星巴克咖啡

Open Now

Now Closed

好鐘意STARBUCKS 既星冰樂～2月情人節特別推介💕甜蜜蜜雙重朱古力咖啡朱古力 + 咖啡 , 完全無抵抗力😍再加上而家既冬天都唔凍飲杯星冰樂 so chill 真的很喜歡這樣的me time 一個人, 靜靜的 「虛渡時光」

一早工作地點在家樂坊附近, 於是就去咗starbucks食早餐, 入到去環境舒適, 好大間。因為本人都唔太食肉, 所以就點咗呢一個veggie sandwich (Tuna and Cheese Quinoa Multigrain Pocket) 唔太知中文叫咩名 但我見到有我最愛的吞拿魚和藜麥(quinoa) 於是就點了一份, 另外配多一杯latte。此三文治確實給了我驚喜, 麵包外脆內軟而餡料有吞拿魚青瓜 紅洋蔥 芝士, 配搭美味。麵包面上就係有一粒粒的藜麥(quinoa) 健康的veggie三文治, 係我starbucks最喜愛嘅一款三文治 值得推薦!

登打士街这家 Starbucks 是另一家较为喜欢的咖啡店。店位于地库，要坐扶手电梯下一层。这里地方很宽敝，是一个休闲聊天的好地方。由于要遵守限聚令，店内有部分座位没有开放，加上客人又不少，只好站着等，结果等了10分钟才有座位。Hazelnut coffee roll 是实惠的小点，只是17元，比 muffin 便宜。而且没有那种咬空气的感觉，质地充实又不会哽颈。咖啡巻伴着咖啡一起吃，不会太饱，不影响晚餐的食欲，是一个不错的下午茶。

蜂香慕絲朱古力咖啡星冰樂($40)/比起凍蜂香慕絲朱古力咖啡，新品嘅星冰樂質感差好多🤔打左碎冰之後一啲咖啡味都飲唔到，好似飲緊溶左嘅雪糕，無乜層次，唔係咁理想。

上次平日返工撞正Starbucks 20周年推出左個早餐套餐優惠，覺得非常之抵食但係又冇問到做到幾時，唔知星期日假期有冇做呢個優惠，所以今日放假決定心郁郁再去睇吓有冇呢個早餐優惠。估唔到仲有優惠做緊！上次我就食咗火腿芝士軟包三文治今次我就決定食另一款最後揀咗雞沙律芝士軟包三文治，飲品方面我就選擇美式咖啡再另加$4加大杯飲品，店員知道我會喺店內食所以都主動問吓我使唔使加熱個包，放假嘅時候可以喺一個舒適嘅環境入邊慢慢享受個早餐真係人生一大享受。

星期六早上上堂,一杯咖啡是必須的點了Grande Latte和earl grey chocolate muffin Latte 依舊順滑,滲著淡淡咖啡香,重點是奶味不重,因為我很怕重奶味的食物muffin拿上手已聞到earl grey香味,入面有朱古力 碎,earl grey 的味道剛好中和了甜膩

呢間分店我好鍾意，因為地方好大，而且係落一層，種感覺會好 d 夜晚飲咖啡怕失眠，所以叫左 Decaf 但總係覺得 Decaf 無咁好飲咁朋友叫左白桃雲抹，d 桃肉粒粒好好食，整體都幾出色既，$39 價格都尚可接受。個薯蓉牛肉批以前食過，後來無左，依排又出返，介紹左朋友食，佢都覺得好正，牛肉醃過咁，再加埋 d 薯蓉好 smooth 整體好香好好食。朱古力雲石蛋糕口感唔濕潤，好乾身，有 d 橙味，味道唔錯，純粹係個質感唔太 okay 所以朋友都無食曬就唔要了。但個朱古力蛋糕就一如以往咁正呀！濕濕地，癡癡地，有香濃朱古力味係一個食完會令人想念既蛋糕黎！

Starbucks （📍旺角家樂坊）約咗個德國朋友出嚟傾計飲嘢，個朋友想飲咖啡，所以佢就揀咗附近嘅Starbucks。家樂坊分店有個area係Starbucks Reserve™，專賣風味獨特，產量稀少，味道細緻嘅咖啡，所以價錢會比平時嘅Starbucks貴$10左右。今次我試嘅係Smoked Butterscotch Latte煙熏奶油焦糖鮮奶咖啡，話明係專賣精選咖啡，佢有張卡片會連埋咖啡一齊送上，而張卡片後面寫咗呢杯咖啡係用咗咩地方嘅咖啡豆，用咩方式調配係最好，咖啡豆嘅酸度濃度，咖啡豆嘅處理方法，同埋呢杯咖啡配搭咩口味嘅小食係最好，所以今次附送嘅係一份黑朱古力，相當專業🤓飲落好大陣奶油味同焦糖味，感覺好似奶油拖肥糖咁，但可惜超甜😅如果要飲呢款咖啡，記得一定要少甜，因為飲完原汁原味之後，真係有一種快會有「糖尿病」嘅感覺🤣🤣🤣

