SPOON

Open Now

Now Closed

炮台山有間西餐廳，全日免收加一，主打多款西式料理，意粉飯、肉類、仲有前菜、小食同甜品。估唔到晚上到訪都幾多人幫襯，店內環境唔大但座位之間有適當距離，適合聚餐。私心推介蜜糖芥末燒黃油雞，半隻份量，外層呈現金黃色，皮夠薄身，肉質夠嫩且多汁，咬落啖啖肉好滿足。旁邊附上鮮甜燒菠蘿同少量雜菜沙律可減低油膩感。唔夠飽嘅可以轉意粉。煙肉芝士牛肉漢堡同樣出色，包比想像中大個，麵包鬆軟，牛肉厚身且軟嫩，配上鹹香煙肉、芝士、生菜同番茄，層次分明。旁邊有少量薯條，炸至酥脆可口，已調味過，邪惡又好味。明太子扁意粉軟硬度適中，醬汁夠多足以撈麵，不過記得要快啲食唔係嘅話會變硬。而紅酒牛頰肉意式燴飯比起出面嘅煮得更加軟身，好似食緊BB糊仔咁，感覺唔係好正宗但係神奇地好食。估唔到呢度都有幾多甜品，要咗兩個蛋糕試試，開心果千層蛋糕帶微微香氣，唔係好覺得有千層嘅效果，但係勝在唔甜感覺冇咁肥仔。相比之下會鍾意巴斯克芝士蛋糕，質感幼滑性價比高。

今日約咗朋友聚會, 朋友 話帶我哋去北角食好嘢， 雖然比較少去嗰邊食嘢，不過呢間西餐廳都幾方便， 砲台山地鐵站行過去都係五分鐘路程， 餐廳牆上掛滿好多唔同嘅spoon 好有特色， 晚餐好多款選擇 價錢仲好親密添， 餐廳服務員好nice滿滿嘅笑容，令我嘅晚餐食得好舒服好開心 😂。每個晚餐 都會跟餐湯 + 蒜蓉包 +飲品， 我哋叫咗幾個餐， 而我自己就叫咗 醬燒美國bb豬肋骨 配雜菜沙律薯條， bb豬肋骨肉質軟腍，表面鋪滿特製嘅燒烤醬汁， 好入味又唔會太鹹 ，味道調教得恰到好處👍飯後我哋仲叫咗幾個牛角窩夫， 而我選擇咗木糠布甸牛角窩夫，即叫即制，牛角酥酥脆内裏煙韌， 表面鋪滿木糠布甸 cream同煉奶好邪惡但係好好味 甜而不油膩😂朋友真係冇介紹錯呢間餐廳性價比高，由餐廳嘅服務至食物嘅品質擺盤都做得好好 ，大推👍👍👍

每逢星期三太難過嘅時候就會約人食個晚飯，感覺呢個星期會過快啲🥹今晚去咗位於天后蜆殼街嘅SPOON，一入門口就見到佢場邊掛門一套套匙羹🥄好配合餐廳嘅名🤣⭐️燒西冷牛扒配扁意粉🥩 $128意粉唔算得上厚身，彈性在彈牙同埋蒜味重，八安士牛扒好有厚度，而且調味適當，都有好濃郁嘅牛肉味😋⭐️醬燒味BB豬肋骨配雜菜沙律及薯條 $158薯條份量好多，脆得嚟，又有口感🍟豬肋骨好厚而且好入味，但肉質又意外地腍，非常滑嫩👍🏻晚餐加$20可以升級，配餐湯（我哋今晚係南瓜湯）、蒜蓉包、茶或咖啡（轉特飲半價）南瓜味超級濃郁，好好味🎃值得一提嘅係，呢間餐廳係免+1架！

