星巴克咖啡

Open Now

Now Closed

話說呢間都黎過幾次 成日都會嗌星冰樂啦今次嗌左杯朱古力星冰樂app上面顯示3-7mins就可以完成結果等左二十分鐘明明店鋪好細客亦都唔多 冇人排緊隊但係都要處理咁耐？不過呢個都唔緊要我地冇反映坐低靜靜等緊好啦終於等到攞過黎結果就係呢整到成個朱古力水咁一啲沙冰口感都冇就係水嘅口感都唔緊要啦飲左一啖之後呢就同個男店員反映之後整多次就整到成個刨冰咁。。啲冰都冇打暈每一啖都係硬梆梆飲過咁多間第一次飲到呢種水準真心好失望

佢哋嘅鮮奶抹茶，真係好正呀！就係嗰種抹茶風味同埋鮮奶嘅結合，真係好搭！一飲成癮，仲要係好消暑嘅選擇！🍵😋不過，佢哋嘅香蕉核桃蛋糕我覺得佢甜嘅程度有啲過高，略略有啲失衡。雖然香蕉同核桃嘅組合本身唔錯。不過，如果你鍾意食好甜嘅蛋糕，咁佢可能啱你口味啦！🍌🍰😁總括嚟講，星巴克嘅鮮奶抹茶真係好推介㗎！而香蕉核桃蛋糕就要睇你個人口味啦，如果你鍾意甜甜嘅蛋糕，可能會鐘意佢。希望我嘅評價對你有幫助啦！😄✨

其實我自己係檸檬撻嘅忠粉，不過試過咁多唔同嘅檸檬撻，最好食又容易食到嘅就真係非Starbucks莫屬😋😋😋😋趁阿仔去學英文，自己去chill吓先～聖誕starbucks 仲出咗杯聖誕熊朱古力咖啡，隻朱古力bear bear熊分開比，自己放落杯咖啡，好可愛～檸檬撻又係一定要order😋😋😋😋而且呢間分店多數都有位坐，所以我都好鍾意喺呢度hea 吓 chill吓～有時全職媽媽真係好需要少少空間叉吓電🔌

Starbucks 首次同Cova 合作，推出一系列蛋糕，迎接聖誕佳節。Starbucks 價錢可以食到Cova 蛋糕，聽起來係幾唔錯，所以今日下午茶時間，去咗試吓。荔枝角呢間分店，座位舒適，人唔太多，好容易就搵到一個梳化位置。點餐時，店員推介了呢款紅桑子蛋糕，表示外面是海綿蛋糕，唔會太甜，雪白的外型，亦相當吸引，十分配合聖誕主題。咖啡方面，一如以往，點了一杯鮮奶咖啡，starsbuck 的咖啡從來都唔會令人有任何驚喜，但肯定唔會難飲。就咁懶洋洋地就過了一個下午，Starbucks 係一個coffee break 的好地方。

下雨天食午餐，昇悅居就最好，連接地鐵吾洗開遮。今日揀左Latte加未試過既新品菠蘿牛角包。呢期星巴哈好喜歡用菠蘿皮做新品。買食物時出左點意外，買左Starbucks 電子券但第一次用，搵左好耐先搵到，好在職員有耐性🤣🤣🤣🤣牛角包🥐食完一陣風咁，但又好肥又吾多飽。今次加左菠蘿皮同custard 就實在好多同時卡路里同脂肪都多好多加熱左既菠蘿皮有點點脆，有茶餐廳菠蘿油既感覺，custard 有流心效果，甜度適中。如果吾擔心卡路里既朋友可以一試。

今天中午去咗Starbucks試菜，我叫咗雞肉凱撒沙律卷，整體上，此批外觀是好看的，顏色是白白雪雪，味道也很豐富，因為，此批内裡有不同餡料，包括雞肉粒、蕃茄和、蔬菜等等，餡料算足夠了，而包裹著此批的麵粉皮也軟綿綿喎，入口非常好，至於飲品方面之後，我叫咗杯黑咖啡，而此杯咖啡的確和批有好好的配搭呀！

吃了幾天好嘢後，今午簡簡單單食個小吃及飲杯的黑咖啡。我點咗咖哩牛肉酥，這酥是一個在Starbucks必試的鹹點，由外面是酥皮開始到，内餡之咖哩粉的碎餃牛肉，當下一啖一啖的咬，第一感覺是外皮很酥脆，肉餡咖哩牛肉仍熱騰騰出白煙，我認為這小吃是十分出色無比呀。

