明星皇宮

Open Now

Now Closed

其實都幾鍾意食佢地個雪山叉燒包，不過早幾日食嘅時候，見個底好似好多油，用紙巾吸一吸先，之後發現...哇，原來個底多油成咁，下次可能食淨個底唔食。因為上面個雪山脆皮都幾鬆脆好食

元朗明星皇宮第一次來，有兩層的，好大呀。三樓不用撘枱。叉燒飯，叉燒也好多，不算肥，也淋，好味，仲有菜心，飯夠淋，夠白色。有窩貼，三大件，賣相也okay，味道出面煎到金黃，入面juicy，少少湯汁，肉夠淋同入味高力豆沙，四大件的，粉紅色糖灑上面，不過太厚同唔夠淋，入面有豆沙蓉，份量好少呀！！鮮竹卷，一樣的沒有炸過，多湯，好夠熱，夠淋的腐竹，入面有甘笋絲。西芹絲，肉。好味！鴨腳扎，大隻呀，入面肉同芋頭也好入味同夠淋的。

😋話說好想食片皮鴨~甘就同前世情人兩個人去撐檯腳😇😇片皮鴨~$98碟中間既全部都係皮♥️圍住碟邊既就有連住小小肉，滿足曬我要食皮😍😍前世情人要連小小肉既要求😎😎美中𣎴足既就係D皮啦。。雖然夠薄~但有好多塊都爛爛地既🤔🤔海底椰鮮元貝燉雞$38位🎉呢個湯有驚喜~好足料~份量算大😋味道都唔錯..蒸魚$88正常蒸魚，約1斤重兩個人食岩岩好𣎴過蒸得熟左小小~𣎴過𣎴失。。安格斯牛柳粒(好似係🤔)$128其實小妹係一個牛魔王黎🤗見到牛雙眼👀就會發光😆味道唔錯~牛夠林身紅蓮燉桃膠$8晚市糖水只要$8甘平唔試下都對唔住自己😉糖水較甜😅如果小D糖就好啦𣎴過$8 唔好要求甘高有其他款選既👇👇仲叫左枝啤酒啤啤佢🍻🍻賣單連茶位加一 $485

其實我好鐘意飲茶，有時仲會喺星期六日朝早約朋友飲早茶試過飲早到係全場都係老人家元朗有唔少酒樓，呢間明星我都唔係第一次飲了，朋友話覺得呢到好坐啲，所以就嚟明星飲啦！星期日嚟飲，一如既往咁要排隊排咗十五分鐘左右，又有得坐住等，所以都覺得快其實包類嘅嘢係幾吸引要炸饅頭定銀絲卷呢？最後要咗銀絲卷銀絲卷應該係即叫即炸，所以食落仲熱，外脆內軟，點上煉奶另外我覺得叉燒酥都好好食，食一件真係唔夠候總括係價錢正常，質素正常。

上星期五 Happy Friday 約左個妹同娚生仔食飯, 都吾知食咩…阿妹話食過幾次元朗呢間明星吾差, 一於黎試下燒鵝😋蒜蓉炒西蘭花避風塘炒蟹 $128 一隻 叫左兩隻 👍👍呢條魚超抵食 好似$68 蒸得火喉岩岩好鮑魚特价 又好抵食呢個牛柳粒好林好好味, 拌碟係蜜瓜上粉炸成, 我女超like整體餸菜味道都吾差, 坐位又幾好, 幾適合幾條友搵地方吹吹水又有野食既地方

兩點後係下午茶時段，星期日都一樣。三個人，$210左右埋單，已經食得好飽好滿足喇！想享受下午茶市，酒樓1點半開始派籌，記得要同個“登記姐姐”講。唔係佢當你正價。臘腸卷我估比較少見，味道吾太咸，加埋個包，好味道。 牛肉呢……就好滑，滑到吾知食嘅係咩肉。鮮竹卷，有湯㗎。有啲煮得太耐好林。最欣賞呢個臘味炒飯！臘味唔太咸，仲有潤腸！飯好爽口，一粒粒，吾會一舊舊。而且吾太油。天氣凍要叫嚟食，好暖胃。三個人當然吾止叫咁少，不過其他幾樣普通普通，冇咩想講。

