名 料理 (Closed)

🌳大尾督有間極隱世日式居酒屋小店⭐️真係唔多人知！第一次仲比正苦禁緊堂食唯有買外賣上主壩食，發現岀奇地咁好食(⚠️不過主壩好多曱甴🤣一路食一路避真係無下次)。今次再訪坐低慢慢嘆，地點可能真係偏僻所以人真係少，但餐廳可以專心咁serve 2,3 枱客人，水準零舍高，環境十分清靜坐又坐得舒服！🚙有揸車嘅朋友黎就更岩，餐廳岀面有幾個位可以比客人短暫停留，唔洗心掛掛搵車位或者比人抄牌😌🍲安格斯牛壽喜燒 $➋➌➑女朋友最愛壽喜燒鍋，基本上餐牌有嘅都會嗌😆呢個鍋本身裝滿雜菜、菇同豆腐，另外有一碟超過10片嘅高質安格斯牛肉(唔係比cheap cheap 肥牛)，2個人食都唔洗爭食。加埋彈牙烏冬，份量都好足👍🏻🐚磯燒鮑魚 $➌➑/隻鮑魚即叫即燒夠新鮮，而且size 都唔細，咬落去十分爽口，三十幾蚊一隻性價比幾高值得食😻🥠炸芝士年糕 $➌➑一客兩件嘅即炸年糕，外面嘅糯米團十分煙韌炸到剛剛好金黃色，入面嘅芝士流心濃香，作為餐前小食好岩係必試推介！🍆川味燒茄子 $➌➋茄子開邊後放上大量蒜蓉同調味料先至燒，帶點辣度嘅濃味。茄子肉熟透腍身又好juicy，適合一路飲酒一路品嚐🍺🦀蟹味噌甲羅燒 $➏➑打隻鵪鶉蛋落去蟹蓋

趁著天朗氣清，諗住入大尾督觀星，咁觀星之前，梗係食左野先。因為友人揸車，所以揀左間有得泊車嘅餐廳。記得見到龍尾村牌坊先好轉入嚟，我地跟Google map行差d轉早左一個路口。舖面裝修走日式木系風格，配合沿海的地段，清新舒服。太耐冇見，一嚟就叫左燒雞泡魚乾、燒芝麻雞翼同埋雞肉棒，再加2杯冰凍梳打。燒雞泡魚乾燒得剛剛好，口感一流，可惜揸車唔可以送啤酒。另外，燒芝麻雞翼簡直一流，上枱時仲熱辣辣，外皮乾脆內裏軟滑有肉汁，好想encore食得串燒梗係唔少得一杯冰凍飲品，梳打即叫即做，夠凍，亦唔會太甜食完前菜，我哋見到隔離枱食火鍋，所以我哋亦都請店員介紹咗個牛小排火鍋。火鍋附送稻庭烏冬，十分彈牙。本來友人說湯底略嫌淡味，但一直將牛肉放入鍋後，湯底變得鮮甜濃郁。牛小排亦值得一讚，有肉味下次嚟開龍尾，可以再試其他串燒同刺身，最好可以小酌一杯啦。

今日早放工同朋友入大埔食飯，朋友揾咗間餐廳係大尾篤附近食日本料理。雖然去到大埔仲要轉車，但一落車就見到間餐廳。老闆好好人，一見到我哋就叫俾咗兩杯特飲我地，話天氣熱，飲啲野先。荔枝梳打、白桃梳打安格斯牛小扒火鍋套餐 $538我哋叫咗一個安格斯牛小排火鍋套餐，套餐附送四點刺身，分別有活赤背、真鯛、左口魚、金目鯛。活赤背爽口彈牙，食落好似象拔蚌，金目鯛有濃厚嘅魚味，材料新鮮。另外，火鍋材料都好豐富，有菜、豆腐、金菇、冬菇，老闆仲送咗一個烏冬俾我哋。牛小排有濃烈嘅牛肉味，而湯底亦都喺日式火鍋shabu shabu湯底。燒雞泡魚干 $58雞泡魚干燒到乾身，點埋沙律醬，非常絕配。燒明太子雞翼 $58將雞中翼嘅雞肉抽出，再放入明太子，然後再擺去燒，食落好似無骨雞翼，又有明太子香味。