距離工作還有點時間，來吃個下午茶，喝點啡吃片包。在Starbucks，最喜歡吃Dried  fruit  &  nut  rye  toast。看上去，有點普普通通，不就是一片水果乾堅果黑麥多士而已。黑麥多士，含有膳食纖維，味道微甜，質感較濕潤。不如白麵包般單調、乾巴巴的。烘熱後，多士很香脆，塗上果醬，更加甜了。職員很細心地把多士切開一半，非常方便進食。炎熱的天氣下，養生之道還是喝熱的吧。自上幾個月Starbucks引入了oat milk，為飲品增添點新意，同一款咖啡也可以有不同的味道。這回點了oat milk latte macchiato。Oat milk味道較淡，非奶製品，屬較天然的純素產品。Oat milk與咖啡也是好朋友，兩者混合後也是沒違和感。

好鍾意飲朱古力！！好鍾意飲朱古力！！好鍾意飲朱古力！！要講足3次！而starbucks嘅朱古力，真係好好飲！朱古力味好rich！而且佢仲有啲朱古力碎，入口感覺一流！而且，熱朱古力會更好🤤🤤

過完萬聖節🎃就出咗聖誕特飲🎅🏻🤶🏻望落全部都唔伏幾吸引架😍首日出就即刻試咗其中一款提早享受下節日氣氛先！拖肥果仁脆趣咖啡星冰樂 (Grande) $47本來就對星冰樂有一定程度嘅喜愛😂加咗拖肥落咖啡，原本以為會好甜點知飲落係甜而不膩👍🏻似係爆谷嘅味道少許果仁增加返口感咖啡味道有但唔會蓋過拖肥味整體嚟講好飲🤟🏻會想encore🤤後來Encore左一次，唔飲咖啡既話原來仲有走咖啡既版本架！超貼心呀😍好味指數：

今日朝早買左個bagel做早餐～揀左All in one bagel,$22包埋cream cheese。個bagel都幾大個，面頭有啲芝麻粒，香草等，仲食到洋蔥味，所以成個bagel真係好香，再塗埋cream cheese真係幾好味！同埋佢真係烘到兩面都微脆，啱啱好！

這天, 下著密密麻麻的雨, 心情納悶, 和友人逛著逛著, 走到了這商場的盡頭, 看到這間Starbucks位處於一角, 實在是難得的少人! 從廚櫃中選了sausage roll, 而朋友則選了croque monsieur, 以及當然我們的至愛 – regular black. 於給錢之際, 店員已把sausage roll翻熱了, 真快!! 接著我們便找個座位坐下. 不一會, 店員亦把已翻熱的croque monsieur端上桌. 前後不到20秒, 所以食物仍是濃香撲鼻, 入口卻又不會太燙. 先看看sausage roll: 外層酥皮很重牛油味, 而內裡的肉餡不會過咸, 所以根本沒有用過附送的茄醬, 味道是剛剛好的呢~~再說這份croque monsieur, 切開時別以為中間只得少許芝士便不好吃……到底這不是心太軟啊, 中只要芝士選材及溫度控制得宜, 也是外層脆之餘還充斥著蛋香、而內裡的芝士香味及火腿簡直配搭得天衣無繨!! (因為是share的, 故此小人兩個都能試^o^)配趁著熱哄哄的黑架啡, 人也可以舒緩一些、悶氣也可消減一些, 嘆!!

1.10.2012上星期, 屋企的附近開了一間星巴克. 於是趁假期來這裡看看.這裡的面積呈長方形, 外表看似很大, 但當走進去, 就發覺並不是很大. 這間星巴克的魅力實在沒法擋, 人流絡繹不絕, 除了吸引了年輕人, 一家大細, 印巴籍人士, 竟然還吸引到老人家哩. 哈, 想不到現在的老人家也這麼潮. 不過相信這景象只可以身在住宅區的星巴克才可看到. 我帶了星巴克的環保杯來, 所以買任何一款手調飲品也可以減$3. 天氣還熱, 所以我買了Grande size 的Green tea Frappuccino. ($33)Frappuccino 的上面加了少少cream, 但想不到這些cream也十分冰凍. 整杯Frappuccino的綠茶味濃, 甜度適中, 冰粒夠細細粒, 也做到好像milkshake 的效果, 但略嫌奶味不足. 飲完這杯星冰樂, 又的確清涼了不少的. 雖然我一向都是星巴克的粉絲, 所以如果我想飲, 就算沒有優惠, 我都會買一杯, 但現在見這間新店開張, 卻任何優惠也沒有, 就覺得有點兒........