今日去咗北角嗰邊覓食，發現有一間隱世Cafe Spoon🥄價錢唔算貴，性價比都幾高。燒雞胸欖菜芝士醬意式燴飯$76燒雞胸已經切好咗一件件，食起上嚟非常方便。雞胸唔會太嚡，尚算嫩滑。意式燴飯都做到飯中間微硬嘅質感👍🏻朱古力咖啡點子 跟餐加$14飲品底部有咖啡味啫喱，增加飲品口感層次。飲品唔會太甜，都幾好飲👍🏻咖啡味比朱古力味濃郁，所以咖啡味偏重。煙肉芝士牛肉漢堡配炸薯條 $82炸薯條非常酥脆，味道似薯角，非常惹味。漢堡包有好多配料: 紫洋蔥、蕃茄同酸瓜等等牛肉漢堡非常大塊，又厚身，食落非常Juicy😋焦糖伯爵茶芝士蛋糕 $20焦糖味道濃郁為芝士蛋糕加上甜甜嘅味道😋伯爵茶味道偏淡，焦糖味蓋過伯爵茶味，如果伯爵茶味可以濃郁啲會更加好芝士蛋糕質感軟滑👍🏻

🪇成日以為北角只係住宅區，要出銅鑼灣先多選擇!直至今晚朋友仔帶我去SPOON食晚餐!🍽️店內掛著不同的匙羹🥄風格，好有特色！但平日晚上滿座，初時真係有點意外！食過知道原來大份抵食受到食客歡迎!☺️💫醬燒美國BB豬肋骨配雜菜沙律及薯條$158豬肋骨用了燒烤醬好入味，容易切件！✨☺️薯條又肥多薯肉！配少少雜菜中和！令人回味！😼💫香辣蒜片海蝦意粉 $76彈牙海蝦份量多!🍤個意粉辣辣地又好加了香蒜真係夠惹味，食完之後仲想再食！💓💫烤奇津雞翼$24/3隻大大隻熱辣辣，肉質鮮美！好食又好睇！🤩💫榛子香蕉牛角酥窩$42飯後甜品即叫即整。牛角酥窩夫上的忌廉香滑，榛子朱古力同香蕉真係好夾，不會太甜！😋💫開心果千層蛋糕（跟餐加$20)有5款蛋糕做是日甜品！開心果千層賣相吸引外，一試難忘！💫是日餐湯~今日係羅宋湯加軟綿綿蒜蓉包!🌈（跟餐加$20)💫餐飲就叫了香濃咖啡同好大杯至啱夏日既凍柑桔檸檬!☺️🪇（跟餐加$12)

Melo平時經過呢條街都會見到呢間西餐廳都滿晒座，見到佢出邊嘅餐牌價錢唔貴，而且外賣仲要有折！！今次終於入去試吓。✨龍蝦汁海鮮Risotto蝦好彈牙，Risotto煮到啱啱好味道好唔錯！成個意大利飯食落唔會好漏。✨醬燒豬肋骨配薯條好大份啖啖肉！味道幾好，不過食落有少少乾。薯條炸到熱辣辣！✨Oreo牛角酥窩夫超值得試！好食！本身唔太食cream嘅我都覺得個cream好smooth好輕盈唔會甜👍🏻

Happy Friday放工梗係食餐好嘅🤟🏻今次去咗朋友公司附近食好西😏平時佢同啲同事lunch都會落去食，呢間喺炮台山蜆殼街的Spoon Cafe環境舒適，過多一陣已經開始full~好受街坊或者附近上班族歡迎呢❤️慢煮紅酒牛頰肉 配 野菌燴手製闊條麵，經過慢煮烹調的牛頰肉肉質嫩滑，一啖咬下去香濃，牛肉味立即散發出來❤️ 以上主食可加$30升級為套餐❤️套餐包括雜菜沙律+是日餐湯＋蒜蓉包＋咖啡或茶燒栗飼法式豬鞍（8oz）伴鮮果莎莎醬配 烤雜菜及燒薯角，豬鞍煎香了外層，上枱時好香~切開亦都肉汁十足！好食😋而且份量都好多🤩happy share一齊食都幾開心❤️ 以上主食可加$20升級為套餐❤️ ~有餐湯/沙律+蒜蓉包+茶/咖啡☕️