一家五口預祝父親節，餐廳雖然不是連鎖飲食集團的品牌，但個餐牌已經好有誠意，選擇多，用料靚，同一價錢响銅鑼灣日式餐廳嘅話，一定無呢個質素，性價比甚高。員工態度非常友善親切，主動添茶，又有耐性。食咗甲羅燒，如果隻蟹唔新鮮絕對會變成disaster，呢個好新鮮，賣相靚。仲有一底加拿大海膽，夠新鮮。燒鰻魚飯非常好味，最怕食鰻魚飯好多時起骨起唔清，呢次只有好少骨，真係好。我最鍾意食嘅赤貝刺身供應，之前食過幾間餐廳嘅赤貝刺身真係衰到好似做壽司細細舊咁，呢次終於都食到好high quality嘅，大大隻，又爽脆。最後估唔到嘅係，鹽燒拖羅骹令人喜出望外，肉汁鮮嫩，外皮又燒得好脆，大滿足！

大尾篤 遠近馳名的 名料理由大埔墟出發再轉小巴，約10至15分鐘車程。呢一間日式料理咁出名，連我朋友住港島都特登話要過嚟試一試。地方闊落，設有室內室外區,餐廳裝飾充滿日式風格一搵就搵到！食物方面亦都好有水準，最後我哋揀咗七款食物。芝士年糕，外脆內軟而且炸粉好薄，一咬開全部芝士流晒出嚟所以千祈唔好一啖食晒佢，小心熱！燒雞泡魚乾，香口夠乾身，加埋沙律醬送酒一流！炸芝麻雞翼，一客兩件大大隻，香脆而帶肉汁。安格斯牛肉串，熟度剛剛好，而且肉味非常濃郁！汁燒雞肉串，肉質嫩滑非常唔錯！安格斯牛壽喜燒鍋，牛肉脂肪均勻而且配上烏冬，仲有豆腐同埋野菜二人份量啱啱好！海膽炒飯，飯上面嘅嘅海膽十分新鮮鮮味濃郁，炒飯亦都好夠斤兩好大碟，而且仲有魷魚蜆肉同埋蝦去炒，熱辣辣而且飯非常夠乾身！必食！

次次去大尾篤都係食燒烤，今次有啲新意思，係咪錶停車場正對面，有一間好隱蔽嘅日本餐廳，餐廳最出名嘅係串燒，串燒燒烤係餐廳最出色嘅食物，店主都大推佢哋嘅串燒，黎到一定要試試佢呀( ´▽｀).係村口行過已經見到，好容易就搵到！.店入面放左好多酒樽，飲酒配串燒一定好正，可惜今次無叫酒和牛雞肉串雞軟骨串燒 大推大推！唔似出面來貨串燒，唔會得舊骨，有少少肉襯托更好味！雞泡魚乾第一次食雞泡魚乾，甜甜地，口感比一般魚乾更豐富，點埋沙律醬仲好味芝麻雞翼質素好好，外脆內軟安格斯牛肉壽喜燒鍋壽喜燒鍋超級大煲，放材料絕不手軟！牛肉脂肪比例非常靚，口感都好好！餐廳仲有好多食物可以揀，最推薦嘅一定係串燒同牛肉鍋(⁎⁍̴̛ᴗ⁍̴̛⁎)

今日好好陽光，就決定去新開嘅大埔龍尾灘行下，順便去附近睇睇有咩好食，原來附近都唔少餐廳，見到呢間名 料理裝修幾別緻，室內有流水牆，亦有七彩繽紛嘅水吧枱，由於天氣太熱，最後都決定入室內涼住冷氣食星期一至五提供午市套餐，有成12個套餐，叫左豚肉生姜燒&比目魚西京燒呢兩個定食，配沙律&麵豉湯，另外叫了一客燒明太子雞翼&燒雞泡魚干作為午餐份量充足，豚肉半肥瘦，連洋蔥一齊炒，惹味多汁，配合芝麻、蔥花及醃漬後的黃蘿蔔，賣相吸引，比目魚冇腥味，煎得金香，表皮脆口而唔會太乾。 名太子雞翼我自己試過跟食譜整，製作程序繁複，需拆骨再加上醃料封口，呢度嘅雞翼絕對係水準以上沙律配上粟米粒及芝麻沙律醬，作為前菜好開胃😋 燒雞泡魚干好好食，有啲似魷魚乾但唔會太鹹，好易咬，比較適合配酒一齊食食完附近有天鵝船，唔驚哂嘅朋友可以試下🤪

