名 料理 (Closed)

值得被被更多人關注！性價比極高嘅日式居酒屋大尾篤開左個沙灘，都要入去見一見識，而平日去開大尾篤通常都會諗開bbq ，點知今日竟然比我發現龍尾村呢到竟然有間高質隱世居酒屋，見到價錢又唔係太貴，環境又舒適，仲要見佢5點前有happy hour ，同朋友就決定試一試！呢到有室內同室外比你選擇，室內裝修比較有日本特式D，同埋有冷氣，所以就決定左坐入去😁入面嘅環境都好闊落同舒服~去得居酒屋就當然要叫番杯酒，我叫左杯梳打梅酒 ($48) ，朋友就叫左啤酒 (5點前order 就買2送1，好抵!)三點刺身盤 ($288)食得出呢到D刺身係飛機貨, 全部都好新鮮呢到有3款魚: 深海池魚, 油甘魚, 甘目雕我最鐘意就係甘目雕, 佢層皮會好似有小小燒過, 食落特別有口感同惹味原隻珍珠蠔 6隻 ($128)<期間限定> $28/隻老闆話佢地係個朝先由日本運番黎, 所以佢係特別新鮮同鮮甜安格斯牛壽喜鍋 ($238)呢個真係十級推介你去食!!!首先佢個份量真係好好好多, 有黃芽白, 秀珍茹, 冬茹, 雞比茹, 金茹 (好多茹!!!鐘意茹ge人就岩曬)成個鍋都係滿!之後就係個湯底, 個人覺得個湯唔

星期四晚同朋友揸車嚟到大美督呢間日式料理食晚餐，位置雖然比較隔涉，但勝在坐得舒服，亦可以去附近吹下風或者去三門仔行下。一向都好鍾意日本料理嘅裝修環境，嚟到呢度好似真係去咗轉日本咁。我哋兩個人就叫咗個特盛海鮮鍋，送咗三款嘅刺身，因為我唔食刺身，所以就益晒我朋友喇。特盛海鮮鍋最大賣點就係裏面嗰條魚，真係好新鮮㗎，老闆仲拎咗條鮮魚俾我哋睇吓，即場劏開，幾分鐘就變咗碗入面一塊塊新鮮嘅魚肉。配料方面以蔬菜為主，有白菜、冬菇、金針菇、白頭菇、蜆肉、豆腐、蕃茄、生蠔、海蝦等等。 湯頭方面非常清淡，完全明白佢係為咗突顯魚嘅新鮮，所以唔想用一啲濃味嘅湯底，以免搶咗魚嘅鮮味，果然係只有用新鮮嘅食材先夠膽咁樣煮。最後當然係一掃而空。

去完龍尾灘玩完水，夜晚行去龍尾村路旁發現日本菜！見間野幾chill下，有戶外室內座位，裝潢都好有日本vacation feel，咁就去試下啦！我地叫左個特盛海鮮鍋，上枱個盆份量仲多過餐牌張相，有好多種類海鮮！還送三色刺身，另外再叫左雞泡魚乾同炸芝士年糕。海鮮鍋每樣海鮮都好新鮮，店員還推介我們先放魚頭魚骨放落湯中淆，令原本已很甜美的魚湯更加濃郁。時令魚超級滑同有鮮味，真心推介。厚切刺生，新鮮，送都有咁既質素，每啖都好有口感，又有魚油香味，真係好驚喜！雞泡魚乾好厚肉，燒得好香口，愈𡁻愈好味！送酒小食一流。最後，話係「隱世」，但其實好方便，係龍尾村村口牌坊旁，而且有停車場，消費可免費泊車。亦可以由龍尾灘沿馬路一直路行唔駛5分鐘。地點方便，但就有寧靜隱世feel，都幾適合情侶或一大班朋友坐戶外飲下清酒。食物真心推介，用心製作，食材新鮮，侍應又好樂意介紹每道菜，有傾有講，更加有日本居酒屋風味！