星期三同婆婆去街食，來到元朗明星食小菜，未到7點已經差不多全場爆滿。d海鮮都好似幾抵食。乳鴿上得好快，應該一早燒定，但都好味。呢個生炒骨太少肉，不過炸得很脆，夠熱又好食。兩味魚都係$148，份量仲要唔細，啖啖肉的魚大人小朋友都岩食。例牌的乳豬皮脆肉嫩，肉都算多，最後食唔哂打包回家炒飯第一樣點的菜竟然最後才上，唔係好夠熱，鮑魚都唔係太入味，應該係後加入去煮，雞的部位亦唔係太平均，有成4隻雞翼尖白飯茗茶每份$12，最後買單都唔算便宜，不過味道的確不錯，最重要婆婆歡喜

今天公公生日，所以家人選擇了在這家設兩圍 壽宴~開了個房，有卡啦Ok,麻雀娛樂~之前也有在這食過晚餐，味道一般般的~但這次有改進~也有驚喜~乳豬香脆不油膩芝士味濃~龍蝦大隻肉又多皮脆肉滑雲吞蝦肉爽口彈牙個紅豆沙湯丸也不錯，細細粒既芝麻湯丸配多粒紅豆沙~整體上每個餸都好滿意，個個有讚冇彈~只係個壽包有點怪，入面的蓮蓉是苦的，有一種說不出的怪味……希望改進……因為人數較多，但又不夠三圍既人數，所以決定要求加錢加大份量~價錢不知，因為長輩埋單的~

今日係回歸以來第三次十號風球，好彩黄昏已改三號，所以就可以同媽媽出去食餐生日飯嘞。我地六點半後去到呢間酒樓，好彩即時有位咋，否則又要去另一間。今晚真係座無虛席，很多人。侍應都算手腳快了，人手充足。廚房出餸都算快，我地食左個幾鐘已走得。我地叫了兩隻乳鴿，片皮鴨一食，鮮蝦荷葉飯和海味雜菜煲。最好味係雜菜煲，不油，很多不同的菜，又有蘑菇，粉絲。不過原來海味即係幾隻蝦米，仲以為係乜添。乳鴿比較乾，但肉厚，味道OK，我覺得點喼汁好好味。片皮鴨的薄餅包着鴨皮，再加上青瓜條同甜醬真係好好食，不過有些皮其實有很厚肉連着。荷葉飯份量很大，面頭有幾隻蝦，蛋絲，味道幾好，裏面有雞肉，燒肉等。最後食剩很多要打包。最後，有幾片橙送給我地食，但甜品就要自己叫，我地只叫了一個綠豆沙。

我個人認為，片皮鴨是沒有肉的！唔知由幾時開始，片皮鴨變咗片肉鴨。$78 /隻片皮鴨，落單時我話淨係要皮，竟然幾個服務員都話冇可能。因為片皮鴨肉通常好似避彈衣的，又厚又嚡！終於有經理明白正常嘅片皮鴨係冇肉！正！終於食到片皮鴨了

心血來潮想吃片皮鴨，但接近糧尾實在不太想豪吃一餐，究竟元朗有無價廉物美既片皮鴨吃呢？上網一查再查，幾經辛苦查到明星海鮮（集團）4月份晚飯海鮮優惠。京式片皮鴨壹食原價$128/隻，星期一至五優惠價$68/隻；星期六日及假期優惠價$78/隻； 嘩！官方網站宣傳單張寫了歡迎預訂，開始擔心walk in去明星有無得吃......同時當然一定也要在Openrice先看一下元朗「明星」海鮮酒家的食評如何，沒想到 (已結業)！！！！！！再上官方網站Double Check原來只是改了名「明星皇宮」而已。 事不宜遲馬上去「明星皇宮」吃片皮鴨，等了一陣位就入座，以平日來說這間酒樓真的有不少人等位。明星皇宮$68/隻片皮鴨非常物超所值，絕對無讓我失望，滿載而歸，以後也一定會因為想吃片皮鴨再來。

