St. Barts (Closed)

expected better quality of food, ordered big breakfast - hashbrown was cold tasted like they were refried, beef steak was Tiny sad and cold (could have been medium rare rather than well done). overall portion was small and nothing to rave about. service was rather good though, will not be back for the same meal.

襯新年期間，公司會有些日子會提早放工，當然又去西營盤搵阿🍄食豐富午餐啦。經過高街，不期然又入返同一間餐廳，因為念念不忘佢頭盤的自取沙律吧（單次）！平日的Set LunchStarter是日餐湯/單次沙律吧/煙三文多士我同阿菇各自選一樣分享，我要沙律，今次十分貪心，每款選兩至三件，方便同阿菇分享。最好吃是紅菜頭，凍切肉cold cuts也不錯，帶咸香。阿菇要煙三文多士煙三文魚油脂豐富，多士不脆，過硬。兩人也是選牛扒拼薯條牛扒的筋比較多，有牛味，附圖是五成熟，下次可以試試三成。最愛粗薯條，即炸的。是日甜品Carrot cake 總結 食材不差，坐位寬敞，係傾計的好地方。

想食好少少，lunchtime就過左嚟食西餐依條街都好多選擇，唔同菜式都有見依間門面幾靚，裝潢又令人覺得幾舒服，就揀左依間如果望出去係海景就好啦Lunch set有5-6款左右每款都係$118+10%Starter可以揀沙律/湯/蕃茄牛油果多士今日個湯係南瓜湯🤦🏻‍♂️唔食蕃茄唔食南瓜既我，唯有揀沙律🙁有個mini salad bar咁可以自己夾，選擇好多😗但咁健康既嘢都唔係咁啱我食😂同事既南瓜湯沙律每款都揀左啲嚟試下正常質素啦炸雞卷入面包住菠菜同火腿😍雞皮炸得好香脆，入面既肉又好嫩滑😱😍如果有個醬點下就好啦😝另外啲薯條新鮮炸起，加左啲鹽調味，都好好味同事再三強調啲菜好新鮮😂(可惜我唔係好鐘意健康食物🤪)牛扒🍴都唔錯喲不過我鐘意配菜既薯蓉多啲最後甜品係carrot cake唔使叫都知我唔食，所以無食到甜品就走左嚕份量好多我地兩個人都食唔晒環境唔錯，幾寧靜，坐得好舒服

同事生日揀咗St. Barts 喜歡佢嘅裝潢同簡潔嘅設計。差不多每次生日飯都係食呢間，覺得佢地嘅質素都唔錯。Set lunch 嘅南瓜湯，大大碗，好creamy, 甜甜嘅南瓜味，個人好喜歡，飲完湯飽咗一半😅👉🏼set lunch嘅羊架，睇落唔多，但都食得飽，羊架肥瘦適中，聞落好香，肉質鮮美，係唔錯嘅選擇，配上薯角同埋青豆，係會食得飽嘅。👉🏼是日甜品係almond pear tart好濃almond 味，個梨略甜，整體唔錯。

半自助沙律吧很豐富，有Parma ham烤南瓜沙律菜紅菜頭，烤南瓜很甜。前菜忘記了名字，就是煙三文魚加脆餅，咸香三文加超脆的餅很調和。主菜的魚反而失色，淡而無味，薯蓉很creamy很讚!!

今日過西營盤，同事介紹高街St Barts. 佢晚飯唔平。但平日星期一至五先供應的Lunch Set 午市套餐就親民好多，佢有前菜，主菜同甜品，但如果要加飲料就要另外加錢了。平均價錢都是$118+10%服務費 （即$140左右）Starters選單次Salad Bar 選擇多有水牛芝士。略咸 沙律菜新鮮 也有少量冷切肉，好似意式肉腸主菜香煎三文魚配薯蓉炒菜很豐富，同三文魚都有三塊，連皮煎的三文魚十分香口，魚肉新鮮有肉汁，薯蓉很香滑但我已經覺得十分滿足，所以只能輕嚐。最後甜品作完美句點。

以前呢度呢係一間茶餐廳，但自從西營盤地鐵站開通之後，高街就成為另一個蘇豪區。咁啱見到呢間出面呢有推廣優惠，係$198係1kg嘅mussels，咁就兩個人膽粗粗入嚟試下。好好彩咁七點鐘之前到咗，仲有個happy hour promotion， $35一杯酒，但係佢個House wine個味道真係好一般好一般好一般。除咗點左兩杯酒之外，咁就梗係點左一個mussels，另外一個係beef burger。Mussels上嚟啦好大盆，每一隻都好大隻，味道亦都好入味，但係有少少偏咸。個need burger 個味道都算唔錯，份量都好充足。至於點解會點beef burger呢，主要係因為呢間餐廳嘅main course 都偏貴，一個steak都要三百幾蚊。總括來講，呢間餐廳嘅食物水準都OK，可惜價錢有少少貴。

8/12/17朋友介紹，剛剛食過這餐廳嘅lunch. Starter, main 都各有三，四款比你選擇。份量和賣相都很吸引，食味方面也不錯。 smoked salmon caesar salad 材料豐富， 除煙燻三文魚外，有齊煙肉碎，蛋，新鮮羅馬生菜， 當中仲加有一小片鯷魚喺裏面，好好味。 lamb leg 做得嫩滑，只是今日的鱸魚比較霉身(已反映俾員工)。 甜品 bread pudding就造得出色，外脆內熱 (好味得濟唔記得影相)。加錢要咗佢哋嘅cappuccino， 杯咖啡温度夠熱及味道香濃，值得加錢要㗎。會再嚟試下dinner.