去左龍尾個新嘅人造沙灘，玩左成日。就係附近食埋野先番屋企。大尾督其實好多隱世嘅美食，要慢慢再發掘。今次就去左依間勁有特色嘅居酒屋。小店，係幾間村屋地下咁打通黎做，好有住家feel.小店還小店，d 食材一d 都唔小野，拍得住出面d 高級日本餐廳，自家來貨，飛機貨。有戶外，可以帶狗黎開飯。冇狗又怕熱可以入室內。menu 唔太多。不過好多時令野寫係黑板，你自己去果日再睇下有冇野啱。先黎個五點刺身盛。有5 種野，好新鮮，全部飛機貨。老闆講左d 名，人老唔太記得。個兩隻魚好新鮮，好鮮甜。海擔都好甜，唔臭唔苦。打卡一流。之後黎d 串燒雞軟骨，帆立貝，魷魚鬚正正常常。鐘意食可以叫。全部新鮮燒，所以要等等川味燒茄子同平時果d 有小小唔同。冇平時果種重孜然五香粉嘅味。今次係重辣味，上面有d 炒肉碎。重川味。最後叫個吉列黑豚肉湯烏冬因為唔多夠飽先叫。個肉，新鮮炸起，比平時d 豬肉味再重一d, 唔洗點調味。個麵就正常，唔太濃味。放心，冇味精嘅。

⭐️名 料理⭐️📍:大埔大美督龍尾村59號地下A號舖⏰:11:30am-10:30pm💰:人均$100 (設加一)⭕️: 現金、信用卡、支付寶、AE🐶🐱:寵物有善餐廳 可攜帶寵物入店內👉🏻安格斯牛肉炒飯 💰108🌜呢個有驚喜 超大碟 我地每人起碼食左兩大碗🤣好多牛肉粒 食落口每一啖飯都好滿足 牛肉有油脂味 再配埋炒飯簡直一流🎉絕對唔會食厭 個人超級推薦一定要叫！！👉🏻炸軟殼蟹 💰78🌜好脆好香口 入邊嘅肉質都好鮮 不過就細隻咗少少 如果大隻啲我諗會更加滿足🎉👉🏻雞泡魚肝 💰58🌜燒到脆而不韌 好有咬口 恰到好處 配埋沙律醬簡直一流 飲酒必點🔥👉🏻炸芝麻雞翼兩隻 💰42🌜好有驚喜好好食😚塊皮好脆 一咬落去啲肉汁慢慢流出黎 雞翼好香 係有埋雞翼尖既雞翼 鹹鹹地醃得好入味 一定要趁熱食 凍左口感就無咁好🙈👉🏻白桃梳打 💰38👉🏻橙汁 💰28🌟環境空間都好舒服 裝修好用心 就好似一間居酒屋既格調 餐牌選擇好多 室內外既位置都有得坐 室內佈置風格好有日本feel 夏天唔想太熱😂可以坐室內 夜晚坐室外 吹住海風 欣賞夜景 好舒服😚 成餐飯我哋食得好開心好滿足 可以靜靜地同友人傾吓計 泥到大美督食嘢一定要

係居酒屋啊🤤今次嚟大美督終於唔係燒嘢食唔係泰國嘢啦！位於龍尾村嘅名料理比我想像中容易搵，一望就見到，本身見到户外area仲以為冇得涼冷氣，心都離一離，原來係有個大户外區同室內區，但室內座位真係唔算多，不過坐得好舒服，足足有三部冷氣，啱晒踩完單車嘅我哋～前菜嗌左個和風蔬菜沙律，真係好耐冇見過依個價錢嘅沙律啦，平靚正🤍As一個前菜，份量剛剛好，唔只有沙律菜、蕃茄、日式沙律必備嘅蟹柳蟹籽、仲有醃蘿蔔，加埋有啲甜嘅沙律醋，好開胃！串燒真係有好多選擇～可惜兩個人食唔到咁多，唯有簡兩款睇落最正㗎啦！！燒安格斯牛粒串，岀乎意料之外好食嘅牛粒，七成熟左右又唔韌，平時唔中意醬汁嘅我哋都表示個汁再加黑椒粒好夾又好味～燒雞軟骨串，一客有三串，依個份量都夠晒兩個人share，口感都很不錯，只係調味料落重手左少少，有幾粒特別鹹，不過吱多幾滴檸檸汁都可以中和到個鹹味～主食方面就有安格斯牛壽喜燒鍋～開住冷氣打邊爐真係世一，壽喜燒鍋就再加分🤤員工好貼心提我哋等個鍋岀煙就可以叫佢哋幫手開蓋，可能因為材料好豐富，都等左一段時間先食得。一開蓋嚇親，好多唔同嘅蔬菜，啲娃娃菜雖然索左啲湯底，但又唔會好鹹！身為一個唔愛食菜嘅人，