我唔係一個咖啡friend，我對飲咖啡一啲研究都冇，對於西餅甜食又係一啲興趣都冇，我食甜品嘅次數，一年裏面十隻手指寥寥可數。不過我個girlfriend就好鍾意食甜品，所以係冇辦法底下，我鍶要頂硬上同傴一齊食甜品，但我想講我食，唔代表我鍾意！今次我又頂硬上，同佢一齊去咗starbucks食呢個，佢話新出嘅聖誕甜品。聖誕馴鹿楓糖碧根果仁芝士蛋糕我承認，呢個馴鹿嘅造型蛋糕係好吸引， 但係切落去嘅時候就好硬，話係芝士蛋糕但係芝士味唔係好濃，乜嘢叫碧根果仁我根本唔知道，就係食得出好似係堅果味咁樣，話係焦糖味但，係其實只係面頭輕輕咁樣有啲味嘅焦糖味，完全唔突出。我個girlfriend話好好食，我唔覺囉。

放假一大早有乜做？咖啡癮發作，晨大早醒了跑出去旺角家樂，Starbucks 飲咖啡點解要跑到大都遠去飲？無他嘅，因為佢呢間有特式咖啡。虹吸式咖啡並不是間間Starbucks 都有架今日我點咗杯特濃焦糖鮮奶泡沫氮氣冷萃咖啡。說真的有點兒失望。。。。焦糖味淡，有點似普通糖水嘅甜味，咖啡唔夠濃，偏好淡。。tall size $58。。反而之前我第一次飲時點咗杯冷萃雪糕咖啡就幾好，可以一試呢杯特濃焦糖咖啡就不推薦給大家了。有興趣嘅朋友可以試冷萃雪糕咖嘛

平日番工做嘢一定唔少得一杯回魂咖啡 飲完成個人精神曬🤗平時飲開鮮奶咖啡 美式咖啡今次換左焦糖咖啡 第一談入口真係覺得好甜 咖啡濃度感覺比較低 但係飲得出有談談嘅焦糖烘培味道～整體感覺nice

係旺角行完街攰攰地就諗住去Starbucks 坐底抖下飲返杯。黎到呢間在地庫嘅Starbucks ，見到大排長龍，好擔心會無位。好彩裡面舖位都算大好多坐位👍🏼叫咗杯新嘅Frappuccino 。話係「特濃焦糖」仲有「爆珠」，一聽就覺得好似宜家啲台式特飲🤣飲落去就其實無咩焦糖味，所以作為焦糖fans的我係有點失望。爆珠方面就係增加咗啲口感，咬落去都有啲咖啡味嘅漿流出黎，反而呢啲漿應該係成杯最濃最香。另外點咗個mushroom cheese pocket。感覺似一個麵包塞咗好多芝士同蘑菇入面，係想要平平地又飽肚嘅好選擇👍🏼

冰搖柚子蜜糖啫喱綠茶一直都好鐘意柚子嘅飲料，見到Starbucks 都出左就試下，底個層有柚子果肉嘅啫喱，綠茶同柚子都相當夾，整體係幾好飲。抹茶忌廉星冰樂抺茶加埋忌廉係最正

之前去過Starbucks 在銅鑼灣嘅旗艦店，個間Starbucks 好大好正，仲有好多特色咖啡即場有專人幫你沖調原來九龍旺角家樂坊都有間類似嘅分店，雖然面積無咁大，但個格調有相似佢係地庫個場，上落都有扶手電梯。點咗杯新推靚出嘅特濃焦糖咖啡凝珠星冰樂地方大又多位，好快就搵到位底坐慢慢嘆杯星冰樂一吸就飲到好濃嘅咖啡味，反而焦糖味唔太出，唔似其他焦糖飲品咁甜。裡面有啲凝珠，類似去飲其他台式飲品個啲爆珠整體黎講都不錯，怕其他星冰樂太甜嘅話可以試呢個

為食肥熊休閒日， 既然得閒唔使返工又冇王管，起身決定去starbucks坐一坐， 搵返學生時代嘅感覺。今日由於要出旺角所以去咗旺角呢間starbucks， 去到排隊唔使講啦. 但好彩今日唔算多人環境清靜！等咗一陣買咗杯 Venti caramel macchiato , 再加個cheese and mushroom pocket. 真系想講句， What a perfect morning！攞完野搵個位坐低，先飲啖macchiato,太好啦，唔會死得個甜字，今次真係要thank you 個 barista！ 今日呢杯係層次分明㗎。 佢唔會太甜，又有好濃好滑嘅咖啡，再食個cheese mushroom pocket. 濃濃嘅忌廉蘑菇，太正了。Today is a good day！