今日同男朋友踩單車入大尾督就順便睇吓嗰邊有咩啱可以食lunch，發現左呢間日式居酒屋。位置就係大美督燒烤場附近，喺龍尾村轉入去靠左有個招牌叫「名 料理」。呢度望落地方空曠，有室外同室內既座位。我地見天氣好涼，所以坐左係室外，環境十分舒服。先點了小食，有明太子雞翼，雞皮脆而且明太子好多，整體好入味，又好香口，熱辣辣超好食。芝士年糕又係必點小食，外脆內軟。免治雞肉串，肉質彈牙，配上燒汁惹味一流。再有熱辣辣嘅「燒雞泡魚干」又香又有咬口，食落甜甜地，點上沙律醬，佐酒一流。我哋點咗安格斯牛肉炒飯兩人食，份量充足，炒飯火候夠香。最後點左醬汁魷魚筒，原條大大隻，魷魚彈牙新鮮，估唔到大美督都有咁高水準嘅日式居酒屋，價錢又親民，下次會再幫襯。

今天天氣好到要外遊一天，所以我們特意自駕遊去大尾篤旅行到了龍尾村時藍天白雲，將到了日本旅行一樣我們停了車，找一個地方歇腳，點知到眼前嘅地方竟然係......日式餐廳.名料理，裝修別緻，而且很有日本文化特色這樣嘅餐廳，一定要試吓啦！餐牌有午市套餐，主食跟雜菜沙律及麵豉湯，還附送飲品！餐廳老闆很親切招待我們，為我們介紹店內的特色食物！好點完餐了！好好嘆翻杯茶先！我們點了一道雜錦魚生飯，老闆在托盤奉上豉油和碟，很細心魚生飯望落去唔錯，而且品嘗亦很新鮮，色澤亮麗！我很喜歡蟹子拌飯，帶出海鮮鮮味昇華麵豉湯亦很清甜，海蒂是新鮮的，而且豆腐亦很清新！沙律的份量足夠，配埋芝麻醬一齊食就更有田園感覺！我們第二道主食是黃金海膽炒飯，同樣賣相吸引，而且用了很充足，有魷魚，三色粒，蝦肉，蜆肉和主角炒海膽！飯粒每粒金黃可口，而且海膽亦有鮮甜的味道！一個字形容：各位如果有機會來到大尾督，不妨可以來到這一間名料理，行多兩步仲可以租單車，食飽啲有氣力做運動！

撞正學校假期，平日來到大美督當然是比較chill，我們在大埔墟地鐵站轉75號K巴士來到，由於諗住在龍尾村租單車，所以我們在龍尾村站就落車，沒有去到大美督總站。租單車前我們去龍尾村的餐廳食午餐。由於我們不想食太多，所以我們決定叫一個午市套餐，兩份小食，再去踩單車。午市套餐包飲品，夏日炎炎最好飲汽水。雞泡魚乾過下口癮，調味粉10分惹味。這個比目魚午餐肉質十分甜，入口有油分，最好就是配白飯。外皮燒得非常香脆，只有一條主骨，怕骨的人也可以吃。平時日本餐廳多數只會最多兩塊魚塊，這裏竟然有3塊，所以兩個人分也足夠。這就是魚肉了，竟然肉質滑得像帶子一樣。必叫的是這個明太子雞翼，本身明太子已經醃好味，所以提升了雞翼的昇華感覺，有層次。在龍尾村食完行前少少租單車，好過直接搭巴士直入大美督總站。

17/4/2022 星期日，復活節正日，入大尾篤郊遊搵食，見到呢間日式料理，一於試吓啦！前菜 蒜味螺肉，好淸爽，刺激食慾。跟著 赤貝刺身，新鮮爽甜😋再嚟 雞軟骨串，日式燒茄子，炸日式餃子，款款都美味😋明太子雞翼，漲卜卜，夠多餡料，有咬口😋鹽燒拖羅魚鮫，好肥美，啖啖肉，燒烤得好香口👍🏻雜菇湯烏冬，烏冬彈口，連湯都飲埋😋下次嚟大尾篤，要再encore 😊