今日去左大尾篤踏單車，走果陣想食日本野，估吾到哩度都有，仲要咁高水準😍😍我地叫左個豚肉鍋鳥冬，豚肉好爽口同好濃豬肉味，鳥冬係讚歧，偏軟身！入面既菜好多，豆腐好嫩，同平時食既好吾同！川式燒茄子真係極度推介！燒得岩岩好，用蒜蓉燒，連個皮都食得👍好香口，吾會過干燒番薯仔🥔個紫薯仔好甜😍吾會甜到好溜，而係岩岩好！細細粒，又健康😀雞翼都極度推介，個皮燒得好脆身，但入面好多汁！岩岩好！汁燒雞肉棒都好好味，吾會過濃過咸！雞肉嫩滑！一邊飲酒一邊食野傾計真係好解壓！梅酒梳打都好好味😍吾會好甜，酒味又吾會太濃！配埋刺身食岩岩好！最後一定要介紹刺身拼盤！入面有好多款魚同海膽配紫菜！海膽好甜💋大大啖，加埋有赤貝，仲識郁架🥰🥰如果玩完一班人入黎吾一定要bbq,黎食日本料班都好happy

今日嚟到大美督既一間日本料理店，佢就係沙灘再入啲。裏面嘅環境寬敞，而且牆身好多日式裝修。食物都好多選擇🥰價錢好合理，而且好吸引❣️小食方面，嗌咗呢個雞泡魚乾。魚乾比較厚身，燒得好靚，好有嚼口，唔會太脆。咀嚼既時候，會有好濃既燒魚既香味，配埋沙律醬就啱啱好。黎到日本料理點，當然要嗌燒海鮮食啦。磯燒鮑魚好新鮮，食落去唔會太硬，啖啖肉，好滿足。燒蝦都好香，蝦用爽口親鮮。牛油帶子配蟹子，令到味道唔會太油膩，好新鮮。炸蠔係必嗌！❤️炸粉唔會太厚，蠔好大隻，食落去，蠔🦪都好嫩口，好鮮味！另外我哋仲帶咗炸芝士年糕，明太子燒雞翼，燒雞軟骨。佢每樣野都燒得剛剛好😋嫩口。雜錦魚生丼飯，魚生好新鮮，有帶子、三文魚、綢魚丶吞拿魚。食完再去新開既沙灘下🤤好享受既晚上！