💛SPOON (北角)北角炮台山蜆殼街9-23號秀明中心地下C2號舖今日介紹呢間餐廳位於炮台山，除咗位置10分便利之外，佢嘅性價比同埋食物質素我都覺得好值得推介俾大家。嗰日我哋大約晚上7:30收工時間嚟到呢度食晚餐，因為好近炮台山地鐵站，所以一出閘行咗幾分鐘就嚟到。我哋一嚟到就分別叫咗一個燒粟飼法式豬鞍（8oz）伴鮮果莎莎醬配烤雜菜及燒薯角+果仁焗三文魚柳伴白酒忌廉汁配烤雜菜及薯蓉&牛油果蟹肉沙律。首先講一講牛油果蟹肉沙律，因為我哋嗰日嚟到已經係晚上大約8:00，但係佢嘅沙律，啲菜都好新鮮，完全唔似放咗一日，再加上我本人係好怕好酸嘅黑醋沙律，但係佢呢個我覺得都唔會太酸，我個人都可以接受到。之後八安士嘅豬鞍，size係勁大塊，一上菜嘅時候香味四溢，中間切開可以見到整塊豬安其實淨係好嫩滑，食落口嘅時候一啲都唔乾，外面燒到好香，然後中間有保留到有肉汁。之後果仁焗三文魚柳都無令到我哋失望，果仁好香好脆口，三文魚柳都好大份，再點埋白酒忌廉汁，令到整個意粉同埋三文魚柳都更上一層樓，口感好順滑。總結嚟講，今日介紹呢一間餐廳都好開心，因為兩個人食咗大約$400，但係質素我覺得可以比得上高級Cafe，除

同小肥陽去完附近 PLAYHOUSE玩玩成2個鐘媽媽都無哂電行過附近見到依間叫SPOON既餐廳個名都幾有趣而且入面都有唔少人食緊應該都唔錯於是就同小肥陽入左匙羹餐廳叫左🍔【煙肉芝士牛肉漢堡 配薯條🍟】 HKD 78 তততততততততততততততততততততততততততততত薯條熱辣辣超惹味落左七味粉再點埋蕃茄汁超好味大人邪惡👿限定版成個漢堡唔會過乾牛肉漢堡帶汁好juicy煙肉🥓香脆夾埋半溶芝士🧀同新鮮生菜🥬睇得出好足料而且漢堡有的是厚度🍝【煙三文魚明太子醬扁意粉】 HKD 78তততততততততততততততততততততততততত好食到小肥陽唔出聲密密食但睇得出醬汁非常濃郁咁掛哂係小肥陽既嘴巴周圍個煙三文魚既玫瑰花都擺盤得好靚【凍荔枝爆珠】 HKD 24ততততততততততততততততত熱既天氣真係唔叫杯凍野飲對唔住自己有粒粒爆珠配埋我最愛既荔枝味【凍朱古力】 HKD 24ততততততততততততততততত小肥陽一句話好飲成杯都係佢自己一個飲媽媽一啖都無試到

北角屬於舊區 食肆價錢實惠 今晚去咗一間西餐廳 食物性價比高-🥩法式豬鞍配芒果莎莎醬拼烤焗忌廉芝士薯及燒雜菜厚切豬鞍烤煎至剛熟 保留肉汁 近骨位肉味特濃 薯菜🥔🥕🥦🥒極啱我心意 莎莎醬亦好refreshing 有乜辦法唔食晒佢哋🥹-🐥蜜糖芥末燒黃油雞配燒菠蘿雜菜沙律黃油雞有半隻 油水充足 雞皮微脆 底下有適量脂肪 一啖入口 即時食到皮香肉鮮 同様搶眼嘅 係眼前呢嚿烤波蘿🍍 果肉鮮酸可以減低油膩-🌰凍榛子咖啡☕️咖啡點子-🧇木糠布甸牛角酥窩夫Croffle抵食而且口味多多 煙韌有蛋香 上面有大量忌廉同木糠做topping 滿嘴口甜舌滑呀🥰 -📍 SPOON北角炮台山蜆殼街9-23號秀明中心地下C2號舖

我今日放工後，約同好友去位於炮台山蜆殼街9-23號秀明中心地下C2號舖的 Spoon 食晚餐，環境舒適，坐得舒服。我點左個 燒美國安格斯肉眼牛扒（10oz) 配法式焗忌廉芝士薯，烤雜菜及紅酒汁$238，好友點左個 杏仁焗三文魚柳伴白酒忌廉汁配烤雜菜及扁意粉$148，另外加$就可以升級為套餐，套餐有雜菜沙律、蒜蓉包，餐飲係熱檸檬茶。燒美國安格斯肉眼牛扒（10oz) 配法式焗忌廉芝士薯，烤雜菜及紅酒汁。整個餐的賣相非常繽紛吸引，牛扒份量不少，5成熟的肉眼最幼嫩好食。三文魚焗得皮香肉嫩，伴白酒忌廉汁，好味又好食！

