明星皇宮

Open Now

Now Closed

服務態度差：員工不友善，而且態度惡劣。食物差： 難食，賣相差而且叫乜冇乜。最簡單既义燒包又冇，咸水角等小食又冇。環境差：地氈係眼見既好污糟，牙籤，用過嘅紙巾，筆，食物殘餘隨處可見。

Went there for dinner with my family. They all enjoyed the food. Specially the Peiking duck and steamed fish. Turned out to be amazingly good. Staff was friendly and service was spot on. Definitely will be going there more often. Reasonably priced and extensive menu.

呢間明星好耐㗎喇，不過我都係第一次嚟。 牛肉腸粉 - 裏面嘅餡料少得可憐╮(￣▽￣"")╭ 啲腸粉皮係滑嘅。 粉果 - 裏面嘅花生係腍唔脆，感覺唔新鮮，硬係覺得佢有微微嘅蝦膏味。 叉燒包 - 個包唔係差，啲餡汁都OK，不過佢個包嘅皮比較厚，始終唔夠「帝豪」好食。 蝦餃 (可以單叫兩隻，同家姐食啱啱好) - 嘅皮好淋，好似蘿蔔糕texture咁，唔夠煙韌。 上湯鮮竹卷 - 鮮竹卷OK，我覺得有少少淡，但係係可以接受。 鹹水角 - 微熱，唔係啱啱炸起，外皮比較硬。 埋單盛謂$145，感覺還可以。

今日喺附近覆完診 就帶媽子去飲個茶 都好耐冇一齊飲茶 不過冇諗到平日都好full 最後要搭枱 下午茶都有好多特價點心 最驚喜係有鮑魚燒賣 仲可以只要兩粒啱啱好兩個人食 仲有我最愛嘅芝士蝦球伊麵 粒粒蝦球好大隻好彈牙 分量亦都好大 飲茶最開心就可以坐耐啲傾耐啲都唔驚 之後仲有飯後甜品 估唔到個薑汁撞奶咁好味 下次要試埋佢其他甜品

閒日飲下午茶叫了上海小籠包，上湯鮮竹卷，燒鵝瀨粉及脆皮燒肉飯；等了10分鐘左右點心就到齊晒！諗住等多一陣啲燒味嘢食會到啦！點知一等又等。。。問下侍應睇下有無，個侍應話入咗單一定有架啦！但脆皮燒肉飯漏單，問下我哋要唔要！我哋話要！侍應幫我哋照入單！咁就等下啦！等多10分鐘又問下經理燒鵝瀨粉幾時到！經理同我哋講：「燒鵝燒緊啵」！之後等成20分鐘先到！等個燒鵝瀨粉足足等了30分鐘。唉！我諗燒肉飯有排等。。。最後燒肉飯無黎到！要取消！好失望！

點了芝士焗西澳龍蝦伊麵和象拔蚌刺身 送了乳鴿一隻 乳鴿是可以的 但芝士焗西澳龍蝦伊麵和象拔蚌刺身吃的時候已經感覺不太新鮮 吃完之後 出去魚缸懷疑見到好像我點的象拔蚌還在魚缸 肚子也不太舒服 衛生感覺一般 沒有下次了 😶

其實都數吾到係第幾次幫襯啦，飲茶又有，晚飯又有，不嬲都食得過。所以母親節都揀左黎呢度食，皆因~佢有長腳蟹！阿媽真係好鍾意食佢 同 "打卡"😂另外仲有二寶真係必叫，冬瓜盅&片皮鴨呢日就食吾到冬瓜盅啦...每次都可遇不可求，是日7點未夠已經話冇哂。連隻蟹吖，帶位之前已經得番二隻係個缸，差D冇蟹俾阿媽食。而片皮鴨真係冇得輸，啖啖肉又好抵食。(當然就吾好同名店比， 熱辣辣脆卜卜油香呢D...係做唔到嘅😂 )其他菜式就吾細講，正常野，經濟既。仲有個咕嚕肉冇影相，廚房失手炸得黑左D，平日好好多整體來說: 是晚8位8碟菜消費共$2706，合理食物方面 7.5/10都預左過時過節，質素會下降。餐牌款式少左，但都算keep到水準服務方面 6/10樓面OK架，係帶位有d誤會減左分。其實以前一路都冇得訂位要等飛仔，但吾知係咪疫情又有得訂。甘早幾日就book左8位啦，點知屋企人早左去拎位先，但reception話冇我地資料喎 what!? 即刻俾d打電話既證據佢理論。我去到既時候，都已經肯畀位我哋。 最搞笑嘅係，我哋食到一半途中收咗個電話，就係明星打嚟問我訂左位仲嚟唔嚟架？ 我咪話我係度食緊囉 😓真係~p.