疫情下大部分人都好掛住日本，聽聞大尾篤有間日式居酒屋feel既餐廳，一於試下佢咩料。先講講個環境，雖然今日落雨，但係個環境都好舒服，有得揀坐室內或者室外，咁我就揀咗室外，但係其實室內仲好feel，真係好有居酒屋既感覺。再講下食物，佢有lunch set，叫左照燒美國牛小排，牛小排好有牛味，份量都多，個照燒汁幾特別同個牛好match。飯就係珍珠米黎，好食。什錦魚生粒飯，一見到幾大兜，有唔同既魚生粒，食落都幾多魚生，冇取巧。另外，仲叫咗三個小食。燒雞泡魚干，呢個係勁好食，唔係出面個d勁硬既感覺，但又有𡁻口，又香，啱啱燒起熱辣辣，送酒一流。燒雞軟骨串，呢個又係同出邊好唔同，出邊係好肥同埋舊骨好硬，咁喺呢度既雞軟骨串個味道好match，軟骨真係軟骨，幾易咬，又係送酒一流。最後叫咗個炸芝士年糕，佢唔係好似放題嗰啲芝士波波咁林，好煙韌，個芝士又唔係話好濃好漏個啲芝士，係比較輕盈既芝士feel。試咗三個小食都幾特別，下次有機會再試埋其他。

我哋平日晏晝入到去大尾督基上都唔洗等位，店裏面又有分坐外面或者裏面，環境寧靜舒適，好有空間、好寫意，👍🏻。值得一提嘅係，室外有場吧枱，相信夜晚喺呢度飲酒一流，室內四周圍貼滿日式海報和酒樽，好希望如果有晚市嘅話都可以嚟多次。兩個定食都連埋麵豉湯，配合新鮮滑豆腐，而配菜有黃瓜同沙律，真消滯🤩1. 豚肉生姜燒豚肉肥瘦均勻，肉質軟腍，所以入口都好爽。2. 照燒美國牛小排  Keep到牛嘅肉汁味，肉質一啲都唔韌。而且你見到飯嘅份量都好多，簡直送飯之選！去居酒屋，當然唔少得燒物。3. 燒明太子雞翼估唔到呢個配搭嘅感覺好夾，皮脆而且明太子好多，整體好入味，又好香口。4. 燒雞軟骨串雞軟骨好香口，又唔會食到好乾，加埋檸檬汁更食到雞嘅鮮味。食物質素好唔錯，啖濃味道啱啱好。加上餐廳服務都好貼心，店員一直都又好親切咁為我哋斟茶，係一個好好嘅體驗🌞。

返工chur左成日，難得早放，入咗大美督嘆吓下午茶。位置就係大美督燒烤場附近，喺龍尾村轉入去靠左有個好明顯嘅招牌叫「名 料理」。呢度地方空曠，感覺放鬆，餐廳門口有得泊車，非常方便。熱辣辣嘅「燒雞泡魚干」作為頭盤簡直一流，又香又有咬口，食落甜甜地，好岩小朋友食。「蟹味噌甲羅燒」齋睇賣相就已經100分。佢加左生鵪鶉蛋，撈埋落蟹柳，蟹子，蔥花，蟹膏，唔單止只令味道更鮮甜，仲豐富左成個口感，而且你唔會覺得個鮮味被蓋過，因為有蟹味噌同酒吊返個蟹膏味出黎。「炸日式芝麻雞翼」大人細路都一定好中意。外皮加左芝麻，香口得黎又夠脆，仲帶點甜味！咬落去肉質嫩滑，想encore!!另一款，「燒明太子雞翼」嘅口感同味道就好唔同，雞翼入面釀左啲明太子，有啲啲辣味。「清酒煮蜆」最岩天氣涼涼地食，好香清酒味，食到有種熱血沸騰嘅感覺，仲令蜆肉嘅鮮味大大提升。「燒牛俐串」灑上粗胡椒，配上鮮檸檬汁，非常開胃。最後食埋個「黃金海膽炒飯」作結尾，你見佢咁足料，就知我食得有幾滿足啦。配埋啤酒絕對係人生一大樂事。佢嘅價錢都好親自，都推廌比大家黎哩到食下野，放鬆下。

閒日放假便去大美督郊遊，開始前選了呢間日式料理食午餐 。架車很方便，直接泊喺餐廳前面的空地便可。餐廳環境清幽，可選室外或室內。室外可遠眺到新建的人造沙灘龍尾灘。我們選了坐室內，佈置挺日式及舒服。點了兩個午餐。美國照燒牛小排，牛小排肥瘦適中、汁也配搭不錯，加埋黃蘿蔔，相當開胃。另外一個係黃金海膽炒飯，個飯炒得不錯，加埋海膽喺面，美味抵食。兩個餐都配埋湯及沙律及飲品，相當抵食。閑日人流不太多，服務也好，放假避靜的好去處。