星巴克咖啡 (Closed)

I’m quite disappointed in this branch of Starbucks. I’ve been here three times in total and each time they’ve messed up my order: either given me the wrong size, or a hot ‘Frappuccino’ , or forgot to give me skimmed milk. While the staff is always very apologetic, it’s a hassle to have to wait for them to remake my drink. I normally order caramel macchiato in the morning, with skimmed milk. That day, I specifically told the barista my order, and double confirmed with him as He was writing my ord

國際展貿中心有好多辦公室，平日Starbucks人多。但到了周末，這裏的食肆就水靜河飛，Starbucks更極少顧客，是個安靜的傾計好地方。今天來到，有套餐。我點了藜麥芝麻吞拿魚包 $59(已包括$32熱飲，點其他飲品，可以補差價。)我點了latte (+$4)包上的藜麥芝麻非常多，包烘得很脆。麵包一點都不乾，裡面是厚厚的吞拿魚醬，還有生菜和青瓜，好好味。不過，latte咖啡味不夠濃，似飲熱鮮奶。Honey就散點。雞肉蘑菇批 $29 Mocha latte $36Mocha latte 好飲，甜甜的；不過，同樣，奶太多，綠茶粉太少。週末處處都人多，在一個人少的咖啡室談談天，非常好。

因為openrice送戲票，同家姐一早來到呢個商場，時間唔多，先去食個早餐，呢個商場內大部分都係連鎖店，唔想迫，所以去呢度，啡木傢私，燈光柔和，先去櫃臺落單，八達通比錢！再在櫃臺等埋食物，自助攞去坐低！揀咗櫃臺旁一張小圓枱！加上食物唔算闊落！店員已比刀比我哋切食物！煙肉車打芝士蛋酥皮三文治（$35)攞嘅時候頂嘅麵包已經滑開了！酥皮麵包造型可愛，外脆內軟，半溶車打芝士濃香！蛋嫩口！好味！火腿瑞士芝士蛋白酥皮三文治($36)呢個包包比較淺色！無咁脆，一樣鬆軟！火腿幾香口，芝士無咁濃味，軟身好味！蛋白清爽！整體好味！焦糖咖啡 (Caramel Macchiato)($41)家姐飲Cappuccino($38)因為怕要入場，所以要求紙杯盛載，打開蓋無拉花，奶泡唔夠挺身，唔濃厚，咖啡微甘易入口！唔落糖都好味！ok!店員比較冷漠，落完單等到咖啡，一路都唔見到叫攞食物，點知原來已經出咗放在玻璃櫃上面！我哋自己去拎（其實我哋企在櫃台近沖咖啡位置，麵包嗰邊係好近）中間真係聽唔到有人示意可以拎食物！其實由落單到攞咖啡食物，店員都愛理不理咁！$75一個咖啡早餐，唔係呢種服務！

今日都真係熱到爆燈！唔係要出黎買飛睇戲...連街都唔想出...入到黎買完飛都真係要搵杯冰凍飲品休息一下！星巴克係不二選！買飛佛其實係 Java Chip！但今日好想飲綠茶！好啦！改一改！真係冰凍好飲！綠茶味好夠！我今次叫左半糖...下次要走糖喇...真係好甜下！不過都可以接受！最緊要夠凍 👍🏻👍🏻

食完飯，最好就係嘆番杯咖啡先！休息下！懶洋洋的 ！同事請我飲咖啡！我揀了一杯我至愛的焦糖咖啡。平時我只係飲齋啡咋！因為一般餐廳用奶粉冲！無營養！味道又怪怪的！但係 Starbucks佢哋用鮮奶打成泡泡，一陣陣的甜絲絲焦糖味，濃濃的咖啡！已經誘人呀！焦糖在泡泡上，賣相特别吸引！！如果加上一件藍莓芝士蛋糕，更加絕配！！新鮮的藍莓粒粒舖上蛋糕面，濃濃的重芝士一層一層的同蛋糕一齊！口感一流！世上如此有美好的食物！每次我都會幫襯架！！但係今次我已經食得飽飽的！所以沒有買到！下次，我一定會加買架！！