龍尾灘剛開了不久，趁住平日有假期，便來走一趟。玩完見到對面有間日式店，有室內外雅座，便去試一試😽😽💫炸芝士年糕🧀$38芝士年糕即叫即炸，熱哄哄的，咬下去芝士流出來，小心燙到舌頭👅💫炸日式芝麻雞翼$42雞翼熱辣辣，係全隻雞翼有埋雞翼尖🐣，醃製味道非常好👍🏼鹹鹹的非常入味😝雞皮非常香脆，肉汁被鎖住非常嫩滑💫午市套餐-蒲燒鰻魚飯$78蒲燒鰻魚是厚切❤️三件都係魚中間最厚肉部份，沒有頭尾❤️鰻魚汁份量多佈滿整個壽司飯，每一啖都食到鰻魚汁包住飯粒，一眾鰻魚迷唔可以錯過啦！💫午市套餐-豚肉生薑燒$78豚肉分量非常多，與紫色洋蔥一起炒，豚肉淋身入味，配上一碗白飯，一流😚😚💫套餐附送雜菜沙律及麵豉湯芝麻醬倒在新鮮的雜菜上，吃得出係高質的沙律菜，麵豉湯有昆布和豆腐，味道濃郁。💫芒果梳打$20（跟餐）芒果梳打大大杯，大熱天時來一杯簡直係冰透心涼😃😃芒果味濃郁，調配合適，甜度剛剛好。💫波子汽水$25波子汽水係兒時回憶❤️一按下去波子便掉下來，波子汽水立刻湧出來，相信這是飲波子汽水嘅特色。黎大美督除咗燒烤同埋食泰國菜，名料理嘅日式菜都係一個好選擇。

這日放假我哋去大埔行吓，去吓新沙灘龍尾灘。去沙灘之前，嚟到再租單車店附近嘅名料理食午餐😊餐廳分開室內及室外位置，我哋今次坐咗喺室內地方，充滿日式溫馨居酒屋感覺餐廳有午市套餐，亦有唔同嘅單點食品選擇我哋叫咗兩客午市定食以及一些小食烤雞泡魚乾好好味，熱食時超香牛舌爽口，加上一啲檸檬汁調味更加感覺清新明太子雞翼去左骨啖啖肉，充滿明太子嘅鹹香定食包括一碗飯、湯、沙律、以及主食。豆腐麵豉湯都幾好飲，沙律菜清新，比目魚西京燒好入味，魚肉好滑，魚皮燒得好香口，點埋沙律醬食同埋送白飯好正。豚肉洋蔥生姜燒嘅調味做得好好，洋蔥炒得好香口，豬肉都偏向爽口結實。最後　我哋嘅飲品點左果味梳打。白桃梳打感覺香甜，巨峰提子梳打味道濃郁。

今日去到大尾篤玩水，玩完水想搵日本料理食，見到名好吸引，好有日本feel，就同朋友兩個人去食！我地實在太肚餓，所以叫左好多野食，真係好好食好新鮮！每一款都好推介！廚師既時間掌握得好好，拍得住出面既居酒屋🏮川式燒茄子🍆外脆內軟，燒到好juicy, 必叫！磯燒鮑魚汁吾會好咸，鮑魚好彈口新鮮燒原隻帆立貝上面有魚䰵，加埋帶子好有口感！成個好重牛油香味！海膽炒飯海膽勁新鮮，好濃好白，配料好多，我地都食吾哂一大碟，有蜆、蟹柳、魚䰵etc清酒煮蜆必叫！清酒味加蜆好甜，但比湯匙你飲埋d水😂飲完都有小小high high 地雞泡魚干🔥🔥飲酒必點，好出色，好香魚味，同埋好大碟我仲叫左杯生啤💪配哩堆野食真係一流💋而且連個杯都係凍冰冰咁上，實在太值得欣賞！泊車既朋友如果黎食野可以拍係鋪頭門口，都有塊好大既空地！

今次同左個朋友仔去大美督度搵嘢食，因為個頭有個山丘仔可以行下，又有得由大圍開始沿住單車徑踩入去🥳 玩完揾嘢食，見到有間特色日本菜就喺附近！行到去佢門口嘅時候就俾佢嘅特色裝潢impress到！門口個水池好有日本風，瞬間好似去咗日本啲餐廳！唔似平時喺商場食飯搵到嗰啲餐廳咁佢啲食物質素好好啊！刺身好新鮮，又有好多特色嘅日本菜！試咗佢嗰個金目鯛、洪笛吹刺身！餐廳職員話啲刺身全部都係日本空運嚟嘅！試到呢兩款未食過嘅刺身，好開心！刺身又切得好厚，有淡淡滿足感😋小食嗌咗雞泡魚乾，燒雞軟骨串，同埋明太子雞翼，都唔錯，個雞翼釀滿滿嘅嘅明太子汁燒鮑魚同埋北奇貝大推！兩樣都好肥美，燒得啱啱好，將呢兩樣海鮮嘅鮮味帶到極致佢個雪糕甜品亦係令我回味無窮！蘋果味同柚子味都係日本空運到香港嘅，好好好好好好味！喺香港都冇食過咁好味嘅雪糕我哋走嘅時候有路過見到大美督嘅一個時租停車場，好平喎唔知$3定$5/1個鐘好抵，如果大家想揸車嘅話，值得考慮下。