提早慶祝家中的三位母親 (包括工人姐姐),  預先訂枱時說可以五人一枱, 但臨時又說要改回四人一枱, 還好兩張枱是一起的, 只係中間有塊玻璃隔板, 可以互相望到.中湯 : 老黃瓜赤小豆, 大煲又好飲, 仲希好多豬骨湯料.龍蝦伊麵 : HKD268, 大約一斤多點, 五個人都夠分.蒸鮑魚仔 : HKD68, 比較細只, (下次應該叫澳洲鮑魚), 處理得干淨, 上枱時內臟已清理大斑兩味 : HKD168, 好食又大碟, 乳鴿 : 每只18.80, 每人限半只,  五個人只能叫兩只. 奇怪金銀蛋時菜 : 呢個普普通通,  菜煮得過熟.環境 : 枱與枱有足夠距離扣呼 : 阿姐好笑容, 執碟也夠快.價格 : 900蚊埋單, 合理, 但唔算太超值.

2021年4月30日(五)晚餐蔡氏四口，共聚一枱兄、姊、妹、子、姑、姪，樂融融，嚐美食上湯焗西澳洲龍蝦伊麵芝士焗生蝦伊麵蒜蓉開邊蒸中蝦蒜蓉粉絲蒸扇貝(4隻)清蒸大連飽魚(6隻)紅燒妙齡乳鴿野菌紅燒豆腐京式片皮鴨(一食)沙巴龍躉兩味金菰枝竹蒸頭腩翡翠沙巴龍躉球外賣盒一個$1膠袋一個$0.5連茶介、加一 埋單$1,075致電訂枱，原本想預訂7:00 ，職員說：只能夠預訂6:30pm 或 8:00pm，如果7:00只能夠Walk-in，唯有訂6:30pm。上湯焗西澳洲龍蝦伊麵：龍蝦約1斤4兩，龍蝦爽口，伊麵略為諗咗少少。芝士焗生蝦伊麵：勁多芝士，生蝦爽口靚。蒜蓉開邊蒸中蝦(8隻)：唔抵食，中蝦好細隻，好瘦。蒜蓉粉絲蒸扇貝(4隻)：四粒啲肉都癡殼，麻麻哋。清蒸大連飽魚(6隻)：未到正常啦。紅燒妙齡乳鴿：炸得幾靚，可能使特價關係，最多只可以叫兩隻。野菌紅燒豆腐：色水靚，不過唔夠味道，唔好食。京式片皮鴨(一食)：燒得好靚，皮脆，每次黎親都要叫。沙巴龍躉兩味：兩道菜味道偏淡，都係麻麻地。金菰枝竹蒸頭腩翡翠沙巴龍躉球

2020年11月25日(三)晚餐第四波疫情，來勢洶洶，提前來慶祝，食餐豐盛海鮮餐，蔡氏四口子，共聚一枱，慶祝維仔二十一歲生日、預祝聖誕、做冬兼團年，開心歡聚清蒸長腳蟹5.5斤 $218/斤 新鮮生猛清蒸大連鮮鮑魚6隻$58個豉油好正沙巴龍躉兩味$148味道正常，略嫌多油-金菰枝竹蒸頭腩-翡翠龍躉球薑蔥焗桶蠔$108賣相唔討好，黑孖孖，得三粒蠔京式片皮鴨$108做得唔錯，好吃紅燒BB鴿$28x4隻一般般，炸得唔夠脆，上枱嗰時已經琳琳泡泡咁芥介$13x4位呢一餐四位用，埋單$1,964