公司請飲starbuck，我地一口氣叫左三十幾杯飲品，留電話，整好左就call我地去拎。大概一個鐘就有得拎，三大袋紙袋上，杯杯都寫好名，又無出錯，熱飲黎到仲熱，真係幾好喎。叫左呢杯熱嘅hojicha latte，no sugar, skim milk，熱辣辣，微甜又香，間中飲一杯真係幾正。

藜麥杏脯鬆餅 Quinoa Apricot Muffin ($18) 眼見面層有好多藜麥同甜甜的杏脯，烘燶Ｄ藜麥更有咬口，可惜藜麥同杏脯就只限於表面，裡面就只有半粒杏脯，其餘就真係齋鬆餅，雖然鬆餅都好濕潤唔乾，不過說真的真係冇味.....好啖好啖....，係有Ｄ失望嘅！焗蘋果酥卷 配雲呢拿汁 Apple Strudel with Vanilla Sauce ($29) 好開心呢個蘋果酥返來呀！同過往一樣咁好食，蘋果唔好過淋有得喉吓，酸酸甜甜的；酥皮好鬆化，加埋面頭杏仁片更脆，另有甜甜的雲呢拿汁，如果怕甜其他唔點汁已經好食，就算食哂成個都唔覺膩。海鹽焦糖朱古力撻 Salted Caramel Chocolate Tar ($24) 朱古力撻表面好似閃下閃下，有些少海鹽粒點綴，淨睇外表都唔錯嘅。朱古力層味道質感都幾濃且厚稠，唔甜幾滑，不過海鹽味就只有面頭果幾粒，當然咸死了，焦糖味在那呢？撻皮底其實唔厚架，但就硬到不得了，要用力才切得開，總括來講....一般啦。藜麥草莓士干餅 Quinoa Strawberry Scone ($18) 呢個牛油士干餅面層佈滿藜麥粒，烘烤耐Ｄ令面層更香脆，好食

剛好星期天來到九龍灣展貿，正舉行一些展覽和活動，行左半日對腳想休息下，就同朋友一齊去左Starbucks坐底飲返杯意大利芝士餅星冰樂：）平時九龍灣展貿都唔覺有咁多人。。（或者我小黎ＸＤ）呢間ｓｔａｒｂｕｃｋｓ係九龍灣展貿入面，開放式設計，無玻璃幕門，而係同展貿合二為一，環境尚算唔錯：）不過相比某些ＳＴＡＲＢＵＣＫＳ呢間比較細，當日可能有展覽同演唱會舉辦既原因，人流比較多，不過等位時間並唔係太長，但等飲品就要返小小時間：）不過星期日，慢慢等都無所謂，做人食野飲野，係種享受，太趕龍肉都無味啦行到熱熱地，雙腳累透的話，來喝杯意大利芝士餅星冰樂真不錯平時我都好小飲咖啡，怕苦嘛呢杯味道唔算太苦，有Ｄ甜甜得黎又有Ｄ咖啡味好似食緊芝士餅，有Ｄ好似花生粒既野係ＣＲＥＡＭ位附近，都幾好飲：）另外，服務亦唔錯，都同往日ＳＴＡＲＢＵＣＫＳ一樣會問你點稱呼。而環境有大ＳＯＦＡ同幾多既二人座位，一Ｄ吧檯吧椅，服務員亦經常清潔已離開食客既杯，食物等，清潔程度都唔錯：）呢杯意大利芝士餅星冰樂要＄４４。ＳＩＺＥ有分幾種，視乎你想飲幾大杯啦：）鍾意甜甜地既話，當然仲可以加ＣＲＥＡＭ啦：）

早前在facebook見朋友對新出的士多啤梨芝士餅星冰樂讚口不絕, 攪到我心思思都想買唻飲下, 今日睇戲前有d時間, 結果就踏出左我呢一步, 拿出47個大洋, 買左一杯特大裝同老公share, 但結果不似預期, 冇芝士餅味, 連士多啤梨味都唔多, 但好在無死甜, 淡淡的冰冰的, 個人認為m記十幾蚊杯的士多啤梨奶昔仲好飲d.

