒有想喝水的感覺；豬肚和雞件很入味，豬肚切成細條形狀，清洗得很乾淨，食落爽口又有口感，雞件啖啖肉，兩個人食一個煲剛剛好。爆辣蒜泥白肉呢款小食值得推介，蒜泥切得很細，混入特調辣椒，口感細膩，白肉切得很薄，蒜泥很容易混入其中，味蕾有爆炸的感覺，十分過癮。店主還每一枱附送一小碟燒魚干，烤到脆卜卜，表面鋪滿孜然粉，味道很不錯。

呢間喺長沙灣同荔枝角中間既食店，喺元洲街邊，香辣鮮， 食辣野為主， 有雞煲， 魚， 煲， 串燒， 小食 , 乜都有 , 見到魚煲同雞煲好吸引 就點左雞煲半隻， 揀左香辣， 小辣 估計好惹味 就點左少辣， 雞煲一上枱都好香，。用名火煮住 , 夠哂熱辣辣 雞煲湯既紅油幾香 , 洋葱 紅青椒 香辣味濃 雞肉切得細粒黎唔會骨好碎 甘食落幾香口 雞肉好入味 香辣汁好惹味 要黎撈白飯好正 而且雞肉帶 d肥膏食落除左入味既辣外仲帶 d油香 ! 十分唔錯 此外 仲有小食蒜泥白肉 蒜味香濃， 醬汁好夠蒜香味 白肉長身肥美正

出左消費券，又有錢周圍去食野！今晚係荔枝角公司附近既香新鮮！好耐無食酸菜魚，都好多人點，我地都點左一套試下！酸菜魚套餐 ＄268揀左海鱸魚，海鱸魚煎至到金黃色非常香脆，而且魚肉夠哂白，食落幾香口，外脆內軟，而且唔多骨，可以大大啖放心食雖然撚左小辣，但愈食愈辣好過癮！鍋底本身有大量配料，洋蔥、大葱、乾蔥、蒜頭、薯仔、雲耳、豬皮、豆卜、芽菜、金菇。最正係豆卜同金菇，完全吸哂湯底既鮮味，正！其中點左麻辣黃金皮蛋小食，甘香又惹味！打卡送雞中翼小食！

香辣鮮👍🏻👍🏻👍🏻👍🏻假日去左長沙灣食左香辣鮮，一間以辣雞煲，同酸菜魚為主既食店🙂貪近近地，又見幾多人，於是黎試下😚香辣雞煲😁呢排成日想食下辣野，於是就點左香辣雞煲，比左少少驚喜我，佢酸酸辣辣，唔會話太辣，但又幾好食，好開胃🙂仲可以揀一款滋味小食☺️，於是揀左黃金皮蛋，都係辣辣地得黎，幾易入口，味道唔錯🙂呢個晚餐食得特別飽足！真係唔錯！下次要再點多d 小食，因為佢其實價格都唔貴😚

長沙灣必食抵食烤魚！勁大杯飲品≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣招牌烤魚 $268 + 各款配菜 每款$30揀左香辣小辣，配菜額外叫左金針菇烤魚本身嘅配菜都好豐富，包括豆卜、木耳、金菇、薯仔、洋蔥等等。另外，還可以額外點選配菜，我地今次叫左金針菇。烤魚本身非常大條，3個人都夠食，而且配有原粒蒜頭、香蔥等等配料，湯汁帶小小川香辣，小辣又幾惹味又唔會太辣。一路煲住個湯底，烤魚愈食愈香。條魚嘅外皮口感香脆，魚肉厚身，啖啖肉，非常鮮味。此外，配菜嘅薯仔同豆卜可以吸收埋辣湯汁，又香又辣。白飯 $10x2淨係食餸咁dry我地再另外叫左兩碗白飯，10蚊一碗分量好多，兩個人share一個飯應該都夠食！大大杯凍利賓納 + 大大杯凍檸蜜 $30x2最後叫左一杯凍利賓納同一杯凍檸蜜，真係好大杯，起碼係平時嘅2-3倍，兩個人share一杯都夠飲🤣≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣餐廳座位間隔都幾舒服，唔會好逼，隔離仲有個間開左嘅位置，上面有加少少樹葉藤蔓，加上木製傢私，成個空間就覺得清新左好多！≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