Sportsman's Bar

Open Now

Now Closed

上完堂走左去sportsman bar 度食晏。呢度既沙律有好多選擇，包括菜底、主菜、配菜等。但今次我並唔想食沙律。但望晒個菜單都無雞，或者話我想食BBQ 雞。可惜無。但就俾我見到豬肋骨。豬肋骨上面有小量既燒烤汁，小量沙律同埋唔小分量既薯條。仲有燒烤另上。方便鍾意多汁既朋友，而我就用黎點薯條。豬肋骨好大份，未至於全份，但又比半份大！骨上面無乜軟骨，肉果方面實肉得黎又已經煮腍晒，唔會話一切落去就散晒，但係咬落去就好腍。真係好耐無食過喇。野飲方面叫左熱朱古力，黎到既時候好吸引，有六七粒棉花糖響上面，同埋忌廉，而個朱古力就好甜。本人欣賞棉花糖果部分，但就太甜喇

放工後和一衆同事到香港足球會的Sportsman's Bar觀賞世界杯。酒吧分室內外兩區，有六七個電視供直播用途，因酒吧座椅餐桌的編排空間充裕，基本上任何位置都能舒適無阻地欣賞賽事。唯一有點美中不足的是即塲選用英語旁白，少了一份親切投入感。不過，酒吧睇波的熱鬧氣氛仍在。酒吧作為會籍設施的一訂部份，收費相宜。啤酒飲品只需十多二十元，各式小食亦只是六七十元。一行六人點了一筒3L嘉士伯($150)及六支南非啤($100)以能盡慶。小食Deluxe Burger有太陽蛋、蘑菇、煙肉、免治牛扒、蕃茄、酸瓜等作餡料，頗有份量。味道方面，屬中規中矩之作，免治牛扒未算很香很juicy，芝士味亦不夠濃郁。伴碟有大量炸薯角，作為佐酒小食亦不俗。P.S. Members Only