今天要出席一個有意義的慈善活動，在Starbucks買了一杯鮮奶咖啡和一個牛角包吃。老實說，小妹平日唔多光顧這家店，第一價錢太貴，第二是飲品感動唔到我。但因為有一張$25禮卷，唔用會浪費，所以都破費再試一次。當我咬第一啖牛角包，就後悔忘記為它留倩影，原因是實在太好味啦！可能是店員細心地用焗爐為牛角包加熱，雖然唔肯定新唔新鮮，但肯定是香噴噴和香脆。其實這做法是很聰明，原因是牛角包焗後，令油份均勻散佈在整個包，不但唔會有膩和滯口的感覺，還可使它有新鮮熱辣辣出爐的口感。 

有事到九展，3點未食午餐好肚餓，見到地下一層有星巴克，即入。咸食選擇不多，故選了經典三文治及凍Cappuccino,用渣打信用咭可升級中杯。九展環境隔渉，所以咖啡店只有三檯客，與其他地方比，這裏真是舒服好多，環境靜，沒人等位。凍Cappuccino 6.5分 : 基本夠凍，味道一般。經典三文治6分 : 麵包番熱了，但好硬，餡料有火腿，蕃茄，烚蛋，紫生菜，及類似香草雞醬。因番熱了，故蕃茄也是熱的，不太接受，而類似香草雞肉醬的東西，不咸不淡，重香草味的東西，不好吃亦不難吃，最好的是塊火腿，咸香有緻，成份三文治的靈魂所在，沒有它，份三文治不合格。

近期不停做校對工作，眼睛累得快要睜不開，就在身心俱疲的晚上，收到一份窩心的吃點，感覺實在溫暖！接過包裝紙袋時，一股熱氣傳入手心，心裏已對這個雞批產生好感，它的「件頭」比坊間大份，樣子金金黃黃煞是誘人。用叉揭開外層酥皮，焗得異常鬆化可口，一不小心弄得滿枱餅碎。細味之下，嚐到絲絲牛油芳香，味道藏得含蓄又引人垂涎。內餡用料非常豐富，部份雞件肉質稍嚡，幸得調味得宜的白汁補充不足，再加上那些香濃的磨菇片，實在是優美和諧的配搭。這陣子雖然忙碌，但大家齊心打拼，互相抵礪扶持，那份共同進退的感覺，比一切都來得重要。

從朋友轉發的訊息得知：Starbucks為鼓勵顧客響應環保，在4月22日舉辦Earth Day環保活動，只要自攜可循環再用的隨行杯，即可免費得到中杯裝本日推介咖啡一杯。如此著數的事，我又怎會錯過呢！帶了之前在Open Rice得到的水杯到九展看《高達巡禮》，中場休息便去Starbucks以咖啡提神。本日推介原來只是齋啡。未喝已嗅到濃烈的咖啡香，不過對我來說實在太苦，還是加入大量奶和糖，幾經調味，感覺不錯呀！大企業就是應該有良心，推動社會進步，Earth Day環保活動真有意義！

趕著去演講廳又未吃午餐，反正買一個餐或一份小點都會很快見餓，不如只買小點。買了新推出了$12的紅莓巧克力條，吃時我再三看收據，仔細咀嚼，懷疑自己是不是搞錯了，不然為甚麼只吃到裡而的忌廉和外面的紅莓醬，嘗不出半點巧克力味呢？如果沒有「巧克力」三個字還順氣一些。

講真，星巴克咖啡比我既感覺係貴得黎又幾好飲既。但呢次令我好失望，我未飲過咁差既咖啡。凍焦糖咖啡焦糖咖啡比我既感覺係甜得黎又有咖啡味，但呢杯就唔係好得啦。個外表就幾好睇，但杯野又唔係好甜。咖啡味又唔夠。我反而覺得奶味好重，似係飲緊焦糖忌廉奶，結果越飲越滯。未試過飲咖啡飲到想嘔既。講真，我對呢隻咖啡有反感。睇黎下次要帶眼飲咖啡。