陶源酒家 (Closed)

蒜香燒雞做法似炸子雞，但多了淡淡的炸蒜味，雞不太肥，夠入味，與炸雞皮吃，份外香口野味。肉質頗嫩，最欣賞的地方是能做到連偏嚡的地方雞胸肉都不嚡口，火喉控得宜，值得一讚及推介。义燒酥的酥皮質感比一般酒樓鬆化，但酥香味不及鬆化程度，饀料味道中規中矩，但份量偏少，是扣分的地方，所以未能推介。蝦餃味道不錯，蝦的份量適中爽口，外皮合格。燒賣內的豬肉爽口有肉汁，味道不錯。

想不到在這間很中式的食肆可以嚐到這麼西式的甜品：拿破崙餅。看見上面灑滿糖霜的士多啤梨已令人食慾大增，加上士多啤梨夠甜又不酸，很好。而主角當然是下面多層的拿破崙餅，中間有甜美的芒果，形成又脆又軟的口感，真的很好的享受。因此真的有點喜出望外的感覺，讚。

偶然工作經過這間酒家, 總覺得係比較高檔的餐廳, 完全不敢入去查詢.終於等到老細請食飯, 訂了位一入去就有一位風韻猶存的阿姨帶位, 見到我老細笑騎騎之後同我地班兵就黑臉神懶酷咁.鮑汁荷葉飯無鮑汁味, 用料上乘, 除了蝦同乾瑤柱雞肉粒外還有荀片和薑片, 水份稍多.鮑魚雞粒酥的酥皮不夠脆, 水份稍多, 味道一般. 春風蝦腸, 油條內釀了蝦膠腸粉皮嫩滑.蝦餃燒賣, 皮薄, 肉彈牙且鬆軟有肉汁, 可以. 長春卷一般, 野菌餃, 爽口.五層燒腩仔, 精細而好食. 話梅涼瓜, 酸酸地很開胃. 蓮藕湯不錯.福建炒飯一般. 小米遼参小米熱辣辣甜甜地幾好味, 遼参好爽口鮮甜.如果服務生唔係咁大細超的話, 這是一間很不錯的酒樓. 另外員工係後面講是非細聲一點會更好.

團購見到這個套餐好抵好吸引,同兩個同事嚟左食,初初係話要三日前預訂的,但係我地早一日打去訂,佢都可以俾我地食,服務OK.去到唔算多人,我們像貴賓一樣俾仕應圍住左. 套餐包括:五層肉/素鵝細細件有三件,好好味呀,好鬆化香脆,素鵝好熱,都十分鬆化香脆好味蝦餃/燒賣/素餃蝦餃好爽甜,啖啖蝦肉,燒賣都好味唔肥,素餃好香菌的味道,同事話呢個素餃好好味珍珠雞珍珠雞入面都算多料,唔乾身龍蝦扒天使麵龍蝦扒十分好味,啖啖都係龍蝦肉架,加埋個白汁,非常正,我好鍾意食呢個小米遼参小米甜甜地幾好味,熱辣辣的,遼参都好爽口鮮甜什菌白菜個菜都好鮮甜呀初初頭個五道菜都好快,跟住就等左一陣先嚟龍蝦扒,不過整體服務,食物質素都好好,值得推介的.

九月三十日來了這裏食晏，這裏也是富臨集團，係新開張,同事試過話幾好, 所以我地又嚟食下.套餐都唔少嘢食喎:五層燒腩仔,賣相好精細, 不過味道真的幾GOOD,好疏化香脆呀! 好味道.話梅涼瓜,好開胃,酸酸地,苦瓜甘甘地好夾呀. 蓮藕湯好濃好甜呀,真的係足料冇味精呀,正.鮑魚酥及蘿蔔絲酥餅都好味,好疏化,唔會好油.我地再ENCORE左一碟鮑魚酥添呀.蝦餃,鳯爪,鮮魷都出色,鳯爪好淋入味,唔會好油好一PAT嘢咁,蝦餃都好鮮味,鮮魷個醬係比較結左少少,不過都好味的.主食有魚配麵及福建炒飯,個魚的麵份量少到驚人,只有五小口,魚也是只有幾件,我們也不夠分呢,魚的味道都幾好,都好香口多肉的.福建炒飯就大一點呀,好味呀,好多料及多汁,正呀.還有一碟炒牛柳絲的,牛柳唔會好硬身,幾好,仲有我最受的芒果條呀,讚呀.蒸雞好香,雞肉都滑,份量足夠.最後仕應都有送生果拼盤俾我地.初初來的時候係冇咩人,可能我地早,後尾坐坐下就開始多人.整體食物都幾好,服務都滿意.

剛新開張，和同事們快快訂檯試下。雖然只是開業第三天，當日已經爆滿，可能這區太耐沒有新店了。事不疑遲，點了：長春卷：條春卷真係好長，差不多有成8、9吋長，外層炸得好脆，內裡很juicy，好好味 蝦餃：外皮夠薄，蝦肉彈牙，合格。燒賣：個人的favour，豬肉鬆軟有肉汁，合格。野菌餃：外皮晶瑩剔透，野菌爽口，不錯。春風得意蝦腸：好似炸両，油條內釀了蝦膠，裊新鮮，腸粉皮嫩滑，豉油不過咸，各樣配合得宜。鮑魚雞粒酥：略嫌個酥皮不夠脆，餡料較濕，不過味道是不錯的。服務員極力推介的鮑汁荷葉飯：食唔出有鮑汁，但用料不吝嗇，和其他酒樓的荷葉飯有少少不同，除有蝦、乾瑤柱外，這裡用雞肉粒代替燒鴨粒，並加入了荀片和薑片，材料有啲蝦餃feel，個人覺得再乾身小小會較好。服務和食物質素都不錯，在這區又多個選擇了。