星小館

Open Now

Now Closed

今晚來到星小館食生日飯，点了很多美味的食物，例如有：瑤柱冬瓜盅、生煎包、灌湯小籠包、蔥油餅、聖女果白木耳菜芯苗、鐵板义燒及燒腩仔、炸子雞及文昌雞、炸蝦球、百葉豆腐，甜品名稱好特別，叫十三么，款款食物都很有特色，新鮮熱辣的送到面前，很好味道，另外不收取切餅費，下次一定會再去食啊！

星小館地址📍佐敦吳松街182號榮國中心1樓有同事退休，跟據以往慣例都會由退休同事提議去邊到食退休飯，平時都係去集團式酒樓多，今次退休同事話搞搞新意思，帶我地去食好嘢，開估，就係位於佐敦嘅星小館，入到店舖非常整潔，同事book咗間房，一張大圓枱好闊落有氣派。有幾樣係特別欣賞，金泊蝦球鮮得嚟爽脆又美觀，燕窩羹啖啖燕窩矜貴無比，蒸龍躉都零舍唔同，最後係奶黃包整到好似成籠柑一樣。總括而言呢餐真係物超所值，點解？因為同事話要請客，經過長時間拉鋸，同事最後只肯收回每人300蚊， 既然佢咁堅決， 我哋唯有多謝佢嘅款待。

今日冇返工，跟阿媽去星小館，門口不顯眼，要上一層樓。早上10點半左右，人唔多，台大空間幾好。叫左普洱 茶味都唔錯，可以加茶葉。三個人叫左8樣野上菜一般快，心急就唔好去食。點心好味，用組合點價錢就很合理！ 38.8有兩款又或是48.8有兩款，可重複點。係而家既酒樓，呢個價好無敵架啦，當然份量會細少少，三個人正好，所以份量都可以接受。點心即蒸，味道都唔錯。盅頭飯二十幾蚊都抵食！ 呢間近期可以再去既精品茶樓。

因為姪女唔舒服拖咗一個禮拜先食呢餐細姑姑生日飯地點由我家姐提供，佢一向都係識食分子呢間都唔會差得去邊賣相精緻連張旋轉枱都要自動化（但係我可惜我哋反而想要返啲手動嘢轉得太慢，同埋又要撳掣咁麻煩，果然我哋好難做到上等人🤣）坐低已經有一個好靚嘅盆景係中間由我家姐發板，結果每個單位成為$1500（三個單位）有啲肉赤㗎，雖然都真係好食嘅可能因為我哋嗌咗好多海鮮類，例如豉椒炒蟶子粘米粉底、龍蝦脆米同埋青檸蝦球）我諗呢三樣都佔咗差唔多一半價錢啦另外仲有叉燒拼燒肉，豆豉骨，唔知乜嘢煎蛋、莧菜、糯米釀雞翼同埋小籠包仲有甜品乳酪包/奶皇包（外型做得好神似，一個似柑一個似蘋果）上面嘅海鮮類其實都好好味，蟶子夠大隻、龍蝦亦都爽口啖啖肉、青檸蝦球酸酸甜甜好味。叉燒都唔錯👍🏻其餘嗰啲就普通少少囉

上開飯網見星小館相片幾好，約埋朋友一試。點知其食物質數及服務有驚喜。食物味一般，原來比想像中差。服務態度一絕。足足一個鐘上個炒飯。連阿姐都全店黑面。成枱野又唔收。搵人落單又冇影。下次不會再食。價錢又唔平。

聽朋友講星小館的菜式很特別，今日就來試一試，真沒有令我們失望，一打開Menu太多菜式太特別啦，經理行過來介紹我們有什麼特色菜，我們就叫了$4288. 九個菜式一個甜品，但其實我們只有五個大人兩個小朋友，其餘都要打包🤭，首先嚟咗一個古壇酸菜天然海鱸魚，一開始食唔係咁入味，後來浸耐啲菜同啲粉就好入味，但啲魚已經俾我哋食晒🙈，跟住嚟咗一個金獎燕麥脆米澳洲龍蝦，食第二道菜已經好飽啦，因為嗰啲脆米飯實在太好食，再嚟咗一個蓮藕餅，但唔記得咗影相🤦‍♀️，跟住嚟一個柚子炸蝦桃膠瑤柱燉響螺，呢個湯好足料，但鹹咗啲主角嚟啦，正宗海南文昌雞到呢一個焗蔥油蠔，個蠔好大隻，但係食咗兩隻之後嗰五隻已經打包再嚟一個菠蘿咕嚕肉諗住食唔晒，但係嗰兩個小朋友留肚竟然食晒，跟住嚟埋菜心同埋欖角一口骨，呢個都好好食，但真係太多肉食唔晒最後甜品梗係食晒啦，奶黃包最後埋單$4299

上次食完晚飯，今次嚟食中午，4大人1小朋友，沒有訂位，安排了坐卡位，整體點心不錯，賣相精緻，味道又ok，和牛梨子和紅蘿蔔咸水角，梨子好味一些，，下次再嚟試下其他點心。