三樓，全場都近大半食圍菜既客人,所以無平日上菜咁快,但尚可接受。有9隻唔算細既蝦，都ok la,4條友仔每碗麵仔都有蝦都合格。芝士味夠既仁都偏甜,咁呢個價錢都會要求佢芝士底要拉曬絲既，所以如果你唔係芝士狂迷,又怕滯既就應該會鐘意呢個係朋友極力推介既，呢個煲朋友話比平時失準左dd咁我覺得味道ok只係d芋片南瓜大件頭左，芋頭好林好好食魚雲煲夠乾身，足料,但如果想食滑溜既魚雲，咁可能呢個煲就未必滿足到，因為呢個魚雲係偏多肉。呢個係我認為成餐飯最正最抵食既花膠真係大大舊,叫過好多次，都份量十足，所以絕不是擁手神Ps可能因人手不足，所以全程無主動換過碗碟,但都算好聲好氣既，所以互相體諒la

呢度裝修完都係第一次嚟, 屋企人話試過佢晚飯都抵食, 於是今日同家人再嚟食下, 食佢地上次想食, 但人少食唔到的菜式~裝修完果然係光猛同感覺上寬敝d, 雖然呢晚係星期一, 但都好多人幫襯, 可能真係抵食掛?  薑蔥焗桶蠔記得好似有6只, 而且只只都好大只, 煮完之後都有成3吋幾, 算係咁啦~ 而且又夠肥美, 最正係佢個脆漿皮都係脆, 又唔太厚粉,但汁又唔太杰, 唔會一pet pet汁吊住, 再用薑蔥爆香個煲, 然後原煲上, 一打開蓋時真係超香~  片皮鴨做緊特價, 但只限一食, 可能佢個殼同d肉留返整火鴨絲炆米~ 全部都係响廚房片好哂先拎出嚟, 唔似以前咁, 响你面前慢慢片, 廢事你地又要佢片深d, 又呢樣果樣? 不過佢都片得好深, 圍邊的全部啖啖肉, 中間果d雖然大大塊片, 但都連住d肉, 所以都覺得幾抵食, 唔會淨係得層片, 但如果鍾意食正宗淨食皮的, 咁就唔係太啱, 但我怕肥唔鍾意食皮, 呢個就啱哂我, 有少少皮得嚟又唔係好肥, 佢只鴨應該都幾瘦下~用嚟夾片皮鴨的叫做"麼麼", 我見張單係咁寫, 有好多塊蒲餅皮, 可能個蒸籠唔夠大, 將佢開半, 由於皮實在太薄, 而且見佢有咁

昕昕農曆年廿二生日，我地一家人晚上去明星食~~~今次晚餐叫咗好多五餸一湯，有京式片皮鴨、上湯龍蝦伊麵、蝦仁炒多、貴妃雞、金銀蛋浸菠菜和是日例湯~~~湯算ok，蛋次次都如是，雞就比較韌咗d，昕昕跟爸爸兩個差不多食晒成隻片皮鴨皮算不錯，肉就主要肉眼見到果d，不過部份的皮依附太多肥的脂肪，我地食剩果d肥的皮~~~金銀蛋浸菠菜不錯，平日少食菜的我就食咗唔少，始終食菜有益~~~最後我地切蛋糕，今次去咗附近的聖安娜買咗唯一的卡通蛋糕，晚餐食飽飽會有一碟橙送上，埋單總數七百幾，五大一細都算是可以吧！

新年開飯~有老有少點都係要揀番中餐。呢方面真係要交比爸爸媽媽先識揀！佢地揀得既都一定係抵食兼唔會差既～唔係不如屋企煮啦！今日既主題係清蒸阿拉斯加蟹～平時得4-5個人點食都食唔到，今次有12個人!黎啦! 真係清蒸已經係最好食! 不過講到食蟹~身邊一定要有個開蟹好手幫大家拆件先得 --- 爸爸! 拆完大家都方便食~個蟹腳大到...... 食一條都好飽!! 如果多人食既話真係可以一試~不過記得預早訂呀~ 唔係假期真係食唔到嫁!蒜蓉粉絲蒸元貝~我一個食左2隻~其實只要新鮮~呢味小菜係零難度! 平日食既話$58/4隻~ 真係抵~又大隻!!個個食蟹食飽~ 我一人食左半條魚~出街食~養龍躉~算係咁!!假日$168~閒日先係$138!!!都OK嫁~