今日繼續係大埔搵食，趁天氣好就入去大尾督chill 下。係最近熱門嘅龍尾灘短暫停留後～鈄對面嘅大尾督村入邊見到呢間裝修好特別，好有日本風嘅餐廳，所以就決定去試吓。裝修睇得出好用心，感覺真係好似去咗日本嘅磯燒店咁！一睇個Menu 嘩咗一聲，因為好多選擇！所以叫之前睇下食評有咩好食～前菜叫咗一客都幾受歡迎嘅蟹籽沙律🥗青瓜絲好幼細、好爽口，加埋蟹籽真係「sharp sharp聲」，好開胃！另外土匪雞翼燒得好香脆～川味燒茄子🍆面頭個層厚蒜不得了，好惹味。主食先叫咗雜錦魚生飯～ 超豐盛！見啲魚生大大粒，亦好有鮮味，所以再叫多幾款鐖燒海鮮🎏一口氣叫咗帆立貝、鮑魚、海蝦、翡翠螺。都好新鮮啊！好juicy！一邊飲住解渴嘅梳打，一邊食燒物，好消滯，一一把面前嘅美食K.O以呢個價錢黎講份量真係好足！好滿足～環境傾計一流👍🏻

今次介紹嘅係係一間日本居酒屋名料理。🤣🤣🤣附近有停車場，非常適合鍾意駕車周圍搵嘢食既人士。👍👍居酒屋竟然有咁多選擇，有炸物，燒物，壽司刺身外，炒飯都係呢度主打，相信一定包你食到捧住個肚。😋磯燒鮑魚，原隻鮑魚非常新鮮，加上醬汁帶出左海洋既味道，絶對係必食推介。燒原隻帆立貝，賣相吸引，食落口大量鮮味湧入口度，真係回味無窮。再黎既係生薑燒豚肉飯，豚肉經大量洋蔥同生薑炒過，非常惹味，淨係洋蔥同汁已經夠食幾碗飯。燒鯖魚定食，燒到皮脆肉香，啱晒鍾意食燒魚既人，香口又唔油膩。仲有好好味既芝麻雞奕，雞奕大大隻啖啖肉，真係燒雞奕我鍾意食❤️飲品除左酒類，仲有各式梳打同汔水，有我最喜歡既巨峰提子梳打，係炎熱嘅天氣下飲真係非常消暑。整體出菜時間快，staff service 好，價錢合理，放假黎真係幾relax 😙😜😙

今次要介紹既食店叫名料理，係一間日本居酒屋，位置清靜，好啱情侶食吓嘢飲吓酒傾吓偈。主打有壽司刺身，有炸物，亦有燒物，我今次選擇左燒物。先黎既係磯燒鮑魚，肉嫩多汁，口感煙韌。之後係燒原隻帆立貝，賣相已經好吸引，好有鮮味，加埋飛魚籽口感更有層次。再黎既係蒲燒鰻魚飯，香味已經令你食慾大增，肉質肥美但係完全唔會覺得油膩，啲魚油同醬汁可以令你食多幾碗飯。最後仲有好好味既日式芝麻雞奕，啖啖肉又香口，真係食多幾隻都冇問題👍飲品都有好多選擇，除左酒之外，仲有梳打，我就揀左試吓菠蘿梳打，用新鮮菠蘿酸酸甜甜非常醒胃。