新屋入伙請屋企人食飯，我地五大一細， 我打電話book位同入座嗰陣都講明有一個細，但係張記錄卡都係收我六個茶錢，之後同個經理講先收少一個， 既然係咁何必多此一舉🙄 我地叫左個四人龍蝦餐加左隻乳鴿～乳鴿(唔記得影相)炸得幾香脆，上菜時唔算熱但都微暖，廿幾蚊抵食👏上湯龍蝦伊麵無芝士伊麵咁膩，清淡啲，龍蝦份量好多應該足兩隻，肉質彈牙，唔錯👍燒味拼盤賣相唔太吸引，不過乳豬都脆，叉燒同雞就有點太鹹～沙巴仔正常，幾滑同彈牙～海鮮羮普通唔係特別鮮特別出色～西蘭花花姿雞球既雞都滑但賣相一般似普通cheap cheap既雞脾肉，燈籠椒爽脆啫啫芥蘭煲既芥蘭同樣爽脆， 不過呢樣真心鹹🙈🙈其實佢嘅四人份量都夠五至六個人食，味道唔差 (係某一兩樣野鹹左啲)，不過酒樓黎講都算坐得闊落， 性價比ok

三個人的晚餐。很久沒吃 片皮鴨 了，為此而來，雖然不算最熱辣辣的温度，但是暖暖的，皮還是脆卜卜。那粉皮薄薄的，好喜歡，配料也不吝嗇，$108如此份量和質素，收貨。清蒸大連鮑魚$58，新鮮肉厚，不錯。蒜蓉粉絲蒸蟶子$70，蒜蓉粉絲超級惹味，和蟶子一起蒸，蟶子就更加鮮甜，這個滿分！煮食點了加拿大上湯龍蝦伊麵$118，伊麵很多，不用點白飯了。龍蝦頭的肉都竟然不少，很意外。三人埋單不用$500的海鮮餐，很實惠，很滿足！

落大雨，唔知想食咩，是旦走上一間酒樓食飯，反而發現有驚喜，我們二人，原先想叫片皮鴨，可惜售罄，但都食到捧住肚子走，實在太飽了「上湯加拿大龍蝦」大大隻龍蝦，厚肉，肉清甜及爽脆，壳也很硬，超新鮮，配上濃湯加伊面，絕配「野菌菇花膠煲」大煲又低食，野菌好香，有𡁻口，大大片花膠，口感豐富，味道一流

><之前提早做冬 去酒樓訂咗一圍嚟食($2398) 已包汽水啤酒各6罐同埋茶芥加一鴻運乳豬全體醬爆螺片蝦仁黃金百花球蟹肉扒雙寶蔬紅燒龍皇魚肚翅金錢蒜子柱甫清蒸大沙巴躉脆皮一品燒雞臘味糯米飯包生果盤一開始上茶速度啱啱好 後來幾碟一齊上 越上越快整體份量大碟夠睇頭得體味道可接受以上><><><><><><><><><><><><><><><><><><明星皇宮 Star Palace元朗阜財街34-36號光華中心2-3樓

明星集團係一間會再三幫襯既酒樓集團，元朗間明星皇宮去完又再去，基本上唔會令人失望！首選一定一定一定要嗌芝士開邊加拿大龍蝦（伊麵底），物超所值，百幾蚊一隻，係超級好食！真係食極都唔厭！食完即刻想再食！重點係暫時搵唔到有一間酒樓整得好食過元朗間明星皇宮！仲有一定一定一定要嗌片皮鴨，唔洗一百蚊，又係好好食，又係食極唔厭！食完即刻想再食！其實兩個人食呢個份量已經好夠飽，不過好多時忍唔著叫多個餸，務求食到捧著個肚先捨得走！有時會嗌薑蔥焗桶蠔，同樣物超所值，百幾蚊，桶蠔既口感真係有驚喜，真係唔會令人失望！有時就會嗌生炒骨，雖則呢個餸係周圍都有得食，只係呢度整得又係好食，食過又係會想再食！