過黎呢頭，真係機緣巧合，又得閒得滯，就比個FD約左黎呢邊閒下，真係估唔到，無幾可黎呢頭食一食就食到好野間餐廳都幾企理有格調，加上好多外籍人士，以為自己去左歐洲咁添呀，好有旅行FEEL個套餐，都只係$128，$128 + 10%服務費，呢種西餐黎講價錢都OK喎我個組合就叫左：煙三文魚沙律、新西蘭西冷配沙律薯仔、芝士蛋糕煙三文魚沙律我本身鐘意日本菜，呢個三文魚，真係唔講得笑，一黎個賣相成朵玫瑰咁已經勁靚，食落都有實際，好嫩滑可口我個主菜黎啦，新西蘭西冷配沙律薯仔新西蘭西冷，講真口感就差左少少，有D靭，不過過OVERALL都係好食嘅薯仔就高質，不過份量少左啲仲括黎講個主菜只算係OK，雖然前菜高質，不過總體黎講都只能比OK

Happy Friday 最好是同閨蜜大家去嘆下午茶，難得閨蜜有空檔我們便相約去了高街飲杯咖啡食個甜品。高街新開了一間餐廳外表都是白色的感覺好簡潔，裡面的裝修也感覺有歐陸風情。這裏的環境很優靜，大家傾計是一個不錯的地方。下午茶時間我們都是傾下計聚一聚，所以只是點了Mocha coffee 和一個chocolate Lava Pudding。Mocha 咖啡味道，一半咖啡的苦澀味一半朱古力的甜味，兩者配合真是恰當。這個心太軟加雲呢拿雪糕，熱辣辣食就是最好的，流心朱古力味道不是太甜配合埋雲呢拿雪糕一齊食真是一個好享受。

餐廳裝修舒服，因為佢既環境而試下，點知真係好伏，先order a calamari, 一食就知唔係用新鮮魷魚，食落無味，好似食緊膠咁，再黎a crab linguine , 普普通通，唔出色但都未至於難食；最後黎埋個ribs , 其實問過佢地可唔可以取消，因為都有d飽，但佢地話已整陣，咁就無法；但個味道真係完全唔掂，bbq ribs ，但似炆牛肉多d ，我真係唔識欣賞，而且價錢唔平，好食既都無所謂；但依個質素依個價錢，真係無下次

生日同老公回細個住的地方，去完高術街鬼屋路過此餐廳，見好多人，故入內一試，好驚喜。豆湯好濃，沙律雖淡但有很多不同的菜，口感豐富。主菜叫so皮三文魚，魚很滑。牛排亦很juicy. 忍唔住讚嘆，物超所值!

同個 friend 星期日落西環食 brunch，揀咗去近排開滿餐廳的高街。入至去裝修有種法式🇫🇷小島風格，幾有 Sunday brunch 格調。就咁睇 menu，普普通通嘅選擇，都要百幾蚊以上，飲品全部另計，齋啡都唔包杯，都幾 lerk 水。Egyptian EggsOk 啦，份量唔大，D sauce 係幾有中東 feel，正常冇驚喜。Hangover Burger認真麻麻，個名幾貼切，我覺得係有個 hangover 嘅廚師整嘅，佢裏面有🥓有🥚有 sausage，原意應該係比 hungover 嘅客人嘅 comfort food...只可惜佢有D求其，個bun仲要濕濕哋，好 soggy...性價比低，早知食隔離冰室！

趁住喺Weekday有半日假，就同朋友過去西環呢邊輕鬆下，食返餐好。就係見佢新開又好似幾舒服，於是入去叫咗個Set Lunch 試試。頭盤係牛肉薯餅，細細粒容易入口，配上茄醬，口感豐富。主菜係吉列雞扒，雞扒嫩滑並唔鞋口，份量剛好，也不油。甜品的Cheese Cake Smash就比較驚喜, 芝士味好香好滑，比較甜，配合士多啤梨和餅碎底，口感不錯，值得一試。最後再來一杯Mocha, 悠閒咁享受咗一個下午！

Food was delicious and good value. A slight bit pricey but the delicious flavor and very generous portions made up for it. Carbonara was amazing with crispy bacon. The ambiance was cool and clean with hip music and a good mix of locals and expats.