呢間係我近期心頭好之一，自從朋友新年帶過我嚟食生日飯之後，我就愛上左佢。以佢位置主打都係做附近熟客，佢價錢唔貴但係用料好足好靚。1.最正係個宮廷雞保翅，真係足料翅，個湯用料好好味；2.仲有個彩椒金沙一口骨係我阿爸最中意食嘅，非常之有口感， 每次嚟都必嗌；3.海鮮亦非常好，果日嗌咗一個龍蝦伊麵，蝦非常新鮮，麵亦有口感；4.安格斯牛非常野味；5. 宮廷雞係招牌菜之一，非常嫩滑肉質彈牙；6.柚子蝦非常清香，蝦亦鮮甜。近期真心推薦。

其實環境都舒服，坐得都不錯，食物嘅質素普普通通，唔係太差，但又唔係特別好，不過服務態度就真係超級差，唔值得去食，嗰度嘅所謂經理嘅服務態度仲差過啲小職員，反而小職員嘅態度比經理更好，一定唔會再去食

服務很好，見你個碟一有嘢就會同你換，又會幫你倒茶，上菜又快。四喜烤麩，好食香煎大蝦，可以小炒王，一般乳鴿，夠味一口骨，好食乳酪蘋果包，好食整體唔錯，坐得舒服，食物ok，服務好。

同朋友好耐冇見啦！大家都想去間傾偈傾得舒服、食物質素高既餐廳，最終選擇咗位於佐敦的「星小館」 。餐廳提供左間4人座位可關門的房給我們（也有6人座位），私人空間感足夠，也坐得舒適。服務員服務非常好，間唔中入嚟斟茶收碟。今次我們選擇了生猛澳洲龍蝦餐，因為可以個別上菜，唔洗夾餸讓黎讓去，而且有7款菜式，滿足哂我們想每樣都試吓又唔會over budget ，而且一位收$568，有咁多樣海鮮食覺得幾抵食，所以就食這個餐了。生猛澳洲龍蝦餐 $568/位卡邦尼汁焗澳洲龍蝦配天使麵 x2龍蝦肉很新鮮彈牙，又唔會焗到好乾，食到龍蝦肉嘅汁架！而且好大隻，目測至少有一斤，半隻都已經好啖啖肉，超正。天使麵軟硬適中，配上濃郁卡邦尼汁，好滋味🤤黑松露醬冰鎮南非鮑魚 x2肉質彈牙，因為新鮮煮，鮑魚的鮑魚汁比罐頭鮑魚淡，但都夠味，而且好厚肉，好大隻👍🏻花膠養生藜麥皇燒翅 x2食咗啲濃味菜，飲返個味淡少少既湯中和一下，花膠超淋，魚翅分量足，好飲🤤蜂蜜柚子鍋巴貝皇 x2元貝有層粉漿包住黎炸，成功鎖住水份，配上柚子蜜，甜甜酸酸又鮮甜美味，鍋巴香脆可口營燒石岐脆皮乳鴿(每位半隻) x2皮脆肉嫩，熱辣辣上，仲好細心提供膠手套，

我的朋友是這間酒樓的常客，今晚他特別邀請我們一起試一試結果沒有失望，所有小菜都好好味，無論雞或海鮮在佐敦，難得有一家比較有水準的中菜酒家同時，他們的侍應招呼周到，真的不錯

成餐飯感覺差到無語，專登加錢要vip房，點知間房完全無冷氣，佢地既房係喺商業大廈果邊所以平日6點後同星期六日就會冇冷氣，成29度既天氣仲要焗喺房度，冇冷氣真係氣都唞唔到, 好過份...成餐喜慶飯好難得一圍人食飯，完全搞壞晒成個氣氛，成餐飯因為太熱大家都明明好忟，大家都忍住冇出聲，所以成餐飯難得一家人一齊都冇傾計，連氣都抖唔到仲點傾計，叫佢加風扇由4點叫到夜晚8點都未加，8點再問佢先同我講原來係冇風扇要問人借。4點話比我地打麻雀又唔講d房會冇空氣，大熱天時點捱啊？永無下次, 原來星小館不嬲都比人話好差，唔怪得可以叫左4個鍾問有冇冷氣都可以冇人覆冇人理，真心好野

有朋自遠方來，想吃中式fusion菜，位置好方便，佐敦地鐵站步行大約3-4分鐘就可以到達，味道可以，但出菜好慢。復活節假期客人唔多，可以坐得耐啲，比較喜歡前菜小食，例如豬手同魚皮（如果你鍾意麻辣味），環境尚算不錯，另外叫咗個文昌雞，好味；仲有叫咗個齋煲，偏咸，餐廳有獨立房間，私隱度高，適合親戚良朋相聚，有機會會再次光顧，或者試吓佢既點心。佢哋既茶葉選擇都多，會推薦你喝特別茶，當然比一般茶貴，不過朋友都愛喝汽水，所以只叫水仙，茶味也可以！

燒腩肉，蝦餃必食整體係好食 但服務質素一般員工經常西面 啲部長講電話超大聲 驚死人唔知佢啲電話內容服務態度很差 個老男待應忘記落單追左2-3次條魚 個男待應都係叫我哋等最後去到問收銀有冇落單 原來係冇落到