今天和同事到北角開會，路經一間小小的西餐廳，價錢不高，即管一試。午餐價錢由$72至$135左右，包一杯熱飲。我選擇了燒雞胸蘑菇汁扁意粉，賣相不錯，大大塊的雞胸，蘑菇汁很Creamy，整體味道唔錯。至於餐飲嘅熱奶茶有茶香，不過唔夠熱。 同事叫咗沙律（細），可以選擇兩種款式。同事選擇咗雜果沙律及煙三文魚薯仔沙律。雜果沙律有蜜瓜、藍莓、士多啤梨等，沒有花巧，適合喜歡水果沙律的朋友。而煙三文魚及薯仔沙律嘅味道正常，不過份量真的很少，下次可能要選擇大沙律😆。整體食物質素唔錯，相信我們會再來光顧。不過同事話這間餐廳嘅餐牌沒有多大變化，每日都差不多，希望他們可以多點轉換款式。

一入餐廳就見到各式各樣嘅匙羹掛牆，好特別！全日免收加一，特惠晚餐加$20就可以升級有湯/沙律+蒜蓉包+飲品！👉🏻燒栗飼法式豬鞍伴鮮果莎莎醬配烤雜菜及薯條 $132豬鞍厚切，肉質濃郁多汁，配鮮果莎莎醬係面，清新酸甜，烤雜菜有粟米同翠玉瓜，口感層次豐富！👉🏻香煎立魚柳伴檸檬牛油汁配烤雜菜扁意粉 $108魚柳煎得香脆，魚肉嫩滑，啖啖肉，配檸檬牛油汁，中意佢醬汁分開，中意食幾多就落幾多！👉🏻甘筍忌廉湯口感滑順，香甜無渣滓！👉🏻烤奇津雞翼 $24共三隻，微辣，肉汁juicy！👉🏻榛子香蕉牛角酥窩夫 $42號一片片香蕉，加埋香濃嘅榛子醬仲有滿滿嘅cream，窩夫鬆軟，味道好夾！👉🏻柚子芝士蛋糕 (跟餐加$20)柚子清新酸香，芝士蛋糕厚實濕潤！👉🏻荔枝爆珠 (跟餐半價$12)甜而不膩，清新爽口！👉🏻芒果鮮奶(跟餐半價$16)牛奶醇厚，芒果果香重，奶香！

今日係北角做完野，見到附近有一間西餐廳好有特色，於是就來試試：😈燒粟飼法式豬鞍（8oz)伴鮮果莎莎醬配烤雜菜及燒薯角💰132第一次食到咁好味既，估吾到佢可以整到咁嫩滑，搭配新解炸出來嘅薯角同雜菜真係絕配，朋友食到停吾到口😋😈醬燒美國BB豬肋骨配雜菜沙律及薯條💰158份量超巨量，豬肋骨表面鋪滿燒烤醬，肉質超嫩滑🥳真係食吾停口，再加上新鮮熱辣嘅炸薯條，味道更上一層樓😈黑糖牛奶💰16😈藍莓牛奶💰16兩邊野飲味道都好出色，我地仲加左抹茶點子，飲落更加有口感餐廳名稱：SPOON (北角)餐廳地址：北角炮台山蜆殼街9-23號秀明中心地下C2號舖

環境舒服乾淨，上菜速度快，而且食物質素好高，好有驚喜👍價錢仲要唔貴，而且還免收加一服務費👏職員服務態度友善，笑容可掬😃自動自覺不斷加水醬燒美國BB豬肋骨配雜菜沙律及薯條加$20升級是日餐湯及蒜蓉包，凍檸水豬肋骨以獨特的醬汁烹調，大大份好香，肥瘦適中，肉質好幼嫩，容易切開雜菜沙律新鮮爽脆薯條是粗身的，炸得金黃酥脆，表面還灑上辣粉，非常惹味蒜蓉包有滿滿的蒜蓉牛油，非常惹味餐湯係南瓜忌廉湯，入口香濃順滑